حطيت كاميرا لجوزي في اوضة النوم _بقلم رحاب القاضي

=انت بتعايرني بأختي يا هشام وانا ذنبي ايه في اختي ان شاء الله وبعدين بابا وماما خلاص اتبرو منها

– انا مالي انا مطلع الموضوع ده من دمااغي من زمان وبقول المهم عندي مراتي ، بس انتي من غير ما اعمل اي حاجه بتشكي فيا

= هنشوف يا هشام عملت ولا لا ، ولو سمحت ما تفتحش موضوع اختي تاني وانا هعرف احاسبك كويس علي كلامك عليها ده

سابها هشاام ونزل وهو مدااايق وراح قعد مع كريم صاحبه علي القهوه وكريم قاله بهدوء

_طيب هدي اللعب شويه مع فيفي لو مراتك شمت خبر عن اللي بينكم هتوديكم في داهيه ، وخصوصا انها هي وحماك وحماتك حطينك في صوره حلوه اووي

=يا عم دول ناس عاملين فيها محترمين وهما استغفر الله العظيم اكتر نااس مليانين بلاوي

_قولي هما لحد النهارده ما لقيوش بنتهم اللي طفشت

=هما ما دوروش عليها اصلا يا ابني دول ما صدقو خلصو منها او ما تعرفش ايه اللي في دماغهم بس هما بيقولو انهم مش عايزين يعرفو عنها حاجه بعد ما فضحتهم واتبرو منها ، المهم فكك من مراتي وعيلتها كلها انا هعرف اتعامل معاهم خلينا في الشغل هننفذ امتي العمليه الجديده ؟؟

– هو انت بتسالني انا هو انت فاكر فيفي بتكلمني ربع ما بتكلمك هي شايفه ان انت انجح مني في كل حاجه

= بجد نفسي مراتي تعرف ان مش بخونها والله والموضوع كله شغل وبس

ـ هو انت عبيط ي بني انت عارف مراتك غيوره عليك ازاي وانت برضو عارف ان الموضوع في ست مش هتكست الا قولي صحيح جارتك وفاء لسه بتلعب في دماغ مراتك ما تسمع مني يا جدع وتعرفني عليها دي ست مطلقه وانا بحب النوع ده وخصوصا انها لسه صغيره وقمر بنت الايه

= ما تفتكر حاجه كويسه بقولك اي انا ماشي مش ناقص مشاكل السيره كل ما تتفتح معايا بتحصلي مصيبه والله هسيب الشقه بتاعتي بسبب وفاء دي،كان يوم اسود يوم ما سكنت جنبنا قال وعندها ضمير اووي وبتحذر مراتي مني..

قال كلامه وقام مشي، وفي الوقت ده في شقه وفاء الباب خبط وفتحت وكانت منه واول لما شافتها وفاء قالت

ـ منه ازيك يا حبيبتي عامله ايه ده انا بقالي كتير ما شوفتكيش جايه عندي بجد ما تعرفيش وحشاني اد ايه تعالي اتفضلي

=انا اسفه ان انا خبطت عليك في وقت متاخر زي ده بس ماما لسه متصله بيا وقالتلي ان بابا تعبان جدا وانا عماله اتصل بهشام ما بيردش عليا كنت عايزه منك يعني لو انت مش خارجه او عندك. حاجه بره استنيه لحد ما يرجع وقوليلو ان انا كلمته كتير وهو ما ردش وانا روحت لبايا عشان. تعب شويه

ـ لا حول ولا قوة الا بالله الف مليون سلامه عليه ربنا يقومه بالسلامه ويطمنكم عليه يارب،و ما تقلقيش انا هقوله

=بس لو هعطلك خلاص انا هبقي احاول اكلمه تاني..

_ما تقلقيش و هخرج اروح فين يا بنتي ما انا على طول قاعده هنا اهو ما تشيليش هم انا هقوله على كل حاجه لما اشوفه المهم انتي عامله ايه انتي وهو قدرتي تمسكي حاجه عليه ولا لسه