امي وخالي _كامله _بقلم هويدا زغلول
نادية في بيت الناس اللي بتشتغل عندهم وصاحب البيت بيفتح الخزنة وهي واقفه تراقبة من غير مياخد بالة والست مراتة شافتها
الست بتزعق
نادية انتي بتعملي ايه عندك اللي موقفك كده
نادية مرتبكة
انا انا انا اصل ياست هانم كنت مستنية البيه يخلص عشان لو عايز مني حاجة ولا حاجة
الست
اكيد لما يعوز منك حاجة هناديلك يلا على المطبخ شوفي شغلك وبلاش الوقفه دي يلا
نادية
حاضر ياست هانم حاضر
ورجعت البيت هلكانة من التعب ومش شايفه قدمها ودخلت مصدقت ان اخوها ابراهيم مش موجود رمت نفسها على السرير ونامت
ابراهيم سهران مع اصحابة شله صايعه وبيلعبوا قمار
إبراهيم
ايه يا رجالة هو انا مش هلعب دور ولا ايه
سيد صاحبة
لا مش هتلعب يا ابراهيم غير لما تسد الفلوس اللي عليك الأول
إبراهيم
ماقولتلك اصبر عليا شوية ياسيد وانا هتصرف
سيد
بقالك شهر وشوية بتقولي هتصرف ياعم روح كده وانت كداب
إبراهيم
صدقني ياسيد انا بس مستني فلوس جيالي من واحد قريبي واول ماتوصل هجبلك الفلوس علطول خليني العب دور بقا
سيد
هأااو فلوس جيالك من قريبك وده يطلع مين ان شاء الله دانت اغني واحد في عليتكم بينام من غير عشا ياعم روح بقا
إبراهيم
صدقني ياسيد زي. مابقولك كده وبعدين ياجدع مانت معاك وصلات الأمانة لو انا خليت معاك ابقي أقدمها للنيابة ياعم
سيد
انت بتقول فيها انا من بكره عايز اوديهم اصلا بس بقول ياواد ابراهيم ده صاحبي وعشرة عمر واصبر عليه بس انت بقا خسارة فيك المعرفة اصلا
إبراهيم
الله يسامحك ياصاحبي بس مقبولة منك
شوقى صاحبة
خلاص بقا ياسيد خليه يدخل معانا في الدور ده خلينا نخلص ياعم اقعد يا ابراهيم اقعد ياعم متطيرش الحجرين من نافوخنا
واقعد وفضل يلعب معاهم ويخسر كالعادة والنهار طلع وناديه صحيت لقته لسه مرجعش مشيت بسرعه قبل مايرجع وينكد عليها عشيتها
قابلة جارتها اللي ساكنة جنب بيت جوزها
الجارة
صباح الخير يانادية عامله ايه يا بت
نادية
صباح الفل يا ام سعاد اديني عايشه ياختي الحمد لله على كل حال هعمل ايه بس بعد مطلقت
الجارة
الله يعينك ويقويكي ياختي والله ده سلامة خسرك لما طلقك وجايب واحدة اعوزو بالله الحتة كلها مابتقلبهاش وبيقولوا ولا يوم من ايامك يانادية
نادية
يعنى الناس مصدقه اللي اتقال عليا وخلي سلامة يطلقني يام سعاد
الجارة
والنبي يانادية الناس كلها بتقول عليكي احلى كلام وسيرتك زي الفل بين الناس محدش مصدق عليكي حاجة خالص اطمني ربنا مسيرة يظهر الحق
نادية
يارب يام سعاد الا قوليلي ياختي بتشوفي البنات ليلى وهند طمنيني وحياة عيالك هما عاملين ايه
الجارة
الحمد لله ياختي اطمني عليهم هما بخير ليلى بنتك عروسة زي الفل ومؤدبة والناس كلها بتشكر في ادبها واخلاقها عقبال يارب ماتفرحي بيها
نادية
يارب يام سعاد ربنا يرزقها بابن الحلال اللي يسعدها يارب ياختي
وودعت جارتها ومشيت راحت علي شغلها ودخلت نضفت الشقه وأصحاب البيت قالولها انهم خارجين وعايزينها تخلي بالها من البيت وقالت فرصة عشان تسرق الخزنة وتودي الفلوس لإبراهيم وتخلص من ټهديدة لها وفعلا استنت لما نزلو أصحاب البيت ودخلت على الخزنة لأنها عرفت الرقم السري وبدأت تفتح في الخزنة وتاخد الفلوس وفعلا عملت كده واخدت الفلوس من الخزنة وهربت
نادية داخله بتنهج
إبرا إبرا إبراهيم
إبراهيم
ايه يانادية في ايه مالك بتنهجي كده ليه
نادية
الفلوس اهيه يا ابراهيم هات التسجيل وامسحة قدامي يلا بسرعه
إبراهيم
الله على جمال الفلوس يابت يانادية الله شكلها حلو اووي ياااه
نادية
طلع التسجيل وامسحة حالا يلا
إبراهيم
طيب طيب اهدي اهو ياستي قدامك اهو التسجيل واتمسح اهو مبسوطه كده
نادية بتنهيدة
الحمد لله بس انا كده هاروح في داهية لما الناس صحاب البيت يرجعة وهيلاقو الخزنة مفتوحة اعمل ايه دلوقتي
إبراهيم
مانتي ياحبيبتي هتروحي دلوقتي تداري في اي حتة كام يوم كده لحد الدنيا ماتهدي
نادية
وهاروح فين يا ابراهيم انت بتستعبط صح
إبراهيم
اسمعي انا هخبيها عند واحده معرفة وتفضلي عندها يومين كده لحد ماشوفلك صرفة ان شاء الله حتى اسفرك بره قولتي ايه
نادية
خليني ماشية وراك كده لحد منا عارفه هتوديني فين
وفعلا اخدها
