برطمان الصلصة

و خلصت الخناقة على كده و من يومها اختي صلت و صامت ومن بعدها مسمعناش عنها أي حاجة نهائي

اي خناقة بينهم تكبر ، يتصلوا على ماما في الخباثة و ماما تلم الدور بينهم و طبعا بتيجي تحكي لبابا كل حاجة بس قدامهم بابا ميعرفش .. و فعلا من يومها و لحد وفاته محصلش اي زعل كبير بينهم تاني و لا اختي سابت البيت و اتعودت مشاكلها متطلعش برا حيطان بيتها ..

وقتها بابا كان بيحكي لنا و يقولنا شفتو بقا .. كنتو زعلانين مني عشان بعاملها وحش .. انا لو عاملتها كويس و خليت العيشة في بيت ابوها حلوة في عنيها يبقا انا بساعدها على خراب بيتها ..

جوزها راجل محترم و ملتزم و ابن اصول و مشفناش منه أي حاجة وحشة و ميستاهلش منها اللي عملته ده ، بس هو كده الواحد لما بيلاقي اللي قدامه حد طيب بيفتري عليه .. كده هي هتراجع نفسها الف مرة قبل ما تزعل جوزها و لا تعمل حوار تاني من مفيش زي اللي الحوار اللي فات

عايزة اقولكم ان اختي لحد النهاردة بتدعي لابويا على اللي عمله معاها و بتقول كنت محتاجة قلم يفوقني و كان تصرفات بابا وقتها هو القلم ده ..

ربنا يرحمه حبيبي و يغفر له يارب

و يبارك لاخواتي و يحفظهم و يسترها معاهم و يخليلهم ولادهم يارب

منقول