يوم خطوبة أختي لمحت وحده جميلة
يوم خطوبة أختي لمحت واحدة جميلة أوي في شقتنا وكانت قريبة أوي ومهتمة بأختي بزيادة معرفش ليه وقتها نسيت الخطوبة والناس والمعازيم وفضلت مركز معاها ملامحها كانت هادية وبريئة أوي كدا تحس إنها جاية من بلد تانية استحالة تكون عايشة معانا هنا عشان كدا فضلت متابعها طول الخطوبة تقريبا لحد ما أختي نفسها لاحظت وضحكت.
وبعد ما اليوم خلص مسكتها عشان أعرف منها كل التفاصيل عن البنت دي قالتلي انها صاحبتها من أيام الكلية واسمها هاجر وبصت وقتها في عنيا بخبث وقالت ومش مخطوبة وزي المسحور روحت فاتحت أبويا وأمي في نفس الليلة اللي استغربوا من أفعالي جدا انا بقالي خمس سنين مفيش بنت عجباني فجأة كدا تعجبني واحدة بالسرعة دي.
وبدون أي تأخير كلمت أختي وبعتتلها عشان نروح نتقدم البنت وافقت وقابلت أبوها وأمها وخلال اسبوعين اتخطبنا أنا وهي وزيما توقعت البنت بريئة بطريقة مبالغ فيها طيبة ومسكينة وصوتها واطي مبتعرفش تعترض ولا تجادل وبتسمع الكلام في أي حاجة مطيعة وانا فضلت سنين بدور على نموذج زي ده.
وكان الاتفاق اننا هنتجوز انا وهي بعد جواز أختي بشهر واحد وفعلا قرب ميعاد فرح أختي وقرب ميعاد فرحي أنا وهاجر واتجوزت أختي وانا مستني يوم جوازي أنا وهاجر بفارغ الصبر بس فرح أختي معداش على خير أبدا ولقيت أمي في نص الليل بتكلم أختي وشكلها متوتر جدا حاولت أعرف ايه اللي بيحصل بس مقدرتش أعرف وتاني يوم كان الجو مشحون وأختي باين عليها الضيق الشديد.
ولما تدخلت بقسۏة عشان أعرف اللي بيحصل عرفت إن جوز أختي مربوط زي ما بيقولوا وفشل كان أمر وارد خاصة في بيئة مشهور فيها الموضوع ده حاولنا نجيب شيخ ونمشي في موضوع العلاج بس هو كان باين عليه إنه مكسور أوي وتعبان نفسيا شيء فعلاممكن ېحطم الراجل نفسيا وجسديا.
جبنا شيخ واتنين بس الموضوع متحلش اسبوعين كاملين وأختي بقا شكلها مخيف من السهر والحزن والفضايح كل الناس عرفت اللي بيحصل وفي الآخر اتطلقوا وكل واحد راح لحاله ووقعت أختي لمدة اسبوع في دور اكتئاب حاد وكنت موصي هاجر تقف معاها وتواسيها وتفهمها ان ده أمر الله اللي دايما بيكون فيه الخير بس احنا منعرفش.
وقررنا نأجل فرحنا بس أختي نفسها رفضت وقالت طالما مفرحتش ليا يبقا لازم أفرح ليكم ولازم الفرح يتعمل في ميعاده حاولت أقنعها اننا خلاص خدنا قرار التأجيل بس رفضت من تاني وقالت ان فرحنا هو اللي هيخرجها من الاكتئاب والحزن اللي هي فيه.
وفعلا جه ميعاد الفرح واتجوزت انا وهاجر ودخلنا عش الزوجية الغريب إن من وقت دخولي بدأت أحس إن راسي تقيلة واني بدوخ بطريقة غريبة حاولت أتجاهل الموضوع بس مقدرتش
فيه
