مر علي جوازنا 5 شهور كامله

بشرب كوباية الش 
كوباية الشاي ومنوم كدة انا بدأت افهم تقريبا كدة كل حاجة بقت مفهومة وواضحة 
هو بيصمم يعمل الشاي كل مرة عشان يحطلي المنوم فيه بس ايه السبب اللي يخليه يعمل كدة يعني لو علاقتنا وحشة مع بعض كنت هقول بيعمل كدة لكن احنا الحمدلله علاقتنا طبيعية جدا ومنسجمين اوي مع بعض يبقى اكيد بيخوني وبيستنى لما انام عشان ينزل يقابل واحدة تانية بس لا استحالة دة بېخاف من ربنا جدا وبيصلي الوقت بوقته ولا يمكن يعمل كدة 
يأست ومش قادرة الاقي اي تفسير للي بيحصل وماكنش قدامي حاجة اعملها غير اني استنى لما
يجيب الشاي من المطبخ واعمل نفسي نايمة واعرف هيحصل ايه ساعتها 
دخلت السرير عادي جدا زي كل يوم واول ماجاب كوباية الشاي عملت نفسي بشرب لكن دلقت نصها بسرعة على السجادة من غير ماياخد باله لان السجادة عندي نوعها تخين فهتشرب

أي سوائل تقع عليها ومش هيبان أي أثر للشاي استنيت بعد كدة دقيقتين تلاتة وعملت نفسى نايمة فضلت مستنية كتير تقريبا كدة ساعة ومفيش اي حاجة حصلت وكنت خلاص قربت ايأس واقوم من السرير لكن حسيت بيه بدأ يقرب مني