قصة واقعية

انا مش عارفه اتصرف ازاي ولا ابدأ منين…
كنت بايته عند اهلي وقومت ادخل الحمام عالفجر كده لقيت اختي واقفه فالبلكونه بتتكلم فالتليفون ….
فضولي خلاني اقرب عشان اسمع بتكلم مين فالوقت المتأخر ده ويارتني ماسمعت……
انا بسنت عندي ٢٩ سنه متجوزه من خمس سنين اختي اصغر مني ب ٩ سنين وبتدرس فالجامعه ……
اليوم ده كنت بايته عندهم عشان جوزي كان وراه شغل ومسافر محافظه وهيعد يومين هناك…..
قومت ادخل الحمام لقيت هاجر اختي مش نايمه علي سريرها وسمعتها بتتكلم فالبلكونه بصوت واطي جدا
قربت بشويش لقيتها بتكلم حد وتقوله……
_ انا لازم انتقم منها وھڨتلها ب ايديا دول هي متعرفنيش ومتعرفش ان انا الي حطيت السم في العصير ل ………
فجأه بنتي صحيت ټعيط لما ملاقتنيش جنبها جريت احسن اختي تحس اني كنت بسمعها وهتسمع صوت عياط البنت ولقيتها جايه ورايا ومخضوضه….
_ انتي كنتي فين….
_ كنت فالحمام و سارة لما ملاقتنيش جنبها صحيت ټعيط….
انتي ايه الي مصحيكي دلوقتي…..
_ مفيش مجاليش نوم قولت اصحي اعد فالبلكونه شويه بس هدخل انام دلوقتي عشان ورايا جامعه كمان كام ساعه …..
استنيتها دخلت تنام وانا مړعوپة من الي سمعته …
معقولة هاجر اختي الملاك تقدر ټأذي نملة حتي بس دانا سمعت ب وداني الكلام …
ومجاليش نوم خالص اليوم ده …..
استنيت لما نامت ومسكت تليفونها اشوفها كانت بتكلم مين …..
اټصدمت اكتر لما لقيت الرقم الي كانت بتكلمه اتمسح ….
وقولت ادخل عالواتس يمكن اوصل ل حاجه …….
لقيت عالواتس رسايل من اصحابها كتير بس الي لفت نظري رقم غريب في بينهم رسايل كتير…..
دخلت اقلب فيها كلها كلام مش مفهوم ولا حتي يدل هل دا راجل ولا بنت…..
_ انا هاجي وهجيب كل الطلبات معايا بس المطلوب كله هيتنفذ …..
_ علي اتفاقنا بس الطلبات تكون كاملة……
وانا بقلب فالرسايل اختي صحيت فجأه وطلعت من الواتس بسرعه بس شافتني ماسكه التليفون…..
_ انتي ماسكه تليفوني ليه….
_ مفيش كنت عاوزة ارن علي نفسي…..
_ تليفونك جوة فالاوضه …..
وراحت واخده تليفونها بسرعه…….
فضلت افكر واقول طب انا هعمل ايه دلوقتي ….
اروح احكي ل ماما ولا بلاش اما اتأكد الاول ان في حاجه بجد ….
قررت اني هسكت وهراقبها من بعيد اليومين الي قعداهم…..
تاني يوم الصبح نزلت راحت الجامعه بتاعتها وانا فضلت قاعدة مستنياها ترجع…..
اول مارجعت دخلت بسرعه الحمام دخلت انا الاوضه افتش في حاجتها وشنطتها …..
فتحت الشنطة لقيت فيها حاجه خليتني اټصدم صدمة عمري……
فتحت شنطة اختي فضلت افتش فيها فجأه لقيت صورة فيها واحدة وواحد كبار ومعاهم ابنهم شاب بس الي صدمني لقيت صورة الراجل معمول عليها علامة إكس ياترا مصير الراجل ده كان ايه وهل اختي ليها علاقه بالموضوع !!!!!!!!
فجأة لقيتها خرجت من الحمام وشكلها مرهق جدا….
_ مالك ياهاجر…
_ مفيش تعبانه شوية من الجامعة