جر*يمة ش*رف كتابة حماده هيكل

…ايوه محدش ض*ربني علي ايدي بس انا حبيتك واتعلقت بيك وانت كمان حبيتني وقربتلي وانا مخبتش عليك ظروفي وكنت صادقه معاك في كل حاجه

بس الوضع دلوقتي اختلف وفي عريس والموضوع شكله هيتم المره دي،ورجعت تبكي تاتي وحاولت ان توطي صوتها عشان محدش يسمعها من اهلها ويدخل عليها ،ومكنتش تعرف ان عمر واقف ورا الباب

وكان حابب يسمع المكالمه للنهاية وهو هين*فجر من الق*هر

وزاد صدمته اكتر اما سمع جملتها الأخيرة

حيث قالت وهي تتوسل الي هذا الشاب،انت لازم تيجي

انت لازم تتقدملي رسمي وتصلح..غلطتك معايا

ساعتها مقدرش يتمالك اعصابه اكتر من كدا

ومد إيده على اوكرة الباب

ولكنه وقف واتراجع ،وراح دخل اوضته وقعد علي مكتبه وهو بيفكر في اللي سمعه وان أزاي اخته

ممكن تفرط في نفسها

وايه اللي ممكن يحصل لو عرف والده بالموضوع دا ووالدته ا ممكن تمو*ت من الفض*يحه ،عاصفه من الافكار

ض*ربت دماغه ، خبط ايده بشده علي المكتب

وفضل طول الليل رايح جاي في أوضته من غير ما يدوق طعم النوم

وفي الصبح خرج من اوضته ولقى والدته بتحضر الفطار

:صباح الخير ياعمر انت ليه صاحي بدري كدا،وليه لسه بلبس

امبارح مالك يا عمر في ايه؟؟

مردش عليها وفتح باب الشقه ونزل بسرعه

وقرر مراقبة خلود من غير ما تحس عشان يوصل للحقيقة ، فضل واقف قريب من البيت لحد ما نزلت اخته

وركبت تاكسي وركب تاكسي وطلب من السواق يمشي وراها

وصلت للجامعه ووقفت من بره وطلعت موبايلها وعملت اتصال

:الو ايوه يا تامر انت فين

: انا داخل ع الجامعه خلاص اهو

طيب انا واقفه مستنياك من بره مش هندخل ولا هنحضر محاضرات النهارده..لازم نوصل لحل انا مش عارفه اوصلك خالص وانت دايما بتتهرب مني

قفلت معله ووقفت مستنية وبعد 5دقائق وصلت عربية شيك لونها احمر احدث موديل راحت لها اخلود اتلفتت حوليها وركبت معاه ومشيوا سوا

ومن وراهم عمر كان ملاحقهم

وقف تامر عربيته قدام واحده من العمارات،بمنطقه راقيه ونزلت معاه خلود ،ودخلوا العماره وركبوا الأسانسير

كان عمر بيراقب اللي بيحصل وهو في حالة ذهول

أزاي اخته ممكن تعمل كدا ؟

نزل من التاكسي ودخل العماره ووقف قدام الاسانسير وهو بيتابع هيقف عند اي دور

لحد ماوقف عند الدور ال12 ودخل تامر مع خلود للشقه

ودار بينهم الحوار دا

:انتي ايه يا بنتي مفيش فايده فيكي ومش عاوزه تفهمي ليه

:يا تامر انا حاولت كتير ارفض العريس دا بس اهلي مصممين عليه وانا مش لاقيه مبرر للرفض،وانت مش دريان بحاجه

:متقلقيش يا حبيبتي كلها كم شهر واتخرج واقدر افتح مع بابا موضوع ارتباطي بيكي

:لا يا تامر انت كل شويه توعدني وتديني معاد شكل وفي الاخر مش بتيجي،مره تقولي والدك مسافر ومره تقول مامتك تعبانه …وظروفك دي مبتنتهيش ابدا

وصل عمر للدور ال12