أول ما الفـرح خلـص، أخـدت إبني في إيـدي كـاملة بقـلم مـنال عـلي

شريف خد نفسه ببطء كأنه بيتلذذ بالكلام
بصراحة.. أنا مقلتلكش الخطة كاملة. هي فاكرة إن الجوازة دي عن حب وقلب أخضر.
وداني صفرت وضغطت على إيد ياسين عشان مطلعش أي صوت.
مازن ضحك ضحكة قصيرة
أمال الموضوع عبارة عن إيه
كلمات شريف نزلت عليا زي السكاكين هادية وواضحة الموضوع كله يخص الحضانة.. والفلوس.. وعشان أضمن إنها مش هتقدر تفتح بؤها ولا تمشي أبدا زوري وجعني وحسيت إني بتخنق صدري مابقاش قادر يشيل النفس ياسين بصلي بعيونه البريئة وقال
يا ماما هندخل ولا إيه
بلعت ريقي وقلتله بصوت واطي ومخطۏف بقلم منال علي
لا يا حبيبي.. هنتمشى شوية.
انسحبت بضهري بعيد عن الباب من سكات وسحبت ياسين معايا. كل خلية في جسمي كانت بتصرخ عشان أدخل أواجه شريف عشان أكسر الباب فوق دماغه وأفهم فيه إيه بس ياسين كان معايا والطريقة اللي شريف قال بيها كلمة خطة عرفتني إن الموضوع مش سوء تفاهم.. ده فخ مترتب له بالمللي.
مشينا في الممر بهدوء كأننا ضيوف عاديين. حاولت أثبت ملامح وشي وضغطت على نفسي عشان مجريش وألفت النظر. مكنش في دماغي غير جملة واحدة بكررها زي المچنونة
هربي ياسين.. لازم أهرب ياسين.. ياسين أولا.
عند ركن بعيد جنب مخرج الخدمة شوفت باب الموظفين. فتحته وخرجت لهوا الليل الساقع ورا القاعة.
نور الجراج كان ضارب في عيني وكعب جزمتي كان بيغرز في الرمل. ياسين كان بيجري جنبي
وجاكيت بدلت الصغير بيطير وراه سألني وصوته بيترعش
ماما..

هو شريف فين
مردتش. كنت بدور على مفاتيح العربية بإيد بتترعش لدرجة إني مكنتش عارفة أفتح الباب.
لأني في اللحظة اللي سمعت فيها جوزي اللي لسه متجوزاه بيقول سر و خطة فهمت حقيقة مرعبة
شريف متجوزنيش عشان نعيش سوا..
شريف كان بيستدرجني لحاجة سودة.
وأيا كان السر اللي فاكر إني مخبياه.. هو كان ناوي يذلني بيه بقلم منال علي
ركبت ياسين مكانه وقعدت أنا ورا الدريكسيون بفستان فرحي ودورت العربية وطرت بيها بعيد عن فرحي اللي اتقلب كابوس..ومن غير ما أبص ورايا ولو لمرة واحدة مابطلتش سواقة ولا هديت السرعة غير لما وصلت لبنزينة في بلد بعيدة.. مكان منور وفي كمرات وناس رايحة وجاية مكان شريف ميقدرش يحاصرني فيه زي ركنة الجراج الضلمة.
ياسين كان قاعد جنبي في الكرسي اللي قدام رجليه الصغيرة مدلدلة وماسك في إيده منديل ورق كان واخده من بوفيه الحلويات.. وشه كان باين عليه الحيرة والقلق بقلم منال علي
همس بصوت واطئ
ماما.. هو إحنا عملنا حاجة غلط
رديت عليه فورا
لا يا حبيبي.
وحاولت أخلي صوتي حنين وهادي رغم إن إيدي لسه بتترعش زي الورقة.
إحنا معملناش أي حاجة غلط.
نزلت اشتريت له إزازة مية وباكو بسكويت وقعدت معاه على تربيزة بلاستيك قدام الماركت بتاع البنزينة. كنت محتاجة أشم هوا ومحتاجة أرتب أفكاري قبل ما تسيح منيكلمات شريف كانت بتتعاد في ودني زي الأسطوانة المشروخة الحضانة.. الفلوس.. مش هتقدر تمشي.
أكتر كلمة رعبتني كانت الحضانة لأن شريف مكنش لسه كتب ياسين باسمه قانونيا بس كان ديما يتكلم في الموضوع ده وكان مهتم بزيادة بتفاصيل قضية طلاقي ومواعيد رؤية طليقي ومصاريف النفقة والأوراق الرسمية.
كنت فاكرة إنه بيساعدني وبيشيل عني.. أتاري الموضوع كان جرد ودراسة لكل تفصيلة في حياتي بقلم منال علي