رواية ليلتي بقلم سلمي ابراهيم

علي..اه…اي حد مش مقيم هنا في البيت طبعا تبقي ضيفه ولا اي….. لين..ماشي….عاوز اي يعني…. علي..ليلي هنا بقا من أصحاب البيت…يعني مينفعش حضرتك تشغليها خدامه عندك…..سامعاني يا امي….. رضوي..يا ابني احنا بس قولنا….. علي..امي…..انا طول عمري شايفك ست الكل وليكي اكبر غلاوه في قلبي..بلاش تخليني اخد عنك فكره وحشه سكتت رضوي وحست انها فعلا غلطت…… علي..محدش ليه دعوه بليلي خالص…..سامعيني…….. يلا يا ليلي روحي البسي عشان هنروح ننقل ورقك من المدرسه لمدرسة هنا جنب البيت وكمان صاحبي خلص كل ورقك انك بنت عمي ليلي..طب انا هلبس اي……. علي..البسي الفستان بتاعك اللي انا كنت جبتك بيه….ونا هجيبلك لبس معايا كمان…… اخدها وخرجو هما الاتنين وخلصلها كل حاجه وفسحها كتير ووداها الملاهي علي..كدايبقا انتي اسمك اي…… ليلي..ليلي ايمن محمود السباعي….. علي..شاطره…..وانتي بنت عمي….. ليلي..هو نت من عيلة السباعي علي..اه..ونتي كنتي من عيلة اي… ليلي..من عيلة هواري……. علي..دي عيلة كبيره اوي وغنيه…… ليلي..اه…… 

 علي..استني هحيبلك ايس كريم……وسابها ومشي بتلف ليلي وشها لقت كمال واقف من بعيد بيبص عليها كمال لنفسه..اه هي….وفضل يقرب عليها…. ليلي خافت جدا وقامت جريت وكمال جري وراها….. رجع علي ومعاه الايس كريم وملقهاش…… علي وقلبه كان هيتخلع من الخوف عليها وبصوت عالي..ليلي……….. كان واقف علي وحاسس ان قلبو هيتخلع من الخوف عليها وفضل يسال عنها كل الناس ولقي مره واحده حد بينادي عليه رجع ليه الإحساس بالحياه تاني وهي بتنادي بخوف وبصوت واطي ومستخبيه ورا عمود…. ليلي..علي…علي……بص وراه علي واول ما شافها جري عليها وشدها في حض@نه اوي وغمض عينه ومبقاش عارف هو لي كان خايف اوي كدا علي..كنتي فين يليلي…….. ليلي بخوف..اصلي شوفت كمال هنا وكان بيجري ورايا ونا استخبيت هنا….. علي بقلق..هووف بقا..هو احنا مش هنخلص من الراجل دا…..وشالها..متخافيش يحبيبتي مش هيقدر ياخدك ليلي..اوعي تسيبني ليه يعلب… علي..لا يحبيبي متقلقيش….واخدها في حضنه تاني وشالها ومشيو هما الاتنين……. راح كمال لمروه المستشفى…. كمال..لسه شايف بنتك دلوقتي….. مروه بلهفه علي بنتها..فين……قولي ونبي… 

 كمال..كانت في الملاهي مع شاب كدا…..شكلها وقعت تحت ايد ناس متنغنغين اوي…. مروه..ربنا يوقفلك ولاد الحلال يبنتي يارب كمال..اي دا…يعني انتي مش عاوزاني الاقيها……. مروه..لا مش عاوزاك تلاقيها…اهو اي حد هيكون احن عليها منك…اتفو عليك…غور من وشي قام كمال وهو بيبصلها بقرف وخرج من المستشفى كلها راح البيت……..وكان في الوقت دا قدر علي انو يلاقي مستشفى امها ووصلوا للمستشفى بعد خروج كمال ع طول…..دخلو الاوضه وليلي جريت ع امها بسرعه حضنتها….. مروه بلهفه شديده ع بنتها..وحشتيني اوي يليلي ليلي..ونتي كمان يماما…دا علي انا عايشه معاه دلوقتي مروه..اهلا يا ابني….. علي..اذيك يطنط….متقلقيش خالص علي ليلي هي عايشه معايا انا ووالدتي وهي خلاص بقت واحده مننا مروه..عشان خاطري يبني حافظ عليها واوعي تسيبها لكمال ونبي….. علي..متقلقيش خالص من الموضوع ده ليلي في عيني ليلي..انا بحب علي اوي يماما….. مروه..ربنا يخليكو لبعض يحبيبتي….المهم..انا احتمال كبير اسافر سويسرا اتعالج بس مش هقدر اخد ليلي معايا لان مليش حد هناك ياخد بالو منها وكمان كل اهل ابوها احنا مقاطعينهم وأهلي مسافرين…يعني هي ملهاش غيركم دلوقتي يعلي علي..ولا تشيلي هم خالص…انا عملتلها شهادة ميلاد باسم عمي….. مروه واطمنت علي بنتها خالص..ربنا يباركلك يحبيبي……وقعدو معاها شويه ومشيو وقولتلها 

 ليلي بابتسامه طفوليه جميله..شكرا يعلي اوي…وقربت عليه باس.تو من خده وهو فضل باصصلها وغلاوتها عندو بتزيد اكتر عدت الايام ثم الشهور ثم السنين لحد ما وصلنا ان عدي 8 سنين……. ام ليلي فشلت المستشفيات المصريه انها تعالجها فاضطرت انها تسافر برا مصر ومحدش يعرف عنها اي حاجه وليلي تعايشت ع بعدها بصعوبه…… علي طبعا اتخرج وبقا عندو 28 سنه وفتح شركة البرمجيات اللي كان بيحلم بيها ولين لسه مستنياه إنما هو مش عاوز يكمل حياته معاها ام علي بقت تحب ليلي جدا وتعتبرها بنتها وبقت متقدرش تعيش منغيرها وغلاوتها زادت جدا وليلي كمان حبيتها اوي كان اليوم دا مستنين نتيجه الثانويه العامه بتاع ليلي وواقفين كلهم وعلي كان لسه في الشغل ليلي بقلق شديد..انا خايفه اوي يماما…….. رضوي بقلق شديد..متخافيش يحبيبتي…انشاءالله هتجيبي علاج طبيعي وتحققي اللي انتي عاوزاه….. دخل علي من باب البيت بقلق..ها….ظهرت…. ليلي..لسه يعلي انا قلقانه اوي….. علي..متقلقيش يليلي والله خير…… وجربت ليلي رقم الجلوس بتاعها وفجأه ظهرت لها النتيجه وكانت النتيجه(**مش عارفه بقا بس جابت علاج طبيعي يعني) ليلي قامت مره واحده بفرحه شديده..جبتها يعلي…جبتها يماما…… علي قام مره واحده شدها في حضنه وهي كمان حض@نتو ونسيت انها خلاص كبرت وفجأه افتكرو كل دا وبعدو عن بعض بسرعه وفضلو يبصو لبعض شويه…… علي لنفسو..معقول كبرتي كدا يليلي واحلوتي اوي….معقول خلاص مش هقدر اخدك في حضني تاني بعد كل نتيجه حلوه هتجيبيها 

 ليلي لنفسها..معقول يعلي كبرنا انا ونت خلاص كدا…مش هقدر احضنك تاني……..فاقو من نظراتهم لبعض علي صوت رضوي اللي لاحظت كل دا رضوي..مبروك يحبيبتي…والله فرحتلك اوي….واخدتها في حضنها…… ليلي بكسوف من علي..الله يبارك فيكي يماما….. علي حط ايده علي راسه من ورا ودي حركه بيعملها ديما لما بيشوف حاجه حلوه وهو حاسس بكسوف ليلي..ماشي..انا هدخل اغير هدومي بقا….. رضوي..هتخرج انهارده….. علي..اه….رايح انا ويحي الجيم….انتي عارفه مبفوتش يوم…… رضوي..انا هدخل اخلص الاكل..عفكره لين جايه انهارده… ليلي..يووووه…. رضوي بضحك..انا داخله…….وسابت ليلي وعلي وفضلو باصين لبعض شويه وليلي مكسوفه منو…. علي..ليلي…تعالي معايا هاتيلي لبس انتي بتعرفي تختاريلي لبس وكدا ليلي بابتسامه..ماشي…… ودخلت ليلي وكانت مش طايله الجاكيت وفضلت تشب برجليها وهو ضحك اوي… ليلي بصيتلو بعصبيه..هو نت كل شويه هتضحك عليا كدا عشان انا قصيره….. علي بيمسك نفسو بالعافيه مالضحك..طب اهدي..وقرب عليه وهو بيجيب الجاكيت كان محاوطها بجسمو وهي كانت مكسوفه اوي بس مبسوطه وهو بصصلها في عيونها وهو محاوطها بجسمو كدا ومبسوط بردو…وفجأه رن جرس البيت رضوي من المطبخ بصوت عالي..ليلي افتحي الباب…. 

 ليلي اتخضت اوي وزقت علي..جايه اهو….وسابتو وجريت وهي بتضحك بكسوف وهو كمان ضحك عليها وعلي كسوفها اللي ديما فيه…ومبقاش مصدق ان الطفله اللي كان بيشيلها علي دراعه كبرت كدا وبقت قمر اوي…… راحت فتحت ليلي ولقت راجل كبير في سن الستين تقريبا… ليلي..خير اي خدمه….. ايمن..انا ايمن محمود السباعي..عم علي…..انتي اللي مين…… بصت ليلي كدا بصدم#مه ووووو…… ايمن..نا ايمن محمود السباعي..عم علي…انتي اللي مين….. بصت ليلي كدا بصدم#مه وجريت من ادامو دخلت الاوضه لعلي بسرعه وأيمن في قمة استغرابه…… ليلي بقلق..علي…..علي….. علي بقلق لشكلها..مالك في اي…… ليلي..عمك ايمن دا برا اللي المفروض انا بنتو….. علي بصدم#مه شديده..ايي…..اي جابو دا…..روحي قولي لأمي ونا هخرحلو…… وخرج علي سلم عليه..اذيك يعني وحشتني اوي…. ايمن..مين دي يبني ومالها اتخضت كدا لي لما شافتني…… علي بقلق..بص يعمي…انت لازم تعرف مهو مينفعش طبعا انك متعرفش ايمن..انت كدا هتقلقني….في اي يعلي علي..بس توعدني انك تهدي وتتعامل مع الموضوع براحه….. في المطبخ….. ليلي..زي ما بقولك كدا يماما…انا خايفه اوي 

 رضوي..متخافيش يحبيبتي….ايمن قلبو طيب..ومخلفش عشان مراتو مكنتش بتخلف وهو كان بيحبها اوي عشان كدا متجوزش غيرها ليلي..طب تفتكري هيعمل معايا اي….. رضوي..مش عارفه…ادينا هنشوف…….. عند علي وأيمن ايمن بصدم#مه فرحه..انا….انا عندي بنت……. علي..اي دا يعني..هو نت مزعلتش…… ايمن..انا من زمان كان نفسي اتبني لكن في محصلش نصيب….طب ممكن اشوفها تاني علي بفرحه شديده..عمي انت بجد فرحان….. ايمن..طبعا يبني فرحان جدا….انا بشكرك انك عملت كدا….وبدأت دموعه تنزل..دانا كان نفسي اي حد يقولي يبابا لكن للأسف اتحرمت منها لحد سني دا…ونت بتقولي أن في واحده هتقولي يبابا وعاوزني ازعل….ناديلها يبني عاوز اسلم عليها…… جري علي وهو عيونه مدمعه خفيف ع حال عمو ودخل….. علي..مش هتصدقو قال اي…… رضوي بقلق..اي…قول بسرعه….. علي..دا فرحان جدا يا امي وعاوز يسلم عليكي يليلي… ليلي بفرحه..بجد…. علي..بس قوليلو يبابا نفسو يسمعها اوي 

 ليلي بدموع..ونا كمان نفسي اقولها اوي………..وخرجو كلهم ليه وراحت ليلي سلمت عليه اخدها في حضنه ودمعة هما الاتنين كانها بنتو بجد وهو كمان كانو ابوها بجد وبصو لبعض شويه….. ايمن..اسمك ليلي…… ليلي..اه يبابا…… ايمن بفرحه شديده..بابا…..واخدها في ح@ضنه تاني…..وفضلو يتكلمو شويه….. علي..بس انت رجعت مره واحده لي كدا يعمي…….. ايمن..مفيش…كنت جاي اتبرع لمستشفي هنا….مراتي قالتلي كدا….مستشفي نساء…. علي..طول عمرها مرات عمي كدا…وبتحب المستشفى دي من زمان…. ايمن..الوقت اتأخر ونا لازم امشي…. ليلي بحنيه عليه كان مفتقدها..هتروح فين….. ايمن بحنيه عليها..هسافر بقا هرجع البرازيل..عندي معاد طياره…انا اصلا هنا من كام يوم علي..متغيبش علينا يعمي……وقام سلم عليهم كلهم وودعهم ومشي……. علي..مالك يليلي……. ليلي..مش عارفه…حاسه اني مكونتش عاوزاه يمشي..انا حبيته اوي….. علي..هو عمي كدا…يتحب……. رضوي..نا بس فرحانه انو مزعلش وانبسط منك يليلي وقعدو شويه مع بعض و…… رضوي..انا هنزل اجيب شويه طلبات من تحت علي..ما تخليكي انتي ونزل انا… 

 رضوي..لا..عشان هجيب حجات مش هتعرف انت تشتريها خضار وكدا…… نزلت وفضلت ليلي وعلي لوحدهم في البيت علي..عامله اي يليلي اليومين دول كدا ليلي..كويسه يعلي…بس امي وحشتني اوي…… علي..انا لحد دلوقتي مش عارف هي فين ولا حتي كمال ظاهر خالص….. ليلي..انا اتكتب عليا افضل منغير اهل خالص… علي بصلها في عيونها..ونا بقا مش اهلك……دا انا اللي مربيكي يليلي…لحد ما كبرتي كدا وبقيتي قمر ليلي..اه يعني اصدك اني مكنتش قمر….. علي بضحكه..لا طبعا…كنتي قمر صغير دلوقتي بقا مراحل اكتمال القمر حصلت اتكسفت ليلي اوي وخدودها احمرت..شكرا يعلي….. علي..هو نتي فاكره نفسك ونتي صغيره…… ليلي..اه طبعا فاكره…….. علي..كنتي بتكرهي لين اوي…… ليلي..ولسه بكرهها والله ضحكو اوي هما الاتنين……. ورن جرس الباب…قام علي يفتح وكانت لين…… جريت عليه لين وحضن@تو وهو حض@نها بردو..هو متعود ع كدا…..قامت ليلي وقفت كدا بغيظ شويه منها…. لين.،وحشتني اوي يعلي……. علي..ونتي كمان تعالي تعالي……. 

 لين..هي خالتي فين…. علي..بتجيب طلبات من تحت…..وبصت لين ع ليلي اللي اتاجأت انها كبرت واحلوت وهي مشافتهاش بقالها تقريبا ٥ سنين لين..اذيك يليلي….. ليلي بزعل من علي..اذيك يلين…عن اذنكم هدخل اعمل حاجه في المطبخ…… لاحظ علي انها زعلت جاي يدخل وراها مسكتو لين……. لين،.هو نت بتقعد معاها لوحدكم كدا عادي…….. علي..انتي اتجننتي ولا اي يلين..دي ليلي لين..ليلي اه بس كبرت واحلوت…مينفعش يعلي فاهم… علي..لين..هو نتي اللي هتقوليلي اللي ينفع واللي مينفعش….استنيني هنا انا جاي اهو…….. ودخل ورا ليلي اللي كانت واقفه كدا وزعلانه شويه ومش عارفه هي زعلانه لي… علي..ليلي….. اتخضت ليلي اول ما سمعت صوته ولفت بسرعه…….. ليلي..نعم…. علي قرب عليها شويه..انتي زعلانه مني ليلي بتوتر..ها…ونا هزعل من اي يعني…… علي قرب عليها اكتر..متعودين منك انك بتخبي عليا حاجه….قولي زعلانه من اي…… ليلي بتوتر اكتر..مش زعلانه يعلي……. علي حط ايده علي الحيطه وراها وبصلها في عيونها شويه..انتي زعلانه عشان حضنتها ونتي من زمان قولتيلي متعملش كدا تاني 

 ليلي بصتلو في عينه بتوتر..ولما انت عارف..بتعمل كدا لي…… علي..طب انتي زمان كنتي بتقولي كدا عشان كنتي بتتغاظي منها…دلوقتي اي بقا…… فضلو باصين لبعض شويه وشافتهم لين ووووو………. كان حاطط ايده علي الحيطه وراها وباصص في عيونها وهي مكسوفه اوي وخدودها حمرا علي بهدوء..طب انتي زمان كنتي بتقوليلي كدا لأنك كنتي بتتغاظي منها شويه….دلوقتي بقا بتقوليلي كدا لي…. اتوترت اكتر ليلي وفضلت باصه ليه شويه ومركزين اوي في ملامح بعض ومره واحده دخلت لين لقيتهم كدا لكن هما مااخدوش بالهم لين بصدم#مه..هو في اي……. بعد علي عنها بسرعه واتخضت ليلي اوي…. ليلي..انا….هدخل احط الهدوم في الدولاب عشان ماما نسيت…..ومشيت…. علي لسه خارج مسكته لين من ايدو….. لين..تعالي هنا…..انت في اي بينك وبين ليلي يعلي….. علي..اي دا…هو اي كلام بيتقال….ليلي دي اختي فاهمه لين..اختك وكنت زنقها في الحيطه…..علي انت بتحبها علي سكت كدا و..لا انتي شكلك اتجننتي رسمي..اكيد بحبها بس مش الحب اللي فدماغك دا….انا داخل اغير هدومي… لين..هنخرج…. علي..انا هخرج….مع يحي عشان عاوزني فحوار…..وسابها ودخل الاوضه… 

 لين..ماشي يعلي….ماشي يليلي…ومسكت فونها رنت ع مامتها وبدأت تحكيلها كل حاجه…… دخل علي اوضته لقي ليلي بترتب هدومو ف الدولاب..اول ما شافها مبقاش عارف هو لي بيعمل معاها كدا ولي خاف اوي كدا ع زعلها..هي اه طبعا عندها غلاوه كبيره اوي في قلبه…لكن هو من زمان وحاطط في دماغه ان لين هي مراته المستقبليه..بقي حاسس انو مش عاوز لين وعاوز يهتم بليلي شويه فاق من أفكاره ع صوت ليلي..مالك يعلي….اخرج اسيبلك الاوضه…… علي..نا بس كنت جاي اشوف لبس عشان هخرج مع يحي شويه…. ليلي..طيب.وابتسمت..انا هختارلك زي ما متعودين…… علي بابتسامه..ماشي…..واختارتلو ليلي لبسو ليلي..دول هيبقوا حلوين اوي مع بعض…مش انتو رايحين تلعبو بلايستيشن….. علي..حفظتي خلاص جدولي انتي… ليلي وسرحت في ملامحه..طبعا…دول 8 سنين يعلي……. علي فضل باصصلها اوي وهي كمان باصالو وفاقت هي بسرعه…. ليلي..انا هخرج بقا عشان تغير براحتك…… علي..تمام…… وخرجت ليلي وقفلت الباب وراها واخدت نفس عميق كدا بسبب توترها..لان اول ما علي بيتكلم معاها او حتي بتشوفو بتتوتر اوي والكلام دا بدا يحصلها من سنتين تقريبا……. كانت لين لسه بتكلم امها… 

 لين..بقولك كان زنقها في الحيطه…. علياء..لا انتي اتجننتي…يبني هي مش دي البنت الصغيره اللي كان لاقيها…. لين..وهي يعني هتفضل صغيره…كبرت يا ماما واحلوت اوي….دي خلاص داخله اولي جامعه علياء..امم…طب بصي بقا..انا عاوزاكي تقربي من علي شويه اليومين دول.. لين..ماما…انا بقي عندي 25 سنه…مستنيه علي عمري بيعدي ومستنياه..لو ضاع مني فالآخر انا مش هقدر اعيش علياء..طب اهدي بس….وشيلي الكلام العبيط دا من دماغك خالص..فاهمه..وقربي منو فاهمه… لين..حاضر يماما….انا هاجي بعد بكرا بليل كدا علياء..ماشي يروحي..خدي بالك من نفسك..باي لين..باي…………… لبس علي وخرج من الاوضه واول حاجه عملها نده ع ليلي ودا زود غيظ لين اكتر… ليلي بابتسامه..نعم يعلي… علي..الكوتش دي ليقه عالتيشرت صح… ليلي..اه اوي….استني كدا….ومدت ايديها عدلتله حاجه في التيشيرت وهو كان سرحان معاها اوي….. لاحظت لين الكلام دا وجات بسرعه.. ليلي..كدا بقي احلي……ابتسم لها علي وجات لين زق.ت ليلي كدا….. لين..انت خارج مع يحي فين ليلي..انتي يا بنتي.. براحه شويه كنت هقع…. مهتمتش لكلامها لين..رايح فين يعلي 

 علي..رايح انا ويحي نلعب بلايستيشن….. لين..ينفع اجي معاك……. علي..انتي اتجننتي…انا رايح نا ويحي وكل رجالة الجيم…مينفعش طبعا لين..يحبيبي مهو نا قاعده زهقانه كدا….وحطت ايديها علي رقبتو ليلي بصتلهم كدا واتضايقت جدا حاولت متبينش بس لاحظ دا علي…رفع ايده ونزل ايديها بهدوء علي..معلش..خالتك زمانها جايه..اقعدي معاها ونا ساعتين تلاته بالكتير وهاجي ليلي..معلش يلين..علي متعود ع كدا كل يوم لين بصتلها ورفعت حاجبها..وهو نتي بقا اللي هتعرفيني نظام علي ليلي بابتسامه غاظت لين جدا..طبعا…مش انا اللي عايشه معاه…… بصتلها لين كدا بسمويه….حس علي ان الموضوع بدا يتوتر…. علي..طيب نا همشي بقا…سلام……وسابهم وخرج………. ليلي..تحبي تشربي حاجه…اصل اكرام الضيوف واجب بردو….. لين..ضيوف…… ليلي..هههه..مش علي قالك زمان..أدام انتي مش مقيمه هنا تبقي ضيوف… لين..انتي حسابك معايا بيكبر اوي اوي يعني……وخبطت ع كتفها..خدي بالك بقا المره الجايه ليلي..مش فاهماكي….. لين..طيب…انا وعلي هنتجوز يليلي…تمام..عاوزاكي تبقي حاطه كدا في دماغك جدا ليلي حاولت تكون بارده لكنها في نار جواها..الف مبروك..متنسيش بس تعزميني عالفرح….وابتسمت ومشيت من ادامها ولين كانت هتموت…. في الكافيه علي ويحي….