رواية عقد زواج عرفي وائل ومريم كاملة
راجح .. هو مش كان المفروض يا حضرة الظابط تعينوا حراسة علي مقبرة بنتي وخصوصا ان فيه شبهه جنائية دلوقتي وانها ممكن تكون اتقتلت ؟!
صلاح .. والله انا كنت معتمد علي التربي ده اللي اسمه محروس ووصيته ميتحركش من هنا ابدا مهما كانت الاسباب وانه لازم يكلمني الاول وياخد الاذن مني
راجح .. واهو اتحرك من غير ما يكلم حصرتك وجثة البنت اختفت ايه الحل دلوقتي ؟!
نوال .. انا جثة بنتي تيجي دلوقتي يا حضرة الظابط ما هو مش تتظلم وهي حيه وهي ميته كمان !!
صلاح .. يا جماعة اهدوا واتفضلوا معايا وان شاء الله مش هيعدي انهارده الا لما جثة المرحومة تبات في مكانها ده وعد مني
نوال .. اما نشوف !!
ونذهب الي سوسن مرات نادر حيث تجلس تشاهد التلفاز ومعها ابنها وائل وبنتها شيرين
وائل .. ماما هو طنط مريم عند ربنا فوق ؟!
سوسن مندهشة .. اه يا حبيبي عند ربنا فوق
وائل .. يعني مش هتنزل ابدا وتيجي تزورنا اصلها وحشتني اوي
سوسن .. مش هينفع تيجي يا حبيبي اللي بيطلع عند ربنا مش بينزل تاني وبعدين الست وحشة متجيبش سيرتها تاني يا وائل
وائل .. وحشة ليه يا ماما ؟! ده حتي طنط مريم كويسة اوي وبتحب ربنا
سوسن مندهشة وغاضبة .. واللي عملته مع بابا وانت شوفته يا حبيبي ده كان يرضي ربنا ؟! لا طبعا يبقي ست وحشة وبلاش نجيب سيرتها
وائل .. عملت مع بابا انا مش فاهم ؟!
سوسن .. هي مش جت يا حبيبي وانا مش موجودة وطلعت ل بابا اوضة وكانت اااا وكانت عريانه وانت شوفتها وبابا زعق فيها وطردها ؟!
وائل .. لا محصلش طبعا الكلام ده .. هو بابا قالك كده ؟!
سوسن .. اه يا حبيبي وقال انت شوفتها انت وشيرين وقعدتوا تخبطوا علي باب الاوضة بعد ما سمعتوهم وبابا بيزعق فيها
شيرين .. لا محصلش يا ماما الكلام ده
سوسن .. يعني ايه محصلش ابوكم بيكدب عليا ولا ايه ؟!!
ونذهب الي محمود نراه يجلس مع نادر في مطعم ويبدوا عليه اثار البهدله والتعذيب
نادر .. انا عاوزك تطلب اللي نفسك فيه مش عاوزك تتكسف خالص .. كل يا صديقي الغالي
محمود ينظر اليه باشمئزاز
نادر .. تاني البصة دي ؟! انا مش عارف انت قارش ملحتي ليه مع اني بحبك يا اخي لله في لله ؟!
محمود .. انت مش بتحب غير نفسك يا نادر .. ولو عرفت تخدع وائل مش هتعرف تخدعني مهما حاولت .. اخلص وهات من الاخر انت عاوزني اقول ايه ل وائل بالظبط عشان بصراحة مش طايق اشوف خلقتك قدامي وعاوز امشي من هنا
نادر .. مش طايق تشوف خلقتي ؟! الله يسامحك يا عم محمود .. بص يا سيدي انا هاقولك تقول ايه ل وائل بالظبط بس خلي بالك هنزود كلمه او هنقص كلمة هزعل انا علطول وانت عارف زعلي وحش جداا
محمود يرتجف ويتحسس وجهه والاصابات التي فيه من اثار التعذيب
وائل في فيلته يتذكر موقف حدث مع مريم عندما عادت الي المنزل متأخرة وكان وائل في انتظارها
وائل .. مريم اتأخرتي ليه كده ؟!
مريم مرتبكة .. معلش يا حبيبي كان عندي شغل كتير انهارده
وائل يجد ملابس مريم ممزقة وعليها اثار تراب
وائل .. ايه يا مريم ده ؟ ايه اللي عمل فيكي كده ؟!
مريم مرتبكة بشدة .. ده ؟! ده ده .. ده انا اصلي وانا نازلة من ع سلم الشركة وقعت ع الارض
وائل منزعجا .. الف سلامه عليكي يا حبيتي .. طيب حصلك حاجة اوديكي المستشفي ؟
مريم .. وائل انا كويسة متقلقش
وائل يلاحظ اذن مريم يسيل منها دم وفردة الحلق اختفت ..
وائل .. انتي كمان ودنك اتعورت
مريم .. اه ما انا وقعت علي جنبي اليمين .. الحمد لله جت سليمة
وائل ..بس ودنك اتعورت جامد !! انتي متأكده انك كويسة يا مريم ومش محتاجة دكتور ؟
مريم .. صدقني انا كويسة ومش محتاجة اي حاجة .. كل اللي محتاجاه بس شاور سخن واكل عشان انا بصراحة هموت من الجوع
وائل .. علي بال ما تاخدي الدش هاكون حضرتك الاكل
مريم .. هاتحضر الاكل بنفسك طيب ما تصحي دادا بثينه
وائل .. لا خليها نايمة احسن .. وبعدين انا اطول احضر العشا لمراتي حبيبتي
وائل يمسك يدها الاثنتان ويقبلهم
مريم .. عارف يا وائل علي اد التعب والالم اللي انا فيه دلوقتي بس اول ما شوفتك وسمعت كلامك ده كل اللي انا فيه راح وحاسة اني طايرة في السما كمان .. انا بحبك اوي يا وائل .. انت احلي حاجة حصلت في حياتي
وائل .. وانا كمان يا حبيبتي بحبك موت وربنا ما يحرمني منك ابدا
مريم .. ربنا مايحرمناش من بعض ابدا يا وائل
وائل .. يارب
وائل يعود الي الواقع ويبدوا عليه الغضب الشديد وينظر الي فردة الحلق ثم يضرب كوب الماء الذي امامه بيده وهو يقول .. خاينة !!
ونذهب الي راجح والد مريم حيث يتصل به احد الاشخاص ويقول
الشخص .. اه يا باشا .. احنا نقلنا الجثة المكان اللي قولت عليه وفي انتظار تعليمات سيادتك
راجح .. احرق الجثة
الشخص مندهش .. ايه يا باشا .. بتقول نحرق الجثة ؟!
راجح .. ايوه .. كلامي واضح نفذ بسرعة
ثم يغلق الخط والشخص الاخر مندهش ويقول لنفسة .. الراجل ده اتجنن ولا ايه ؟! عاوزني احرق جثة بنته !!
يتبع …..
بجد القصه ولعت وبقت بتضرب نااااااااار ياريت بقا تدعموني جامد عشان اظبطكم بباقي الاحداث
نادر وصلاح داخل سيارة نادر ويبدوا انهما منزعجان بشدة ويتوجهان عزبة راجح الذي يقضي فيها بعض الوقت للأستجمام
صلاح بغضب .. دا انا عليا وعلي اعدائي ..ده انا هاجيب عليها واطيها
نادر .. شكلنا احنا اللي هنلبس في الاخر وهنحاسب ع المشاريب يا عم صلاح
صلاح .. لا متهيألك .. لسه ما اتخلقش اللي يلبس صلاح ابو المجد خوازيق يا نادر .. تعالي معايا
صلاح يطرق باب العزبة بقوة ويفتح الباب الحارس
صلاح .. الباشا موجود ؟
الحارس .. اه في انتظاركم .. اتفضلوا
ويتقدم صلاح ونادر الي الداخل ويروا البودي جاردات منتشرين في كل مكان
نادر .. انا خايف يا صلاح
صلاح .. اجمد متخافش
ويأتي راجح وينظر اليهما بخبث شديد ثم يبتسم ابتسامه قائلا
راجح .. ايه يا صلاح .. ايه الغاغة اللي انت عاملها دي .. محسسني ان القيامة قامت ؟!
ثم يجلس علي الكرسي ويشعل سيجار
صلاح .. غاغة ؟! لا هي قامت فعلا وكلنا هنتحاسب .. فاهم كلامي ؟! كلنا هنتحاسب وانت اولنا
راجح ساخرا .. ههههههههه .. انا مبتحاسبش يا حبيبي .. وانت عارف ده كويس
صلاح .. ههههه .. لا هتتحاسب وان كان ع الحصانه اللي انت متحامي فيها بكره هتترفع لما المجلس يعرف ان انت اللي ورا كل اللي حصل لبنتك وان الباشا رجل البر والتقوي كان عينه من بنته وكان بيطاردها طول السنين اللي فاتت وانه نام معاها وحملت منه كمان!! انت ناسي ان حكاية بنتك بقت دلوقتي قضية رأي عام والناس كلها عاوزة تعرف الحقيقة !! والحقيقة كلها عندي
راجح .. ان كنت تعرف تثبت عليا حاجة اتفضل
نادر .. يا راجح باشا احنا رجالتك ومتنساش اننا كنا بنفذ تعليماتك بالحرف الواحد بقي بالسهولة دي هتبعنا وتتخلي عننا .. دي الشهامة برضه !!
راجح يفكر قليلا .. عندك حق مش شهامة مني اتخلي عنكم وانتوا في موقف زي ده .. عشان كده قررت اطلع شهم معاكم للنهاية
ثم يشاور للبودي جاردات لأطلاق النار عليهم
النهايه… خلص الجزاء الاول.. من الروايه الجزاء الثاني انشا الله ينشر بعد الاسبوع او اكثر
