رواية زوجة للايجار
انا رتبت كل حاجه وحطيت لكل واحد فينا دوره وهيعمل ايه كويس جدا
جاهزين؟
البنات بثقه قالو جاهزين
إسراء ___ سماح هاتى حبل من جوه وكتفى مروه وفرح
مروه تكتفونا ليه؟
إسراء هتعرفى كل حاجه فى الوقت المناسب، انتم عايزين تنقذو عمر وزياد صح؟
مروه صح
إسراء يبقى سيبونى اخطط لى رواقه يلا بينا
مروه بهزار وهى بتمشى متكتفه ناحيت العربيه، انا حاسه انكم هتودونا فى داهيه
ركبو العربيه، إسراء ساقت بيهم لحد ما وصلو بيت قديم
خرجتهم من العربيه ودخلتهم جوه البيت وتأكدت ان قيود فرح ومروه مش مربوطه كويس
لربما تحصل حاجه مش متوقعه يقدرو يساعدو نفسهم
مسكت التليفون وبعتت رساله لمحمد، جهز نفسك، انا قبضت على البنات وهسلمهم ليك زى ما اتفقنا
وعشان تكون مطمن ومتأكد انى مش بضحك عليك، البنات مكتفين ومرمين فى منزل رقم كذا
محمد فرح جدا، كتب يعنى انت عايزنى اسلم البنات للباشا؟
وصله الرد ايوه، عشان الباشا يعرف انك اهم راجل عنده
وانك حلال العقد
قفل محمد التليفون، مش هيكلم الباشا غير لما يشوف البنات بعينه
إسراء كانت معتمده على مكر وخبث محمد
وعارفه ومتأكده انه مش هيثق فى كلامها بسهوله
وصل محمد البيت وقعد يتلفت حواليه، بعد كده دخل ولقى البنات متكتفين عمالين يص.رخو ويبكو
اخيرا؟ قالها محمد بسعاده
طلع تليفونه كلم الباشا واخبره انه قبض على البنات وسمعه صوت صراخهم فى التليفون
الباشا متأكد يا محمد ان البنات معاك؟
محمد ايوه والمصحف ياباشا معايا خد كلمهم اهو، وحط التليفون على ودن مروه والباشا سمع صوتها
وصل محمد امر الباشا، متتحركش من مكانك انا جاى حالا
الباشا كان الفار بيلعب فى عبه، الصبح وصلته رساله ان محمد هيتصل بيه ويقوله ان البنات معاه
من وقت الرساله ما وصلته وهو بيفكر هل ياترى محمد بيفكر يغدر بيا؟
بيلعب بديله؟
القصه بقلم اسماعيل موسى
عايز يساومنى مثلا وياخد فلوس اكتر؟
طول الطريق وهو عمال يفكر فى كده، قبل ما يوصل عند محمد وصله فيديو مصور
محمد داخل المستشفى مع مروه، قابله شخص ملثم ناوله أوراق فى دوسيه
محمد خد الاوراق وبص فيها
ركز الباشا فى شكل الدوسيه، كان هو نفسه إلى محمد ادهوله
تحت الفيديو ملحوظه محمد بيخدعك، مفيش بنات معاه
محمد عايز يخلص منك
محمد كان قاعد مع البنات فرحان جدا، دولوقتى الباشا يوصل
واخد فلوسى واهرب بعيد عن هنا
وصلت رساله لمحمد من الرقم الغامض، اخرج بره البيت هتلاقي شنطه مليانه فلوس دى مكافأتك على تنفيذ التعليمات
محمد خرج بسرعه وراح جنب البيت لقى شنطه مليانه فلوس فعلا
لكنه قبل ما ياخدها سمع صوت عربية الباشا وصلت عنده
ساب الشنطه فى مكانها، هيسلم الباشا البنات، هياخد فلوس الباشا وشنطة الفلوس دى كمان
جرى محمد على الباشا وباس ايده
الباشا، فين البنات يا محمد؟
محمد اتفضل يا باشا متكتفين جوه
دلف الباشا ورجالته خلف محمد لحد ما وصلو الغرفه
محمد وهو بيبتسم فتح الباب.
#زوجه_للايجار
٢٣
قبل الاخيره
فتح محمد باب الغرفه وعلى وشه ابتسامه حالمه، لكن الغرفه كانت خاليه
الباشا بغض.ب، فين البنات؟
محمد كانو هنا والله يا باشا، انا والله كنت معاهم، يدوبك خرجت دقيقه واحده ورجعت، معرفش حصل ايه؟
انا كنت عارف انك خاين يا محمد، لكن مش لدرجة انك تسلمنى لاعدائى
