الاول1
نزلت أبوس رجلها، ولما رفعت عيني كنت هقولها كلمة… بس لقيت وشّها اتغيّر.
ابتسامة راحت، ونظرة خوف طلعت مكانها.
قالتلي فجأة بصوت واطي:
ــ قوم بسرعة يا عادل… قوم!
قمت متلخبط، قلبي بيدق كأني اتقبض عليا متلبس.
ــ في إيه؟
ــ جوزي… جوزي رجع دلوقتي!
أنا اتجمدت.
ــ إيه؟ مش كنتِ بتقولي مسافر؟
ــ أيوه… بس واضح إنه رجع من غير ما يقوللي!
وفي اللحظة دي سمعنا صوت المفاتيح بتتقلّب في الباب.
دقات قلبي كانت أعلى من صوت المفاتيح نفسها، وبصيت حواليّا أدور على أي حتة أستخبى فيها.
قالتلي بسرعة:
ــ المطبخ! خش المطبخ دلوقتي، ومتتنفسش.
جريت زي المجنون، دخلت المطبخ وقعدت ورا الباب ألهث.
سمعت صوت الباب بيتفتح، ورجل تقيلة داخلة الشقة.
صوته كان خشن ومخيف:
ــ إنتي كنتي فين يا سماح؟ ليه الباب مفتوح؟
ــ لا… مكنتش في حتة، كنت بعمل شاي.
ــ وشاي لمين؟
اتجمدت وأنا سامع السؤال ده.
سماح سكتت كام ثانية، وبعدين قالت:
ــ لنفسي يا محمود، في إيه؟
في اللحظة دي سمعت صوت خطواته قربت ناحية المطبخ.
قلبي كان هيوقف.
مفيش مهرب.
الباب اتفتح ببطء، وأنا محشور ورا الباب، نفسي مكتوم، وعرقي نازل من كل ناحية.
هو دخل خطوتين… وبص حوالين المطبخ.
ثم قال بصوت تقيل:
ــ الريحة دي… ريحة رجالة!
أنا في اللحظة دي كنت خلاص حاسس إن دي نهايتي.
لكن فجأة، سماح دخلت وراه وقالت بسرعة:
ــ ريحة الكشاف يا محمود، كان هنا من شوية بيقرأ العداد.
سكت، وبصلي من فوق لتحت… وأنا متأكد إنه شاك فيّ، رغم إني مستخبي.
وبصوت مريب قال:
ــ طيب… لو الكشاف فعلاً كان هنا… أكيد كتب القراءة في الدفتر بتاعه.
هاتيه أشوف.
أنا اتجمد، والدفتر فعلاً كنت سايبه على الترابيزة جوه الصالة.
سماح وشها شحب، قالتله:
ــ هو خده معاه.
ــ أكيد؟
ــ أيوه.
وقف شوية وبعدين قال:
ــ تمام، بس لو اكتشفت غير كده… هتبقى ليلة سودا يا سماح.
خرج من المطبخ وهو بيكلم نفسه، وسماح طلعت بعده على طول.
أنا كنت خلاص مش قادر أتنفس.
لكن قبل ما أخرج من ورا الباب، سمعت صوت باب الشقة بيتقفل تاني… بس المره دي من برّه.
خرجت بهدوء، ولقيت سماح مش موجودة.
والشقة كلها ضلمة، إلا نور خفيف طالع من الأوضة اللي في آخر الطُرقة.
مشيت ناحية النور، وبمجرد ما قربت… سمعت صوت نفس تقيل، وصوتها هي بتهمس:
ــ عادل… ما تمشيش.
لفيت رأسي وراي، مفيش حد.
رجعت أبص على الأوضة…
مفيش حد برضه.
بس الصوت كان لسه بيهمس، من غير ما يكون في صاحب ليه.
وصوت الباب اللي اتقفل…
ما اتفتحش تاني.
