حطيت كاميرا لجوزي في اوضة النوم _بقلم رحاب القاضي

#باااااااااااااااااك

وفي شقة منه هشام رجع البيت وبعدين فضل ينادي ويقول

ـ يا منه منه انتي فين يا منه

_ وبعدها الباب خبط وراااح فتح وكانت وفاء ، فبصلها بضيق وقال

ـ خير يا استاذه وفاء في اي حاجه منه مش موجوده مش هينفع اقولك اتفضلي

=ما انا عارفه ان هي مش موجوده راحت عند اهلها وقالتلي اجي اقول لحضرتك عشان لو اتأخرت..

_تمام شكرا بس ياريت تلعبي في دماغها مدام هي صحبتك..

=انا ما قولتش غير اللي بشووفه وبنصحها عشان مراتك بنت حلال وطيبه بعد اذنك…

قالت كلامها وبعدها مشيت وهو دخل اوضه النوم، وعند اهل منه كانت قاعده جنب ابوها اللي قالها..

=يا بنتي بلاش كل يوم والثاني تسيبي جوزك وتيجي هنا علشان انا تعبان، انا كويس الحمد لله

ـ هو في ايه يا بابا انت متضايق من وجودي هنا ولا ايه لا طبعا ما ينفعش اسيبك ولا انت ولا ماما

=بجد والله انا اكثر حاجه مفرحاني وجودك في حياتي بحس ان انت بتحبيني وبتخافي عليا جدا مش زي بقى اللي ما تتسمى اللي لحد. النهارده ماشي بعارها اللي شيلته علي اكتافي

ردت عليه ام. منه وقالت

*هو انت كل شويه تتكلم في الموضوع ده انا مش عايزاك تجيب سيره البنت دي تاني انت سامع ولا لا

=انا اللي مجنني ان لحد النهارده ما اعرفش هي ليه سابت البيت ومشيت ليه عملت فينا كده

*خليك في صحتك وبس وبلاش تجيب سيره البنت دي تاني وانتي حبيبتي قومي يلا البسي وروحي عند جوزك اكيد هو رجع دلوقتي وعايزك

ـ لا يا ماما لو سمحتي سيبيني ابات عندكم النهارده بعد اذنكم انا داخله جوه

وبعدها دخلت منه اوضتها، وشويه ودخلت عندها مامتها بالظبط وقالت

_في ايه بالظبط انا مش فاهمه موضوع اللاب توب اللي انت على طول سايباه عندنا وعلى طول بتيجي قاعده عليه ده وريني كده انت بتعملي ايه وو

واتصدمت مامت منه اول ما شافت اوضة نوم منه قدامها في اللابتوب وقالت

_هو ايه اللي بيحصل بالظبط انتي حاطه كاميرات في شقتك ليه انا مش فاهمه حاجه ازاي تعملي كده ايه اللي في دماغك مش كفايه اللي عملتو اختك انتو عايزين تعملو فية وفي ابوكم ايه تاني

= لو سمحتي يا ماما وطي صوتك انا مش عايزه بابا يسمع اي حاجه، وبصراحه كده انا متأكده ان هشام بيخوني وانا لازم اكشفه عشان هجرجره في المحاكم

_لا حول ولا قوه الا بالله العلي العظيم مين اللي قالك الكلام الفارغ ده يا بنتي احنا عارفين جوزك اد ايه راجل محترم وبيحبك وبيخاف عليكي من الهوا الطاير عمره ما يفكر يعمل اي حاجه غلط

=بالنسبه ليكي انتي بس هشام اتغير يا ماما ما بقاش هشام بتاع الاول انتي مش عارفه اسلوبه معايا بقى عامل ازاي اللي انت شايفاه قدامك ده الستاره علشان خاطر يداري على اللي هو بيعملها، انا اكتر واحده عارفه جوزي يا ماما وحاسه ان فعلا في واحده في حياته تصرفاته اخر مره تقلق ما بيتكلمش قدامي في الموبيل، يمسك الموبيل بالسعات واسأله بتعمل ايه يقولي شغل قال، ومن كام يوم شوفت واحده نازله من العماره شكلها مش تمام وانا متأكده انها كانت عنده هو لما انا كنت عندكم

_انا مش مصدقه ان انتي بنتي، لا انتي حد لاعب في دماغك وعايز يخرب بيتك وانتي عبيطه وبترمي ودنك للنااس

ـ ارجوك يا ماما سيبيني بدماغي وانا بكره هاكدلك ان كل كلمه بقولها حقيقي

= حرام عليكي بقالك اياام بتيجي تقعدي تراقبي اوضة نومك ، خلاص بقي اطمني جوزك مش بيخووونك يا شيخه اتقي ربنا

_لا يا ماما انا اكتر واحده اعرف هشام ومتأكده مليووون في الميه انه اول ما بسيب البيت بيجيب ستات الشقه

=استغفر الله العظيم يارب بقولك ايه انا قايمه اجهز العشا احسن ابوكي يطلقني فيها ويبقي خراب من كل ناحيه

وسابتها مامتها ودخلت راحت المطبخ ، وفضلت منه قاعده مراااقبه اوضة نومها وفجأه شافت هشام جوزها داخل ومعاه واحده ، انقبض قلبها بخوف واول ما شااافت وشها برقت وقالت بصدمه

ـ مش معقول مستحيل هند اختي مع هشام بيخوني مع اختي ، ي ماما تعالي بسرعه شوفي المصيبه اللي انا فيها

جات مامتها وشافت المنظر اللي شافته منه وقالت

_هند مم مع هشام، اختك بتعمل ايه مع جوزك

=وانا اعرف منين بقي يا ست ماما، مشزهو ده اللي كنتي بتدافعي عنه مالقااااش غير اختي والله لاروح اطربقها علي دماغهم..

وفي الوقت ده في بيت هشاام اول ما دخلت عنده هند قالها بضيق

_هو انا مش قولتلك تلبسي حاجه غير القرف ده المحزق والملزق

=ايه يا بيبي انت بتغير عليا ولا ايه؟

_ما تهزريش يا فيفي انا بتكلم عشان الناس اللي في العماره بقيت تاخد بالها وانا مش عايز مشااكل

=خلاص يا اخويا اوعدك المره الجايه وانا جايه عندكم هجيب طرحه والبسها علي راسي عشان ابقي محترمه، ادخل بقي ولا هتسيبني واثفه علي الباب كده؟

_ادخلي بسرعه يلا، واقعدي هنا في الصابه لحد ما كلم كريم هو كمان يجي

=انت متأكد ان مراتك مش جايه؟

_ايوه ابوها تعباان وقااعده عنده ومش جااايه، احسن انا برتاح واحنا بشتغل هنا مش بحب الشغل عندك ولا القعده عندك..

قال كلامه وقاام ودخل الاوضه عشاان يجيب الموبيل بتاعه وفجأه هي قاامت ودخلت ورااه وقالت..

_بقولك ايه البضاعه معايا ووو..

=انتي ايه اللي دخلك هنا ورايل انتي اتجننتي، اطلعي بره يا فيفي

_في ايه يا هشاام انا داخله اقولك اني جيبت البضاعه معايا نظبط احنا كل حاجه قبل كريم ما يجي

_بس دي اوضة نومي وما حدش يدخلها غير مراتي يا فيفي

=استني هي دي صورتك انت ومراتك؟

بص هشاام للصوره اللي متعلقه فوق السرير وقال

ـ ايوه دي منه. مراتي يلا بس بينا نطلع بره، تعرفي منه بقيت بتشك فيا في حاجات. ما حصلتش زي مثلا لو شافت اي واحده. غريبه خارجه من. العماره. تقزلي دي كانت عندك. وانت بتخوني، الغبيه. مش فاهمه ان انا روووحي فيها وعمري ما افكر اخونها

طلعت هند وقعدت بره وكانت في حالة صدمه وقالتله بعصبيه

_ازاي ما قولتليش انك متجوز منه، ازاي ما اخدتش انا كمان بالي من حاجه زي دي

=وانتي تعرفي منه مراتي منين، ايه الحكايه يا هند انا مراتي محترمه وبنت نااس هتعرف واحده زيك منين

_معاك حق بس بعد كده بالله عليك خلينا نتقابل يا عندي او عند كريم

=هو انا يعني اللي عايزكم تيجو هنا اووي، بس هنا المكان امان اكتر كل واحد في حاله وما حدش بيشك في حد

_لا انا مش عايزه اجي هنا تاني

=هي ايه الحكايه انتي من لما شوفتي صورتي انا ومراتي وانتي اتغيرتي كده، في ايه ما تتكلمي يا فيفي

_هي مرااتك ليها اخت مش كده؟

=ايوه بس بنت مش كويسه طفشت يووم فرحها واهلها متبريين منها، بس انتي بتسألي ليه، انتي تعرفي اختها دي؟

_انا هند يا هشاام اخت منه بنت استاذ صلاح

=انتي بتقولس ايه ازاي يعني انتي اخت منه، قولي بقي انتي بتقربي مني وقولتيلي انك بتحبيني عشان تفرقي بيني وبين اختك، بتكرهيهم اووي كده ليه، منه دي احسن منك مليون مره وهي اللي محافظه علي شرف اهلها وو

_انت مين انت عشاان تحاسبني يا هشام، انت اللي الشرف مقطع بعضه معاك ما انا وانت في الهوا سوا وبنشتغل في الزفت الممنوع بنتجمع هنا من ورا مراتك عشان نكيس البضااعه ونبيعها للشباب، وعمال تقول انا مش هخون مراتي والكلام ده، ليييه هو انت اللي بتعمله ده مش خيانه لما تبقي عايشن معاك وهي فاكره انك راجل محترم وبيخاف ربنا وانت في الحقيقه فاسد ومعيشها بفلوس حرااام تبقي دي خياانه ولا مش خيااانه ، وعلي فكره انا ما كنتش اعرف انك جوز منه والا ما كنتش هقرب منك خالص لا قي شغل ولا في اي حاجه غيرها

=امشي يا فيفي ولا يا هند قومي امشي واجلو شغل النهارده لبكره ونشوف هنتجمع فين غير هنا، اختك لو جات وشافتك هنا هتبقي مصيبه

_لا مش هينفع الشغل النهارده لاوم يخلص احنا في عندنا تمن بضااعه لاوم يتدفع، نخلص اللي معانا دول وبعدين كل واحد يشتغل علي حاله

وفضلو قاعدين مستنين كريم وكل واحد فيهم ساكت، وفجأه الباب اتفتح ودخلت منه وهما اتصدمو وبصو لبعض بخوف هما الاتنين.. ومنه قالت بغضب

_والنبي ما انتو قاييمين خليكم زي ما انتو

=اهدي يا منه انا والله ما كنت اعرف انها اختك

_بطل بقي كدب انا شوووفت كل حاجه، وفااااء قالتلي وما صدقتش بس كان قلبي متأكد انك فعلا بتخوني فجيبت كاميرا وحطيتها في اوضة نومنا وشوفتك وانت داخل معاها دلوقتي، من وسط النااااس كلها مالقتش غير اختي، وانتي مش كفايه الفضيحه اللي عملتيها يوووم ما هربتي وسيبتي البيت راجعه تاني عشاان تدمري حياتي وتخربي بيتي، ده انا النااس كانت بتهرب مني لما بعرفو اللي عملتيه والوحيد اللي حبني ورضي بيا هو هشاام فتقوومي تلوفي عليه، انا عملتلك ايه وحس عشاان تعملي فيا كده ده انا ما كانش عندي صحاب غيرك كنتي صاحبتي واختي مش كفابه اختفيتي من حياتي فجأه وبطريقه وحشه وزي الزفت ناويه تخليني اشيل اخر شوية حب ليكي في قلبي لييه..

نزلت دموع هند من كلام منه وبصتلها بحزن وقالت

_انا مش اختك والله ما اختك، انا واحده مالهاش اهل ابوكي وامك اتبنوني زمان من ملجأ قبل ما يخلفوكي انتي

=كدب الكلام ده كده انتي بتقولي كده عشان تبرري الجرايم اللي بتعمليها