حطيت كاميرا لجوزي في اوضة النوم _بقلم رحاب القاضي

كانت قاعده منه قدام اللابتوب بتاعها وهي فاتحه صورة اوضة نومها فديو من خلال الكاميرا اللي ركبتها فيها وكانت جنبيها مامتها اللي قالت بحده

ـ حرام عليكي بقالك اياام بتيجي تقعدي تراقبي اوضة نومك ، خلاص بقي اطمني جوزك مش بيخووونك يا شيخه اتقي ربنا

=لا يا ماما انا اكتر واحده اعرف هشام ومتأكده مليووون في الميه انه اول ما بسيب البيت بيجيب ستات الشقه

ـ استغفر الله العظيم يارب بقولك ايه انا قايمه اجهز العشا احسن ابوكي يطلقني فيها ويبقي خراب من كل ناحيه

وسابتها مامتها ودخلت راحت المطبخ ، وفضلت منه قاعده مراااقبه اوضة نومها وفجأه شافت هشام جوزها داخل ومعاه واحده ، انقبض قلبها بخوف واول ما شااافت وشها برقت وقالت بصدمه

ـ مش معقول مستحيل هند اختي مع هشام بيخوني مع اختي ، ي ماما تعالي بسرعه شوفي المصيبه اللي انا فيها

جات مامتها وشافت المنظر اللي شافته منه وقالت ؟؟؟؟

قبل ما نبدأ حكايتنا النهارده اعرفكم علي بطلتنا واللي اسمها منه وعندها 25 سنه وفي يوم كانت راجعه من بره واول ما دخلت لقيت هشام واقف قدامها واتوتر جدا وقال

ـ هشام ايه ده ايه اللي جابك دلوقتي مش قولتي انك هتباتي عند مامتك ؟؟

=ايه ما كنتش عايزني اجي ، ياريتني كنت جيت بدري شويه علي الاقل كنت شوفت خيانتك ليا بعيني

ـ يوووه احنا مش هنخلص بقي من الحوار ده ، كل شويه تفتحي نفس الموضوع وتقولي بخونك يا ظالمه ما انتي جايه اهو علي غفله ولقيااني لوحدي في البيت كفايه بقي انا تعبت

=بس انا شوفتها وهي نازله الاشكال دي ما بتدخلش العماره في العادي ، وانت كمان اتوترت لما شوفتني

ـ عماره 12 دور كل دور فيه تلات شقق وانتي شوفتي واحده نازله شكلها مش تمام ما تقوليش مثلا دي نازله من عند حد غريب لا دي اكيد كانت علي اللي امه داعيه عليه جوزي لازم انكد عليه واتهمه ظلم بأي حاجه مش كده يا هانم ، واتوترت ليه عشان انتي قولتي هتباتي وفجأه لقيتك جايه وعفاريت الدنيا كلها بتتنطط في وشك عايزاني اعمل ايه بقي اضحك واتفاجي طبيعي هقلق لتكون في مشكله معاكي

سكتت منه وما كانتش عارفه ترد عليه وهو قرب منها ومسك ايدها وقال

ـ حرام عليكي والله يا منه انتي اول واخر حب في حياتي انا ما بحبش غيرك ولا عمري هشووف غيرك

=كلامك منطقي ومقنع وكالعاده هتخليني اعتذرلك بس عارف يا عشان اللي بيعمل حاجه غلط مهما اتداري ورا كلامه المتزوق هيتكشف يعني هيتكشف ، وانا لو حصل واتأكدت من حااجه زي دي والله ما تعرف وقتها انا هعمل فيك ايه

_ والله انتي دماغك فوتت انا سيبهالك وماشي في ستين داهيه ، وليا كلام مع ابوكي وامك عشان دي ما بقتش عيشه اصلا ولو علي الشك فـ انا اللي المفروض اشك ولو مش واخده بالك افكرك اختك اللي طفشت يوم دخلتها ولحد النهارده الناااس فاكراها بالباطل وبرغم السمعه اللي زي الزفت دي انا حبيتك وجيت واتقدمت رسمي وما همنيش اختك وموضوعها ده خالص انا حتي عمري ما سألتك علي اسمها