رجعت من السفر لقيت اهلي متجمعين وبيعملو؟
رجعت من السفر فجاه لقيت
وقبل ما نبدا الحكايه اعرفكم بنفسي
انا سمير متجوز وعايش برا وفي يوم لقيت ماما
بتكلمني وبتقولي
الام
جرى ايه يا سمير بقى لي يومين بحاول اتصل بيك وانت مش راضي ترد عليا خالص في ايه
سمير
معلش يا ماما انتي عارفه ان انا ماسك شركه كبيره قوي ومش على طول ببقى متواجد في البيت وفي الشغل اساسا مش ببص في الموبايل بتاعي
الام
طيب فرح اخوك الاسبوع الجاي ناوي تيجي ولا هتعمل ايه
سمير
فرح اي هو احمد خطب أمتي هو مش المفروض
حضرتك كنتي تعرفني قلبها مده يا امي
ولا اي
الام
معلش يا حبيبي الموضوع ده بسرعه وحددنا
الفرح عالطول
سمير
للاسف يا ماما مش هعرف أنزل خالص
الوقت ده بس هكون معاكم عن طريق
النت ابقي كلمني فديو اكيد
الام
ده كلامك انت ولا كلام السنيوره اللي معاك
اكيد مراتك اللي مش عايزك تنزل هنا تاني
سمير
اي كلام الغريب ده يا ماما لا طبعا مراتي
ملهاش دعوه ب اي حاجه خالص
الام
عالعموم برحتك انا قولت اقولك لاحسن تزعل
مني يلا سلام بقي وبعدها قفلت السكه
معاه
الاب
انتي برضه مصممه تتجوزي احمد للبت دي
انتي عارفه احمد عامل ازاي وهي عامله ازاي
الام
بقولك اي اسكت انت خالص مش عايزه
اسمع صوتك مش كفايه اللي هو بقي فيه
ده منك
الاب
كان لازم اعلمه وما عندك اخو اهو
كنت دايما بشد عليه وهو عمره ما حصل
فيه كده
الام
ومافيش غير هناء اللي هتوافق عليه
بنت مطلقه ومش لاقيه مكان تروحه وأكيد
هتكون عايزه
الاب
اعملي اللي انتي عايزه أنا مليش دعوه وبعدها
دخل وخرج احمد
احمد
هو فيه اي بابا كان عامل يزعق ليه يا ماما
انا بخاف من الزعيق
الام
مش عايزك تخاف من اي حاجه وبعدين
انت خلاص هتتجوز وعايزك تكون راجل البيت
يعني انت اللي تزعق وتشخط فاهم يا احمد
احمد
اه اه فاهم هعملك كل اللي انتي عايزه
وبعدها دخل الاوضه
وفي شقه هناء كانت قاعده مع اختها
ندي
ندي
عايزاك تفكري كويس في اللي انتي عايزه تعمليه ده انتي شايفه احمد عامل ازاي قدام منك
هناء
ما هو علشان اللي انا شايفاه قدام مني ده انا موافقه اتجوز احمد ولا هيقدر يتشخط ولا يتنطر عليا ولا يعمل اي حاجه
ندي
انت حره بس اعملي حسابك برده انت هتبقي مطلقه للمره الثانيه قريب لانك مش هترتاحي في عيشتك معايا
هناء
بقولك اي خليكي في حالك مش انتي اللي
عايزه تمشيني من البيت وخلاص عايزه اي بقي
ندي
والله انا ڠصب عني انتي شايفه ان حماتي عايشه معايا واخوات جوزي كل يوم بيجوا هنا في الشقه وبجد ما فيش مكان
هناء
ما فيش مكان ليا انا انما اخوات جوزك عايز يقعدوا معاكي
ندي
ما على يدك شايفيني كلا لما بقعد اتكلم مع حماتي في الموضوع ده بتقعد تقولي احنا جايين في خير ابني
هناء
خلاص بقي بلاش تعملي أن قلبك عليا انا
وانك بتحبني انا داخله انام
وفي شقه سمير كانت داخله مني مراته
مني
فيه اي ماما كانت عايزك في حاجه ولا اي
سمير
تصدقي ان احمد
هيتجوز مش عارف ازاي
بحالته دي هو يقدر يتجوز ولا لا
مني
اكيد طبعا يقدر يتجوز ده يمكن كمان لما يتجوز العقده اللي عنده دي تتفك انت عارف ان هو على طول بېخاف من باباك بسبب صوته
العالي
سمير
والله ياريت انتي متعرفيش احمد ده طيب
ازاي أتمني أن يحصل كده
مني
بس انا عايزه اعرف حاجه هو انت سايب مفتاح شقتنا لمامتك ولا ايه
سمير
ايوه علشان تروح تدفع النور والكهرباء والحاجات دي بس اشمعنا انتي بتسالي على المفتاح ليه
مني
يا سمير انت عارف ظروف باباك ومامتك واكيد مامتك هتقعد اخوك معاها في الشقه
يبقي احنا كده مش حلينا حاجه
فخلي احمد يقعد الفتره دي عندنا في شقتنا
لحد ما يشوف شقه
سمير
والله انتي طيبه اوي ربنا يخليكي ليا انا فعلا هتصل بماما واقولها كده
وفي الواقع ده الام زعلت منه ومش بقت
ترد عليه خالص
ويوم الفرح كان داخل احمد ومش ماسك
ايد هناء وبعدها هناء دخلت والام والاب
الام
خد يا حبيبتي هنا تعالي امسك في ايد
مراتك مينفعش تسبها كده
احمد
لا انا عايز انام دماغي وجعتني من الدي جي
ومش قادر اقعد وكان رايح ناحيه اوضه
الاب
خد هنا يلا انت رايح فين تعالي هتنام في الأوضه
الكبيره مع مراتك
احمد
لا انا هنام جمب ماما زي كل يوم ومش
عايز انام جمب حد
الاب
اصبر بس يا حاج بطل تزعق ليه بالطريقه
دي هو انت ناسي الدكتور قال ايه
هناء
فعلا يا بابا مش عايزه يحصله حاجه
سيبه اليومين دول يروح مكان اللي هو عايزو
الام
طول عمري بقول عليكي جدعه والله يا هناء
الليله دي بس وبعدين هيكون معاكي
هناء
ماشي يا ماما وبعدها دخلت اوضتها والكل
نام وفي شقه ندي
ندي
والله كانت ليلتها حلوه اوي اي رايك يا حماتي
الحما
ياختي تسالي فيه راي ده انا تكون اول
جوازه ليها مش خرج بيت زي اختك
ندي
اي طريقه كلامك دي يا ماما وهو كان
ب أيدها يعني أنها أطلقت
الحما
اصل الناس كلها عامله تتكلم أن اختك مش
بتخلف هي شكل العليه كلها كده ولا اي
ندي
والله دي حاجه ب ايد ربنا يا حماتي ملناش
دعوه بيها وبعد اذنك انا داخله انام ودخلت
الاوضه ولقت هناء بترن عليها
