رواية الحرمان الفصل الاول 1

النهارده فرح سلفي والبيت كله مليان ناس كلنا مبسوطين اخيرا حازم هيتجوز بعد ما عدى ال 35 سنه اخيرا في واحده اقنعته بيها اخيرا البيت كله فرحان و فرحانه ويا فرحان كلنا مبسوطين جدا…..
انا كوثر وعندي 38 سنه متجوزه من 20 سنه ات صغيره شويه لكن اراده ربنا اني فش لحد دلوقتي الدكاتره اجمعوا ان احتمال اننا نخلف ضعيف جدا وانا خلاص شيلت الموضوع من اغي لأن سني كبر ما بقتش مسته عمليات ولا ادويه تاني سلمت امري لربنا كان نفسي ابقى ام و احس بطعم الامومه بس ربنا عاوز كده الحمد لله على كل حال
النهارده فرح سلفي الوحيد جوزي ما عندوش اخوات غير هو…
اخيرا بيتنا هيخش له فرح بدل الكآبه اللي احنا عايشين فيها على طول ….

_ ايه القمر ده يا كوثر انتي حلوه قوي النهارده

= ما تكسفنيش بقى يا حسام انا حاسه ان الفستان بتاعي شكله مش حلو

_ بالعكس انتي زي القمر النهارده ده انتي كده هتغطي على ه بقى

ضحكت وكملت لبسي ولفيت الطرحه وخدني ورحنا عالفرح…

اتفاجئنا هناك ان ه لابسه فستان مكشوف من كل حته والغريب ان حازم كان راضي ومبسوط مع انها محجبه في الحقيقه انا قلت في بالي يمكن فرحانه وعروسه عايزه تفرح لكن

من اول الفرح لما جيت اسلم عليها لقيتها بتسلم على من طراطيف صوابعها استغربت جدا خصوصا ان هي في ايام الخطوبه ما كانتش كده خالص هي هتبديها ولا ايه…..

الفرح خلص وكلنا روحنا البيت وكل واحد طلع علي بيته تاني يوم الصبح نزلت عند احضر الفطار وخبطت عالعريس عشان محضرينله فطار حلو وخليت حسام يجي معايا عشان كنت محرجه لانهم جداد اول ما خبطنا لقينا سلفتي فتحت الباب بهدوم مكشوفه قدام جوزي لقيته دور وشه وهي واقفه ولا كأن فيه راجل قدامها …

_ احنا جينا نجيبلكم فطار صباح الخير

= شكرا تعبتوا نفسكم …