رواية ذئب في الكواليس
هند .. كبيرنا في السجن
فريد .. وانا ابن عمكم ومكانه لحد ما يخرج بالسلامة .. برضاكم او غصـ0،ـب عنكم .. فاهمين ؟!!
ياسمين .. والنبي يا فريد سيبنا في حالنا .. احنا مش ناقصينك
فريد .. وبعدين الحاره كلها بتتكلم دلوقتي بكلام وحش .. هي حقيقي رباب انت0حرت بعد ما انف0ضح امرها واتعرف انها حامل من الحرام
هند .. ما تلم نفسك وتخفظ لسانك .. يعني ايه حامل من الحرام ؟!!
فريد .. امال يعني كانت متحوزة عشان اقول حامل من الحلال ؟!! اوبا !! اوعي يا بت انتي وهي تكون اختكم متجوزه عرفي من وراكم ؟!! ولا انتوا عارفين الفوله وعايشين عليا الدور ؟!!
هند .. يا عم ما تسكت بقي .. سيبنا في حالنا .. وبعدين انت جاي تعمل علينا راجل ؟!!
فريد .. ايوا جاي اعمل عليكم راجل لو كان عاجبكم .. كفاية شرف العيلة اللي مرمتوه في الوحل .. اذا كانت مني ولا رباب .. الله يرحمهم بقي
هند .. اخرص .. امشي اطلع بره
فريد .. مش طالع يا هند وبعدين اهل الحته دلوقتي مش عاوزينكم في الحاره
ياسمين .. انت بتقول ايه ؟!!
فريد .. بقول زي ما سمعتي كدا .. الحج فتحي كبير الحته قابلني وانا طالعلكم ولمحلي ان الناس متضايقين من وجودكم معاهم وعايزينكم تمشي من الحته كلها
هند .. يتحرقوا بجاز وسخ .. احنا مش قاعدين في ملك حد
فريد .. معلش .. معذورين برضوا .. الحتة طول عمرها نضيفه وسمعة حريمها زي الدهب الخالص عيار ٢٤
هند .. واحنا اللي لوثنا سمعتها !! صح ؟!!
فريد .. معلش .. ما اللي حصل مش شوية برضوا .. صدقيني انا كان بيكلمني وانا راسي في الارض .. مكسوف وعيني مكسورة
هند .. محدش قالك اتكسف ولا عنيك تتكسر .. اتبري مننا يا اخي .. واتفضل يلا مع السلامة
فريد .. حاضر يا هند .. بس صدقيني الايام هتخليكم ترنوا عليا وتوقعوا في عرضي كمان وانا مش هتخلي عنكم مهما حصل ورغم اللي حصل .. سلام
هند .. غور في داهيه .. ثم تنظر الي ياسمين وتجدها حزينه والدموع في عينيها
هند .. ايه مالك ؟!! متكلمتيش ولا كلمة يعني ؟!!
ياسمين .. هقول ايه ؟!! عندوا حق في كل اللي قالوا
هند .. يعني ايه ؟!! انت مع المتخلف ده في الهطل اللي بيقوله ؟!!
ياسمين .. انا مش مع حد .. بس هي دي الحقيقة .. بنات الراجل الطيب النضيف اللي المفروض بنات محترمه ومتربين احسن تربيه .. اتنين منهم طلعوا شمال وحوامل كمان !! وواحده منهم اتق0تلت وابوها دخل السجن .. والتانيه انت0حرت
هند .. بس انتي عرفة اخلاق اخواتك كويس وانهم لا يمكن يعملوا حاجة غلط ابدا .. بقي مني اللي مكنتش بتسيب فرض ابدا ولا رباب اللي مكنش يعدي يوم غيرا لما تقري جزء واتنين وتلاته من القرآن يعملوا كدا ؟!!
ياسمين .. طب فهميني .. ازاي حصل دا ؟!! قوليلي جواب يقنعني ويلغي الشكوك اللي جوايا !! ولا عايزه تقليلي انهم حملوا من الهوا !!
هند .. هو في حاجة غلط ومش فاهمينها ومش عارفين ايه هي
ياسمين .. لا يا هند .. الحقيقة ان اخواتك كانوا بيرسموا انهم كويسين لكن في الاصل هما مجرد بنتين شمال ضيعونا وضيعوا نفسهم ودمر0وا عيلة بحالها
هند تغضب وتص0فع ياسمين بالقلم علي وجهها
ياسمين لا تصدق .. بتضرب0ي اختك الكبيرة بالقلم يا هند !!! شكرا .. انا قلت التفسير اللي اي حد هيقوله .. لحد ما يظهر تفسير تاني .. هههه .. دا اذا كان في تفسير تاني من اصله
ثم تتركها وتدخل الي غرفتها وهند في ذهول شديد ويأتي المساء وتدخل ياسمين الي الحمام لكي تستحم وبعد دقيقتين ينقطع التيار الكهربائي وتحدث كارثة ؟؟؟؟؟؟؟!!
******************
رواية ذئب في الكواليس
البارت الثامن
*************
للكاتب المصري محمد مالك
جميع الحقوق محفوظة
ياسمين .. اف .. دا وقته دا !! هند.. انتي يا هند .. يا هند هاتي شمعايه من عندك .. النور قطع .. اف ياربي بقي .. وبعدين انا مش شايفة حاجة.. يا هند !! ردي عليا .. راحت فين الزفته دي؟!! ..
وفجأة تشعر بأن الماء وهو ينزل من الدُش قد زادت سخونته فجأة واصبحت لا تطيق حرارته مما يدفعها الي الخروج خارج البا0نيو
ياسمين .. اح .. الميه ولعت ليه كدا ؟!! خلاص بلاها سبوح ..
وخرجت ياسمين من البا0نيو تتح0سس ملابسها المعلقة علي الشماعة وفجأة تسمع صوت له صدي يناديها بأسمها قائلا .. ياسمين
ياسمين تندهش من سماع الصوت ولكن لا تعيره اهتماما وتظن انها تهيآت ولكن يتكرر نفس الصوت بنفس الصدي قائلا .. ياسمين
ياسمين تقلق .. مين ؟!! مين في الحمام ؟!!
ياسمين تبحث عن ملابسها التي لا تراها وتنادي مره اخري علي اختها
ياسمين .. هند .. انتي يازفته .. ياربي
وفجأة تسقط ياسمين علي الارض فقد تزحلقت في شئ ما جعلها تسق0ط علي الارض وترت0طم
