قفل باب الشقه وبصلى بهدوء وانا كنت واقفه مكسوفه

كيان:عن اذنك

الشاب:اتفضلى

مشيت نحيه شقتى الاولى اللى اتجوزت فيها وطلعت فوق دخلت حطيت الشنطه جنب الباب ودخلت اوضتى نسيت اقولكم انى خدت هدوم ليل معايا فى الشنطه المهم دخلت غيرت هدومى ورتبتها فى الدولاب وفضلت قاعده بفكر اعمل اى فى حياتى الجايه طب …ليل هقول لمامته ولا هيحصل مشاكل ااااه يارب انا متلغبطه

دخلت كان فى اكل فى التلاجه من ايام ما سيبنا الشقه طلعته وبدأت اكل فكرت فى ليل وايام ماكنا بنخرج ايام الخطوبه احنا مكناش بنخرج كتير بس لما كنا بنخرج كنا بنقضى ايام جميله..

*فى الليل*

سيبت فونى وقومت لبست هدومى وخدت فونى وفلوس ومشيت ركبت متجهه لبيت حماتى

بعد ربع ساعة تقريبا وصلت رحبت بيا وقعدنا

كيان بتوتر:طنط انا عاوزه اقولك على حاجه

حماتى:قولى ياحبيبتى

كيان:انا عاوزه اشتكيلك من ليل واللى حصل فى حاجات كتيرة اوى حصلت حضرتك متعرفيهاش

حماتى:زعلك الواد ده يبقى ليلته سوده

كيان:انا هحكيلك اللى حصل

بدات احكيلها اللى حصل كانت تعابير وشها بتتغير بين الصدم#مه والحزن

كيان:انا هدفى انى اساعده كمان مش هقدر اعيش معاه طنط انتى فهمانى من كده

حماتى بحزن:انتى بنت ناس يابنتى ومينفعش نبهدلك معانا هو لازم يتعالج وانا هبقى ازوره ده اكيد

كيان:انا دلوقت عايشه فى شقتى عادى اى وقت حضرتك تحتاجينى فيه قوليلى

حماتى:متزعليش نفسك يابنتى وهو ان شاء الله يبقى كويس وانا هروحله واتكلم معاه

كيان:ان شاء الله خير عايزه حاجه

حماتى:لا ياحبيبتي اتفضلى

مشيت وانا مرتاحه نوعآ ما حماتى مش زى اى واحده لا هى بتعتبرنى بنتها بجد وانا بعتبرها امى دخلت شقتى وقعدت على سريرى بعد ماغيرت هدومى فتحت شباك الاوضه كان نور القمر داخل خدت تيشيرت ليل وحضنته كان ريحته ماليه التيشيرت حضنته وعيطت انا بحبه بس كان لازم اعمل كده مينفعش اسيبه مريض وانا واقفه اتفرج عليه اللى انا عملته ده الصح….فضلت اعيط وانا حاضنه التيشيرت وببص للقمر فضلت ادعى ربنا انه يريح قلبى ويشفى ليل وويرجعلى بالسلامه….

مش عارفه هل هقدر اعيش معاه تانى وانا تعبت من اللى عمله فيا ولا هطلق منه ده قرار صعب انى اخده خصوصا فى بدايه جوازى…فضلت افكر شويه وقررت انى اروح ازوره بكره الصبح مش عارفه هل هيرضى يقابلنى ولا..؟

نمت وانا حاضنه التيشيرت بتاعه

*فى الصباح*

كنت واقفه قدام باب اوضه المستشفى اللى ليل قاعد فيها الممرضه فتحتلى الباب ودخلت وهى مشت وطبعا كان فى حارس واقف قدام الباب…شوفته كان قاعد جوه وبيبص على الارض…منظره كان يوجع القلب رفع راسه لما الباب اتقفل شافنى وووووو…

رفع راسه لما الباب اتقفل شافنى ف قام وقف

ليل:انتى اى اللى جابك

كنت واقفه مكانى مبتكلمش بصراحه مش عارفه ارد اقول اى؟

ليل:ردى مش انا الوحش المريض اى اللى جااابك انطقيي

كيان:ليل انا…

ليل:انتى ايي ها انتى دمرتينى

كيان: انا مدمرتكش انا بساعدك

ليل:وانا مش محتاج المساعده دى امشى امشى ومتجيش هنا تاانى

كيان:ليل صدقنى انت هتعرف ان اللى عملته ده هو الصح

ليل:اطلعى بره ياكيان

قربت منه عشان اهديه لكن هو زقنى من كتفى بعدنى عنه

ليل:امشى مبقتش عايزك

لفيت وشى دموعى نزلت كنت هطلع لكن وقفت على كلامه

ليل بسخريه:واه صحيح ابقى فكرى هتطلقى ولا هتعملى اى فى اسرع وقت

كيان بسخريه مماثله:مش محتاج تقولى ده اللى هعمله اساسا

طلعت وجيت اقفل الباب كان بيبص عليا عنيا انا وهو اتقابلت لف وشه بعيد وانا قفلت الباب ومشيت كنت مقهوره خلاص كده قرارى اتاخد لازم أطلق منه هو كده كده مبقاش عايزنى…

*عند ليل*

طلع صورة من تحت المخده وبص عليها كانت صورة كيان كان دايما شايلها معاه فى بنطلونه

ليل وهو بيكلمها فى الصورة:لى؟؟لي عملتى كده عارف انى اذيتك بس صدقينى مش عارف ازاى تفكيره مسيطر عليا كده…انا… انا كنت طفل ياارب انا تعبت

*عند كيان*

روحت البيت وانا تايهه انا مش عارفه اعمل اى مسكت فونى واتصلت على ماما حكيتلها كل حاجه وهى قالتلى انها هتجيلى كمان ساعه تقعد معايا خصوصا انى حسيت انى تعبانه وسخنه قولتلها وهى قالتلى انها هتلبس وتيجى

بعد ساعه تقريبًا كانت ماما عندى

ماما:نامى ياكيان انتى تعبانه وربنا هيحل كل حاجه

كيان بتعب:مش قادره خالص حاسه بطنى بتوجعنى وسخونيه عندى عاليه

ماما:نامى وانا هعملك كمادات وحاجه سخنه تشربيها

نمت وغمضت عينى بتعب…ماما جابت حاجه سخنه شربتها وعملتلى كمادات حسيت بتحسن شويه لكن كنت لسه تعبانه نمت وصحيت على الساعه ٨ بليل جريت على التواليت رج*عت كل اللى فى بطنى كنت حاسه بوجع وماما كانت واقفه ورايا بتحاول تطمنى أنه برد تقيل شويه

ماما:اللبسى هنروح نكشف

كيان:مش قادرة امشى انا تعبانه اوووى

ماما:يلا ياحبيبتى معلش استحملى عشان نطمن عليكى افردى حاجه وحشه بعدين لازم تاخدى دوا

كيان بتعب:حاضر

لبست ونزلت ركبنا وروحنا لدكتور …قعدت على السرير وبدأ يكشف عليا

خلصت وقعدت على الكرسى بتعب

ماما:مالها يادكتور طمنى؟

الدكتور:****

الدكتور:هى للاسف عندها اللتهاب فى المعده وده طبعا ممكن يخليها تر*جع اى حاجه تدخل بطنها

ماما:طب هتاخد دوا ولا اى الحل

الدكتور:اكيد طبعا هتاخد دوا وتستمر عليه لحد ما الالتهاب ده يختفى خالص..اتفضلى ده العلاج اللى هتاخده وطبعا فتره العلاج ممكن تطول شويه لان الظاهر انها تعبانه من زمان ومكنتش تعرف

ماما:تمام شكرا يادكتور

الدكتور:الاعاده يوم***الجاى ان شاء الله

ماما:عن اذنك يادكتور

مشينا من عند الدكتور مكنتش قادره ماما راحت تجيب الدوا وانا طلعت شقتى غيرت هدومى وقعدت على السرير بتعب بعد شويه ماما جات وخدت الدوا وفضلت قاعده

كيان:ماما روحى انتى عشان متتعبيش

ماما:واسيبك وانتى تعبانه كده؟

كيان:هبقى كويسه متقلقيش

ماما:لا هقعد معاكى وبكره هروح عشان ابوكى وابقى اجيلك تانى

كيان بتعب:ماشى ياماما

ماما:كيان هتعملى اى فى حكايه جوزك ؟

كيان:مش عارفه ياماما والله انا تعبت ومتلغبطه

ماما:انا مقدرش افيدك فى الموضوع ده دى حياتك وانتى اللى لازم تاخدى قرارك ياكيان

كيان: عارفه ياماما ان شاء الله ابقى كويسه واشوف

ماما:طيب انا هنام لانى صاحيه من بدرى وانتى لو عوزتى حاجه صحينى

كيان: تصبحى على خير نامى فى اوضه الاطفال براحتك

ماما:وانتى من اهل الخير

دخلت ماما تنام وانا فتحت فونى اتفرج على صور فرحى لفت نظرى صورة كان بيضحك فيها وهو باصصلى ابتسمت بسخريه وان كل حاجه حلوة مبتدومش

قفلت فونى وكنت هقوم اقف فى البلكونه لكن لقيت فونى بيرن كانت حماتى

كيان:الو

حماتى:كيان

كيان:نعم

حماتى:بكره عاوزه اروح ل ليل ممكن توصلينى

كيان:ايوه بس هو مش عايزنى اروحله تانى

حماتى:تانى؟؟انتى روحتيله اصلا

كيان:ايوه روحتله ومكنش عاوز يشوفنى

حماتى:طب وصلينى ومتدخليش بس استني ونروح سوا

كيان:تمام

قفلت الفون ودخلت البلكونه بصيت على الشارع كانت الناس قليله فيه هوا كتير وساقع راحه نفسيه قعدت على كرسى لحد مانمت وانا قاعده

صحيت الصبح على صوت ماما وهى بتصحينى

ماما: انتى نمتى هنا ياكيان كده تاخدى برد وتتعبى اكتر

كيان:معرفش نمت هنا ازاى نمت على نفسى

ماما:طب قومى حماتك اتصلت وانا رديت وبتقولك هى جايه فى الطريق هى جايه لى؟

كيان:عشان هوصلها المستشفى اللى ليل فيها

ماما:هو مش طردك وقالك متجيش تانى

كيان:مش هخليه يشوفنى هقف بره لحد ما الزياره تخلص

ماما:طيب لو حسيتى انك تعبانه روحى على طول

كيان:حاضر

دخلت غسلت وشى وصليت ولبست ونزلت قابلت حماتى..شويه ووصلنا المستشفى

حماتى: اقفى هنا وانا مش هتأخر جوه

كيان:تمام

فتحت الباب ودخلت وانا كنت بره بس طبعا مش قدام الباب عشان ميشوفنيش…عدى حوالى ربع ساعه وهى لسه جوه الباب اتفتح ووو

حماتى: تعالى ياكيان

بصيتلها بإستغراب وووو…!!

حماتى:تعالى ياكيان
بصيتلها بإستغراب ودخلت بهدوء..كان جوه قاعد على السرير وشكله حلو زى مايكون بدأ يتحسن فعلا…
كيان:فى اى ياطنط هو لسه كتير على اما تمشى
حماتى:اقعدى ياكيان عاوزه اتكلم معاكم
قعدت على الكرسى اللى جنب السرير
حماتى:ودلوقت خدوا قرار متفقين فيه يا تفضلوا مع بعض أو تطلقوا
سكوت تام ساد على المكان…انا مش عارفه اخد القرار ده بصراحه ومكنتش عارفه ارد اقول اى
ليل:اللى هى عايزاه انا مش هغصبها على حاجه
كيان بتوتر:الاحسن لينا احنا الاتنين اننا ننفصل
ليل:انتى ط
حماتى بمقاطعة:استنى
ليل:اى

حماتى:ده اخر قرار لأن مش هنرجع فيه

كيان:اه ده اخر قرار

ليل: انتى طالق

قومت من مكانى فتحت الباب وطلعت بره دموعى نزلت وجريت بره المستشفى فضلت امشى كتير لحد 

ماوصلت البيت كانت ماما روحت
*عند ليل*
حماتى:ارتحت كده
ليل:ماما ارجوكى الموضوع ده خلص وانا هتعالج واطلع من هنا اشوف حياتى واشوف هعمل اى
حماتى:يبنى..
ليل:انا كنت بحبها وللاسف لسه بحبها بردو…سكت شويه بعدين اتكلم:فيها اى لو كانت استنتنى اطلع من هنا وعيشنا حياتنا عادى انا عارف انى اذيتها كتير لكن لكن انا فعلا مريض نفسى وهى بتساعدنى بس انا عارف لو حاولت اخليها على ذمتى مش هتوافق
حماتى:ان شاء الله خير وكل واحد ربنا يوفقه فى حياته يبنى وانا هجيلك كل شويه ربنا يشفيك ياحبيبى
قام ليل وحضنها:ربنا يخليكى ياماما
مشت حماتى من عنده وهو اتنهد بتعب فى قلبه

مرت الايام وانا كنت منتظمه على الدوا بتاعى بس كنت بخس تقريبا بسبب انى مش باكل كويس وان اى حاجه باكلها برجعها كانت ايامى شبه بعضها بدأت انزل شغل اشتغلت فى شركه ب شهادتى وده اللى قوانى شويه ان محدش كان بيصرف عليا…اتقدملى زميل ليا فى الشغل بس انا كنت قافله الباب ده خالص ورفضته…ماما كانت بتيجى تزورنى واحيانا حماتى كانت بتتصل تطمن عليا

بالنسبة ل ليل ف انا مكنتش بسأل عليه عشان محدش يقول انى لسه بفكر فيه لكن حماتى كانت بتحاول تقولى انه بيتحسن بطريقة كويسه وانه بخير وهى دايما بتزوره

كانت بتلمحلى انه لسه بيحبنى لكن انا مكنتش برد عليها وبتوه عن الموضوع ده لحد مااتقفل خالص

كنت مره فى الشركه وجات واحده زميلتى بتقولى انها عاوزانى عشان نتكلم

كيان:فى اى يافرح

فرح:بصى يا ستى عارفه حازم اللى اتقدملك قبل كده

كيان:يوووه يافرح بطلى كلام فى الموضوع ده بقااا انا مش عايزه ارتبط حياتى كده حلوة

فرح:يبنتى وفيها اى انتى لسه صغيره…وحلوة كمان ومش محتاجه اقولك أو احكيلك أن حازم مراته ماتت من سنين وهو شخص كويس وشكله بيحبك بجد

كيان:فرح ارجوكى دى حاجه ترجعله كويس أو وحش ده لنفسه

سمعت صوته وهو بيقول:طب ماتفكرى انتى عارفه انى مش بتاع بنات وبجد انا بحبك ياكيان مش مجرد اعجاب

كيان:انا بس ك

حازم بمقاطعه:فكرى انا مش هغصبك وعاوز اقولك لو اللى شاغلك انك مطلقه ده مش شاغلنى يمكن اول تجربه ليكى فشلت بس يمكن التانيه تنجح وانا عمرى ما هزعلك صدقينى

كيان:….

حازم:انا معرفش اى اللى حصل بينك وبين طليقك لكن مهما كان اللى حصل ده ميهمنيش ابدا

كيان بتوتر:هفكر وارد عليك

ابتسم حازم وهو بيدخل مكتبه تانى

روحت البيت فكرت فى الموضوع وبصراحه قولت لى موافقش مادام هو شخص كويس لى اوقف حياتى على شخص؟؟

اتصلت على ماما وقولتلها وهى وافقت انى اكمل فى الموضوع مادام حازم ده كويس وقالت ل بابا وهو كمان وافق نمت اليوم ده وانا قلبى مرتاح نوعا ما يمكن ربنا هيجبر بخاطرى بقا …

صحيت تانى يوم وانا داخله قابلت حازم…شافنى لكن مكلمنيش عشان ميحرجنيش
ناديت عليه انا…:حازم
حازم:نعم
كيان: صباح الخير
حازم: صباح النور
كيان:انا… بالنسبة للموضوع اللى كلمتنى فيه كنت عاوزه اقول انى موافقه
حازم بفرحه:بجدد؟
كيان بكسوف:ايوه بجد بس لسه شهور العده مش هينفع نتخطب دلوقت أو يكون فى بينا حاجه
حازم:استناكى العمر كله ياكيان
ابتسمت واستأذنت منه وطلعنا سوا كل واحد دخل مكتبه
*بعد مرور شهور العده*

كنا انا وحازم اتخطبنا وكان بصراحه شخص كويس جدا كنت خايفه يطلع مريض زى ليل لكن مكنش ظاهر اى حاجه تدل على كده…
كنت فى يوم فى بيتى بروق الشقه وبكنسها بصيت ورايا لكن اتفاجأت لما شوفته…

كنت فى يوم فى بيتى بروق الشقه وبكنسها بصيت ورايا لكن اتفاجأت لما شوفته…كان هو

كيان بصدم#مه:ليل؟؟!!!!

كان واقف ساند على التسريحه بإيده وباصصلى

كيان:انت…انت طلعت امتى ميعاد خروجك لسه بدرى عليه

ليل:طلعت عشان بقيت كويس اى مكنتيش عاوزانى اطلع

كيان وهى بتزيح شعرها من على جبهتها:لا طبعا مش قصدى بس أستغربت

قرب منى وانا كنت برجع ل ورا بخوف منه

ليل:متخافيش مش هضربك

مسك ايديا وشدنى نحيته:وحشتينى انا عارف انى غلطت زمان و…اى ده دبله مين دى؟

سحبت ايدى بتوتر:دى…احم انا انا اتخطبت

ليل بصدم#مه: وحياه امك…اتخطبتى امتى وازاى

كيان:ازاى اى انا وانت اطلقنا خلاص

ليل:انا مش مصدق انتى ازاى كده انتى كان المفروض تستنينى اومال ساعدتينى ليي مادام هتسيبينى انا مش فاهمك بجدد

كيان:ليل انا..

ليل:هششش اسكتى مش عايز اسمع صوتك انتى بشعه

كيان بعياط:انت اذيتنى كتير عاوزنى افضل معاك ازاى

ليل:انتى ساعدتينى لى من الاول مادام هتسيبينى للابد

كيان:ليل انت اذيتنى وانا مش هقدر استحمل ده

ليل:انتى خاسه كده لى؟؟

كيان:عشان عشان تعبانه وبتعالج

ليل:من اى

كيان:فى اللتهاب فى المعده ودلوقت وقفت علاج لانى بقيت كويسه بس وزنى ثبت على كده

ليل:عموما الف سلامه انا ماشى

كيان بعياط:ليل

بصلى بحزن وسابنى ومشا…سبت اللى فى ايدى ولبست واتصلت على حازم قولتله يقابلنى

بعد شويه كنت فى كافيه قاعده قصاد حازم

حازم:ها ياحبيبتي كنتى عاوزانى لى

كيان:حازم انت عارف انى عمرى مااقصد اجرحك مش كده

حازم:ايوه اى علاقه ده باللى عاوزانى فيه؟

كيان:حازم انا بكل حزن بقولك انى مش هقدر اكمل معاك

حازم:اى؟لى انا عملت حاجه زعلتك

كيان:لا ابدا انت شخص كويس واى واحده تتمناك بس ارجوك افهمنى انا لسه بحب طليقى للاسف وبدون دخول فى تفاصيل هو خرج من المستشفى لانه كان تعبان

حازم: يعنى انتى عايزه تقولي انك قررتى تنفصلى مش كده؟

كيان: للاسف اه انا اسفه ليك وبعتذرلك انا حاولت احبك لكن مقدرش احب اتنين فى نفس الوقت كمان مقدرش اتجوزك وانا لسه فى قلبى لو ذرة حب لشخص تانى انا اسفه يا حازم

حازم:تمام ياكيان اللى تشوفيه وفيه راحتك اعمليه

كيان:انت شخص جميل ياحازم وان شاء الله ربنا يرزقك باللى تستاهلك

خلعت الدبله وانا بستأذنه ومشيت بعد ما اديتهاله

رجعت البيت وانا مش عارفه هل اللى عملته صح ولا لا بس اعتقد ده الصح…بليل سمعت صوت الجرس بيرن لبست طرحه وفتحت كان ليل

ليل:بعتذرلك انى جيت تانى بس انا عاوز هدومى

كيان: اتفضل ادخل انا اساسا همشى من هنا مادام انت خرجت

ليل:لا انا هعيش مع ماما وانتى اقعدى هنا كده كده مش هحتاج الشقه

كيان:تمام ادخل

دخل الاوضه وفتح الدولاب وانا كنت واقفه بره بتوتر بعدين دخلت وراه

كيان:ليل ممكن نتكلم

ليل وهو مدينى ضهره:مفيش كلام بينا كل حاجه انتهت خلاص