برطمان الصلصة

ي اول سنة جواز لاختي حصلت مشكلة بينها و بين جوزها .. عشان فتحت برطمان الصلصة و اخدت منه معلقة و سابته برا التلاجة و الجو كان حر ف باظ ..

فهو كان اجازة من الشغل و انتو عارفين الرجالة لما بتقعد في البيت .. شاف البرطمان زعل و قالها حرام عليكي ده البرطمان زي ما هو مينفعش الإهمال ده. هو قال إهمال من هنا و عينكم ما تشوف الا النور .. قصدك ايه يعني انا مهملة .. و لما انا مهملة ايه مصبرك عليا .. و الجنان اشتغل لقيناها بتتصل على بابا الساعه 4 الفجر ..

عياط و شحتفة و انا مش متعودة حد يركز ع الصغيرة و الكبيرة في البيت و كمان يغلط عليا و يقول اني مهملة .. فاكرني واحدة من الشارع مليش اهل .. لو سمحت يا بابا تعالى خدني دلوقت انا عايزة اتطلق ..

بابا شخصيته تقيلة اوي و متلاقيش منه أي رد فعل بالساهل .. فضل يسمع اختي لحد ما خلصت و قالها طيب اجهزي .. سلام ..

قفل معاها و قال لابو حتحوت خد نورا و روحوا هاتو اختكم من بيتها ..

يادوب بنلبس لقينا جوزها بيتصل على بابا .. انا اسف يا حاج والله ما حصل حاجة تستاهل انها تسيب البيت انا خلاص هعتذر لها و اصالحها بلاش اي حد يجي ياخدها ..

بابا قاله يا ابني بنتي عايزة تطلق و انا مش عيل صغير .. مادام اتصلت عايزة تطلق يبقا ننفذ رغبتها .. و انت ابن حلال و مفيش منك اي مشاكل المشكلة في بنتي ، بس زي ما دخلنا بالمعروف نخرج بالمعروف .. و خلص كلام معاه و قفل ..

مشيت انا و ابو حتحوت نروح لها .. و ماما قاعدة بتاكل في نفسها و بتقول لبابا هو خراب البيوت بالساهل كده .. يعني إيه تطلقها من جوزها عشان برطمان صلصة باظ

قالها نفس الكلام دي رغبة بنتك و هي اللي طلبت .. و انا مغصبتش عليها لما اتجوزت عشان اغصب عليها في الطلاق ..

المهم وصلنا عند اختي لقيناها نازلة من البيت ب ٣ شنط كبار ..

كانت بتعزل مش غضبانة

خدناها و رجعنا البيت لقينا بابا نام .. فدخلنا احنا كمان نمنا ..

تاني يوم الصبح صحينا .. لقينا بابا قاعد مع اختي و عمال يسمع منها شكوتها من جوزها .. و كلام كله تافه و ٩٠% من المشاكل اللي بتحكيها بيكون الغلط عليها هي مش عليه

بعد ما خلصت كلام بابا قالها طيب آخر كلام عايزة ايه

قالت له اتطلق .. قالها خلاص ماشي .. و خلص الكلام ..

كانت قاعدة و موبايلها رن و كانت بتكلم صحابها و تهزر و تضحك .. بابا خلاها خلصت مكالمة و قالها هاتي التليفون ده .. و اخده منها .. قالها انتي مطلقة و انا معنديش مطلقات بيمسكوا تليفون..

قالت له طيب ..

شوية ودخلت تلبس عشان تخرج مع اصحابها تغير جو ،،

لبست و راحت تستأذن منه .. قالها مفيش خروج ..

ليه يا بابا انا زهقانه و اتفقت مع البنات .. قالها انتي مطلقة و المطلقات مبيخرجوش من البيت!!

ايه ده يعني ايه يا بابا .. ده لسا الاجازة هتخلص كمان يومين و هرجع الشغل .. قالها شغل ايه ؟ انسي مفيش شغل ..

انا معنديش مطلقات بتشتغل .. و عشان نبقى متفقين و منعملش مشاكل ..