قصه حقيقيه
فى اول جوازنا كانت مهتمه بالعلاقه الى بينا جدا عشان تخلف بس بعد ٤ سنين من الجواز زهدت فى العلاقه وبقت تقريبا مش عايزاها وده طبعا زود الفجوه بينا وابتدت تغضب وتسيب البيت وتروح عند اهلها بالشهور وأهلها لما عرفوا المشاكل الى بينا وقفوا فى صفها وركزوا أنهم يداروا على عيب العلاقه بقصه الفلوس وأننا بنجيب فى البيت وبندى لبنتنا فلوس مع ان ده بيعملوه من نفسهم بدون طلب منى لكن انا لازم ابقى مقصر فى البيت فى المصاريف عشان يداروا على تقصير بنتهم معايا ك ست
انا عن نفسى بحب عيالى ومدخلهم مدارس خاصه عشان يتعلموا كويس وكل الى معايا بصرفه عليهم لدرجه انى بنسى نفسى و مع ان حصلى شويه مشاكل فى شغلى لكن بدفع مصاريف المدارس و بصرف فى البيت لكن مش قادر اوفى تطلعات مراتى الماديه قولتلها خلاص ندور على مدارس اقل عشان نوازن بين طلبات الاولاد والبيت لكن مراتى رافضه و بتتهمنى انى مش بشتغل مع انى بشتغل لكن المستوى الى عايزه تعيش فيه أكبر من امكانياتى ورافضه انها تتنازل عن اى حاجه
روحنا لاخصائيه علاقات زوجيه لعل وعسى اننا نلاقى حل لكن رفض مراتى انها تمسع لأى راى اخر مختلف عن الى هى عايزاه او فاكراه صح من وجهه نظرها خلى الحل مستحيل والدكتوره وقفت الجلسات وبعد تالت جلسه وقالتى الحياه دى متنفعش والوضع مش سليم وعيشتكم دى حرام ومتقبلوش … فتجاهلها ولو طلبت الطلاق طلقها بس بشروط لانها هى الى حاطاك فى الموقف ده
