جارتي بقلم الكاتب حسن الشرقاوي
لكن الغريب إننا لقناه لوحده
وزي المجنونه بقيت أقول هيا فييييين وديتها فيين ودورت في كل مكان في الغرفه لكن كأنها اختفت مافيش أي أثر ليها
بقيت واقفه مستغربه وكمان زوجي وقف مرتبك وخاېف ومستغرب أكتر مننا وعلامات الاستغراب والتعجب ملت وشه
اتسعت عنيه ودخل في حاله غريبه
وقال…مش معقووول هيا راحت فييين !!!!
وفجأة…..
تعالوا احكيلكم حكايتي الغريبه والعجيبه من البدايه ومعاناتي مع زوجي أبو عين زايغه
أنا إسمي فاطمه من قريه صغيره تابعه لمحافظه البحيره من أسرة بسيطه أمي كانت بتتاجر في السمنه وكانت بتروح للقاهره علشان تبيع السمنه هناك وكانت بتاخدني معاها لما كنت صغيره
ومع كتر ترددي معاها حبيت عيشة المدن اووي وكان نفسي أعيش فيها ومع اقتراب سني للزواج اتمنيت إن يجيلي عريس منها علشان حلمي يتحقق
كبرت وابتدا يجيلي عرسان كتييير اووووي من قريتي وقري مجاوره ودا لأني كنت شكليا حلوه
لكن كنت برفض على أمل إن حلمي يتحقق ويجيلي حد من مصر
بقيت برفض للدرجه
أمي….يابنتي حرام عليكي دا عاشر عريس يجيلك وترفضي فيكي اييييه عرفيني
..مافيش يامااا لسه بدري مش عاوزه اتجوز دلوقتي
امي…لييييه بس لو فيه حد عرفيني
…..مافيش حد والله انتي يعني مش عارفه أخلاق بنتك
أمي…. اوومال فيه اييه بسسسس
….مافيش بصراحه أنا مش عاوزه اتجوز في الفلاحين
أمي…ليه يابنتي مالها الفلاحين اومال عاوزه تتجوزي فين
….في مصر
وعدت الأيام وفضل الحال هو الحال وبرفض أي حد بيجيلي
لحد في يوم
أمي كانت كالعاده في مصر بتبيع السمنه وقابلت زبونه هناك
…اومال بنتك إلى كنتى بتجبيها معاكي فين يا حجه اتجوزت ولا ايييه
بحزن…لااا لسه ونبي ماتجوزت
…لييييه كدااا دي شكلها حلو وباين عليها محترمه
….والله يابنتي بيجيلها عرسان كتييير وبترفض كل إلى بيجيلها
….لييييه كدااااا ليكون معمولها عمل ولا حاجه أسمع إن الأرياف بيمشوا ورا الكلام داااا
….لا لا عمل ولا حاجه مش عاوزه تتجوز في الفلاحين
… اوومال ايييه
…..عاوزه تتجوز في مصر مش حابه عيشة الفلاحين
….اممممم قلتيلي طيب وايه يعني بسيطه
…..بسيطه إزاي بس اجيبلها عريس من مصر منييين
….ماتقلقيش ياحجه أنا هاجبلها عريس من هنا
…بجد يابنتي دي تبقي خدمه عمري ماهنسهالك دي غلبتنا
…بجد وماتقلقيش المره الجايه لما
تيجي هتلاقيني جيبالها عريس
وفعلا الست دي صدقت وجابت عريس وجت معاه لبيتنا بعد ما اخدت العنوان وزي مابيحصل في المواقف دي شافني وشوفته واتكلمنا عجبته وعجبني كان شاب محترم جدا وشكليا وسيم وعايش لوحده
فرحت اووووي بيه وكمان حلمي إني هاتجوز في مصر اتحقق وبعد مده اتجوزته وسبت القريه ورحت لمصر و
في البداية كنت مبسوطه اوووووي كنت قاعده في شقه لوحدي مافيش حمه بقا ولا دوشه كانت الدنيا زي الفل
كان زوجي محترم وبيشتغل
لكن أنا فيا عيب نسيت اقولكم عليه أنا بغير شويه لا مش شويه شويتين لا غيووره اووووووي
ونمي الاحساس دا عندي طبيعة الناس في المدينه ودا كان أول عيب اكتشفه في العيشه فيها إن الحياه فيها بيكون أكثر تحررا من الأرياف
وبعد كام سنه ابتدا زوجي يتغير بشكل كبير ويتحول لشخص تاني خالص كأني معرفوش
ابتدي يهملني تماما ويقعد باللأيام مايجيش ناحيتي
لكن كنت بعذره واقول ضغط الشغل عليه الله يكون في عونه إحنا خمسة بعد ماخلفت تلت عيال فكنت بعذره
لكن اكتشفت حاجات تانيه خالص عرفتني سبب اهماله
لما لقيت إنه بيمسك التليفون بشكل كبير ابتدا الشك يدخل لقلبي
واتحولت حياتنا بشكل جزري
بقا كلها شك وعدم ثقه بحاسبه على كل حاجه وكل هفوه
….يابنتي ارحميني بقاااا أنا زهقت
…..ااااااه ما إلى بتكلمهم ليل ونهار مابيزهقوش لكن مراتك هيا إلى بتزهق
…. أنا هامشي يا فاطمه الحياة بقت صعبه معاكي وظنونك دي مالهاش أي أساس ربنا يهديكي
بقي في هاجز داخلي وسواس قهري بيوسوس ليا ليل ونهار
والغيرة اتملكت مني
لدرجة إني بقيت أشوف أحلام وكوابيس وأبني تصورات في عقلي الباطن
واراقبه وأروح وراه في كل مكان لكن مالاحظتش أي حاجه ولاشوفته بيعمل حاجه غلط لكن فضل الهاجز وسؤالي لنفسي ليه بيمسك الفون طول ماهو قاعد وبيستعجل نومي علشان يمسكه ولما أقلب عيني وأنا قاعده جمبه ويلاحظ يروح مخبيه مني وعامل رمز مش عاوز يعرفهولي
وإلي زود البله طين لما جت واحده وسكنت في البيت إلى جمبنا ودا زود الڼار جوايا والغيره والشك بالرغم إنه مكانش فيه بينها وبين زوجي أي كلام ولا لاحظت
أي حاجه توحي إنه على علاقه بيها لكن عقلي الباطن إلى كان بيصورلي الحاجات كان بيصورلي أنهم علي علاقه مع بعض وفي يوم حلمت من كتر مابقيت بفكر فيها وبراقب كل تحركتها داخل بيتها حلمت إن هيا وزوجي كانوا واقفين بيكلموا بعض بالاشارات وحصل زي ما ذكرت في بداية القصة
وصحيت مفزوعه
طلعت جري زي المجنونه اشوفه
لقيته نايم على جمب العيال وماسك التليفون
لما شافني اتخض من منظري
مسكت منه التليفون بالعافيه إلى كان المصدر الأكبر لشكي
وكان ماسكه ليل ونهار
وقلتله….بتكلم ميييييين هااااااا
لقيته بيضحك
اتنرفزت اكترررررر وقلت طييييب أنا هاعرف دلوقتي
بقلب في الفون لقيته مليان رسايل وبرامج
قلت اهووووو خيط الچريمه
بفتح لقيتها كلها ربح من النت ربح تيك توك وكلها رسايل مع أشخاص بيسأل
عن طرق الربح وبرامج ومنصات
اټصدمت وقلت
اييييه دااااا مافيش رسالة خېانه واحده هي فين إلى بتكلمها
ضحك وقاااال…والله إنتي مجنونه هو إلى يتجوز واحده يفكر في صنف النسوان تاني
قلت…يعني ما بتخنيش
قال…..اديكي شوفتي أنا بدور على أي حاجه تجيب فلوس علشانكم
بس انتى إيه حصلك خلاكي تيجي جري كدا زي القضا المستعجل
قعدت جمبه وقلت….يانهارك أبيض دا إنت ربتلي الخفيف
دنا من كتر قراءة قصص الخيانه وشكي فييييك اتخيلت حاجات غريبه وكنت بحلم دلوقتي إنك مع جارتنا
…..يخربيتك وصلت لجارتنا
….اااااه واياك تعرف حد فااااهم
…..يابنتي ماقلتلك إلى يتجوز مره نفسه بتتسد
ودلوقتي بنعمل فديوهات على اليوتيوب وبقينا يوتيوبر معروفيييين وبنكسب كويس بس دلوقتي الأحلام رجعت تااااني
انتهت….. خفوا على الرجاله شويه مش معني إننا ماسكين الفون يبقا بنخونكم مع حد يمكن بنعمل زي اخينا إلى في القصه ادعمونا وسيبونا نخونكم براحتنا. قصدي نشتغل براحتنا
وعلى فكره دي مشكله كنت بعاني منها شخصيا ككاتب وكان بيحصل مواقف وطرائف
