ضرتى حامل

ومتنرفزه من عمايل مرات ابوكي فيكي وهطلعيهم عليا
ليلى
بالعكس دنا راجعه من هناك مبسوطه آخر امبساط وفايزه الي بتقولي عليها دي كانت بتأكلني بايديها انا وادم
سماح بغيظ
لا والله وده من امتى بقا ان شاء الله الى اعرفه ان فايزه مش بطيق اشوفك قدامها اي الي خلاها ترضى عنك كدا
ليلى
اهو الي حصل بقا يا سماح انتي عايزه حاجه
سماح
وانا هاعوز منك ايه اتفضلي على شقتك
ليلى
مش لما ادخل لحماتي الأول اعرفها ان انا جيت
وسابتها ليلى ودخلت جوه ولما حماتها شافتها قالت لها
حمدلله على السلامه ليلى ان شاء الله يكون ابوكي بخير
ليلى
الحمد لله بابا بخير وبيسلم عليكي
الحما
الله يسلمه يا ختي الا هو كان عايزك في ايه يكونش هيودع ولا حاجة وعايز يشوفك قبل مايروح

ليلى
لا ياحماتي بابا الحمد لله صحتة زي الفل جدا ومش هيروح دلوقتي بعد الشړ عليه هو بس كان عايزني اااا عشان ادم كان واحشة وكان نفسه يشوفو
الحما
اااه طيب يارب بس ادم لما يكبر مايعرفش ان جده ده كان بسبب ان ابوه راح وسابة لوحده في الدنيا
ليلى
انتي لسه برضو حاطة في دماغك ان بابا السبب في اللي حصل لسامي وهو اصلا راح في حاډثة وكلنا عارفين كده
الحما
ماهو لو مكنش بيجري من رجالة ابوكي مكنش حصله اللي حصل خلاص بقا ربنا يرحمك يابني وحقك عند ربنا
ليلى
انا شقتي ياحماتي تصبحي على خير
وسبتها ليلى وطلعت شقتها وفضلت ټعيط كتير اوي لحد لما نامت والصبح نزلت عند حماتها وفضلت تشتغل في البيت وفجأة سماح تعبت وداخت وكانت بترجع ليلى قالت لها

مالك يا سماح ايه اللي جرا لك ده في ايه انتي اول مره يحصل لك كده
سماح
ده ده باين كده واخده برد في معدتي متحطيش في دماغك انتي يا ليلي وانا دلوقتي هدخل اعملي شوية نعناع وهبقا كويسه
ليلى
طيب انا هدخل المطبخ اعمله انا خليكي مرتاحة انتي وانا هعمل لك
ودخلت ليلى المطبخ عشان تعمل النعناع لسماح وحماتها قالت لها
مالك يابت في ايه مش على بعضك ليه كده هو انتي عماله ترجعي ليه وتعبانة كده
سماح
وانا اش عرفني يعني يا حماتي انا قومت من النوم الصبح لقيت نفسي كده
الحما
طيب اشربي النعناع وادخلي نامي شوية وعلى اخر النهار هنبقا نروح نكشف عليكي
وفي الوقت ده خرجت ليلى من المطبخ وقالت لهم
انا هبقا اروح مع سماح عند الدكتور ياحماتي وخليكي انتي مرتاحة

سماح بتوتر
لا لا انا عايزة حماتي هي اللي تيجي معايا عند الدكتور خليكي انتي عشان ابنك يا ليلي مش هينفع تيجي وتسبيه
ليلى
خلاص ياسماح براحتك اللي تشوفيه انا بس كنت عايزة اريح حماتي عشان انتي عارفه المشاوير بتتعبها جدا
الحما
وانا مش تعبانة ياحبيبتي احسن صحتي احسن منك ياعين امك
ليلى
ربنا يديكي الصحة ياحماتي وتفضلي طول عمرك كده احسن مني انا هاقوم اكل ادم أصله ماكلش من الصبح عن اذنكم
وسبتهم ودخلت جوه وسماح قالت لحماتها
انا خاېفة ياحماتي ليكون عندي اللي في راسي
الحما
وهو ايه اللي في راسك يابت فهميني
سماح
انا خاېفة لكون حامل هعمل ايه لو طلعت حامل ليلى هنقول لليلى والناس ايه
الحما
ايه اللي هاتقولي ايه دي يابت انتي هاتقولي انك حامل من جوزك هتقولي ايه يعني

سماح
جوزي جوزي ازاى ياحماتي يعني وسامي راح من ست سنين اقول ايه انا حامل بقالي ست سنين
الحما
ايوه عندك حق يابت طيب هنعمل ايه صحيح ده انتي كنتي بتتمني الحمل ده يقوم لما يحصل وجوزك راح اصلا
سماح
ايوه انا مش عارفه اعمل ايه وفي نفس الوقت لو قولنا الحقيقة انتي عارفه ايه اللي هيحصل والمصاېب

اللي هتحصل لنا
الحما
طيب هنعمل ايه يابت هو انتي متأكدة انك حامل ياسماح
سماح
انا جبت اختبار امبارح بس بنت خالتي قالت ممكن بيطلع مش مظبوط اوي فلازم اروح لدكتور عشان اتأكد
الحما
طيب وبعدين بقا في المصېبة دي هو انتي مكنتيش عارفه تعملي حسابك
سماح
اعمل حسابي ازاى ياحماتي ما انتي عارفه اني فضلت متجوزة ابنك سنين ومحصلش حمل اهو جه دلوقتي وحصل هتصرف ازاى بقا ومتقوليش انزله انا مصدقت اني حملت
الحما
خلاص هنبقا نشوف الموضوع ده بعدين المهم نتأكد الأول وبعدين يحلها حلال
وبعدها راحت الحما وسماح للدكتور وقال لهم
فعلا فيه حمل في الشهر التالت الف مبروك
سماح بصت لحماتها بفرح وقالت
طيب يادكتور دلوقتي انا اتحرك براحتي عادي ولا الحركة بحساب اصل دي حماتي وكنت عايزاك تقول قدامها

الدكتور
ههههه اها قولي كده بقا قولي انك عايزة حماتك تريحك من شغل البيت وعايزة تفضلي في السرير على العموم هي الراحة مطلوبة برضو لكن الحركة بحساب ماشي
سماح
حاضر يادكتور ان شاء الله خير يلا ياحماتي نمشي
الحما
يلا بينا يابنتي نمشي
ومشيو وسماح قالت لها
ايه العمل دلوقتي ياحماتي اعمل ايه ولو فضلت مدارية الحمل كده بعد كام شهر هيبان عليا لما بطني تكبر هاقول ايه للست هانم اللي في البيت دي
الحما 
انتي بس دلوقتي تفضلي مدارية عليها ولما يبان الحمل يبقا هنشوف هنعمل ايه وقتها
سماح 
علي اد مانا فرحانة بالحمل على اد ما أنا زعلانة انه حصل في وقت ماينفعش خالص
الحما 
سبيها على الله ياسماح هو ربنا اللي هيدبرها من عنده بقا
و صلو البيت وليلى قالت لهم 
ها عملتي ايه عند الدكتور ياسماح قالك عندك ايه بالظبط
سماح بصت لحماتها ورجعت بصت لها وقالت 
اااا قالي ااا شوية برد في المعدة وكتب لي شوية أدوية للمعدة وسعي يا ليلي خليني ادخل عند حماتي ارتاح شوية
ليلى 
طيب يا سماح ادخلي ارتاحي لو عايزاني اعمل لك اي حاجة قولي لي اعملها لك
سماح 
لا كتر ياختي انا هدخل انام شوية واصحى هبقي كويسة ان شاء الله
ودخلت سماح وسابت ليلى مع حماتها وقالت لها 
هو الدكتور قال لكم انهم فعلا شوية برد فعلا اصل البت سماح شكلها مش طبيعي خالص
الحما 
ايوه قالنا كده اومال يعني هي هيكون عندها ايه يا ليلي وبعدين مالك كده مركزه مع سماح اوي ماتسبيها في حالها ياختي دي البت غلبانة ومکسورة الجناح
ليلى 
على اساس يعني انا اللي مش غلبانة ومکسورة الجناح
الحما 
على الاقل انتي ابوكي عايش ابوكي اللي كان السبب في ان ابني ااا…… مش عايزة افتكر يلا الله يسامحة ابوكي ده
ليلى 
ياحماتي ده والله بابا غلبان خالص وكان بيحب سامي وانتي عارفه ان سامي كان دراع بابا اليمين
الحما 
ااه كان دراعة بس ابوكي غدر بيه عشان ابوكي غدار
ليلى 
بابا عمره مكان غدار ياحماتي ولا عمره غدر بسامي هو احنا كل شوية هنفضل نتكلم في الموضوع ده ارجوكي ياحماتي انسي اللي حصل ممكن
الحما 
خلاص بقا ياختي اللي حصل حصل وابني خلاص وراح ربنا يرحمة بقا
وفضلت سماح تتعب ومش في العاده بتاعتها وليلى بقت تشك فيها وفي تصرفاتها وعدت الشهور وسماح بدا يبان عليها الحمل وليلى قالت لها 
هو انتي عامله كده ليه يا سماح انتي عارفه شكلك زي ماتكوني حامل في الشهر السابع
سماح ارتبكت وبصت لحماتها وقالت 
ايه الكلام اللي انتي بتقوليه ده يا ليلي ماتحترمي نفسك ياحبيبتي هو انتي هتعملي عليا فاهمة كل حاجة ولا ايه ممكن تخليكي في نفسك وملكيش دعوة بيا
ليلي 
وهو انا قولت ايه يعني ياسماح انا قولت حاجة انا بقولك بس اني شاكة مش اكتر وبعدين انتي بتتخني