أنا موظف في شركة محترمة في الإمارات
أنا موظف في شركة محترمة في الإمارات بشتغل ٣ شهور وشهر اجازة عندي ٣٦ سنة اتجوزت من سنتين جواز صالونات الأمور كانت ماشي تمام اول سنة وفـ اجازة من الإجازات بالصدفة شوفت صور خىليعىة على فونها بسألها اية الصور دي قالتلي عادي وماحدش غيرها بيشوفها عملت نفسي اني مقتنع وحسستها إن أنا برضه عادي ومافيش حاجة والدنيا تمام بس من جوايا بغلي وحاسس إنها اكيد بتشتغلني المهم خليتها تنام وفتحت الواتس والماسنجر بتاعها لقيت بلاوي عملت اسكرين لمحادثتها مع ابن خالتها اللي عرفت بعد كدة انهم كانوا بيحبوا بعض واتقدملها كذا مرة بس ابوها كان بيرفضه عشان سلوكه مش كويس واخدت الرسايل الصوتية اللي عالواتس برضه نقلتها على فوني كل ده وانا ماسك نفسي بالعافية
عشان ماارتكبش جىنا،ية واروح في داهية بسبب واحدة خىا،ينة ماصنتش العشرة ويعلم ربنا ماكنتش حارمها من حاجة والحلو كله جايبه ليها فافتكرت طول المدة اللي فاتت حاجات وحطيت النقط عالحروف وتصرفاتها اللي كانت بتعملها وانا مش مدي خىوانة وبقول عادي يمكن عشان كذا وعشان كذا وافتكرت لما كنت بقولها اجيبك زيارة ٣ شهور عندي ولو عجبك الوضع نستقر هنا كانت تقولي لأ عشان ماما تعبانة واخا،ف اسيبها لوحدها المهم تاني يوم بعد ما صحيت قولتلها لمى هدومك وارجعي بيت ابوكي بدل مااطلعك بفىضىيحة وأفرج الجيران عليكي في أية ومش في أية سمعتها الفويسات وورتها المحادثات فضلت تعيط وتقولي سامحني حقك عليا مش هعمل كدة تاني وانا زي الاهىبل صدقتها وقولت استر عليها يمكن تتغير لكن الطبع غلاب بعدها بـ ٦ شهور
حد من الجيران شاف ابن خالتها بيتردد كتير على شقتي وبلغني باللي بيحصل وقالي ماكنتش عايز اقولك بس الجيران كلهم بدأوا ياخدوا بالهم إن في حد غريب بدخل العمارة من وقت للتاني ٣ و ٤ مرات فالاسبوع المهم المكالمة دي جاتلي بعد شهر من وصولي الشغل فـ عملت حوار إن في ظرف طارئ عندي ولازم انزل حالاً وفعلاً نزلت فجأة بدون علمها ودخلت الشقة وانا بتسحب لقيتها بتتكلم فيدو كول مع الشبح اللي مالي عنيها ماكنتش متوقعة اني ادخل عليها في وقت زي دة عشان فاهمة إني لسة قدامي شهرين وانزل اجازة شافتني واتكىهربت وشوفته فـ الفون قبل مايقفل مضىيتها وبصىمتها على تنازل عن القايمة والدهب وورقة تاني على إنها ملهاش اي مستحقات عندي وخدتها من شىعرها بهد،وم اللي لابساها على بيت ابوها كدة كدة الجيران عارفين انها مش مظبوطة ومشيها شمال فـ ماهمنيش كلامهم بقى وقولتله بنتك عندك زي مااخدتها بهدوم البيت واكراما مني بكرة هجبلك شنطة هدومها اللي انا برضة شاريهالها وطىلقتها وبعتلها ورقة طىلاقها
دلوقتي انا بقالي سنة بالظبط من ساعة الموضوع دة وكلموا طوب الأرض عشان ارجعها وانا رافض وبقى عندي عقدة من الجواز ورافض الفكرة، بالصدفة جبت حد ينضف البيت عشان بقى مش نضيف خالص وكله تراب الست اللي كانت بتنضف لقيت براشىيم منىع الحىمل في المطبخ فـ عرفت سبب عدم الخلفة ودلوقتي انا نفسيتي تحت الأرض ومش عارف اعمل اية اختي الكبيرة اللي بلجأ لها واحكيلها مشاكلي اتو،فت من ٤ شهور والدنيا داقت بيا اوي انا مش لاقي حد اتكلم معاة حتى فالشغل كله ملاحظ اني متغير ومابقتش اهتم بنفسي ومنعزل نفسي اضىحك واهزر زي الأول مش عارف ولا قادر اعبر عن اللي جوايا وكل اللي بيدور في بالي انا عملت اية عشان يحصلي كدة انا على وشك اني اخسر شغلي بسبب عدم التركيز علماً بإن موقعي فالشغل حساس ومحتاج تركيز لإن الغىلطة ممكن تعمل كار,ثة…
قولولي بالله عليكم أنا غىلطت إني طلىقتها ولا غلطت فـ اية ضميري بيأنبني وحاسس إني أنا الغىلطان واقسم بالله كل اللي حكيته هو اللي حصل بالفعل مازدوتش كلمة.
