انت مجنون يااحمد انا خالتك ابعد ….

بيقولوا ان الظروف ممكن تغير من حياه انسان لكن هي الظروف ممكن تعملوا مچرم ولا الانسان مخير انه يمشي في الاتجاه الصحيح وما يعملش الغلط تحت بند ظروفي كانت كده
انا شريفه قصتي دي حقيقيه هحكي لكم اللي حصل وانتم لكم الحكم في النهايه نسيت اقول انا عندي 30 سنه ولسه ما اتجوزتش بيقولوا عليا عانس
شـ،ـقه فاخره في الزمالك
صاحبه الشـ،ـقه
شريفه خلصتي تنظيف
شريفه
ايوه يا هانم دعكت ارض المطبخ والحمامين الماستر وبتاع الضيوف وخليتهم بيبرقوا
صاحبه الشـ،ـقه بتبص لها بقرف
غيري هـ،ـدومك بسرعه ايه المنظر ده في ناس جايين دلوقتي يزوروني
الشريفه بحزن
حاضر يا هانم ما دي الهـ،ـدوم اللي بنظف بيها
صاحبه الشـ،ـقه
قلت لك كثير يبقى معاكي غيار نضيف شويه مش كل الهـ،ـدوم مبقعه انت بتودي فلوسك فين
شريفه
ما هو انا دواء امي واخد كل فلوسي وايجار الاوضه
صاحبه الشـ،ـقه بتقاطعها
هو انت ما بتصدقي تتكلمي ولا ايه انا مش عايزه اعرف ظروفك انت بتشتغلي وانا بديكي مرتب وبقول لك خلي هـ،ـدومك نظيفه شويه حتى علشان صحتك وشكلك
وبعد المغرب خرجت شريفه بعد ما تهد حيلها في تنظيف الشـ،ـقه
ركبت كذا مواصله علشان تروح الحته اللي هي ساكنه فيها مكان مهمش على خريطه العاصمه من العشوائيات زي ما بيقولوا
واول محطه رجليها في الحته ودخلت
احمد
مساء النور يا خالتي
شريفه
خالتك ايه جاتك القرف اهو كلمه خالتي دي اللي موقفه سوقي
احمد بيضحك وبيطلع السېجاره من بقه
ماشي يا خالتي اقصد يا شريفه ههههههه امي قاعده عندكم شوفي لنا بقى حاجه نتعشى بيها كمان شويه
شريفه
هو انتم ما بتفوتوش يوم غير لما بتيجي تطبوا علينا وانا لازم ااكلكم ما انت معاك في جيبك فلوس قد كده
ضحك احمد وسابته ومشيت دخلت بيت قديم جدا الشبابيك وكبيره وساندينها بعواميد خشب
شريفه اتكعبلت وهي داخله في السلالم المكسوره
يا رب هو بس مين سرق اللمبه من هنا هو انا كل ما اجيب لمبه تتسرق
دخلت شريفه اوضه جنب السلم اوضه كبيره لكنها ضلمه والحيطان مشـ،ـققه وفي السقف بيوت العنكبوت ولا كانها من 100 سنه
امها
بنت يا شريفه مالك هو انت كل يوم تيجي لنا بالغاغة بتاعتك دي
شريفه
اعمل ايه ياما كل ما احط لمبه علشان ما تكعبلش في السلالم المكسوره اجي الاقيها مسروقه توب علينا يا رب من الحته دي
اختها ام احمد وهي حاطه السېجاره في بقها
وهيتوب ازاي يا اختي وانت منشفه دماغك
شريفه بتحط الكيسه اللي جايباها على ترابيزه مسنوده على الحيطه علشان بثلاث رجلين
بصي ياما جبت لك ايه في الكيسه دي النهارده الهانم كانت عامله بفتيك ورز بسمتي بالمكسرات وايش مشمر وايش محمر جبت لك منه
ام احمد
ياما جاب الغراب لامه ما الاكل يا اختي كله فوق بعض
شريفه وهي عامله نفسها مش سامعه اختها
حامله لك طبق ياما واجيبه لك لغايه عندك
امها
لو في عضم شيليه لي