رواية ملاكي
آدم: رايح فين
فهد: هعدى على مها فى الكليه وهاخدها واروح
آدم: هاجى معاك
فهد: ماشى يلا
ذهب كل من فهد وآدم الى كلية الهندسه وجلسوا فى كافيه مستنين مها اخت فهد وف أولى كليه صيدله مع ملاك ومنه
اثناء انتظارهم
آدم بتوهان: اوبا بص اللى هناك دى
فهد: فين دى ؟
آدم: هناك اهى يالا ام دريس اسود وطرحه أوف وايت
فهد: اها جميلة فعلًا
آدم: جميلة ايه يا عم دى ملاك
فهد: مابلاش السيرة دى
آدم: لأ مش ملاك قريبتك أنا أقصد البنت دى شكلها ملاك
فهد بتوهان: فعلًا دى اكيد اسمها قمر أو جميله
مها ؛ مين دى يا سى فهد
فهد: خلصتى ؟
مها: أيوة، مالك بتبص على مين
فهد: ______
مها: ماله ده، هو بيبص على مين يا آدم ؟
ادم: ________
ده انتوا متخلفين أنا هجيب حاجه وراجعه
فهد: مين دى أول مره اشوفها
ادم: وانا بردو بس،،،، الحق مش ده سيف اخوك
فهد: هو فين ده ؟
آدم: يالا اللى واقف بيبوس راسها ده سيف
آدم: اها تصدق هو
مها من خلفهم: لسه سرحانين
فهد: مها هي مين اللى سيف واقف معاها دى ؟
مها بصوت عالى وفرحه: ملاااااااك
فهد بصدم#مه
فهد بصدم#مه: ملاك مين
مها: ملاك بنت خالك
آدم: دى ملاك
مها: أيوة والله، أنا هروح اسلم عليها
عند ملاك
سيف: انتى مجتيش البيت ليه يا ملاك مش ماما اتفقت مع خالى أنك هتفضلى معانا
ملاك: لأ يا ابيه أنا هخلينى فى السكن مش هروح عند حد
سيف: حد ايه انتى هتكونى عند عمتك
منه: طب ما تيجى عندى يا ملاك
ملاك: لأ مش هينفع
منه: ليه يعنى أنا عايشه لوحدى واهو بالمره تونسينى يعنى
سيف: معلش يا انسه هي هتيجى عند عمتها
منه بعصبيه: والغبى اخوك كل شويه يغلط فيها صح
ملاك: منه اسكتى
سيف: هو فى ايه يا ملاك هو فهد قالك حاجه ؟!
ملاك: لأ يا أبيه مفيش
وصلت مها
مها: وحشانى أوى يا ملوكه
ملاك: وانتى كمان والله وحشتينى أوى، طمنينى عليكى
مها: بخير الحمدلله
منه: أنا همشى يا ملاك وكلمينى متنسيش
بقلمي/ رنا شريف
ملاك: حاضر يا منه
بعد ما منه مشيت
مها: خلصتى يا ملاك ولا لسه عندك محاضرات ؟!
ملاك: لأ خلصت
مها: طيب يلا نروح مش ماما كلمتك الصبح
ملاك: ايوة
مها: طيب يلا وانا هاجى مع فهد
سيف: ماشى
عند فهد
آدم: مالك يا فهد
فهد: مالى
آدم: حاسس انك هتعيط كده
فهد: ليه يعنى على فكره انا وجهة نظري مش هتتغير هي فلاحه
آدم: ومالهم الفلاحين يا سى فهد، بطل تفكيرك ده ومتنساش إن امك وابوك من البلد اللى هي جايه منها ومش معنى انك اتربيت فى بلاد بره إنك احسن وانك تنسى أصلك
بقلمى/ رنا شريف
مها: يلا يا فهد
فهد: يلا ياختى
بعد وقت فى فيلا الصياد
أميرة: كده يا ملاك، أنا مش مكلماكى امبارح وقولتى انك هتفضلى معانا
ملاك: معلش يا عمتى بس مش عايزة اتقل عليكم
حازم: اوعى تقولى حاجه زى كده تانى، انتى زيك زى مها هنا،انتى صاحبه بيت وده بيت عمتك مش حد غريب
ملاك: معلش بس،،،،،،،،،،،،،،
أميره بمقاطعه: مبسش يا ملاك أنا قولت كلمه وخلاص انتى هتفضلى هنا يعنى هتفضلى
ملاك باندفاع: وأنا مش هفضل فى مكان ومش مرحب بوجودى فيه
سيف: مين هنا مش مرحب بوجودك يا ملاك
ملاك: انتوا أدرى أنا مش هفضل هنا
مها: يا ملاك اسمعى بس والله إحنا كلنا بنحبك أوى وعاوزينك تفضلى هنا على طول
ملاك: وهو ينفع واحده جايه من العزبه والفلاحين تفضل هنا
اميره: انتى بتقولى كده ليه يعنى محدش قال كده
ملاك: بعد كده يا عمتى اتأكدى انك قفلتى موبايلك عشان لو حد تانى هيزعل أوى
فهد: على فكره مش ده القصد من الكلام اللى أنا قولته و،،،،،،،،،،
ملاك بمقاطعه: ولو ده القصد عادى انا رأيك ميهمنيش في حاجة
حازم: طيب يا بنتى أنا آسف على. كلام فهد اللى قاله متزعليش
فهد: بابا هو انت بتعتذرلها على ايه انا مش غلطان هي فعلًا جايه من…………….
بقلمى/ رنا شريف
حازم بحده: مش عايز اسمعلك صوت يا فهد
أميره: ملاك أنا قررت انك هتفضلى اطلعى استريحى فى اوضتك على م الغدا يجهز وانتى يا مها اطلعى معاها
ملاك: يا عمتى اسمعينى
اميره: سمعتى يا ملاك
ملاك باستسلام: حاضر سمعت هروح اجيب حاجتى من السكن
حازم: بعد الغدا سيف هياخدك وتجيبى حاجتك ارتاحى دلوقتى
ملاك: حاضر
