طقوس عائليه

قال ببرود: لا… وكانت لا.. واللي حصل بعدها مكنوش يتوقعوه ابدا… تفتكروا اللي قادره عالتحدي هتقدر تاخد موقف وتعرف ترجع حقها…ولا لا.. ولو انتوا مكانها.. هتعملوا ايه… صلوا على محمد وال محمـد وتابع حسيت وقتها إن الأرض بتتهز تحت رجلي
وقفت قدامه لحظة طويلة وأنا مستنية يمكن يقول كلمة تانية… يمكن يراجع نفسه… يمكن حتى يحس إن اللي حصل غلط
لكن كريم كان قاعد بمنتهى الهدوء
ممسك الموبايل وبيبص فيه كأننا بنتكلم عن حاجة تافهة
قال وهو بيقف
يا منى بلاش دراما… إحنا مش فاضيين للمشاكل دي قبل الفرح
الجملة دي كانت كفيلة تكسر حاجة جوايا
مش علشان القمصان
لكن علشان إحساسي إن بيتي… اللي كنت فاكرة إنه هيبقى ملجأي… بدأ بإهـ,ـانة
سكت
ما اتكلمتش
لفيت ودخلت أوضة النوم وقفلت الباب
قعدت على السرير أبص للدولاب
المكان اللي كانوا فيه القمصان كان فاضي… بس الإهانة كانت لسه موجودة
فضلت قاعدة كده شوية
وبعدين مسحت دموعي
وقلت لنفسي جملة واحدة
لو سكت النهارده… هسكت طول عمري
طلعت موبايلي
واتصلت بماما
ردت بسرعة
قالت بلهفة
خير يا منى؟ صوتك مالو؟
قلت لها بهدوء غريب حتى أنا استغربته
ماما… ممكن تيجيلي الشقة دلوقتي؟
قالت
في حاجة حصلت؟
قلت
آه
بعد حوالي ساعة
ماما وبابا كانوا واقفين في الصالة
حماتي كانت قاعدة كأنها صاحبة البيت
وسلفاتي لسه موجودين
أول ما شافوا بابا
سكتوا
بابا سلم بهدوء
وقال
مساء الخير
حماتي ردت بابتسامة مصطنعة
أهلا وسهلا يا حج محمود
بصيت لكريم
كان واقف متوتر شوية
واضح إنه ما كانش متوقع إني أجيب أهلي
بابا بصلي
وقال
قوليلي يا منى… حصل إيه
حكيت كل حاجة
من أول ما فتحت الدولاب
لحد رد كريم
السكوت بعد كلامي كان تقيل
حماتي فجأة قالت
هو الموضوع كبير للدرجة دي؟
بابا بص لها بهدوء
وقال
حضرتك دخلتي دولاب بنتي وخدتي حاجتها؟
قالت بثقة
يا حج محمود دي عادات
بابا ابتسم ابتسامة صغيرة
وقال
العادات ما تتفرضش على حد
حماتي رفعت صوتها شوية
وقالت
دي مرات ابني… يعني من العيلة
بابا رد
العيلة ما تاخدش حاجة من غير إذن
كريم تدخل وقال
يا جماعة الموضوع بسيط
بابا بص له
وقال
لو بسيط… رجع القمصان
كريم اتضايق وقال
أنا مش هلف على بيوت إخواتي علشان قمصان نوم
ساعتها بابا سكت لحظة
وبعدين قال بهدوء شديد
تمام
قام وقف
وبص لي
وقال
يلا يا منى
الكل بص له باستغراب
حماتي قالت
رايحين فين؟
بابا قال
بنتي مش هتتجوز في بيت يتاخد فيه حقها من أول يوم
كريم قال بسرعة
استنى يا عمي… الموضوع ما يستاهلش
بابا رد
أنا شايف إنه يستاهل
مسك إيدي
وقال
تعالي
قلبي كان بيدق بسرعة
لكن لأول مرة من ساعة ما الموضوع بدأ… حسيت إن حد واقف في ضهري
خرجت معاه
قبل ما نخرج
بصيت لكريم
كنت مستنية يقول
استني يا منى
لكن كريم كان ساكت
طلعنا