اضغط على متابعة القراءة للجزء الثاني فاقت من شرودها على يد صغيره مسكتها من رجليها بصت لتحت وقالت: انت صحيت يا قلب ماما وشالته – انا ثحيت وجعان اوي عاوز أكل ايمان: حاضر يا روح ماما انت بقي مؤيد بشا عاوز يأكل وماما تتأخر عليه تعال يا حبيبي احضرلك الكونفليكيس بتاعك مؤيد سقف وباسها من خدها إيمان بصتله بحب وقعدته على الكرسي وحطيتله الأكل وهي بتبصله بحنان وقالت: مع إن ابوك رماني انا وانت من يوم ما عرف إني حامل فيك وكل دا بسبب جدتك اللي مكنتش حباني وكانت عوزاه يتجوز بنت اختها عليا لكنك دلوقتي عيوني اللي مقدرش استغنى عنها يا مؤيد بصت عليه ودمعت وافتكرت كل القهر اللي مرت بيه من ساعة ما علي رماها بره بيته على الرغم من مرور أربع سنين إلا أنها مقدرتش تنسا ———- إذكروا الله——- – نعم حامل في بنت تاني؟ إنتي مش مكفيكي البنت الأولي عاوزه بنت تاني دا انا خليته يطلق اللي ما تتسمي عشان خاطر يتجوزك انتي مش عارفه تحبيله واد وانا أعمل اي يعني يا خالتي كل حاجة بايد ربنا وبعدين متتكلميش معايا كدا انا مش إيمان هتسكت وتعدي الموضوع ايوه انتي خالتي لكن لو كلمتيني كدا تاني هرد عليكي ومش بس كدا هعمل حاجات انتي نفسك متتخيلهاش يا ابتسام ابتسام بصدمة: انتي ازي تتكلمي معايا بالوقاحة دي يا نهال لو كنتي نسيتي نفسك لا يا حبيبتي فوقي انا الي خليته يطلق إيمان وانا برضوا اللي ممكن اخليه يرميكي بره وميترمش ليه جفن نهال بضحكة خليعة وردح: ليه إن شاء الله فكراني زي إيمان هبله هتخاف لا يا خالتي وإن كنتي ناسية انا ورايا امي واخواتي وأبويا قبلهم ياكلوا الزلط ولو على ابنك بقي زي الخاتم في صباعي تشاو بقي عشان الحمل تاعبني ابتسام: انا اللي جبته لنفسي ازاي اسيب إيمان اللي كانت لا بتصد ولا بترد واجيب الشرشوحة دي وكملت بقلق بس يا تري اللعنة اللي قالت عليها هتتحقق يتبع نهال: اسمع يا علي انا بقولك اهو امك لو اتكلمت عليا كلمه تاني وإلا قالت بنات ومش بنات مش قعدالك فيها وهطلقني مش كفاية مستحمله قرفها علي: قرف ايه يا نهال دي امي برضوا احفظي كلامك نهال: شوف هي مش خالتي اهو بس يا شيخ ربنا يديم عدم القبول بينا انا مش عارفه إيمان كانت مستحملاها إزاي يا شيخ دي ليها الجنه على: وليه بتجيبي سيرتها دلوقتي انسيها بقي وعيشي انا طلقتها عشان اتجوزك انتي نهال: بأمر من أمك يخويا اوعي تكون مفكرني مش عارفه انت عملت فيها ايه دا انت دبحتها بالحياة ولازم انت وامك تعرفوا مين نهال عشان متفكرونيش زي إيمان سهله إنكم تكسروني علي: بووووه دي بقت عيشه تقصف العمر انا خارج نهال بلا مبالاة: مع السلامه يخويا متنساش تشتكي لأمك كويس بعد ما علي مشي نهال قالت في سرها: لازم اوريكم العين الحمرا وخصوصًا أمك دي دا انتوا دمرتوا البت إيمان مش هسمح يحصلي زيها قبل ما تفكروا تعملوا معايا كدا هعرفكم فين هي نهال ابتسام: يعني ايه اللي بتقوله دا يا علي علي: زي ما سمعتي كدا يا اما بقت لا تطاق وعلطول نكد نكد انا بفكر أطلقها وأخلص منها بقي ابتسام: تطلق مين يا أهبل دي بنت خالتك شوف اخواتها الواحد فيهم قد ضلفه الدلاب لو سيبتهم عليك يبقي الله يرحمك علي بغيظ: وكان مين اللي ورطنا الورطه السودة دي مش انتي كان مالها إيمان يعني كانت لا بتهش ولا بتنش وكل حاجه حاضر ونعم كنت عايش ملك معاها ابتسام: قطيعة تاخدها مطرح مهي قاعدة هي كمان انت مش ناسي الكلمتين اللي قالتهم ليك عن اللعنه علي: انتي بتصدقي يا اما كلمتين قالتهم وقت عصبيتها اللي احنا عملناه فيها مش شوية برضوا تفتكري ابني عامل إزاي دلوقتي ابتسام: انت مش بتبرط كلامها باللي بيحصل مراتك حامل في البنت التانيه يا حزين وبعدين انسي إن ليك إبن من اللي إسمها إيمان دي انت فاهم وإلا قلبي وربي هيبقوا غضبانين عليك علي بصلها نظره مفهمتهاش ولكنها معلقتش وسابته ودخلت المطبخ وهي بتقول: بما إن مراتك غضبتك زي الولايا هعمل حسابك في الغدا علي في سره: ايه الفرق اللي الواحد عايش فيه دا بس يا ربي إيمان: يلا يا مؤيد كدا هتتاخر على درس السباحه بتاعك مؤيد: ماما هو فين بابا إيمان بمرارة: ليه بتسال عليه يا مؤيد هو انا كنت أثرت معاك في حاجة مؤيد بعد فهم: كل الناس عندها ماما وبابا وانا عندي ماما بس إيمان: اممم مؤيد كبر دلوقتي وهيفهم ماما هتقوله ايه صح مؤيد ببراءة: صح إيمان: بابا طلع فوق عند ربنا مؤيد: طب يلا نروح نقعد معاه شوية عند ربنا إيمان: لا يا مؤيد اللي بيروح عند ربنا مش هينفع نشوفهم أو نتكلم معاهم خالص مؤيد بحزن: يعني انا كدا مش هيبقى عندي بابا ابدا إيمان بحزن: وانا روحت فين يا مؤيد منا ماما وبابا مع بعض أي رايك دلوقتي اخدك التمرين واحبلك آيس كريم من اللي بتحبه بعد ما تخلص مؤيد بفرحة: ماشي يلا بينا إيمان أخدت مؤيد للتمرين وقعد تستناه على طرييزة قريبه منه وبدأت تفتكر اللي حصلها بعد طلاقها من على فلاش باك مشيت إيمان وهي منهارة هتروح فين وإلا تشكي لمين هو مش بس اتهامها في شرفها دا دبحها بسكينة تلمه رجعت بيت أهلها من تاني خبر طلاقها وأسبابه انتشرت في المنطقة اللي قاعدة فيها والكل بقي يبصلها نظره اتهام لدرجة أنها سمعت جيرانها بيتكلموا عليها ام سعيد: شوفتي يختي البت محدش مالي عنيها حامل من واحد غير جوزها وماشية كدا واحدة غيرها كانت مو*تت نفسها ام ممدوح: بنات آخر زمن والله يا ام سعيد دي واحدة عا*هرة هنستني منها ايه دا جوزها لما عرف بحملها طلقها ورماها ام سعيد: ربنا يسترها على وليانا يختي إيمان سمعت كلمه عا*هرة وعفا*ريت الدنيا بقتت تتنطط في وشها و… إيمان سمعت كلمه عاهرة وعفا*ريت الدنيا بقتت تتنطط في وشها وقفت قدام أم ممدوح وقالت: عا*هرة مين يا ولية ليه هو أنا بمشي أعرض جسمي في الشارع زي ناس وبصت لـ أم سعيد وقالت: وإلا برجع في انصاص الليالي اسمعي يا ولية منك ليه وكملت بصوت عالي اسمعي يا حاره مجبتش راجل اللي هيجيب سرتي على لسانه هيكون هو اللي جانه على نفسه و خليني ساكته لحسن كلنا عارفين ايه اللي بيحصل في البيوت ابني دا ابن حلال واللي هيقول غير كدا هرفع عليه قضية تشهير أم ممدوح: يختي انتي فاردة جنحاتك علينا كدا ليه دا انتي مطلقة يا بت لا وجوزك متهمك في شر*فك واحدة زيك كانت قعدت في بيتها مخرجتش منه إيمان: اقعد في بيتي يا حبيبتي لو انا غلطانة أو عامله عامله الدور والباقي علي اللي بيتعمله محضر آداب كل يوم والتاني أم ممدوح بصت في الأرض ومعرفتش تتكلم بس إيمان كملت وقالت: أيوة يختي بصي في الأرض دلوقتي قولتلك خليني ساكته أحسن عدت شهور الحمل وإيمان بتسمع كلام زي السـ ـم في الراحة والجاية جه معاد الولادة ولدت ولد زي القمر لكنها كانت محتاجة تسبته عشان تمشي كل حاجه رسمي وتخلي رأسه مرفوعة دايما فاقت على صوت مؤيد وهو بيقول: ماما انا خلصت تمرين إيمان: يا عيون ماما أنت طب يلا تعال عشان نمشي —— اذكروا الله———– علي اتغدا مع أمه وخرج شويه بس رجع بسرعة لأن ابتهال اتصلت بيه ابتهال بزعيق: انت فين يا سبع الرجال بولد علي: بتولدي اييه انتي في السابع ابتهال بنتك يخويا أخلص تعال بسرعه واتصل على امي تجيلي علي: ماشي ماشي قفل الخط معاها وهو بيشتمها هي والجواز في ساعة واحدة رجع على البيت بعد ما كلم حماته وأخد ابتهال وأمه وراح على المستشفى —— اذكروا الله———– إيمان أخدت مؤيد وروحوا دخلت شقتها وخلت مؤيد يروح ياخد حمام وقعدت تفتكر إزاي رجعت حقه فلاش باك إيمان كانت والده وتعبانه في المستشفى ومحدش واقف جنبها قعدت كام يوم وبعدين خرجت أول ما خرجت راحت على القسم ورفعت قضية إثبات نسب وكان سهل عليها انها تسبت إن مؤيد ابن علي وخصوصًا إن مراته كانت حامل في أول بنت ليها المحكمة أمرت أنهم يعملوا تحليلDNA وفعلًا عملوه وطلعت النتيجة إن مؤيد ابن علي و كمان أمرت على أنه يتكفل بأجر المحامي وحطت لمؤيد مرتب شهري ليه نفقة إيمان بصتله بانتصار وهي ماشية وبقت ابتهال تدعي عليها هي وام علي بعد ما إيمان ثبتت نسب ابنها وانتشر الخبر في الحارة أخدت مؤيد وراحت مكان تاني واشتغلت وبقت تصرف على ابنها ونفسها وبس باااك ابتهال ولدت البنت التانيه وابتسام واقفة مش عاجبها الحال كل اللي همها الولد وبس ابتهال: مالك يا خالتي واقفة مش طايقة نفسك كدا ليه لو تعبانه من الواقفة روحي ابتسام: أيوة مش عاجبني الحال انا عاوزه ولد مش بنت ايه مش هتعرفي تجبيله واد هتشمتي المخفية فينا ابتهال: اه معلش اصل معايا زورار ادوس عليه يجبلي ولد ادوس عليه تاني يجبلي بنت بقولك ايه يا خالتي انا دماغي وجعاني اتفضلي روحي شوفي انتي رايحة فين ابتسام مشيت وهي نفسها تضر*ب ابتهال عدي تلت سنين وابتهال جابت لعلي البنت التالته ودا خلي ابتسام هتو”لع نار وبقي جواها خوف إن كلام إيمان يتحقق وعلى يبقي عقيم عدي تلت سنين وابتهال جابت لعلي البنت التالته ودا خلي ابتسام هتو”لع نار وبقي جواها خوف إن كلام إيمان يتحقق وعلى يبقي عقيم في التبت سنين دول إيمان اتقدمت جدًا في شغلها وبقي وضعها الاجتماعي كويس جدًا لدرجة أنها مبقتش محتاجة علي وإلا الفلوس اللي بيدفعها لـمؤيد كانت طول السنين دي تدعي ربنا يرجعلها حقها من اللي ظلمها وجه عليها اتقدملها ناس كتير بس كانت بترفض كانت خايفة تخوض التجربة تاني تظلم نفسها وتظلم ابنها – لسه برضوا مش موافقة يا إيمان انا شاريكي والله إيمان بابتسامة: عارفة يا حسن لكني والله ما قادرة انا خايفة اكون بظلم ابني عارفة انك شاريني لكن مش علي حساب ابني حسن: يا إيمان والله ابك هيبقي ابني واكتر كمان إيمان بهدوء: الحقيقة يا حسن أنت جاي في وقت انا شايلة الموضوع من دماغي نهائي بس أوعدك افكر حسن بأمل: فكري براحتك يا إيمان بس اعرفي اني هكون دايما في انتظارك علي كان رايح لمراته المستشفى لكن للأسف قضاء ربنا نفذ وعربية خبطـ*ـته قبل ما يوصل الدكاترة خارجة داخله الوضع خطير مش مستحمل.. خلاص بيموت علي كان في حالة اللاوعي شاف قدامة إيمان واقفة بتعيط وشايلة عيل صغير غاب عن الوعي بعد ما سمع الدكتور وهو بيقول: خدروه بسرعة مفيش وقت النذيف مش راضي يقف ——- اذكروا الله———– ابتسام كانت قاعدة في المستشفى مع ابتهال لما جالها الخبر ابتهال: هو على اتاخر كدا ليه يا خالتي ابتسام: والله يا بنتي ماعرف استني اهو بيتصل اهو.. الو أيوة يا علي يا ابني اتاخرت ليه – انا مش علي يا أمي صاحب التلفون دا عمل حادثة وهو دلوقتي في العمليات ومحتاجين حد من أهله عشان شوية أوراق ابتسام بصدمة وصويت: ابني وقامت تجري تتكفي وهي ماشية ابتهال: فيه ايه يا خالتي استني فهميني الأول ابتسام مردتش عليها وسابتها ومشيت ابتهال: جيب العواقب سليمة يا رب ——- اذكروا الله———– ابتسام واقفة قدام العمليات وعمالة تدعي لابنها ومش مبطله عياط بعد مدة كبيرة الدكتور خرج وابتسام راحت جري عليه وقالت: خير يا دكتور ابني كويس الدكتور: هو حاليا كويس لكن للاسف هو مش هيقدر يخلف تاني الخبر نزل على ابتسام زي الصاعقة وقالت بصدمة: يعني ايه يا دكتور مش هيقدر يخلف تاني الدكتور: للأسف الخبطة كانت شديدة جدًا عليه والنذيف مكنش راضي يقف فاطرينا أننا تستأصل البروستاتا ابتسام بقت تضحك زي المجنونه وتقول: ذنب إيمان زنب إيمان وابنها ——- اذكروا الله———– بعد يومين علي فاق وعرف الخبر وطلب يشوف إيمان ومؤيد ابتسام راحت لايمان البيت وشافت فرق المستوي اللي بقت عليه واتحصرت في قلبها إيمان فتحتلها الباب واتصدمت لما شافتها ابتسام فقالت من على الباب: افندم محتاجة حاجة ابتسام بخجل: كنت عاوزه اشوف حفيدي إيمان بضحك: توك ما افتكرتي إن ليكي حفيد.. انتوا أصلا مكنتوش معترفين بيه.. جاية بعد ما تعبت في تربية سبع سنين لوحدي تقولي حفيدي آسفة مش ممكن ابتسام: بس انا من حقي أشوفه أبوه من حقه يشوفه إيمان بسخرية: وكان فين أبوه لما طردني واتهمني في شرفي كان فين لما مرديش يثبته باسمه إلا لما رفعت عليكم قضية امشي من هنا يا حاجة لاني مش هسمح إنكم تهدوا اللي بنيتوا سبع سنين ابتسام: علي في المستشفى وكان عاوز يشوفك انتي وابنه انا لو عليا مش عاوزه أشوف وشك أصلا.. انتي زي اللعنه اللي صابتني كل اما أحاول أخلص منك ترجعي تاني إيمان: بس ظلمتني وجيتي عليا أوي.. يعني زي ما بتقولي لعنه مظلومة ابتسام: عنوان المستشفى أهو واعملي اللي انتي عاوزاه ——- اذكروا الله———– إيمان قاعدة حيرانه خايفة ترفض ابنها يعاتبها لما يكبر وخايفة توافق يخدوا ابنها منها شافت إن احسن حل انها توافق على الجواز من حسن منها تكون أسره ومنها تكون لقت أب لابنها يعوضه عن كل حاجه و تكون لقت زوج كويس يعوضها اللي حصلها إيمان وافقت على حسن فعلًا وكتبوا الكتاب وقالت لحسن على علي اللي كان متفهم جدا وقال إنه هيتصرف مؤيد: بابا احنا رايحين فين حسن: مؤيد البطل احنا راحين نزور في صاحب بابا في المستشفى مؤيد: ماما هتيجي معانا حسن: أيوة عشان بعدها هنروح الملاهي كلنا مؤيد فرح جدا وباس على ايد حسن ——- اذكروا الله———– حسن: جاهزة يا ايمي إيمان: جاهزة حسن خبط على الاوضة ودخل لقي علي نايم على السرير وابتسام وابتهال جنبه حسن: تعالي يا حبيبتي ادخلي يلا يا حبيبي ادخل إيمان دخلت وهي رافعة رأسها لفوق ومتكلمتش علي اللي اتفاجئ بيها وبابنه اللي في اديها مؤيد: ألف سلامة عليك يا عمو إن شاء الله هتخف وتبقي كويس علي مد ليه ايده عشان يسلم عليه.. كان بيبصله بدموع وحسن بندم في اللحظة دي أنه بعد عن ابنه كل دا مخدوش في حضنه ولا حتي شافه ابنه اللي المفروض من صلبه بيقوله عمي مؤيد بص لحسن وقال: أسلم عليه يا بابا هنا على مكنش قادر الوجع اللي حاسس بيه ابنه قدامه ومش من حقه ياخده في حضنه بينادي حد تاني بابا حسن: سلم عليه يا مؤيد مؤيد سلم على علي بس كان كاشش وماسك في رجل حسن علي بص لايمان وقال: سامحيني إيمان: اللي بيسامح هو ربنا وبصت لحسن وقالت: نمشي يا حبيبي حسن شال مؤيد وقال: يلا يا حبيبتي علي كان باصص عليهم وهما ماشين وشايف ضحكت ابنه وفرحه مع حسن أتمني إن الزمن يرجع بيه مكنش فكر أنه يعمل كدا في إيمان ——- اذكروا الله———– حسن شايل مؤيد وماسك ايد إيمان بصلها وقال: اوعدك إني اخليكي مبسوطه كول العمر لو في يوم قصرت في حقك عاتبيني بس اوعي تفكري تبعدي عني إيمان: كنت فاكره إن خلاص حياتي وقفت على مؤيد لكن جيت انت يا حسن وحليتها من تاني يمكن أول مره هقولهالك بس انا بحبك أوي حسن فرح بالكلمة دي أوي ونزل مؤيد اللي كان بيبصلهم بفرحة وشال ايمان ولف بيها من فرحته كنت أضن أنها النهاية ولكن عوض الله كان الأجمل.. فجئت إليا لتكون القمر وسط عتمتيي
