قصة رضوى

انا رضوي حماد ٤٥ سنه ارملة من ١٠ سنين تمرجية بمستشفي خاص .. وطبعا هتفهموا من كلمة تمرجية دي اني ست ظروفي علي ادي .. زي تعليمي بالظبط انا يدوب بعرف افك الخط .. ياريت اهلي كان علموني زمان ع الاقل كنت اشتغلت شغلانه كويسة واتجوزت كمان جوازة كويسة .. انا اتجوزت من ١٥ سنه انسان بسيط علي اد حاله كان بيشتغل فاعل في المعمار وربنا رزقني منه ب ٣ بنات .. سبحان الله ربنا اداني اجمل ٣ بنات في الدنيا لدرجة ان الناس كلها كانت بتحسدني عليهم .. من عشر سنين جوزي اټوفي وهو شغال فاعل .. وقع .. بعدها اتبهدلنا وكنا مش لاقيين اللقمه لأني وقتها مكنتش بشتغل لسة .. لحد ما جت جارتي ام نيفين وقالتلي انها لقيتلي شغلانه تمرجية في مستشفي استثماري محترمة براتب معقول ورحت واشتغلت وفي مره كنا قاعدين انا وجارتي فراحت صورت البنات بالموبيل اللي معاها ونزلت صورهم ع الفيس .. انا فاكره وقتها ناس كتير اتفاعلت مع الصورة ومحدش كان مصدق ان بناتي بالجمال دا !! بعدها بيومين جاتلي ام نيفين وخبطت عليا الباب والوقت كان متأخر جدا .. انا كنت نايمه وصحتني من النوم

 فيه ايه يا ام نفين قلقتينى 
ام نيفين .. خير يا حبيبتي طبعا .. بصي انا بصراحة مقدرتش استني للصبح قلت لازم اجيلك دلوقتي وافرحك 
رضوي .. تفرحيني بإيه !
ام نيفين .. عارفة صورة بناتك اللي انا نشرتهم علي حسابي ع الفيسبوك 
رضوي .. ايوا مالها !
ام نيفين .. واحد شاف الصورة وقام باعتلي ع الخاص انه عايز يقابل صاحبة الصورة ضروري وقام سايب رقمه !
رضوي .. مين دا ! وعايز يقابلني ليه !
ام نيفين .. بصي انا لما دخلت علي صفحته لقيته رجل اعمال كبير اوي .. لكن عايز يقابلك ليه دي انا معرفهاش .. نمرته اهه .. خديها وكلميه وشوفيه عايز ايه !

رضوي .. طب وانا اكلم ليه واحد معرفوش !
ام نيفين .. يا عبيطة .. ممكن يكون عايز يتجوزك !!
رضوي .. يتجوزني !! يتجوزني ازاي وهو مشافنيش اصلا ! وبعدين انتي بتقولي انه راجل اعمال كبير اوي ! ازاي بقي هيتجوز بواحدة زيي مقضية عشاها نوم !!
ام نيفين .. مش هتخسري حاجة .. اهي النمرة عندك .. كلمية يمكن يكون خير يا رضوي 
رضوي .. اما اشوف
ام نيفين .. يلا تصبحي علي خير 
رضوي .. وانتي من اهله .. بقلك ايه
ام نيفين .. نعم 
رضوي .. هو ليه صورة عندك !
ام نيفين .. ايوا صورته ع الحساب بتاعة .. اهه 
رضوي .. يا لهوي دا شكلة وحش اوي ! دا مش شكل بني آدم ابدا !!
ام نيفين .. مش عرفة بقي دي صورته ولا لا .. يلا تصبحي علي خير 
رضوي .. وانتي من اهله
وبعد يومين وانا قاعدة بالليل بعد ما البنات اتعشوا وناموا لقيت نمرته قدامي قلت اما اتصل واشوف عايز ايه .. وفعلا كلمته وطلب يقابلني .. قلتله عشان ايه بالظبط .. قالي خير كبير جايلك في الطريق .. بصراحة انا قلت ممكن يكون خير فعلا ورحت وقابلته في الشركة بتاعته في الميعاد اللي قالي عليه .. عنده شركة كبيرة اوي في الاستيراد والتصدير .. ولما رحتله وقابلته .. لقيته نفس الصورة اللي انا شفتها علي تليفون ام نيفين .. بصراحة كنت خاېفة اوي وانا قاعدة معاه .. حاسة اني

قاعدة مع شيطان كدا زي افلام الړعب اللي بنتفرج عليها .. المهم لقيته مطلع صورة بناتي اللي ام نيفين نشرتها ع الفيس وراح قالي دول بناتك قلتله اه .. فضحك وقالي .. بس مش شبهك خالص !! فانا كمان ضحكت وقلتله ولا حتي شبه ابوهم الله يرحمه ! دول فلته كدا .. فراح قالي بس الجمال دا نادر جداا .. قلتله سبحان الله ربنا وهب بناتي نعمة الجمال .. فراح قالي فعلا .. واهي النعمة هتكسبك ٢ مليون دولار .. وراح مطلع

شنطة وحطها ع المكتب وقام فاتحها قدامي .. ببص بعيني لقيت دولارات كتير اوي .. فقلتله اي دا ! فراح قالي .. دول ٢ مليون دولار يا مدام رضوي .. فرحت قلتله بتوع ايه دول ! .. فراح قالي .. انا عايز ال ٣ بنات دول !!!!
رضوي .. عفوا .. مش فاهمه حضرتك تقصد ايه !
الرجل ويدعي فؤاد .. قصدي اني هاخد منك ال ٣ بنات دول قصاد المبلغ دا .. ٢ مليون دولار !! شوفي بقي كام بالمصري !!
رضوي .. انت بتقول ايه حضرتك ! يعني ايه تاخد بناتي .. برضوا مش فاهمه انت تقصد ايه ! قصدك يعني اني ابيعلك بناتي ولا ايه بالظبط !
فؤاد .. لا لا متفهمنيش غلط .. انا مش قصدي اني تببعيلي 
رضوي .. اومال تقصد ايه حضرتك !
فؤاد .. قصدك انك تسيبيهم عندي وانا اللي اربيهم 
رضوي .. ده علي اساس اني امهم ومش عرفة اربيهم ولا ايه !
فؤاد .. برضوا مش دا قصدي يا مدام رضوي !!
رضوي .. طيب يبقي حضرتك المفروض توضح قصد حضرتك ايه بالظبط عشان افهم بس !!
فؤاد .. بصي انا راجل غاوي كل حاجة جميلة .. اي شئ في الدنيا جميل بحب استحوذ عليه واحتفظ بيه عندي في القصر بتاعي .. انا بقدر الأشياء الجميلة جدا مهما كانت .. بشړ .. جماد .. حيوان .. اي شئ
رضوي .. ما اظنش برضوا اكون فهمت قصد حضرتك اوي يعني .. بس تقريبا كدا اللي انا فهمته انك عايز بناتي عندك عشان جمالهم !
فؤاد .. فعلا .. بناتك جمال نادر جدا عشان عايز احتفظ بيهم في القصر بتاعي 
رضوي .. معلش انا اسفة في اللفظ اللي هاقوله .. حضرتك غريب جداا علي فكره !
فؤاد .. غريب ليه ! انا انسان بيقدر الجمال والأشياء النادرة ويحب يحافظ عليها جداا .. وبصراحة كدا انا حبيت بناتك جداا وحابب انهم يعيشوا عندي في القصر بتاعي 

رضوي .. ممكن سؤال بعد اذن حضرتك
فؤاد .. اتفضلي 
رضوي .. هو حضرتك متزوج ! 
فؤاد يبدوا انه انزعج بشدة من هذا السؤال .. بدأ يتوتر ورضوي تلاحظ ذلك .. امسك من علي مكتبه وقام بإشعاله بالولاعة واخذ ورضوي تلاحظ رعشة يده التي يمسك بها 
رضوي .. انا اسفة لو السؤال ضايق حضرتك !
فؤاد .. لا لا ابدا .. انا مش متجوز
رضوي .. تمام .. يعني افهم من كدا ان حضرتك معندكش اولاد !
فؤاد .. لا معنديش اولاد 
رضوي .. تمام حضرتك 
فؤاد .. قلتي ايه !
رضوي .. مش عرفة بجد ارد اقلك ايه .. دي طلب غريب فعلا وعمري ما كنت اتوقعه انه يطلب مني ابدا .. انا لما جيت لحضرتك هنا كنت مفكره ان حضرتك هتشغلني عندك ولا حاجة !! وبعدين انا لا يمكن استغني عن بناتي ابدا .. دا انا روحي

فيهم وهما كمان متعلقين بيا اوي 
فؤاد .. بصي يا مدام رضوي .. محدش قالك انك هتستغني عن بناتك تماما .. انتي هتسبيهم عندي لمدة ٥ سنين وبعد كدا هترجعي تاخديهم تاني 
رضوي .. واشمعني ٥ سنين يعني !
فؤاد .. من غير اشمعني .. بس اللي اقدر اقولهولك انك هترجعي تلاقيهم حاجة تانية خالص برنسيسات بجد .. هتشوفيهم في صورة عمرك ما تحلمي ابدا انك تلاقيهم فيها .. 
رضوي .. هههه .. والله ما انا فاهمه حاجة خالص !
فؤاد .. بقلك ايه .. دا الكارت بتاعي فيه عنوان القصر بتاعي مستنيكي بكره انتي والبنات ع العشا وهناك هفهمك كل حاجة بالتفصيل .. اتفضلي 
رضوي متردده في اخذ الكارت ولكن تأخذه في النهاية

رضوي .. ماشي حضرتك
فؤاد .. هنتظرك الساعة ٨ بالليل .. لا تيجي قبلها ولا تيجي بعدها .. تمام !
رضوي مندهشة .. شكل حضرتك بتحب المواعيد المظبوطة جدا
.. وانا كمان بحب احترم مواعيدي اوي
فؤاد .. يبقي اتفقنا .. شرفتي يا مدام رضوي 
وتعود رضوي الي المنزل قلقة في حيرة شديدة لم تدرك حتي الان مقصد هذا الرجل ولماذا طلب منها بناتها مقابل هذا المبلغ الكبير من المال ! وحضرت اليها ام نيفين لتعرف منها ماذا حدث 
ام نيفين .. ايه عملتي ايه ! طمنيني 
رضوي .. رحلته يا ستي .. وطلع هو اللي في الصورة ع فكره .. شكله وحش جدا !! استغفر الله العظيم
ام نيفين .. وكان عايز منك ايه بقي !
رضوي .. عايز بناتي !!
ام نيفين .. يعني ايه !
رضوي .. عايز ياخد مني بناتي ويديني ٢ مليون دولار !!
ام نيفين .. انتي هتتريقي ولا ايه !
رضوي .. صدقيني دا اللي حصل بجد 
ام نيفين .. ياخد بناتك ويديلك ٢ مليون دولار ! دا مچنون دا ولا ايه ! وياخد بناتك يعمل بيهم ايه !
رضوي .. مش عرفة !! بس قال انه بيحب يحتفظ بكل حاجة جميلة عنده في القصر بتاعة 
ام نيفين .. يعني عايزك تعطي بناتك ! 
رضوي .. انا كنت فاهمه كدا في الاول .. بس لما سألته قالي ان دا مش قصده خالص
ام نيفين .. اومال قصدة ايه المنيل علي عينه دا !