رواية عشق الأدهم كامله جميع الفصول
فتره مراقب نور واكتشف انوا حاسس بحاجه من نحيتها واجى وقت الانصراف كان نازل ومقرر يتكلم معاها راح مكتبها ملقهاش نزل يدور عليها لقاها خارجه من الشركه يادوب هيتحرك يروح نحيتها لقى عربيه وقفت فيها شاب وهى ركبت وباسته من خده ومشيوا
اسر حس ان فى ڼار قايده فى قلبوا روح البيت متعصب جدا
اسر داخل البيت السلام عليكم
هناءوعليكم السلام عامل ايه ياحبيبى
اسر مبوز الحمد لله انا داخل انام
هناء مش هتتغدا
اسرماليش نفس ياحبيبتى
ودخل اوضه طلعت همس لقت مامتها مسهمه مالك ياماما
انا سمعت صوت اسر هو فين
هناءمش عارفه ماله مبوز دخل مرداش يتغدا
همس طيب انا هقوم اشوفه
ودخلته همس لقيته نايم وباصص للسقف اسوره مالك ياحبيبى
اسر مافيش حاجه
همس لا فى وفيه حاجه كبيره كمان
اسر ولا كبيره ولا حاجه بس اظهار انا الى اتسرعت
همسفى ايه ياحبيبى احكيلى
اسر هحكيلك
وحكالها كل حاجه من اول ماخبط فى نور لحد شعوره الى حاسس بيها من نحيتها والى حصل قبل مايجى
همس انت حبتها ياسر
اسر مش عارف بس من ساعت ماشفتها وهى بتركب العربيه وبتبوسه وانا مخڼوق
همس يبقى حبتها طيب مش يمكن ابوها
اسرلا ياهمس دا شكله صغير شاب تقريبا فى سنى
همسطيب يمكن اخوها او قربها
اسر پخنقه وهو قريبها تبوسه ليه
همس بضحكلا دانت واقع
خالص
اسرانتى بتهزرى ياهمس وانا مضايق
همسخلاص ياسر اهدى وقبل اى حاجه لازم تعرف ده مين وبعدين تتكلم معاها براحه قبل ماتظلمها ده الصح
اسرانتى شايفه كده
همس اكيد طبعا
تانى يوم اسر راح الشركه واول مادخل مكتبه طلب من سيلا تكلم نور تجيله
نور خبطت ودخلت ايو يااستاذ اسر حضرتك طلبتنى
اسر بعصبيه ونسى كلام همس انوا يتكلم معاها بالراحه ممكن اعرف ازاى حضرتك تسمحى لنفسك تركبى عربيه واحد وتبوسيه قصاد الشركه دى شركه محترمه
مش نادى
نور بدموع من هجومه عليها وقلبها ۏجعها حضرتك انا مسمحلكش تتهمنى فى اخلاقى ومن غير ماتعرف حتى دفاعى عن نفسى
اسر احب اسمع اتفضلى ممكن اعرف الاستاذ الى كنتى بتبوسيه ده مين
نور بدموع مش عايزه تنزلها ولو انوا مش من حقك بس هقولك بس علشان متفركش فيا حاجه وحشه الى اخدنى بعربيته امبارح اخويا جاسر رائد جاسر نادر السيوفى رائد فى الجيش وكان لسه واصل أجازه وحب يفاجئنى وحضرتك ممكن تتاكد من الاسم بنفسك اظن كده قولتلك
اسر بزعل من نفسه انوا اتسرع بص فى الارض ومعرفش يرد
نور وخلاص دموعها نزلت استقالتى هتكون عند حضرتك حالا
ويدوب هتخرج جرى عليها اسر ووقفها
اسر بسرعه نور استنى انا اسف والله ماكنت عارف بقول ايه انا اسف
نور بعياط طفولى لا انت كنت عارف انت بتقول ايه كويس بس انا الى غلطانه انى لسه موجوده فى الشركه عن اذنك
اسر بلهفهانا اسف والله مكان قصدى انا اول ماشوفتك وانتى بتبوسيه اټجننت بكنتش عارف اعمل ايه ومنمتش من امبارح
نور بصتله بعيونها الزرقا الى هبلته ليه يعنى اټجننت
اسر وتاه فى عنيها وجمالها وبصوت هادى علشان كنت نازل وراكى اقولك انى بحبك
نور اټصدمت ومعرفتش ترد عليه وبصت فى الارض بكسوف مكنتش تتوقع ان هيقولها كده نسيت زعلالها وحست ان قلبها صوت دقاته جايبه لاخر الشارع
اسر لما سكوتها طال قلق انا قولت حاجه غلط
نور
بكسوف لا
اسر طيب فى حد فى حياتك
نور لا
اسر ابتسم طيب مش هتقوليلى رئيك
نور وهى
لسه بصه فى الارض فى ايه
اسر فى انى بحبك يعنى انتى مش حاسه من نحيتى بحاجه
نور ووشها بقى كله احمر احم هو يعنى اصدى يعنى انا راحه مكتبى عن اذنك
اسر بسرعه لا والنبى حرام عليكى طيب كلمه واحد حتى قوليلى اطمن
نور قالتله بسرعه اطمن وجريت على مكتبها
اسر فضل باصص على الباب ومبتسم وقلبه عمال يرقص
وجرى اتصل بهمس وحكالها
همس بضحك دى شكلها واقعه هى كمان ياسى اسر
اسر بجد ياهمس يعنى هى كده بتحبنى
همس مش بتقول قالتلك اطمن يبقى اطمن
اسر انا فرحان قوى ياهمس. قوى
همس بسعاده لاخوها ربنا يفرحك كمان وكمان ياقلبى
اسر يارب انا وانتى ياحبيبتى انا هقفل اخلص شغل ولما اجى نرغى سلام
همس سلام
قفلت معاه وهى فرحانه قوى لاخوها ان اخيرا حب وهيتجوز وسرحت وهى بتفكر وتتمنى لو الزمن يرجع بيها وتحب وتتحب
بعد خمس ايام رجع ادهم واول مادخل جرى عليه اياد
ايادادهومه حبيبى وحشتنى قوى
ادهم وهو فى اياد وانت كمان عامل ايه جهزت حاجاتك ولا لسه
اياد بعد ماخرج من ادهملسه مستنيك كلهم جابوا حاجتهم الا انا
ادهم تمام ثانيه كده
وراح فتح الشنطه بتاعته وطلع منها بدله تحفه لونها اسود وكرافت كشمير
اياد باستغراب الله عليك ياادهومه بس قولى ليه الكرافت كشمير
ادهم خبطه على دماغهلون فستان عروستك ياناصح
اياد وانت عرفت منين لون الفستان دانا معرفش
طلعت ناديه من جوهانا الى قولتله ياناصح وبصت لادهمحمد الله على السلامه ياأدهم عامل ايه
ادهم حبيبتى يانونا الله يسلمك انا تمام الحمد لله
اياد والله مانا عارف حاسس انكوا لقتونى جنب جامع
ناصح ناصح وانا يعنى بنجم
ادهم خلاص ياعم متعيتش انت عريس ولازم نحترمك الايام دى
اياد بفرحه ايوا كده ياااااا اخيرا هبقى عريس ومنونه جنبى انا مش مصدق عقبالك ياعمى يارب
ادهم خبطه على دماغه تانى مش قولتك بطل عمى دى عمك ايه دانت شحت طول بعرض دانا لسه بقول هحترمك
اياد بتاويهاهااا ايدك تقيله قوى خلاص ياعم انا غلطان انا داخل اقيس البدله
ادهم روح ياخويا ومتخفش مقاسك
اياد باسه من خده حبيبى مانا عارف ان ذوقك عالى قوى
ودخل اياد وبصت ناديه لادهم وانت يااستاذ مش ناوى تفرحنى بيك
ادهم اعد وبصلهاانتى مش بتملى من الكلام فى الموضوع
ده
ناديه اعدت جنبه لا يادهم مش هبطل كلام الى لما تتجوز
انت هتفضل كده لحد امتى انسى بقى وافتح قلبك وحب
ادهم بعصبيه احب تانى ليه علشان تيجى واحده وتقولى معلش اصل جالى عريس احسن منك ومش هقدر اقول لا مش عايز ياناديه
ناديه بنرفزهادهم رغد عمرها ماحبيتك دى كانت فلوس عايزه عربيه وفيلا وفلوس ملهاش اخر
ادهم واهو كل ده بقى عندى بس هى الى مستانتش لحد ماتخرج واشتغل وجرت اتجوزت اول واحد جالها معاه شويه فلوس وبعد ماخلصت فلوسه وعرفت انى بقى معايا جايه تقولى نرجع على اساس انى مغفل
ناديه اهى الحمد لله غارت فى داهيه بشرها وبنات الناس المحترمين كتير وفى الى تتمنى كلمه منك دا بنات العيله كلهم هيمانين فيك بس انت الى مقفل دماغك اوعى ياأدهم تكون لسه بتحبها
ادهم احب مين بس ياناديه انا اكتشفت انى مكنتش بحبها اصلا المشكله ان مافيش واحده قدرت تخلينى افتح قلبى واحب بجد كلهم باصين للفلوس والمنصب وبس اوعدك اول مالقي الى تحبنى واحبها هجيلك اقولك الحقينى وجوزيهالى ولحد ما دا يحصل ومعتقدش انوا هيحصل ياريت بالله عليكى متفتحيش السيره دى تانى
ناديه بقله حيله ماشى ياادهم انت حر بكره ټندم
وسابته وقامت تحضر الغدا وهو فضل يفكر فى كلامها بس هو شايف نفسه كده مرتاح بس ياترى هيفضل كده كتير
عند لورا كانت سايقه عربيتها الجديده الى محمد جابهلها اخر موديل وفجاه خبط فى عربيه قدمها نزلت مټعصبه ولسه هتزعق لقت شاب نازل من العربيه
الشاب انا اسف قوى انى فرملت فجاه بس كنت هخبط واحد
لورا عجابها الشاب قوى فتكلمت برقه ولا يهمك بسيطه
الشاب باعجاب لا ازاى انا لازم اصلح غلطى
لورا بدلع وهتصلحه ازاى يعنى يااا
الشابمعتز الدمرداش صاحب شركه ادوات تجميل واكتر واحد يقدر الجمال
لورا وبدات تحس ان مممكن توقعه وتكسب فلوسه الى اكتر من فلوس محمد اما اشوف
معتز طيب اذا كان كده يبقى اعزمك على الغدا ونتعرف
لورا تمام يالا بينا
وراحو ورا بعض بالعربيات واعدوا فى كافيه وفضلوا يرغوا كتير ونسيت محمد الى مستنيها ومقلتش لمعتز انها متجوزه وفكرت تستنا لما توقعه فيها الاول
محمد فضل مستنيها فى المعرض علشان يروحوا يتغدوا ولما اتاخرت اتصل بيها لقى الفون مغلق
محمد اوووف راحت فين دى تلاقيها زى العاده لسه نايمه هى حره بقى وسرح شويه افتكر عياله الى وحشوه قوى بس مش قادر يروح يشوفهم خاېف لورا تعرف تزعل وتسيب البيت وهى بقت بالنسباله زى الادمان رجع فكر فى لورا ونسى عياله فى لحظه اتصل تانى
محمدبرده مغلق انا هكمل شغل لما
تبقى تتصل
وكمل شغله وهى فضلت مع معتز لحد بليل قبل مامحمد يروح كانت روحت وغيرت هدومها
كانها منزلتش وعملت نفسها تعبانه
دخل محمد عليها القانلورا مالك ياحبيبتى نايمه فى السرير ليه لحد دلوقت
لورا بتمثيل مافيش ياحبيبى الظاهر اخت برد مقدرتش انزل معلش
محمد بلهفه سلامتك ياحبيبتى طيب مكلمتنيش ليه انا اتصلت كذا مره ادانى غير متاح
لورا بكذب اه كان فاصل ومقدرتش اقوم اجيب الشاحن من بره
محمد سلامتك الف سلامه انا هقوم احضرلك حاجه تكليها
لورا ماشى ياحبيبى
وطلع محمد على المطبخ وضحت لورا انها اقنعته وافتكرت معتز الى خلى لاول مره قلبها يدق ومهمهاش انها شيلا اسم راجل المفروض تحافظ عليه
روايه عشق الادهم ..
الحلقه الثامنه ….
يوم الخطوبه الصبح همس بتجهز حاجتها علشان تروح مع منه البيوتى سنتر بس حاسه بشعور غريب جواها فصرته ان من فرحتها بمنه جهزت واخدت حور معاها وسابت ادم مع مامتها وراحت لمنه وحنين البيوتى .
اما عند اياد ادهم كان معاه من الصبح لحد ماخلص لبس واخد عربية ادهم وراح ياخد منه من البيوتى واتفق مع ادهم يخلص ويحصله دخل ادهم يلبس وجواه شعور غريب مش عارف يفصره اقنع نفسه برده ان من فرحته بإياد
وصل اياد عند منه واول ماشفاها سهم من جمالها كان نفسه يخدها فى حضه بس للاسف لسه مش من حقه قدملها بوكيه ورد وباس ايدها .
اياد انا حاسس انى قلبى هيقف من الفرحه وانا واقف قدامى احلى سندريلا الى خطفت قلبى من اول يوم شوفتها فيه انا بحبك قوى يامنه
منه بكسوفبس بقى يايدوا
متكسفنيش ماما وقفه
ايادطيب ايه رئيك مش همشي من هنا الا لما تقوليلى بحبك
منه بصوت واطى طيب مانت عارف انى بحبك قوى واكتر منك كمان
اياد بسعاده بحب اسمعها عايزك تقوليلى بحبك كل ثانيه كل لحظه لحد ماموت
منه بسرعهبعد الشړ عندك والله هزعل منك
اياد ببسمهوانا ميهنش عليا زعلك ابدا ياعمرى
قربت عليهم حنين خير ياحبيبى هنفضل واقفين نحب فى بعض هنا ونسيب الناس فى القاعه مستنين
اياد باس دماغ حماته يالا بينا ياغاليه
حنين وهمس وناديه نزلوا وراهم وكل واحده ركبت مع جوزها وراحت همس وحور مع اسر الى اول ماشفها قالها
اسر لهمس يعنى بالله عليكى فى واحده تبقى حلوه قوى كده فى الدنيا دانا هيحسدونى وانا داخل بيكى القاعه انا كده عينى هتبقى فى نص راسى ولا الاميره حور ولا سنووايت
ضحكة همس يابكاش مش للدرجادى ياسى اسر
اسرانتى يابنتى معندكوش مرايه فى بيتكم
همس لا المريا مكسوره
اسر طيب يارب يجى واحد يصلحها
همس وفهمت قصده قالتله بكسره الى اتكسر مبيصلحش يااسر
اسر مين قال كده فى حاجات كتير لما بتتكسر بيبقى سهل تتصلح بس لو احنا عندنا نيه نصلحها
همسانت قولت اهو لو فى نيه ومفتكرش ان هيبقى فى والحمد لله ان فى الى مخالى الحياه حلوه حور وادم
اسر ربنا يخليهم ويهديكى
همس امين يارب يلا بقى دول سبقونا زمانهم وصلوا القاعه
اسر بزعل على اخته حاضر ياحبيبتى
وفى القاعه وصلت منه واياد ودخلوا على موسيقى هاديه وراحوا مكانهم والكل راح عليهم يهنيهم اياد عنيه بدور على ادهم الى اتاخر لاحظته منه
منه مالك يااياد بدور على حاجه
اياد بدور على ادهم انا مأكد عليه ميتاخرش
منه انا نفسى اشوف ادهم عمك ده قوى يعنى انا صحيح شوفت صوره ليه معاك وكلمينى فون بس مافيش ولا مره شوفته بجد
اياد اعمل ايه معاه على طول مسافر ربنا يهديه ويركز بقى
منهطيب مش هنرقص سلو بقى
اياد بغمزهاكيد هنرقص دانا مستنيها من كتير ومحضرلك الاغنيه الى بنحبها نرقص عليها
منه بفرحه بجد طلبتها من الدى جى
اياد اكيد انتى تأمرى
منه نادت لهمس اؤمرى ياعروسه
منه انتى واقفه بعيد عنى ليه خليكى جنبى انا متوتره مش عارفه ليه
همس بضحكهحاضر ياقلبى عنيا
اسر قرب من همس بقولك ايه ياهمس
همس نعم يااسر
اسر انا عزمت نور وزمانها جايه
همس بفرحه بجد دانا ھموت واشوفها
اسر بضحكلا ماتموتيش انا عايزك هى شويه وجايه
همس ياغلس ماشى ياسيدى اول لما تيجى نادينى
اسر ماشى
الدى جى طلب منهم ينزلوا للرقصه السلو هدو النور وهمس قامت وقفت قريبه من منه زى ماطلبت منها وفى نفس الوقت دخل ادهم القاعه شاور لاياد ووقف قريب منه كان واقف اقصاد همس الجنب التانى ويادوب بيلف عنيه يدور على ناديه وشريف لمحها واقفه عنيه فضلت عليها وفى نفس الوقت همس حست ان فى عيون مركزه عليها بترقبها رفعت وشها واتقبلت عيونهم وبدأ الحلم مع الاغنيه
دنيا وحماقى اول مره
قبل ماشوفك يوم قدامى
كانت الدنيا بتيجي عليا وتكسر نفسى
كان فى بيني وبين احلامى
مليون سد بيفصل بينا وحاجز نفسى
من اللحظادى بقيتي معايا
وانا مش هقبل اشوفك خاېفة
والجاى فى حياتك ويايا
فى حاجات تانيه اكيد مختلفة
انت الضحكة الحلوة فى دنيا
مبتضحكليش غير بالصدفة
لو حسيت بالبرد فى ثانية
لما عنيك انا بدفى
لو نجمة بعيدة هجبهالك
هتكون بين ايدك فى ثوانى
احلمى باللى هيجي فى بالك عالم قلبي ده عالم تانى
اول مره بشوف الدنيا بمليون
لون
لهفة وحب وشوق وسعادة امل وجنون
اول مره بشوف الدنيا بمليون لون
لهفة وحب وشوق وسعادة امل وجنون
ده
الحب الى انا قلبي سنين كان مستنيه
انا مش خاېفة
وانا مش خاېف
وهنخاف ليه
خلصت الاغنيه والنور نور والكل سقف للعروسين ودا خلى ادهم وهمس فاقوا من حلمهم
همس لنفسها ايه الا انا فى ده مالك ياهمس فوقى لنفسك انتى ام روحى شوفى عيالك وبطلى هبل
وفعلا راحت تشوف حور وادم وكانت عيون ادهم لسه عليها
وفجاه لقى الى بيطبط على كتفه
شريف عقبال لما افرح بيك ياأدهم يارب
ادهم كان لسه مش مستوعب هو ماله بص لشريف ومردش
شريف باستغراب مالك ياأدهم حد زعلك
ادهم لا لا ابدا الف مبروك عقبال ماتشيل عيالوا
شريف وهو لسه حاسس ان ادهم فيه حاجه امين يارب واشيل عيالك انت كمان
ادهم امين يارب انا رايح ابارك لاياد
وسابه ومشى شريف باستغراب اكتر دى اول مره
يقول يارب على الجواز
ادهم راح لاياد واياد قام الف مبروك ياحبيبى عقبال ماشيل عيالك يارب
اياد بفرحه امين يارب انا وانت
وبارك لمنه كمان عروستنا القمر الف مبروك
منه بكسوفالله يبارك فى حضرتك عقبالك
ادهم امين يارب لو حلوه زيك كده انا موافق من الصبح
اياد بغيره بقولك ايه ياعمى روح بابا كان بيدور عليك
ادهم بخبطه فى كتفه اتلم وخلينى محترمك متقولش ياعمى المهم قرب عليه وشوشه مين الى لبسه فستان موف هناك دى
اياد بنص عين بتسال ليه
ادهم بغيظهتقول ولا اخلى شكلك وحش قدام الناس
ايادخلاص ياعم دى خالت منه وغمزهايه الصناره غمزت ولا ايه
ادهم بسرعه لا ابدا دا مجرد سؤال
اياد اهااا مجرد سؤال طيب المهم مش كنت قايل هتغنيلى وهتقلبلى الفرح
ادهم بضحك عنيا
وراح للدى جى يشغلو كريوكى وغناله اغنيه لقيت الطبطبه للجاسمى وفعلاكل الى فى الفرح قاموا رقصوا ومن بعيد همس واقفه جنب هناء وعنيهاعلى حور الى راحت ترقص معاهم وفجاه لقت الى بيغنى شال حور وبيرقص معاها وحور فرحانه قوى امها سالتها
هناء مين الى بيغنى ويرقص مع حور ده ياهمس
همس وعنيها على حور وشيفاها لاول مره من كتير فرحانه قوى مش عارفه ياماما بس حور مبسوطه قوى
هناء بنظره لادهم وهمس ربنا يسعده زى مافرحها
همس وعنيها لسه عليهم امين
قالتها وهى سرحانه وبتكلم نفسها مين ده ياتري قريب ناديه ولا شريف او يمكن صاحب اياد بس شكله اكبر من اياد
ايه ده!! انا مالى انا هروح لمنه اهى راحت اعدت
وقربت من منه مبروك يانونا ياقلبى
منه حبيبتى ياهموسه شوفتى ادهم ۏلع الفرح ازاى دانا قلبى وقف من الرقص
همس بتحاول متسالش بس ماعرفتشادهم مين يامنه
منهدا عم اياد بس على طول مسافر علشان كده مش بنشوفه كتير بس ايه موزه دا البنات كلهم الى فى الفرح هيموتوا عليه
همس يابت اتلمى ايه موزه دى اه لو اياد سمعك
لقت الى واقف وارها وبيقولها
اياد اسمعها بتقول ايه
همس بصوت واطى لمنه البسى ياحلوه وسابتها ومشيت وهى بتضحك لمحها من بعيد ادهم وسرح فى جمالها ونطق اسمها الى قالهولوا اياد همس ياترى حكايه ايه ..
شويه ولقاها راحت وقفت مع واحد فضل باصص عليها وبيسال نفسه مين ده
عند همس راحت لاسر ايه هى فين
اسرلسه مكلمها بتقولى خلاص قربت
همس بغلاسه داحنا بقينا بنتكلم فون وحاجات ومحتجات
اسر بلاش غلاسه يا
ولسه هيكمل لقى نور داخله القاعه مكسوفه وبدور عليه راح عليها
اسر اتأخرتى ليه يانور
نور معلش كنت مستنيه جاسر علشان يوصلنى
اسر طيب تعالى اعرفك على اختى
وراح لهمس هموسه اعرفك نور
همس حبتها اول ماشفتها اهلا ياقمر القاعه نورت والله لا يااسر انت مش بتعرف توصف خالص دى احلى من القمر
نور بكسوفربنا يخليكى دانتى الى الى مشاء الله حلوه قوى
اسر نور همس دى بقى اقرب حد ليا فى الدنيا
نور ربنا يخليكوا لبعض
همس ويخليكوا لبعض انتوا كمان وافرح بيكم قريب انشاء الله
اسر وهو هيمان فى نور يارب
شافوهم هناء وحنين راحوا عليهم يشوفوا مين الى واقفه معاهم دى
هناء اهلا ياحبيبتى صاحبتك دى ياهمس
همس لا ياماما دى زميله اسر فى الشركه
نور اهلا بحضرتك ياطنط
حنين بغمزه لاسر اهلا ياقلبى نورتى الفرح
نور بتوتر بنور حضرتك الف مبروك وقدمتلها هديه
حنين ليه كده تعبتى نفسك ليه .طيب تعالى بقى اعرفك على منه بنتى وقدملها هديك بنفسك
راحت نور مع حنين وهمس لمنه الى فرحت بيها قوى وفهمت ان خالها وقع فى الحب
عند هناء اسر البنت دى دخلت قلبى عندها كام سنه
اسر بلؤمبتسالى ليه عندك ليها عريس
هناء عندى احلى عريس بس يوافق يفرحنى بيه
اسر امه عنيا ياست الكل هفرحك قريب
هناء بفرحه بجد يااسر يعنى انت بتحب نور دى صح
اسر اه ياست الكل وعزمتها علشان تتعرفوا عليها ايه رئيك
هناء بسعاده لوبعرف ازغرط كنت ماليت الدنيا زغريط انا حبتها قوى
اسر وانا كمان حبتها قوى قوى عشان انتوا حبتوها
هناء بضحك يابكاش بقى حبتها علشانا احنا دانت هيمان فيها
اسر ايه ده هو انا باين عليا قوى كده
هناء قوى قوى ربنا يفرحك ويجعل ايامك كلها حب وفرح
طول الفرح همس
كانت مع نور واسر مابطلوش ضحك وكل ده تحت عيون أدهم الى ېموت ويعرف عنها كل حاجه
خلص
الفرح وكل واحد روح بيتوا الى
فرحان والى محتار والى باله بقى مشغول ومش عارف بكره هيعمل فى ايه!!!
روايه عشق الادهم ..
الحلقه التاسعه ….
بعد يومين عند ادهم كان اعد مع ناديه وبقاله يومين نفسه يسألها عن همس بس مش عارف ولو سأل اياد مش هيسكت حاسس انوا عايز يعرف عنها كل حاجه وخاېف لتكون اصلا متجوزه واخر مازهق من التفكير راح يحاول يقرر ناديه من غير ماتحس.
ادهم ايه يانونا بتتفرجى على ايه .
ناديه وهى مندمجه دا مسلسل تركى بس حلو قوى البطل ھيموت ويلاقى البت الى بيحبها ومش عارف عنها غير شكلها .
ادهم سرح وقال لنفسه هى بتلقح ولا ايه لا لا اكيد المسلسل فعلا كده ورجع كلمها تانى
أدهم امال اياد فين
ناديه فى اوضه تلاقيه بيكلم منه
أدهم جاتله فكره اه صحيح هو مش المفروض نعزم منه واهلها على الغدا
ناديه انتبهت والله ياأدهم لسه كنت بفكر اكلمهم واقولهم يجوا بعد بكره يتغدوا معانا
أدهم بلؤم ايوا كلميهم وانا ياستى عليا اسعدك
ناديه بضحك ايه الكرم ده كله ياترى وراه ايه
أدهم بتوتر هيكون ليه يعنى علشان اياد انتى عارفه انوا كان زعلان منى فبحاول اصالحه بس مش اكتر قوليلى هما كام فرد.
ناديه بتعد حنين وفارس ومنه وهقول لطنط هناء جده منه وهمس واسر
أدهم مصدق جابت السيره مين همس واسر
ناديه همس خالت منه واسر خالها
أدهم ارتاح بس ملحقش يفرح كملت ناديه
ناديه وحور وادم عيال همس
ادهم بقهره هى متجوزه
ناديه لا
أدهم باستغراب أمال عيالها ازاى
ناديه بزعل على همس مطلقه
أدهم مش عارف يزعل ولا يفرح بس دى شكلها صغيره
ناديه مستغربه انت شوفتها فين
أدهم فى الفرح اياد كان بيعرفنى على عيلة منه
ناديه اه ياحبيبتى عندها ٢٧ سنه اتجوزت صغيره ولسه مطلقه بقالها حوالى تسع شهور
أدهم سرح ياترى كنتى بتحبيه ياهمس وزى مايكون ناديه سمعت افكاره
ناديه بس هى مش زعلانه مكنتش بتحبوا اصلا اتجوزت علشان خاطر مامتها وكانت عايشه والسلام
أدهم باهتمام وايه الى حصل
ناديه بدأت تاخد بالها من اهتمام ادهم بس مبينتش الواطى بعد مااستحملت ظروفه اول لما ربنا رزقه راح حب واتجوز
أدهم پصدمه اتجوز عليها من وراها
ناديه لا هحكيلك
وحاكتله كل الى تعرفوا عن همس
ناديه بس ياسيدى ومن يوم ماتجوز مسالش فى عيالوا
أدهم بنى ادم واطى وخسيس حتى عياله باعهم الى زى ده ميتزعلش عليه
ناديه هى اصلا مش زعلانه وقالت كفايه عليا عيالى اعيش علشانهم
أدهم يعنى ايه تعيش علشانهم دى لسه صغيره فيها ايه لما تتجوز
ناديه والله ياأدهم ياريت ربنا يرزقها بواحد يغير رئيها
ادهم بتفكير امين
ناديه بصتله قوى بدئت تشك فيه المهم ياأدهم انا هقوم اقول لشريف واياد
أدهم باستغراب على ايه
ناديه على العزومه انت نسيت
ادهم اه اه طيب
وسابته غرقان فى افكاره ودخلت لاياد كان ماسك الموبيل وهيتصل لسه بمنه
اياد تعالى ياست الكل فى حاجه
ناديه دخلت واقفلت الباب ولا يااياد انا حاسه بحاجه ومش عارفه هى صح ولا لا
اياد باستغراب حاجه ايه ياغالية
ناديه أدهم
اياد ماله فى ايه
ناديه بتفكير سألنى على همس بس بطريقه غير مباشره
اياد قام بسرعه تصدقى وسالنى عليها فى الفرح تفتكرى الصناره غمزت
ناديه مش عارفه بس مبطلش اساله اول ماجبت سيرتها وكأن مصدق اجيب السيره
اياد وايه الى جاب سيره همس
ناديه حاكتله على اقتراح ادهم وكل الكلام الى اتقال
اياد بفرحهيعنى هو الى اقترح عليكى العزومه لا وعايز يساعد ااااه الحكايه فيها انه
ناديه ببتسامه تفتكر
اياد افتكر قوى بس المشكله همس مقفله قوى
ناديه نتاكد من أدهم وربنا يسهل مع همس انا هروح اقول لابوك على العزومه واكلم حنين واعزمهم وانت متقولش لحد اما نشوف هيعمل ايه لما يشوفها وعايزاك تركز معاه من غير مياخد باله أدهم عيندى ولو حس ان احنا فاهمين حاجه هيعند
اياد ماشى ياست الكل حلوتك وانتى بتخططى
ناديه ضړبته اتلم ياولا مش بخطط لمصلحته
وسابته وراحت بلغت شريف بالعزومه وعاملوا اتصالتهم بفارس وحنين وهمس واسر واتفقوا على بعد بكره وبلغت أدهم بمعاد العزومه واكد عليها انوا هيساعده
عدى اليومين الى بعد الفرح على همس زى ماعدوا على ادهم كل لما تفتكره قلبها يدق بس تسكته انها ام ومينفعش انها تحلم راحت لاسر
همس اسر بقولك ايه مش هتشغلنى معاك بقى
اسر عمرك اطول من عمرى لسه كنت هقولك انى
ضبطلك الدنيا عندى وتقدرى تنزلى معايا من بكره
همس بفرحهبجد طيب تمام من بكره هنزل معاك الا قولى صحيح عملت ايه مع نور
اسر اخت رقم باباها وهكلمه بكره واطلب اقبله
همس ربنا يوفق ويكتبلك الخير ياحبيبى
اسر انا وانتى يارب
همس طيب هسيبك بقى وبعد ما مشيت رجعت تانى
صحيح هو اياد كلمك على العزومه بعد بكره
اسر اه شريف الى كلمنى
همس بتوتر طيب كويس هو مين الى هيبقى هناك
اسر مش عارف اخته مالها مش عارف بس اكيد احنا وهما بس مافيش حد غريب
همس طيب كويس
انا هروح اشوف العيال
ومشيت وفضل اسر واقف مستغرب هى بتسال على ايه
لورا بقت كل يوم
مع معتز ومكلمات وخروج وفى مره كانوا مع بعض
لورا معتز
معتز نعم
لورا بتوتر انا فى حاجه كنت مخبيها عليك وخاېفه تزعل منى
معتز ااه أصدقك انك متجوزه
لورا اټصدمت انوا عارف ان… انت عارف من امتى
معتز بزعل من امبارح كنت عايز اعملك مفجاه واطلبك من اهلك للجواز ولما سالت عرفت انك متجوزه تقريبا من سنه ممكن اعرف كدبتى عليه ليه
لوىا انا كنت خاېفه لما تعرف تسيبنى انا ماكنتش اعرف انى هحبك كده صدقنى يامعتز انا بحبك قوى
معتز وجوزك مش برده اختيه من مراته ولا انا معلوماتى
غلط
لورا بسرعه لا يامعتز انا مكنتش بحبوا بابا هو الى غصبنى اجوزه علشان فلوسه
معتز يعنى انتى مش عايزه تكملى معاه
لورا مسكت ايده لا انا بحبك انت مش عايزه غيرك صدقنى
معتز بلؤمتمام يبقى تطلاقى منه ونتجوز
لورا بسعاده انا موفقه طبعا
معتز بس لازم تعملى حاجه قبل ماتطلبى الطلاق
لورا ايه هى
معتز هقولك
وقالها على خططه الى هينفزوها قبل الطلاق
عند اسر اتصل ببابا نور
اسر الو مساء الخير انا اسر مدير نور فى الشركه
نادربابا نور اه اهلا يابنى نور قالتلى انك هتتصل بيا عايزنى خير
اسر بتوتر خير انشاء الله انا كنت عايز ازور حضرتك فى البيت انا وعيلتى اطلب ايد نور
نادر بفرحه اهلا وسهلا يابنى تشرف انتى والعائله
اسر طيب تحب نيجى امتى
نادر جاسر اخو نور نازل اجازه يوم الخميس يعنى بعد اربع ايام يناسبك
اسر اه طبعا انشاء الله هكون عند حضرتك على الساعه ٨
نادر تنور يابنى
اسر ربنا يخليك تامرنى بحاجه
نادر الامر لله ربنا يكرمك يابنى مع السلامه
قفل نادر مع اسر وكلم جاسر علشان يسال على اسر قبل مايجى يتقدم
اما عند اسر كانت الفرحه مش سيعاه وكلم نور قالها انوا هيكون عندهم يوم الخميس وهى كمان فرحت جدا
وفضلو ا يرغوا مع بعض
فى بيت همس كانوا بتغدوا كلهم مع بعض وحنين ومنه وفارس موجدين
اسر على فكره انا كلمت بابا نور واتفقت معاه على يوم الخميس انشاء الله
هناء بفرحه ربنا يمملك على خير ياحبيبى يارب
همس ايوا ياعم وهتبقى عريس اخيرا
كلهم هنوه وفضلوا يخططوا هيعملوا ايه وهيجيبوا ايه
حنين صحيح ماتنسوش بكره عزومه اهل اياد
اسر اه فكرتينى علشان اجبلهم هديه حلوه تليق بست منه
واستاذ اياد
منه حبيب قلبى ياخالوا
حنين ايوا ياست منه مين قدك اسر باشا بنفسه رايح يجيب هديه علشان عيونك
منه بضحك ايه ياست الكل الحقد ده دانا بنتك يعنى
فارس بالراحه ياحنين على البت للعين ترشق فيها
حنين بغيظقصدك ايه بقى ياسى فارس انا عينى وحشه
فارس قرب منها شويه هو فى عيون احلى ولا اطعم من عيوك الى سحرانى بجمالهم
اسر ومنه مثلوا انهم بيعزفزا كمانجا ترررارارارارا
وضحكوا كلهم كل ده وهمس مش معاهم وسرحانه
همس كانت بتكلم نفسها وهى فى عالم تانى ياترى أدهم هيكون هناك انا مش عايزه اشوفه انا خاېفه من قلبى ېغدر بيا وانا مش ناقصه مش عارفه اشمعنى هو الى حسيت انى !!!مش عارفه انا مش هروح بس مش عارفه اقولهم ايه ربنا يستر بقى
اسر اخد باله من همس وبيقول لنفسه ياترى مالها حاسسها متوتره مش عارف ليه
اسر لهمس مالك ياهمس سرحانه فى ايه
همس انتبهت هاا لا ابدا حاسه بس انى داخل عليا برد وبفكر مرحش معاكم
اسر اتاكد ان فى حاجه بس مش عارف هى ايه لانه لحد دلوقت مشافش أدهم
منه بسرعه هموسه حبيبتى طنط ناديه ماكده عليا انتى قبلنا علشان خاطرى دانتى لو مجتيش هتعلقنى
همس ربنا يسهل انشاء الله
كملوا اعدتهم وشويا وحنين وفارس ومنه روحوا وهمس دخلت تنيم العيال وطلعت لاسر
همس
اسر ماقلتليش هنزل الشغل من بكره ولا امتى
اسر مستغربها منين تعبانه ومش عايزه تروح العزومه ومنين عايزه تنزل الشغل بكره
اسر خليها بعد بكره علشان عزومه منه انتى نسيتى
همس اه اه خلاص تصبح على خير
اسر همس انتى كويسه
همس بصتله قوى واتنهدت اه يااسر گويسه الحمد لله
اسر ماشى ياهمس تصبحى على خير
همس وانت من اهله
راحت اوضتها وفضلت طول الليل تفكر وتقنع نفسها ان لازم تسيطر على نفسها اكتر من كده ومتخليش حد ياثر عليها
بس ياتري هتقدير تقاوم عشق ادهم
روايه عشق الادهم ..
الحلقه العاشره ….
الكل اتجمع عند همس علشان يروحوا العزومه همس جهزت وجهزت عيالها وكانت حلوه جدا اول لما طلعت الكل بصلها
همس مالكوا بتبصولى كده ليه
اسر بابتسامه حسك محلوه قوى مش عارف ليه .
همس اتوتر ليه ياعنى دا لبسى العادى
هناء مالك ياسر ماهى على طول حلوه ايه الجديد ياعنى
منه هو فى فى جمال هموسه وراحت باستها وشالت ادم ادومه هنروح عند اياد انت بتحبوا
ادم اه اتم حبوا وحب منه تيتيل ادم بيحبو وبيحب منه كتير
منه ضحكت ياقلب منه وفضلت تبوس فيه
حنين طيب يالا بينا ناديه عماله ترن عليا
كلهم يالا
عند لورا ومحمد
دخل محمد لقى لورا مستنياه
محمد بابتسامه مساء الخير ياقمر ايه الجمال دى
لورا جريت
عندى ليك مفاجاه حلوه
محمد خير
لورا مسكت ايده وحطتها على بطنها انا حامل
محمد فرح جدا وافتكر
عياله بس محبش يبين قدام لورا بجد حامل انا فرحان قوى
لورا وأنا كمان ياحبيبى فرحانه قوى ها هتجبلى ايه هديه بالمناسبه دى
محمد الى انتى عايزاه عنيه ليكى
لورا قربت بدلع بجد يامحمد يعنى لو طلبت اى حاجه مش هترفض
محمد وهو بيقرب منها قوى وبهمس اى حاجه عمرى ماهرفض
لورا قربت منه اكتر بعدين هقولك تعالى نحتفل انا وانت الاول
وخدته ودخلوا اوضتهم وهى بتفكر فى الخطوه الجايه
عند ناديه
ادهم لناديه وهما فى المطبخانا عملت معاكى الواجب كله اهو
ناديه بصراحه مكنتش اتوقع انك هتساعدى بجد لا وايه يعتبر انت الى طابخ نص الاكل مكنش اعرف انك طباخ جامد كده انا بعد كده هستغلك
أدهم بثقه اومال انتى فاكره ايه داحنا جامدين قوى بس متاخديش عليها
ناديه بضحك طيب ياجامد روح البس لحسن هما على وصول
أدهم بص للساعه يانهار ابيض اجرى انا البس ليجوا وانا كده
وجرى على الاوضه وفضلت ناديه بصاله وكل مادا شكوكها بتتأكد خلصت وراحت لبست هى كمان ويدوب خلصت الجرس رن راحت تفتح
ناديه اهلا اهلا نورتوا الدنيا كلها اتفضلوا
هناء اهلا بيكى يابنتى عامله ايه
ناديه الحمد لله ياطنط اتفضلوا
دخلوا وكل واحد قدملها هديته
ناديه بزعل ليه كده تعبتوا نفسكوا هو احنا اغراب
فارس بضحك احنا مش بنجيب هديا للاغراب
منه دخلت عنيها بدور على اياد شافتها ناديه اياد بيلبس وجاى
منه اتكسفت وشويه لقت اياد وشريف طلعوا
ايادانا جيت اهو نورتوا الدنيا كلها والله
حنين بنورك ياحبيبى
شريف والله ياجماعه ماكان ليه لزوم التعب والهديا دى كلها
اسر احنا هنجيب لاغلى منكوا يعنى
ناديه لهمس الى من ساعت مادخلت ساكته هموسه عامله ايه وحشانى
همس وانتى كمان والله تعبناكى معانا
ناديه تعب ايه بس تعبك راحه وبصت لحور وادمعاملين ايه ياكتكيتى مشاء الله الاتنين نسخه منك ياهمس
همس لعيالها روحوا سلموا على طنط
ايادلا تعالولى انا انتوا وحشنى قوى
حور عمو اياد عامل ايه
ادم قرر كلام حور عمو ايات عامى ايه
اياد وكلهم ضحكوا على كلام ادم انا كويس ياحبيبى انت عامل ايه
ادم تويس ايحمد ياه كويس الحمد لله
همس سرحت وهما بيتكلموا الحمد لله انوا مش موجود كده احسن
ومكملتش تفكير وسمعت الى دخل وقال
ادهم دخل وعنيه بدور عليها بس بيحاول مايبينش مساء الخير منورين
شريف تعالي ياأدهم احب اعرفكم أدهم اخويا الصغير مالحتوش تتعرفوا عليه فى الفرح
اسر بص بنص عين لهمس الى اتوترت اول ما أدهم دخل وقام سلم عليه
اسر اهلا وسهلا اتشرفنا انا اسر خال منه
أدهم غنى عن التعريف اخبارك ايه ياستاذ اسر
اسر بابتسامه لا استاذ ايه بقى احنا اهل يعنى مافيش بينا استاذ
أدهم بابتسامه زودت وسامه ماشى كلامك منور ياسر ولف سلم على الباقى ووصل لهمس وقف قصدها ومد ايده
أدهم وعينه على عنيها منوره يامدام همس
همس مدت ايدها وهى حاسه ان قلبها هيقفشكرا
ومقالتش الى الكلمه دى ورفعت عنيها بصتله وزى مايكون الزمن
وقف والدنيا مافيهاش غيرهم
همس فاقت لنفسها سحبت ايدها واعدت وأدهم انسحب وراح اعد جمب شريف
اسر اخد باله من توتر همس وبدأ يفهم همس مالها
ناديه غمزت لاياد الى اخد باله هو كمان
اياد ادهم بقى مش عمى بس ده تؤام روحى
اسر ربنا يخليكوا لبعض وانت بتشتغل مع شريف
أدهم لا انا ماسك شركه استيراد وتصدير تبع واحد معرفه بس مش بيجى الا اخر السنه مره ويرجع بلده تانى
هناء بفضول وانت مش متجوز ياأدهم
أدهم عنيه لا ارادى راحت على همس ورجع بص لهناء لا ياست الكل لسه ربنا ماردش مستنى بنت الحلال
هناء بلؤم معقول مش لاقى بنت حلال دانت مشاء الله عليك قمر
ادهم ضحك ادينى مستنى ربنا يبعتهالى
هناء ربنا يكرمك بواحده بنت حلال اسر كان عامل زيك لحد لما وقع على بوزه
كلهم ضحكوا واسر رد كده برده بتفضحينى ياست الكل
هناء مش دى الحقيقه فضلت تقول لالا لحد ملقيت الى تخليك تقول اه عقباله هو كمان
أدهم ياعنى هنفرح بيك قريب
اسر انشاء الله رايح اتفق يوم الخميس
كلهم هنوه وفرحوا قوى وكل ده وهمس ساكته تماما
ناديه اخدت بالها من سكوت همس حبت تخليها تتكلم وتحاول تقرب بينهم
ناديه هموسه ساكته ليه ياقلبى
همس بتحاول ماتبصش لأدهم لا ابدا الظاهر داخل عليا برد
أدهم انتبه وبصلها وقالها سلامتك الف سلامه اجبلك علاج للبرد
الكل بص لأدهم الى اخد باله انوا اتسرع فى الرد وهمس اتكسفت وردت بكلمتين
همس شكرا مش مستهله
ناديه حبت تدارى احراجه وتغير الموضوع حنين انتى ماشفتيش مكتب اياد لحد دلوقت صح
اسر انت فتحت مكتب ربنا يكرمك ياحبيبى
اياد ربنا يخليك يارب
أدهم حب يدارى احراجه بص لحور وافتكرها هى البنت الى رقص معاها لما لقها واقفه لوحدها زعلانه شاورلها تجيله بصت لهمس قالتلها تروح
حور نعم ياعمو
ادهم انتى مش فكرانى
حور لا فكراك كنت بتغنى فى فرح منه ورقصت معايا
ادهم ضحك طيب ينفع اغنيلك وارقص معاكى ومعرفش اسمك
حور بكسوف اسمى حور
أدهم حب حور جدا واتمنى انها كانت
تبقى بنته الله اسمك حلو قوى وانتى احلى
حور فرحت وبدات تتكلم بدون كسوف معاه شكرا
ياعمو وانت اسمك ايه
ادهم اسمى ادهم ايه رئيك حلو
حور اسمك حلو وانت كمان حلو
أدهم ضحك وهمس قالت لنفسها يادى النيله البت وقعت فيه ولا ايه
ادم راح هو كمان لأدهم انا اتم انت مس عايفنى انا ادم انت مش عارفنى
ادهم شاله وباسه فى خده ازاى مش عارفك عامل ايه يابطل
ادم انا تويس بس سعلان
ادهم بيحاول يركز علشان يفهم انت زعلان انا فهمت صح
ادم اه سعلان
أدهم ابتسم وانت مين مزعلك وانا اروح ابهدله
ادم انت بتكيم حوى ويقصت معاها وانا يا
ادهم بص لاسر يمكن فهم اسر قالوا اقسم بالله مافاهم حاجه انا معايا محو اميه فى كلام الاطفال
ادهم بص لهمس لانها اكيد فاهمه
همس باحراج باين عليها بيقولك زعلان منك علشان بتكلم حور ورقصت معاها وهو لا
أدهم بص لادم معاك حق انا اسف بس وعد اول لما يكون عندنا فرح هرقص معاك ها لسه زعلان
ادم يأ
ادهم طيب عايز ادهم فتره زى مايكون مفتقد حنان الاب وادهم حس بيه وقلبه وجعه عليه قوى شويه واخد حور على رجله التانيه هى كمان كلهم اعدين متاثرين بالعيال لانهم عارفين ان فقدان الاب حاجه كبيره وخصوصا للاطفال
ناديه قامت تجهز السفره وقامت معاها همس وحنين بعد حلفنات كتير جهزوا السفره والكل اتجمع عليها
ادم راح لادهم عايس اعد عيا لجلك عايز اعد على رجلك
ادهم فهم واخده على رجله وفضل ياكله وحور كانت فى الكرسى الى جنبه اكلها هى كمان وكان فرحان بيهم قوى كل ده وهمس قلبها ۏجعها وصعبان عليها عيالها الى افتقدوا حنان الاب وطبعا اياد وناديه متابعين كل ده وشريف كمان كان مندهش من ادهم الى اول مره يهتم بحد كده
حنين قالت لناديه تسلم ايدك ياناديه الاكل حلو قوى
ناديه تسلمى بالهنا والشفا بس على فكره ادهم عامل معايا نص الاكل ده
ادهم بصلها انا ساعتها بس معملش حاجه
ناديه ياسلام بلاش تواضع هو الى عامل المكرونه بالبشاميل وعامل الفراخ المشويه وسلطه المايونيز
همس كان عاجبنها جدا المايونيز وكانت فاكره ان ناديه الى
عماله وكانت ليه هتسالها عملته ازاى
اسر تسلم ايدك والله الاكل حلو قوى بي برافوا عليك دانا مش بعرف اسلق بيضه وكنت متمرمط وانا مسافر
ادهم بالهنا ياحبيبى بس يعنى كنت مجبر اتعلم اطبخ لان كنت اكتر الوقت لوحدى يامسافر يافى شقتى دا السبب
هناء ربنا يرزقك بالى تملى عليك حياتك يابنى
ادهم امين ياست الكل
وطول الغدا وأدهم بيسرق نظرات لهمس لحد ماخلص الغدا والرجاله قامت راحوا اعدوا مع بعض والستات راحو يعملوا الشاى والقهوه
ناديه بلؤم شوفتى ياحنين ادم حب ادهم قوى
حنين وبدات تستوعب شويه اه فعلا الاطفال بتحس بالحنيه
ناديه وادهم حنين قوى يالا ربنا يرزقه ببنت الحلال
حنين بابتسامه لانها فاهمه صاحبتها امين يارب
ناديه لهمس خدى ياهموسه ودى الشاى لادهم واسر وانا وحنين هنجيب القهوه وباقى الحاجه معلش تعبتك
همس اتوترت انها هتروحله بس معرفتش ترفض ولا تعب ولا حاجه
واخدت الصنيه وخرجت حنين بصت لناديه برفعت حاجب
ناديه مالك بتبوصيلى ليه
حنين مش عارفه حاسه انك بتخططى لحاجه
ناديه وافرضى المفروض انتى كمان تخططى معايا
حنين ياريت بس انتى عارفه همس دماغها مقفله
ناديه بس انا حاسها ممكن نتفاوض معاها
حنين باستغراب يعنى ايه
ناديه اسمعينى ياحنين همس عمرها ماحبت وجوزتها كانت جبر خاطر مش اكتر همس لو حبت ادهم ممكن تغير رئيها وانا شايفه توترها اول ماشفته دا معناه ايه
حنين معناه ايه
ناديه معناه انها عندها شويه مشاعر من نحيته بس عايزه تداريهم
حنين تفتكرى
ناديه افتكر قوى علشان كده بقولك نقرب بينهم
حنين طيب وادهم !!
ناديه هو انتى كنتى اعده فى كوكب تانى ياحنين ماشفيش اول لما قالت تعبانه اتلهف عليها ازاى
حنين اه صحيح وهو معنى كده انوا حبها
ناديه بقله صبر معجب ياحنين معجب انتى مال مخك صدى ولا ايه وعلينا نخلى الاعجاب حب من الناحيتين
حنين ودا ازاى بقى
ناديه هقولك ياستى
واعدوا الاتنين يخططوا هيعملوا ايه اما بره همس كانت بتحاول تبقى بعيده عن أدهم على قد ماتقدر
قربت قدمتله الشاى بتوتر لدرجه كانت هتقلب الصنيه عليه
اسر بالراحه ياهمس هتولعى فى الراجل
همس باحراج معلش انا اسفه
ادهم وبيحاول يدارى توتره هو كمان لا ابدا محصلش حاجه
همس عن اذنكم
ورجعت عند حنين وناديه
اياد اخد منه وخرجوا البلكونه
اياد بقولك يامنون
منه نعم ياحبيبى
اياد ماتيجى ناخد همس والاولاد ونخرجهم بكره
منه بصتله قوى اياد هو فى حاجه بتحصل من وريا
اياد ليه بتقولى كده
منه اصل طنط ناديه نادت عليك وشويه وتقولى نخرجهم هتعترف ولا والله م
وقبل ماتكمل اياد قالها خلاص متحلفيش هقولك علشان كده كده محتاجك معايا
منه فى ايه
اياد هقولك وحكالها كل حاجه هاا ايه رئيك
منه بتفكير اما انا غبيه ازاى ماختش بالى
اياد ابدا علشان مركزه معايا انا بس
منه بطل غلاسه! بس عارف ياريت همس لازم تعيش حياتها من
الاول وتحب وتتحب عموما انا معاك هنعمل ايه
اياد هقولك !!!
وقالها على الى هتعملوا بكره
خلص اليوم بعد اعده حلوه طويله مليانه مؤامرات وخطط
علشان يجمعوا
قلبين نفسهم يعيشوا بس بيعندوا
روايه عشق الادهم ..
الحلقه الحاديه عشر …
يوم جديد كله تفائل وأمل وحب اسر صحى لبس هدومه وطلع لاقى ماماته بتحضر الفطار
اسر صباح الخير ياست الكل
هناء صباح الفل ياقلب امك يالا علشان تفطر
اسر باستغراب اومال همس فين
هناء لسه نايمه اول مره تتأخر فى النوم كده حتى حور وادم صحوا وهى لسه
اسر قام انا داخل اشوفها لتكون تعبانه زى ماقالت امبارح
دخل ولقى همس نايمه همس .همس .
همس فتحت عنيها شافت ادهم قدمها قامت ماخضوضه
اسر هداها مالك ياهمس اهدى انا اسر مالك
همس وبدأت تفوق وبتاخد نفسها معلش ياسر انا كنت بحلم
اسر بتحلمى بايه خضك كده
همس بصتله ومعرفتش تقوله ايه هتقوله انها كانت بتحلم بأدهم ولما صحيت افتكرته واقف ادمها بجد
اسر هاااا روحتى فين
همس ها مافيش بحاول افتكر الحلم بس مش فاكره حاجه منه
اسر خلاص متحاوليش تفتكريه تلاقيه حلم وحش
همس لنفسها وحش ايه بس دا احلى حلم حلمته فى حياتى
اسر لما لاقاها ساكته قالها المهم هتيجى معايا الشركه النهارده ولا مش قادره
همس اه طبعا جايه معاك انا مظبطه كل حاجه من امبارح
اسر بغيظ ولما انتى مظبطه كل حاجه ايه الى مأخرك فى النوم لحد الساعه ٨ ايه معرفتيش تظبطى المنبه كمان
همس پصدمه الساعه كاااام ٨ ازاى وقامت بسرعه معلش انا دقيقه
وهكون جاهزه
اسر بلؤم وايه الى اخرك فى النوم مش عادتك
همس اصل مانمتش طول الليل
اسر بنص عين ومانمتيش ليه طول الليل
همس اخدت بالها من كلامها فحبت تلحق نفسها بس بعد ايه ابدا ياسر كنت تعبانه الظاهر تقلت فى الاكل امبارح عند ناديه
اسر ومازال بيلاعبها اه الصراحه الاكل كان تحفه خصوصا الاكل الى أدهم عمله
همس اول ماجاب سيره أدهم رجعت لتوترها الى بقى ملحوظهاا اه يعنى مش قوى
اسر بيحاول يدارى ضحكته هو ايه ده الى يعنى مش قوى
همس بتحاول تهرب من عيون اخوها الى فاهمها قصدى الاكل كان عادى يعنى
اسر ياشيخه حرام عليكى دا كان ولا اكل المطاعم أدهم ده بصراحه طلع جامد
همس بتحاول تغير سيره أدهم اسر انت عمال ترغى ومعطلنى اطلع بره علشان البس ونروح الشركه يالا
وزقته وقفلت الباب وسندت عليه وحطتت ايدها على قلبها
همس بتكلم قلبها وكأنها بتكلم حد قدمها انت عمال تدق كده ليه كل لما تيجى سيرته هتفضحنى ومش هعمل الى انت عايزه برده مهما دققيت …..
خلصت وخرجت لاسر اخدها وراحوا على الشركه عارفها مكتبها فين وفهمها الشغل ماشى ازاى واطمن عليها وراح مكتبه همس كانت مبسوطه جدا شويا واسر بعتلها سيلا طلبها فى مكتبه خبطت ودخلت
همس ايوا ياستاذ اسر طلبتنى
اسر بضحك استاذ مره واحده ليه كده
همس بجديه احنا فى الشغل لازم نفرق بين الشغل والاخويه
اسر تمام يااستاذه همس اتفضلى عايز اخد رئيك فى كام برنامج المفروض هنشتغل عليهم
وبدأت همس تتأقلم مع الشغل واسر حس قد ايه هى ذكيه وممكن يستفاد جدا منها فى الشغل
عند ادهم كان يادوب لسه صاحى من النوم وراح لناديه المطبخ الى بتفضل فيه نص يومها من حبها فى الطبخ
أدهم صباح الخير يانونا
ناديه قول مساء الخير الضهر أذن مش عوايدك تنام كل ده
ادهم انا مصدع قوى اعمليلى فنجان قهوه دوبل بالله عليكى
ناديه سلامتك مصدع من ايه
أدهم مانمتش طول الليل يادب نمت والنهار طالع
ناديه بنفس النص عين بتاعت اسر وايه الى سهرك كل ده بتفكر فى حاجه
أدهم اتوتر هاا لا ابدا كنت بس مش جايلى نوم وفضلت العب فى الموبيل
ادهم طول الليل كان سهران بيفكر فى همس ودخل الاكونت بتعها وفضل مسهم لصورتها طول الليل
ناديه طيب خد القهوه اهى ومتلعبش فى الموبيل كتير عنيك ټوجعك
أدهم اخد القهوه وخرج راح لاياد الاوضه يرغى معاه يمكن يبطل تفكير فى همس
عند لورا صحيت كان محمد لسه مصحاش قامت حضرت الفطار وراحت تصحيه صحى محمد وقام غير وخرج شاف الفطار استغرب دى اول مره تعملها قال لنفسه الظاهر الحمل هيغيرها
محمد تسلم ايدك ياحبيبتى تعبتى نفسك ليه
لورا بالهنا ياحبيبى تعبك راحه
محمد طيب مش هنروح للدكتور علشان نطمن عليكى انتى والنونو
لورا اتوترت ها اه طبعا هروح اكشف انا كلمت واحده صاحبتي وقالتلى على دكتور كويس وهتيجى معايا
محمد وليه تاخدى صاحبتك انا هاجى معاكى
لورا قامت اعدت على رجله وبدلع لا ياحبيبى انت روح شوف شغلك وانا هاروح اكشف واطمنك
محمد طيب الى يريحك ولو فى حاجه كلمينى
لورا تمام ياحبيبى
محمد انا نازل بقى عايزه حاجه
لورا قربت باسته عايزه سلامتك
محمد ابتسم وسابها ونزل واول لما نزل ابتسمتها اختفت
وراحت اتصلت بمعتز
لورا الو ايوا ياحبيبى عملت كل الى اتفقنا عليه
معتز تمام بليل تكملى الى قولتلك عليه
لورا حاضر ياقلبى عنيا ليك
معتز يسلملى قلبك وعنيكى
همس اندمجت فى الشغل ونوعا ما بطلت تفكير فى أدهم شويه
وياوب بتكمل الشغل الى اسر طلبه منها لقت فونها رن
همس الو ايوا يامنوش عامله ايه
منه بزعل الحمد لله ياخالتوا انتى عامله ايه
همس خالتوا
تبقى زعلانه من حاجه مالك فى ايه اوعى تكونى متشكله مع اياد
منه يعنى
همس يعنى ايه متشكله معاه ولا لا
منه اه ولا
همس بقله صبر يابنتى ماتهبلنيش انا مش فاهمه حاجه
منه بعياط هقولك ياستى اياد اتصل بيا قالى عايز يخرجنى النهارده قولتله هقول لماما قولتلها عملتلى حكايه وقالتلى مينفعش تخرجى معاه لوحدك قولت لاياد زعل وقالى انا حاسس ان مامتك مش بتحبنى اعمل ايه بقى
همس طيب اهدى يعنى المشكله ايه دلوقت
منه ماما عايزه حد يخرج معانا اجيب مين يعنى يخرج معانا دلوقت
همس بتفكير طيب متزعليش انتى كنتوا هتروحوا فين
منه الملاهى
همس بضحك اااه
قولتلى علشان كده زعلانه قوى طيب ياستى انا هكلم حنين وهروح معاكى واهو افسح حور وادم بقالهم كتير مخرجوش
منه بفرحه بجد ياهمس ياعنى اكلم اياد اقوله
همس اه ياقمر كلميه وانا هقفل معاكى واكلم حنين
منه ربنا يخليكى للغلابه الى زينا طيب هنجيلك على الساعه ٤ كويس
همس اه كويس انا هاخلص شغل على ٢ واروح نجهز
منه انتى نزلت الشغل من النهارده
همس اه يادوب بدأه
منه ربنا يوفقك يالا سلام بقى علشان الحق اقول لاياد
همس سلام
قفلت منه معاها وبصت لحنين الى وقفه جنبها
منه بفرحه ياااس مايجبها الا منون
حنين بضحكه طب والله صدقتك
منه بثقه عيب عليكى يامامى دانا جامده جدا ياترى اياد عمل ايه مع ادهم
حنين بغيظ بت يامنه بقى اياد بيقولك امك مش بتحبنى
منه پصدمه فى ايه ياحاجه حنين احنا هنكدب الكدبه ونصدقها ولا ايه اومال ماكنش كل ده تخطيطك انتى وطنط ناديه
حنين يوووووه مش بقولك والله صدقتك المهم كلمى اياد شوفيه عمل ايه
ومكملتش ولقت همس بتتصل
حنين هوووش بتتصل وردتعليها الو ايوا ياهمس عامله ايه
همس الحمد لله انتى عامله ايه
حنين بعصبيه كويسه
همس مالك مټعصبه ليه
حنين هو فى الا الزفته الى معصبانى على طول
همس ليه بس كده هو فى زى منون
حنين ايوا ياختى افضلى دلعى فيها دى عايزه تخرج مع اياد لوحدها ينفع يعنى ياهمس
همس ياستى مش هتخرج لوحدها هى كانت قالتلى بس انا نسيت انا هخرج معاها علشان عايزه افسح العيال
حنين طيب لو كده ماشى
همس طيب ماتيجى معانا
حنين بلخبطه لا مش هينفع اصل اصل اه ناديه جايه تعد معايا شويه
همس خلاص ماشى يالا سلام
حنين سلام
قفلت معاها وبصت لمنه الى كتمه ضحكتها ايه رئيك
منه ضحكت جامد ياماما ياجامده ماأنتى شاطره اهو طلعالى
حنين رمت عليها مخده انا الى طلعالك برده
منه اه طبعا وبعدين تعالى هنا انا زفته وعلى طول معصباكى
حنين صوتت يالهووووى يابت مش احنا متفقين اقول كده
منه هرشت فى شعرها اه صحيح افتكرت طيب اما نشوف اياد عمل ايه هو كمان
عند اياد دخل ادهم عليه لاقاه مبوز وحاطط ايده على خده
أدهم مالك ياختى جوزك طلاقك ولا ايه
اياد بصله والنبى تسبنى انا مش رايقلك
ادهم اعد جنبه مالك بس فى ايه
اياد مافيش
ادهم من امتى بتخبى عليا
اياد ابدا الموضوع مش مستاهل
أدهم ماهو واضح بدليل انك مبوز وحاطط ايدك على خدك ماتقول ياعم يمكن اقدر اساعدك
اياد ابدا كنت قولت لمنه هخرجها انهارده مامتها قالتها مينفعش تخرجوا لوحدكم
أدهم هو لسه فى حد بيفكر كده بس اقولك معاها حق وبعدين
اياد ابدا قالتلها خالتك وعيالها هيجوا معاكم
ادهم اول ماجت سيره همس قلبه دق طيب ايه المشكله
اياد بعصبيه المشكله انى هتحرج اقولها معلش خاليكى اعده هنا لوحدك عقبال ما افسح منه شويه
أدهم هو انتوا كنتوا هتروحوا فين
اياد الملاهى
أدهم بتفكير لنفسه ما دى فرصه اشوفها فيها دى وحشتنى قوى من امبارح واجرب اقرب منها يمكن
كل ده واياد عينه عليه وبيقول لنفسه قول ياأدهم قول انا هاجى معاك متفرحش منه فيا
وفجاه لاقى ادهم قاله خلاص انا هاجى معاك
اياد فرح جدا وقام باسه بجد ياأدهم هاتيجى معايا
أدهم بكدب اه والله اصل عايز اشوف العيال وحشونى
اياد لنفسه العيال برده الى وحشوك اه ياسوسه
أدهم بصله قوى مالك يااياد سكت ليه
اياد لا ابدا فرحان
أدهم طيب انتوا هتروحوا على كام
اياد على ٤ كده
أدهم طيب تمام هاروح اجهز نفسى عقبال ماتظبط نفسك
وسابه وخرج
اياد فضل متنح وبص لساعته هتروح تجهز من الساعه ١ونص ليه عريس ورفع ايديه للسما يارب ياأدهم اشوفك عريس
وجرى اتصل بمنه يشوف الاخبار عندها ايه
اياد الو ايوا يامنه عملتى ايه
منه عيب عليك كله تمام وانت سبع ولا ضبع
اياد بثقه سبع طبعا قولتلك مش هيقدر يقاومنى
منه ضحكت ماشى ياسبع هستناك بقى وزى ماتفقنا خليه يجى ورنا مش معنا علشان همس متشكش
اباد طيب انا هقوله يجى كانه صدفه علشان همس بتفكرش انى مدايق منها
منه صدفه فى الملاهى ماشى مش مهم
اياد بغيظ انتى لازم تعترضى وخلاص
منه بضحك اه يالا سلام اما اروح اطمن ماما
اياد ماشى وانا كمان اروح اقول لنونا سلام
كل واحد فيهم راح يبلغ مامته بالاخبار والاتنين دعولهم
ربنا يجمع بينهم
اياد اخد عربيه ادهم بعد ماتفقوا هيعملوا ايه علشان همس
ماتحسش ان اياد مدايق منها انها خرجت معاهم راح اخد منه
وبعدين همس والعيال وطلعوا على الملاهى
حور بفرحه انا فرحانه قوى ياماما بقالى كتير مجتش الملاهى
همس معلش ياحور انتى عارفه مكناش بنخرج علشان المدرسه وانا قولتلك فى الاجازه هنخرج ياقلبى
ادم بفرحه واتم فيحان خايص عسان اتب ميجيح
وادم فرحان خالص عشان هيركب المرجيح
ضحكوا على كلامه ومنه قالتله قلبى ياناس دانا هلففك الملاهى كلها بس تعالا نروح الكافيه ناكل اى حاجه لحسن ماكلتش من الصبح
همس اه طبعا علشان كنتى لويا بوزك
اياد تعالوا نعد هنا المكان حلو قوى قصاد البحيره دى شكلها رمانسى وغمز لمنه الا فهمت قصده
منه اه يالا
راحوا اعدوا ويادوب هيطلبوا الاكل اياد لقى فونه فى جيبه بيرن
اياد وهو بيبص للفون باستغراب ايه ده
همس مالك يااياد فى حاجه
اياد ده مش تليفونى
همس اومال تلفون مين
لقت صوته من وراها بيقولها تلفونى انا
همس عنيها برقت وبتكدب ودنها وبتقول لنفسها هو انا اټجننت ولا ايه الصبح اشوفه قدامى ودلوقت اسمع صوته
ومكمتلش لقت ادهم قدمها الاستاذ اخد تلفونى وسابلى تلفونه
اياد وهو عامل نفسه متفاجاء أدهم انت جيت ازاى
أدهم وهو باصص لهمس الى المفجأه لسه مأثره عليها اسلم الاول طيب وبعدين اقولك
منه اهلا اهلا حضرتك عامل ايه
أدهم الحمد لله يامنه وياريت نمشيها ادهم من غير حضرتك
منه ضحكت وادم قام جرى عليه عمو أتهم بيبى
أدهم وهو بيشيله حبيب قلبى وحشتنى وبص لحور حور القمر فين بوسه عمو
حور جريت عليه هى كمان كل ده وهمس لسه مسهمه أدهم بصلها كأنه لسه مركز معاها
أدهم مدام همس انا اسف مسلمتش عليكى عامله ايه ومدلها ايده
همس مدت ايديها بتردد الحمد لله كويسه
أدهم اول مامسك ايدها الاتنين حسوا بالكهربا مشيا فى جسمهم أدهم فضل ماسك ايديها شويه علشان ترفع عينها تبصله وفعلا بصتله ورجعت بصت لايده الى لسه مسكه ايدها وسحبتها ووشها كله احمر وطبعا كل ده تحت مراقبة اياد ومنه الى بيغمزوا لبعض
اياد لأدهم الى لسه مسبل لهمس انت عرفت انى هنا ازاى
أدهم انتبه ومكنش لاقى صوت يرد بيه احمم لما لقيت تليفونك على السرير مكان تلفونى معرفتش افتحه اتصل بيك سالت ناديه قالتى انك هنا واتصلت بيك مرتدش عليها
اياد هرد ازاى والتليفون معاك
أدهم بغيظ ياعقل النمله كانت بتتصل على تلفونى انا
كلهم ضحكوا وهمس كمان ڠصب عنها ضحكت على كلمته
اياد عجبتكوا قوى ماشى ياسى أدهم اتفضل تلفونك اهو حاجه تانيه
أدهم بتوعد انت بتطردنى يااياد
منه ايه يااياد بدال ما تقوله خليك معانا بدال اجى المشوار ده
همس بصتلها علشان تسكت ومنه عملت نفسها مش شيفاها وكملت
منه خليك معنا تلاقيك لسه متغدتش اصلا
أدهم اه والله يامنه ملحتش اتغدا
اياد حبيبى ياأدهومه خليك ياغالى معانا وهغديك كمان
همس كان نفسها تصوت وعماله تقول لنفسها ياعنى انا عامله من الصبح اقنع نفسى انى مش هشوفه تانى القيه دلوقت قدامى اعمل ايه يارب
أدهم بص لهمس الى سرحانه مش عايز ادايق مدام همس بس
همس بصتله ونفسها تقولوا اه امشى بلاش تكون معايا فى مكان واحد بس قالتله لا ابدا اتفضل
حور اه ياعمو أدهم خليك معانا انا بحبك قوى
أدهم خدها فى حنه وانا بمۏت فيكى ياقمر حاضر هفضل معاكوا…. اذا كان كده انا الى عازمكم على الغدا
همس سرحت فى وش أدهم وهى شايفه عيالها فى شافته هو الى جوزها ابو عيالها وحنين عليهم وعليها وتخيلت انهم اعدين مع بعض هى وأدهم وبيحب فيها وعيالها حواليها بيلعبوا ابتسمت من غير ماتحس
أدهم اخد باله من ابتسامتها وجمالها وهو كمان اتمنى نفس الى هى اتمنت وسال نفسه ليه لا ليه ماتحبش وتعيش حياتها ليه عايزه تقفل على نفسها وتحرم نفسها من السعاده ليه مايكنش ليها راجل يحبها وتحبه وليه ماكنش انا الراجل ده وسال نفسه انت ياأدهم هتحب تانى رد على نفسه انا اصلا محبتش اولانى وهمس غير اى حد انا عمرى ماقبلت واحده زيها
ادهم فاق من افكاره على الجارسون بيقدملهم الغدا
منه لادهم اكيد الاكل ده مش احلى من اكلك ياأدهم بصراحه كان تحفه مش كده ياهمس
أدهم بص لهمس مستنى ردها وهى بصت لمنه عايزه تولع فيها اه فعلا تسلم ايدك
اياد قام
بعد ماخلص اكل وقال لهمس بعد اذنك ياهمس انا وعدت ادم وحور هلففهم الملاهى يالا ياولاد يالا يامنه
همس اتوترت وقالت لنفسها يعنى ايه هيسبونى معاه وقالت لاياد لا خلى الاولاد انا هوديهم
اياد بص لمنه تلحقه بس حور نقذه الموقف وقالت لهمس لا ياماما انا عايزه اروح مع عمو اياد ومنه لو سمحتى
همس سكتت مش عارفه تعمل ايه وهما انتهزوا سكوتها ومشيوا بسرعه همس بصت حواليها ملقتش الا أدهم الى عمال يفكر يعمل معاها ايه علشان يغير فكرتها
أدهم لهمس متقلقيش اياد هياخد باله منهم
همس ها انا مش قلقانه ولا حاجه
أدهم طيب
كملى اكلك انتى ماكلتيش حاجه من طبقك
همس انا باكل اهو سكتت شويه وقالتله فجاه هو انت مكنش عندك شغل النهارده
أدهم بصلها واخد باله انها بتحاول
تهرب منه لا كان عندى بس صحيت متاخر النهارده
همس لنفسها ياترى ليه كنت بتفكر فى ايه
أدهم على كده انتى بتشتغلى
همس بتحاول تتكلم عادى كانه اى حد اه بشتغل مع اسر فى الشركه
أدهم بجد كويس هو ده مجال دراستك
همس اه بس مكملتش كان فاضلى سنه واخلص
ادهم استغرب ليه مكملتيش السنه الى فاضله حرام كل السنين دى تروح عليكى
همس بزعل اتجوزت ومعرفتش احضر السنه الى فاضله واتلبخت بالعيال والعمر عدى
أدهم عمر ايه الى عدي ياهمس انتى لسه صغيره ليه متكمليش السنه وتخدى شهادتك
همس معتش ينفع عيالى اهم
أدهم انتى ليه معندكيش اراده ليه حاسك عايزه تنهى حياتى جوه دايره عيالى اهم ربنا هيحسبك على عمرك ضاع فى ايه
همس حست بالۏجع وبصتله انا عمرى ضاع فعلا ومعملتش اى حاجه كنت عايزها لا خلصت كليه ولا اشتغلت فى المجال الى بحبو ولا اتجوزت حتى عن حب
أدهم بصلها وقلبه وجعه عليها العمر لسه قدامك ممكن تختارى المرادى بقلبك وتعيشى كل الى اتحرمتى منه
همس ياريت كان ينفع حاليا عيالى اهم افكر فيهم هما اكبرهم واعلمهم
أدهم ممكن تعملى كل ده وانتى عايشه سعيده مع حد يحبك وتحبيه
همس معتقتش انى هقدر احب حد وارجوك غير الموضوع
ادهم حاضر هغير الموضوع بس ليا طلب عنك
همس خاڤت من الطلب بس لازم تسمعوااتفضل لو اقدر مش هتاخر
أدهم ممكن ابقى قريب من الاولاد يعنى لوتسمحيلى ابقى اتصل اسال عليهم او اشفهم
همس مش عارفه تقولوا ايه معنى كده ان هيكون قريب منها هى كمان قالت لنفسها عادى زيه زى اى حد مش لازم يأثر عليا وجوده ولازم يكون عادى بالنسبالى
همس لادهم تمام مافيش مشكله ياستاذ أدهم
أدهم اظن انتى ختى بالك انى قولتك همس من غير مدام فا ياريت لو مش هيديقك يبقى أدهم بس
همس فكرت تقوله كلمه تخليه ميحاولش يفكر فيها لا هدايق ليه احنا خلاص بقينا عيله وانت زى اسر اخويا
أدهم زعل انها شايفاه زى اسر اخوها طيب ممكن رقمك علشان ابقى اطمن على الاولاد
همس اتوتر بس اديته الرقم لانها وافقت من البدايه انه يسال على العيال اتفضل الرقم…………٠١٢
أدهم حس انوا قرب خطوه وفكرت انوا زى اخوها دى هيغيرها بعدين متشكرا قوى ياهمس انك هتسمحيلى اسال عليهم
همس انا الى متشكره على حنانك معاهم الى هما مفتقدينه
كل ده منه شيفاه من بعيد وخدت بالعا انه كان بيكتب رقم همس وفرحت انهم بداوا يقربوا من بعض
اياد اجى عليها ومعاه حور وادم ها ايه الاخبار
منه كله تمام تقريبا اخدوا ارقام بعض
اياد بفرحه بجد يبقى أدهم وقع دا عمروا ماكان معاه رقم بنت واحده على تليفونه بركاته ياست همس
منه غمزته وبصت على حور لسانك هتودينا فى داهيه
منه پخوف انت بتقول فيها همس بصتلى بصه فيها علقھ حلوه ليا
اياد ضحك طب يالا
راحلهم وفضلوا مع بعض باقى اليوم وأدهم اخدهم كلهم وصمم يلفوا الملاهى كلها وحور وادم كانوا فرحانين قوى وهما مسكين ايدين ادهم وركبهم تانى كل لعب الاطفال الموجوده وكل شويه همس تعترض وتقوله
همس لادهم بالله عليك انا هدفع للعيال مينفعش كده
ادهم بصلها بصه سكتتها على فكره انتى معاكى رجاله مينفعش تفكرى حتى تقولى كده
همس بصتله واعجبت بيه اكتر وبرجولته الى بتبان فى كل حاجه
خلص اليوم أدهم وصل منه واياد قالها انوا طالع معاها
علشان عايز ماماتها فى موضوع همس كانت هتطلع معاهم
ادهم قالها هتطلعى ازاى العيال ناموا حرام نفضل كل شويه نصحيهم
همس متلخبطه ومش عارفه تعمل ايه طيب انا هصحيهم كده كده وانا طالعه البيت
أدهم مين قال كده انا هشيلهم اطلعهم
همس برقت تطلعهم !!! عندنا
أدهم اه كلمى مامتك لو عايزه قولها
همس لا عادى مش قصدى طيب يالا بينا انت واقف ليه
ادهم مشى وكل شويه بيخطف نظره سريعه لهمس الى اعده حاسه ان العربيه ضيقه ومافيش هوا فيها وفضلوا كده لحد ما وصلوا
همس انا متشكرا قوى تعبتك معنا النهارده
أدهم بص لعنيها تعبك راحه انا معنديش مانع اتعب العمر كله
همس اتوترت ونزلت من العربيه كانت عايزه تجرى بس عيالها ادهم نزل شالهم الاتنين وقالها تطلع قدامه طلعت همس وفتحت الباب كانت مامتها اعده دخلتلها همس
همس ماما ادهم بره معاه العيال نايمين
هناء استغربت هو كان معاكم
همس غمزتها وبصوت واطى هحكيلك بعدين
راحت دخلت أدهم وهو داخل سلم على هناء الى فرحت بيه وهو شايل العيال وقلبها دعا انوا يكون من نصيب بنتها
ادهم داخلهم على سريرهم وطلع
أدهم استاذن انا عايزين منى حاجه
هناء طيب اتفضل اشرب حاجه مينفعش كده دانت اول مره تدخل بيتنا
أدهممعلش ياست الكل مره تانيه وبص لهمس يالا سلام
همس وصلته ورجعت لهناء حاكت لها كل الى حصل
وبعدين دخلت تنام علشان الشغل الصبح
هناء فضلت تفكر وتدعى يارب ياهمس يابنتى يكون من نصيبك ويهديكى وتغيرى رئيك وتفرحى قلبك وقلبى
روايه عشق الادهم ..
الحلقه الثانيه عشر …
لورا كانت طول الفتره الى فاتت بتتعامل مع محمد
بحنيه ودلع وفى يوم كان محمد لسه جاى من الشغل
محمد مساء الخير ياحبيبتى عامله ايه النهارده
لورا مرتدش عليه وكانت اعده مبوزه محمد راحلها واعد جنبها
محمد مالك يالورا مبترديش عليا ليه
لورا بعياط الهانم طلقتك
محمد باستغراب همس مالها انتى شوفتيها فين
لورا بصوت عالى اه ست زفته ومشفتهاش اصلا
محمد بزهق اومال فى ايه
لورا الهانم اتصلت بيا وتقولى انتى اه اختى جوزى بس انا الى هاخد
محمد معقول همس قالتلك كده دا يومها اسود انا هتصل بيها
ويادوب طلع تليفونه قامت بسرعه وقالتله
لورا بتوتر لا متتصل بيها اكيد هتكذب وتقولك انا ماقولتش حاجه وحبت تلحق نفسهاوبعدين هى لسه رقمها معاك ليه واصلا تكلمها ليه اوعى تكون لسه بتتصل بيها ااااه علشان كده بتقولى الكلام ده بثقه
محمد والله ماحصل ولا كلمتها من يوم الطلاق وبعدين هكلمها ليه اصلا دا حتى العيال معرفش عنهم حاجه
لورا ياسلام وهى هتقول كده الى لو كانت وثقه فى كلامها اكيد عندها حاجه مخليها وثقه انها هتاخد كل حاجه فى الاخر اه وطلعنى انا وابنك من المولد بلا حمص
ومسكت بطنها وعملت نفسها تعبانه وفضلت تتأوه محمد جرى عليها يهديها
محمد ممكن تهدى علشان الى فى بطنك محدش هياخد اكتر من حقه وبعدين هو انا مۏت يعنى
لورا بسرعه بعد الشړ عنك ياحبيبى انا بس خاېفه محدش ضامن عمره وهى شكلها عندها حد مقويها
محمد فكر طيب انت عايز ايه دلوقت
لورا قامت قربت منه بدلع وقالتله بهمس
لورا اكتبلى المعرض والشقه باسمى
محمد بصلها قوى ومش عارف يقولها ايه معنى كلامها ان مش هيبقى حيلته حاجه ولما سكوته طال قالتله بزعل
لورا انت مش واثق فيا يامحمد اومال عيالى اامن مستقبلهم ازاى
محمد بس انا كده هبقى بظلم عيالى يالورا
لورا بعصبيه لما الدلع منفعش اااه قول كده عايز بعد مااخلف عيالى انا الى يتبهدلواماشى تمام انا هنزل الى فى بطنى ونطلاق وكل واحد يروح لحالوا
محمد بسرعه انتى بتقولى ايه يالورا تنزلى ايه وطلاق ايه الى انتى عايزاه
لورا اومال عايزنى اجيب عيال وفى الاخر عيال همس ياخدوا كل حاجه
محمد مين قال كده عيالى كلهم هياخدوا حقهم زى الشرع ما قال
لورا بصوت عالى ااااه الحكايه كده يعنى ضحكت عاليا اما قولتلى ان محدش هيشاركنى فيك ابدا ماشى يامحمد انا سيبالك
البيت
واخدت بعضها ودخلت الاوضه تلم هدومها محمد اعد مكانه وحط ايده على دماغه ومش عارف يعمل ايه
لورا دخلت لمت هدومها وطلعت بالشنطه وقفت قدامه وقالتله
لورا انا ماشيه يامحمد انا مقدرش اعيش مع واحد مش واثق فيا ولسه هتمشى مسك ايديها يوقفها عايز ايه
محمد استنى يالورا ليه بتقولى كده انا مابثقش فيكى دانتى مراتى وام ابنى
لورا اومال تسمى ايه انك مش راضى تكتبلى المعرض والشقه باسمى
محمد طيب اهدى وادخلى سيبى الشنطه دى وتعالى نتكلم براحه
لورا لا يامحمد مش عايزه اكلم ومش عايزه منك حاجه
محمد يالورا الكلام اخد وعطا
لورا قولت لا مش عايزه منك حاجه
محمدطيب سيبينى افكر يومين
