أنا فاطمه  عندي 40سنه متجوزه

احمد

يا حبيبتي الفلوس الحمد لله موجوده انتي مش عايزه اي حاجه اعملهالك

الام

لا يا حبيبي ربنا يخليك ليا انا خلاص قربت اجمع المبلغ اللي هنطلع بيه عمر انا وانت والنبي يا احمد تطلعني السنه دي نفسي اوي اطلع

عمره

احمد

ما هو انا يا امي كنت عايزك تصبري بس لما اجمع انا قرشين مش معقول هطلع من معاكي انتي

الام

وانا وانت ايه يا واد وبعدين انا عايزاك انت تطلع معايا يبقى انا اللي ادفع وبعدها جالو تلفون

احمد

ربنا يستر استاذ مراد ما بيتصلش بيا لما يكون في مصيبه الو ايوه يا استاذ مراد ايه الكلام اللي انت بتقوله ده لا حول ولا قوه الا بالله حاضر ماشي

سلام وبعدها قفل

الام

خير يا ضنايا في حاجه ولا ايه شكلك اتعكر ليه كده

احمد

المدير الجديد عايز يصفي ناس كثيره من الشركه وانا واحد منهم يا امي بجد انا تعبت قوي انا ليه ظروفي عامله كده

الام

كل واحد يا حبيبي بياخد على قد نصيبه اشكر ربنا واحمده ما تعرفش كان ممكن يحصلك ايه في الشركه دي لو فضلت فيها

احمد

طب انا هجيب منين بس انا شغال بالنهار وشغال على التاكسي بالليل وظروف زي الزفت وبعدين انا سني كام دلوقتي علشان الاقي شغل جديد كل الشركات مش عايزه اكبر

من 30سنه

الام

مش كنت بتقول يا واد ان في واحد صاحبك عايز يعمل معاك مشروع طب ما تشوفه وتعملوا المشروع ده سوا مش مهم عمر السنه دي ربنا عالم اللي في القلوب خد الفلوس

احمد

لا يا امي والله ما يحصل انا عارفه قد ايه انت نفسك تطلعي العمره دي ازاي يعني اخذ الفلوس منك

الام

وانت مالك يا واد انت انا راضيه قوم يلا هات

الفلوس اللي في الدولاب

احمد

ما هي يا ماما المشكله مش في كده وبس ده هو كمان كان عايز شقتك دي بس كنا هندفعلك ايجارها والله لأنها موقع كويس

الام

وانا مش عايزه ايجاره ادخل معاه شريك يا حبيبي بالشقه وخليه هو يظبط باقي الدنيا

وانا موافقه

احمد

خلاص يا امي طالما كده هتيجي تعيشي بقى عندي في البيت ما تعرفيش فاطمه ومريم بنتي هيفرحوا بيكي ازاي

الام

يا ابني كل واحده بتحب تعيش في بيتها براحتها تجيبلها حماتها تقعد معاها لا خليني قريبه منك اجر لي شقه وهسكن فيها

احمد

والله يا امي ما هاخد شقه الا لو جيتي تقعدي معايا كفايه اللي انتي بتعمليه عشاني

الام

طيب ابدا شوف صاحبك وفي النقل يحلها ربنا

وبعدها روح البيت وكانت فاطمه عزما امها

واختها

الام

او سبع البرمبه بتاع الجهه اهو كويس بقى انك جيت تعالى يلا وصلني انا وهبه علشان عايزين نروح

احمد

ازيك يا حماتي عامله ايه اوصلك فين يا حماتي هو انت مش شايفه ان انا لسه طالع من الشغل ده انا مهدود حيلي طول اليوم

الام

انت مالك يا واد انت بقيت قليل لذوق قوي كده ليه وفيها ايه يعني لما تيجي توصلني

فاطمه

والله يا ماما هو ما يقصد هو قصده يعني تباتي معانا الليله دي ولا ايه يا احمد