رواية رهف ومروان جميع الاجزاء كاملة بقلم همس حسن ممتعة للغاية
شخص من ورا حط ايده على بوقه بمنديل خدرها وشالها ونزل على تحت .. حطها في العربية
لف قدام ركب عند الدريكسيون .. قفل الباب
وطبعا احنا عارفين مين الشخص دا
زياد
دور العربية ومشي بيها
في بيت مروان
رهف انا هقوم أريح شوية مطبقة من امبارح منمتش
مروان ماشي ياحبيبتي نوم الهنا
دخلت رهف على الحمام الأول .. دخل مروان اخد الخاتم الدهب من الدرج ونزل في الخباثة على تحت
خرجت رهف من الحمام ملقتش مروان في الشقة .. فكرته نزل يجيب حاجة وطالع دخلت اوضتها ونامت
حازم طالع عالسلم وفي ايده علبة شوكولاته وفرحان إنه هيفاجئ أسماء تاني ويفرحها .. قرب من باب الشقة
حازم ايه ده ! باب الشقة مفتوح ليه
دخل يجري على جوا بسرعة .. البيبي محطوط ع الكنبة بيعيط لوحده وأسماء مش جنبه
رمى علبة الشوكولاته من ايده شال إبنه بسرعة وقعد يدور على أسماء في الشقة كلها وينده بعلو صوته اسماااااء
ملقاش ليها أثر
رايح سايب إبنه على الكنبة تاني .. طلع تليفونه واتصل بيها تليفونها رن جنبه
اتلفت بص ع الفون
وشه احمر وملامحه اتغيرت راح رازع التليفون في الأرض
بيشيل السفرة يرزعها وبعديييييييين .. اخرتها ااااااايه في ام العيشة دي
هفضل لحد امتى بدور .. شهور عايش بدووور وبس انا تعببببببببت
روحتي فييييين تاني يااسماء فيييين ماكنا كويسين واخيراااا هنعيش أيام عدلة هتختفي تاني ليه .. دا احنا لسة حتى مسميناش ابننا
لسة ملحقناش نطلع شهادة ميلاااااد
صالح وماجدة طالعين مخضوضين على صوت زعيقه .. دخلوا من باب الشقة
ماجدة في اااايه ياحازم بتزعق ليه
صالح بيبص ع البييي ايه دا !! هو مش دا ابنك
هي اسماء رجعت امتى
زقهم ونزل على تحت من سكات .. راحت ماجدة شالت البيبي اللي عمال يعيط من بدري
إيمان راكبة العربية راجعة على البيت .. مخها واقف مش قادرة تفكر ولا مستوعبه اللي حصل
كريم بيتقدملي كريم بيحبني !
دا من امتى وازاي انا محستش طول الفترة اللي فاتت طب ازاي كنت بتعامل معاه طبيعي جدااااا كأننا أخوات ومش واخدة بالي إن في باب لحاجة زي دي
طب ياترى انا كان ليا يد في اللي حصل دا !! ياترى انتي كمان اتشديتيله يااسماء وانتي مش حاسة
طب امتى .. وازاي
ياخوفي لاتكوني انتي السبب في طلاقه !!
بتحط ايديها على دماغها مخي هيقف اقسم بالله هيقف
زياد وصل بأسماء شقة .. فتح الباب ودخل بيها شايلها
دخل نيمها ع السرير ورجع قفل الباب وراهم
دخل جاب كوباية ماية من المطبخ وخرج على أسماء رش نقطتين ماية على وشها عشان تفوق
اتحركت وبدأت تفتح عينيها اول ما شافته قدامها قامت اتنطررررت من مكانها
أسماء زيااااد !!!
انت عايز مني ايه
زياد مفاجأة صح
كنتي فاكرة لما تغيري اتفاقك معايا وتهربي زي العيال في آخر لحظة مش هقدر اجيبك !!!
أسماء باستغراب زياد انت بتتكلم كدا ليه لا لا مش ممكن تكون زياد اللي كان بيساعدني الفترة اللي فاتت !
انا حاسة إني قدام واحد تاني
زياد ايوون دي حقيقة
زياد اللي كان معاكي طول الوقت وبيكلمك دا كان وش برئ لابسه عشان أجر رجلك وعشان انتي ملكيش ذنب في حاجة
لكن لما تغدري بيا لازم تدخلي معاهم في القايمة
أسماء بتبعد قايمة ايه وهما مين اصلا
وانت ليه خاطفني وجايبني المكان دا !
زياد جايبك المكان دا عشان نصفي كل الحسابات القديمة والجديدة وكل واحد ياخد حقه وانتي حقي يااسماء
وهاخد من بوق الدنيا حتى لو ايدي هتتقطع
أسماء زياد انا متجوزة انت مچنون !!!!!!
زياد اه انا مچنون .. مچنون بيكي وبحبك يااسماء
ومن زمان اووووووي بس للأسف انتي لا حاسة ولا دريانة
أسماء ايوة يعني ايه المطلوب مني دلوووقتي !!!!
زياد لا ياقلبي انتي لحد دلوقتي مش مطلوب منك اي حاجة المطلوب جاي جاي
كتف ايديها الاتنين .. خرج وقفل عليها باب الأوضة بالمفتاح ودخل البلكونة
طلع تليفونه واتصل بحد
زياد أيوة ياباشا .. Done
خالد خلصت كل حاجة !
زياد خلصت كل حاجة ومستنيك تنفذ الباقي دا
خالد عفارم عليك ياض يازياد ييجي منك
زياد يلا ياباشا خلص الباقي في السريع بقا عايزين نخلص المصلحة دي قبل مانتقفش
بعد ساعتين
مروان بيفتح باب الشقة وداخل في ايده حاجة .. دخل على أوضة النوم براحة ساب اللي في ايده على الفوتيه قدام السرير
قرب من رهف وهي نايمة
باس دماغها وخدها … فتحت عينيها واتخضت
رهف في ايه في ايه
مروان بس بس اهدي انا مروان
رهف في ايه يامروان مالك
مروان بيمسك ايديها قومي معايا كدا
رهف ايه
جاب الكاڤر الطويل اللي ع الفوتيه .. فتحه وطلع منه فستان
مروان ممكن تلبسي الفستان دا
رهف اشمعنا يعني
مروان معلش بس اسمعي كلامي
رهف !!!!!
حاضر هلبسه
خدت منه الفستان ودخلت لبسته وخرجت
مروان بيبصلها بابتسامة زي القمر كالعادة
بيمسك ايديها وبيقعدها قدام التسريحة تعالي اقولك بقا
خرج برا جاب بوكس كدا دخل بيه فتح البوكس وطلع منه ميك اب كتير
مروان انا بقا ياستي خدت ماشورة حد كدا وقولت اعملك مفاجأة واجيبلك شوية حاجات جديدة كدا للميك اب
رهف بتتفرج ع الحاجات ومبتسمة جبت كل دا عشاني ! كلفت نفسك يامروان والله
مروان هو انتي لسة شوفتي حاجة
يلا عايزك تعملي لوك جامد كدا عشان رايحين مشوار مهم
رهف مشوار ايه
مروان هتعرفي لما ننزل
رهف باستغراب تمام
خرج مروان على برا .. طلع تليفونه واتصل بحد
مروان ايه يابرنس جهزت الدنيا
اه خلاص ياباشا كله تمام
وصلت إيمان البيت خبطت ع الباب .. فتحتلها ماجدة وعلى ايديها البيبي
إيمان هي رجعت امتى
ماجدة معرفش يابنتي رجعت لقيت الواد على صړخة واحدة وابوه واقف وشه مخطۏف واصفر وبيزعق زقنا ونزل على تحت ومنعرفش هو فين
إيمان امممم .. تمام ربنا يصلح الحال
ماجدة مالك ياايمان انتي كويسة
إيمان اه اه كويسة هدخل أريح بس شوية عشان تعبانة جدا
دخلت اوضتها وقفلت على نفسها .. جالها رسالة واتس اب من كريم فتحتها
انا حلمان حلم حلو ومتأكد إن تفسيره خير
ابتسمت لما شافت الرسالة .. فجأة فاقت تاني قفلت الواتس اب وحطت الفون جنبها حطت ايديها الاتنين على دماغها
رهف خارجة من اوضتها .. الفستان شكله يجنن عليها مع لوك ميك اب سيمبل تحححححفة
مروان وعيونه بتنط منها السعادة مش بقولك زي القمر
رهف ها .. هنروح فين بقا قولي
مروان خليكي متشوقة كدا لحد ما نروح يلا بيننا
نزلوا هما الاتنين .. ركبوا العربية ولسة مروان هيدور تليفونه رن
مروان بيرد الو ..
خالد مش عيب بردو تبقى مرات اخو مراتك مخطۏفة بسببك انت واخوك وانت واخد مراتك ورايح بيها موعد غرامي
مروان بيبرق … ولعت
سمع مروان الكلمتين اللي قالهم خالد بزهول .. لف عينه بص على رهف
نزل الفون من على ودنه وقفل السكة
رهف مين اللي كان بيكلمك
مروان مفيش دا تليفون شغل عادي .. هنخلص مشوارنا واروحك البيت واروح المشوار
رهف تمام
دور العربية ومشي
في بيت جاد
تامر قاعد في اوضته .. دخلت شمس حاطة عينيها في الأرض ومحرجة
تامر عايزة ايه ياشمس
شمس بتقعد جنبه عاوزة أتكلم معاك ياتامر
تامر بزهق اتفضلي
شمس طب انت ليه بتكلمني كدا دا انا حتى بقولك عايزة أتكلم معاك
تامر عشان مفيش حاجة نقدر نتكلم فيها ياشمس ومع ذلك بقولك اتفضلي .. اديني بسمعك
شمس طيب .. انا نفسي
تتصافى من ناحيتي بقا ونرجع لطبيعتنا زي زمان والنبي
تامر طبيعتنا ضحكتيني والله
شمس تامر أنا عارفة اللي عملته قد ايه صعب على أي اخ بس ..
تامر انتي مش عااااارفة ااااي حاااااجة
انتي عارفة جزء صغير اووووووي من الموضوع لكن الباقي انتي متعرفيش عنه حاجة .. احنا في کاړثة ياشمس کاړثة كبيرة
وانتي لحد اللحظة دي متعرفيش اللي عمل كدا معاكي دا يبقى مين ولا حكايته ايه
انتي مش فاهمة حاجة
شمس بخضة طب ماتفهمني ياتامر
تامر افهمك ايه بس .. افهمك ايه
سابها وقام خرج من الأوضة دخل البلكونة ۏلع سېجارة .. سېجارة جرت التانية جرت التالتة
جاد بيفتح الباب وداخل .. شاف تامر واقف في البلكونة قرب عليه
بص ع الطفاية شاف كمية السجاير دي
جاد مش هقولك حرام عليك صدرك اللي ولعته سجاير دا .. انا هقولك ايه الشئ الفظيع اللي عامل فيك كدا بقالك كام يوم ياتامر
انت إبني وانا عارفك
تامر بيبصله بنظرة ليها مليون معنى اللي حصل زمان راجع ينتقم دلوقتي يابا وانهي اڼتقام
دا اڼتقام مفيش أفظع ولا أبشع منه .. عن إذنك انا هدخل أنام عشان ورايا شغل بالليل
سابه ودخل على أوضته
جاد واقف حيران .. مش عارف ايه القديم اللي هيرجع ينتقم دا
في البيت اللي مخطۏفة فيه أسماء
زياد بيفتح الباب وداخل عليها لقاها نزلت وقاعدة في الأرض
زياد ايه دا ايه دا ايه اللي وقعك كدا !
أسماء مش حرام عليك يااخي !
مش حرام عليك واحدة لسة والدة مكملتش يومين وكانت محجوزة في الرعاية وحالتها بالبللللللى تتشحطط بالطريقة دي
زياد بيقرب ناحيتها وبيقرب ايده على وشها
أسماء اوووووعي تلمسني وإلا قسما بالله هقتلللللك يازياد
زياد خلاص خلاص
لا مساس أهو
أسماء انا هخلص من اللي انا فيه دا امتى
زياد من الخطڤ ولا مني
أسماء من الاتنييييين
زياد من الخطڤ اعتقد خلاص هانت واسرك هيتفك .. إنما مني
معتقدش هييجي اليوم اللي تخلصي فيه مني بعد النهاردة
أسماء انت بتحلم .. حازم عمره ما هيسيبني هنا يوم كمان
زياد دا لما يعرف بقا إنك مخطۏفة حللللني
مروان وقف بالعربية فجأة قدام مكان
رهف هننزل هنا
مروان اه هننزل .. بس هطلب منك طلب قبلها
رهف ايه
مروان بيطلع شريط قماش اسود هتحطي دا على عينك لحد ماندخل
رهف هقع
مروان همسكك
رهف ماشي هات خلينا نخلص بقا
حطت الشريط الأسود على عينيها .. فتح باب العربية ولف فتحلها الباب ومسك ايديها نزلها … فضل ماسك ايديها وماشي بيها يرشدها للطريق لحد ما وصلت مكان
شال الشريط الأسود من على عينيها .. فتحت عينيها لقت نفسها قدام مكان حلو اووووي طريق مرسوم بالورد الأحمر والشموع وشجر يمين وشمال .. مشيت على الطريق وسط الشجر وبدأت ابتسامتها تعرض اكتر وهي بتبص لمروان
خلصت الطريق دخلت على مكان واسع بردو مروان ورد وبلالين في كل مكان وكل كل بلونة مكتوب
Hello in my life
ابتسمت اكتر ورفعت عينيها بصت قدام شوية … بوكس كبييير مقفول وفوقه دبدوب كبير
مروان مش هتفتحي الصندوق
راحت فتحت الصندوق ..
شافت كل حاجة تخص أوضة البيبي
هدوم بيبي .. ألعاب بيبي .. دباديب ولعب كتير
برواز كبيييير .. جواه ورقة مكتوب عليها
Hello my baby
فرحت اوووي رهف ومن السعادة ضحكتها بقت بصوت .. قرب منها مروان حضنها من ضهرها ومسك ايديها .. وطي علي ودنها
مروان كمان كام شهر هنشيل الورقة دي ونحط صورة ابننا
رهف بتضحك جامد .. بعد عنها
مروان يلا تعالي بقا
مشيت يمين لقت ترابيزة وعليها تورتاية كبييييرة عليها صورتها
رهف كل دي عشاني انا
مروان طب مبصيتيش جنب قلبك ليه
رجعت بصت ع التورتاية تاني وبصت على مكان قلبها .. شافت الخاتم الدهب
مروان شد الخاتم طلعه حطيته عند قلبك عشان اوصلك إن قلبك دا ملكي انا .. زي ما قلبي ملكك
مسك ايديها لبسها الخاتم
مروان انا آسف ياحبيبتي على أي حاجة عملتها تزعلك .. اوعدك من هنا ورايح لو ھموت مش هسمح بأذيتك من أي إتجاه
رهف بتحط ايديها على بوقه أوعى تقول كدا تاني .. لو اللي بتقوله دا حصل انا هحفر حفرة وادفن نفسي جنبك يامروان .. انا مقدرش أعيش من غيرك
مروان خدها في حضنه وحضنها جامد .. هي كمان حضنته جامد اووووي
مروان صافي يالبن
رهف حليب ياقشطة
مروان طيب ياستي .. انا محضرلك مفاجأة تانية بقا
رهف ايه هي
مروان ايمااان
إيمان داخلة المكان كلللل دا بتوريها الحاجات يابني دا انا اتحنطت برا
رهف ايه داااا إيمان
مروان حسيت إن مفيش أغلى منها على قلبك تقضي معاها اليوم دا .. وانا للأسف مضطر أروح مشوار شغل مهم جدا ساعة زمن بالظبط وهرجعلك ياحبيبتي
رهف تمام متتأخرش بقا
مروان حاضر ياحبيبتي
خرج مروان على برا ..
إيمان تعالي بقا أما نتصور كام سيلفي في المكان الحلو دا
خرج مروان على برا .. ركب عربيته واتصل بتامر
مروان سايب احمد فين
تامر شايله في مكان أمين .. ليه
مروان عشان انا بقول كفاية لف وهلك بقا انا تعبت بجد كلنااا تعبنا .. ودلوقتي الضحېة ملهاش أي ذنب في اللي بيحصل
وعشان كدا لازم نرجع الأمانة لاصحابها وناخد امانتنا
تامر أمانة ايه وضحېة ايه يامروان ماتفهمني تقصد ايه !
مروان خالد لسة قافل معايا وقالي إنه خطڤ أسماء مرات اخو رهف .. وانا مش هستني لما حد تاني
يتأذي او رهف تتوجع
تامر لا إله إلا الله .. طب جوزها عرف
مروان معرفش بس غالبا لا .. روح جهز أحمد على مانا أعرف كريم عشان ييجي معانا ياخد مراته
وغالبا كدا النهاردة هنعرف مين الشخص اللي كان بيساعد عيال الخواجة
إيمان ايه يارهوف طمنيني .. اتصافتوا صح
رهف بصراحة ياايمان انا حطيت نفسي مكان مروان .. واعتقد أي حد كان مكانه كان هيفكر بنفس الطريقة
خصوصا وإن الموضوع كان محبوك حلو اووووي
إيمان والله يابنتي أول مرة أحسك عاقلة
رهف المهم قوليلي بقا .. عملتي ايه في حوار كريم
إيمان حوار ايه
رهف بت متستعبطيش
حوار الخطوبة
إيمان بصي يارهف .. انا هحكيلك إحساسي
في عربية مروان
كدا كله جاهز وعرف هيعمل ايه
كريم أيوة يامروان كله جاهز اطلللللع بقا خلصنا مراتي مخطوووفة
تامر مش كنا جيبنا كريم صاحبك معانا يامروان
مروان لا لا كريم اتهلك معانا الفترة اللي فاتت خلينا نروح احنا نقضي المصلحة دي في السريع ونرجع
بعد نص ساعة .. وصلوا اللوكيشن اللي بعته خالد لمروان
فتحوا العربية ونزلوا هما التلاتة .. وفي العربية واحد من رجالة تامر ومعاه أحمد مټخدر
اتصل مروان بخالد
مروان احنا وصلنا بالأمانة ياخالد .. امانتنا فين
خالد سيب أحمد على أول الطريق وروح انت عدي ٣ نواصي شوارع واقفوا ع الناصية الرابعة
مروان نعم ياخويا
انت بتحسبني تلميذ ياخالد هديك أخوك تعلم عليا بيه واسيبك أسماء
خالد والله دا اللي عندي واللي معاك راجل يعرف يتصرف
إنما اللي معايا حرمة غلبانة ياولداه .. اتصرف بقا
قفل خالد السكة
مروان عايزنا نسيب احمد الأول
حازم نعععععم .. هنديله أخوه ونسيب معاه مراتي دا على چثتي يحصل
تامر مدام قاله كدا يبقى مفيش حل تاني ياحازم .. لو فكرت في الموضوع صح مش هتلاقينا متسوايين في الټهديد
هو أقوى حاليا
حازم بيحط ايديه على دماغه كان ماااااالي انا ومال كلللل القرف دا
مروان بقولكوا ايه
أنا بفكر في حاجة
تامر بتفكر في ايه
مروان بصوا
بقا ركزوا معايا كويس
نزلوا حطوا أحمد على ناصية الشارع وسندوه … مشيوا من قدامه
تامر وحازم ركبوا العربية ونزلوا تحت استخبوا مروان دخل ورا شجرة قريبة من احمد واختفى خالص
بعد نص ساعة
وقفت عربية جنب أحمد بالظبط وفيها ٣ بودي جارد
نزل اتنين منين بصوا يمين وشمال يأمنوا ملقوش حد
شالوا أحمد حطوه في العربية وركبوها تاني ومشيوا
خرج مروان من ورا شجرة وبدأ يمشي وراهم واحدة واحدة لحد ما تامر ساق العربية لحد عنده ركبها معاه وفضلوا ماشيين ورا العربية واحدة واحدة
عربية البادي جارد وصلت عند الشقة اللي فيها أسماء .. واحد فيهم شال احمد طلع بيه على فوق
في عربية مروان
مروان كدا غالبا فيه حد فيهم موجود في الشقة دي
تامر طيب اتصل بقا بسررررعة قبل ما يوصلوا فوق
اتصل مروان بخالد
مروان ها .. أظن كدا عملت اللي عليا أعمل اللي عليك انت كمان بقا
خالد اهاااا .. لاهو انا نسيت اقولك
كللللل اللي حصل دا نص عقابك .. بس انا لحد دلوقتي لسة مفشيتش غليلي خيرها في غيرها بقا يامارو
مروان بقا كدا ياخلود !
ماشي ياسيدي مقبولة منك
قفل معاه مروان … جهزوا نفسهم
خرجوا من العربية طلعوا العمارة بسرعة
كان البادي جارد اللي شايل أحمد في الدور التالت لسة
ضربه مروان على دماغه ضړبة قوية وقع راح تامر وحازم لاحقين أحمد قبل ما يقع .. كان أحمد بيبدأ يفوق
أحمد بدوخة انتو مش عارفين انتو بتلعبوا مع مين والله العظيم انا اوديكم في دااااهية
مروان ششششش بس يلا مش عايز أسمع صوتك
شده منهم وحط على رقابته السلاح اللي في ايده
مروان يلا يارجالة
طلعوا على فوق .. حازم وتامر دبوا الباب برجليهم اتفتح
دخل مروان من باب الشقة وفي ايده أحمد
خالد قام وقف وبرق ايه دا ايه دا
انت جيت هنا ازاي !!!!
مروان ايه فاكرني هفضل ساذج طول حياتي
زياد خارج يجري من جوا في ايه يامعلم
بص لمروان وحازم اټصدم
حازم بيبرق زيااااااد
ياابن الجزززززمة دا انا هحرق أمك النهاردة
مروان حاااازم .. احنا مش جايين نقتل احنا جايين ناخد اللي يخصنا ونمشي
بيبص لزياد طلعت انت اللي ورا كل دا يازياد مش كدا !
ماشي ليك روقة
خالد انتو كدا شطار بقا وهتعلموا عليا صح
مروان مش هنعلم احنا اوريدي علمنا فعلا ياخلود … بس ناقص علامة صغيرة
بيحط السلاح زيادة على رقبة احمد إني اكسر القاعدة اللي انا واخدها من اول اليوم واقټلك أخوك قدام عينيك لو مدخلتش حااااالا جبت أسماء
خالد لااااا لا خلاص وعلى ايه … خش يازياد هات أسماء من جوا
زياد اجيب ميييين ياخالد انت بتهزززززر انا مش هسيبهالهم بالسهولة دي انا ب…
حازم بيبرق وبيقرب عليه بتإيه ياابن الكلب بتإييييييييه
فجأة مسك الطفاية اللي جنبه ورزعها في دماغ زياد سيح دمه ووقعه في الأرض
مروان خلاااااص ياحازم قولنا .. هتجيب البت ياخالد ولا نسيح ډم حد تاااني
خالد خلاص خلاص انا هجيبهالكم اهو
دخل على جوا جاب أسماء .. أسماء خارجة تعبانة ووشها أصفر
أسماء حااازم الحقني
جريت عليه حضنته خدها وخرج بيها بسرعة
خالد انا وفيت بوعدي اهو سيب أحمد بقا
تامر سيبله اخوه يامروان
مروان ساب أحمد .. تامر فضل موجه السلاح عليهم هما الاتنين وبيرجع بضهره
مروان انا هسيبك دلوقتي بس يااحمد لأجل مسمى في دماغي بس خليك فاكر إن الحساب جاي جاي
عشان اللي ېلمس شعره من أختي ېموت قبل ما يلحق يفتكر اللحظة دي
خالد حابب بس اقولكو ملحوظة مهمة .. قبل مااقولها خليك فاكر ياتامر إن الأمن هنا في العمارة بييجي في ثواني وأي صوت طلق هتتحبسوا
مروان اااايه هي الحاجة
خالد مش انت لوحدك اللي علمت عليا انا كمان علمت عليك بس سبحان الله من غير ما يكون ليا اي يد ولا اكون عارف أصلا
شمس في الحمام عمالة ترجع ودايخة
مروان علمت عليا ازاي ياخالد
تامر پخوف يلاااا يامروان بيقول اي كلااااام
مروان استتتتني ياتامر .. علمت عليا ازاي ياخالد
خالد تفتكر لو أختك حملت دلوقتي الطفل هيقول لاحمد أخويا يابابا .. ولا ياخالو
مروان مش فاهم !!
خالد افهمك ياباشا
أحمد يوم ما عمل علاقة مع اختك للأسف مكانش يعرف إنها تبقى ….. أخته
ومن هنا نقدر نعرف ان الاڼتقام مكانش مجرد عشان خالد بيحب رهف أو احمد بينتقم لأخوه .. الموضوع طلع فيه صلة قرابة
خالد افهمك ياباشا
أحمد يوم ما عمل علاقة مع اختك للأسف مكانش يعرف إنها تبقى ….. أخته
تامر بيبرق وهو بيبص لمروان يشوف رد فعله بعد الکاړثة دي
رجع مروان ورا خطوتين من قوة الصدمة
مروان مش فاهم .. أخته ازاي
خالد هي كمان مش أخته لوحده .. أختك انت كمان يامارو واخت
تامر أخوك كمان
الكلام دا محدش يعرفه غير ٣
انا جاد أبوك تامر .. ودلوقتي بعد معرفتك بقينا ٤
مروان ازاااااااي الكلام دا ماتنططططق
خالد أمك الله يرحمها قبل ما تتجوز ابوك كانت متجوزة أبويا .. جابت منه احمد واتمردت على العيشة سابته واتجوزت أبوك .. جابتك انت وتامر وشمس
بعد ما سابت أبويا بسنة بالظبط ماټ من قهرته منها ومن اللي عملته
وقتها انا کرهت امك لسببين وبقيت عاوز انتقم من عيالها بأي طريقة
أولهم انها كانت السبب في مۏت أبويا .. تانيهم إن أبويا كان متجوز قبلها امي وجابني منها وامك جت خادته من امي وفرقت بينهم وفي الآخر سابته بردو
مروان يعني أحمد يبقى اخونا من الأم .. واخوك من الأب
خالد بالظبط كدا
شمس عمالة ترجع جامد اوووي وتعبانة جدا وابوها واقف جنبها مش عارف يعملها ايه نزل جري على شقة مروان خبط فتحتله رهف
رهف في ايه يابابا مالك
جاد رهف تعالي معايا بسررررعة شمس تعبانة اوي من بدري
رهف يالهووي طب استني استني ألبس الشبشب
يلاااا بينا
مروان بيبص لتامر وانت كنت عارف الكلام دا ياتامر
تامر بيبص في الارض وساكت
أحمد بيفتح عينه اللي انت متعرفوش ياخالد إن اللي كانوا يعرفوا ٤ مش ٣
انا كنت عارف .. وعشان كدا قصدت اعمل كلللل دا وخدرتها لحد مااوصل للي انا عاوزه
مروان !!!!
ياابن الكللللللللب
لسة هيمسك فيه تليفونه رن في ايده رهف
مروان بيرد ايوة يارهف
رهف الحقني يامروان أختك تعبانة اووووي من بدري تعالي بسررعة نوديها مستشفى ولا اي حاجة
مروان بيبرق يالهوووي .. خلي بالك منها انا جاي حاااالا
قفل معاها التليفون وبص لاحمد وخالد .. كلامنا مخلصش لسة لينا كمالة
نزل يجري على تحت هو وتامر .. ركبوا العربية وطاروا في إتجاه البيت
حازم وأسماء راكبين العربية
حازم بيبوس ايديها حمدالله على سلامتك ياروح قلبي .. متتخيليش كنت خاېف عليكي قد ايه
أسماء انت اتغيرت اووي ياحازم .. عمري ماتخيلت أشوفك كدا في يوم من الايام
حازم مش اتغيرت .. اتعلمت
اتعلمت إن النظرة في وشك انتي وابني مفيش أغلى ولا أعظم منها
قوليلي صحيح .. بمناسبة ابننا فيه حاجة مهمة نسيناها من كتر المشاكل
أسماء ايه هي الحاجة
حازم نسينا نسميه
أسماء
بص بصراحة هو انا منستش .. انا كان نفسي في اسم كدا من زمان بس مكنتش حابة افرضه عليك
حازم . Done
اعتبريه اتسمى خلاص
أسماء يامجنون طب اصبررر لما تعرفه الأول
حازم ياقلبي انتي أحلامك اوااااامر
أسماء يونس
حازم على إسم باباكي الله يرحمه
أسماء اه
حازم بيبوسها من خدها اعتبريه حصل ياقلبي
أسماء
