حطيت كاميرا لجوزي في اوضة النوم _بقلم رحاب القاضي

=كويس انك فتحتي الموضوع ده هو انتي متاكده فعلا ان هو بيكلم واحده او يعرف عليا واحدن وانك شوفتيه جايبها هنا اصل مش عارفه ليه حاسه ان الموضوع ده مش حقيقي انتي مش شايفه هشام بيتعامل معايا ازاي ده انا بحس ان هو بيحبني جدا وان انا بجد. ظلماااه

-والله بالطريقه دي انا مش هحكيلك على اي حاجه تاني لان انا كده علي كلامك ده هطلع انا اللي بعمل مشكله ما بينك وما بين جوزك وخرابة بيوت مع ان والله ربنا يعلم ان انا واثقه ان في واحده في حياته انا بسمعها وشوفت واحده عندك في الشقه قبل كده وقولتلك الكلام ده وقتها علي طول، بس انا ما اقدرش اقول الكلام ده غير ليكي انتي عشاان انا مش ناقصه مشااكل يا منه

=عايزه اقولك ان انا مركبه كاميرا في قلب الشقه ولحد دلوقتي انا ما شفتش اي حاجه، انا عملت كده عشان واثقه فيكي يا وفااء وعارفه ان مصلحتي تهمك

ـ ربك قادر يكشفه على العموم ما تشيليش اي هم ادعي بس ان ربنا يبعد.عنك ولاد.الحرام

ابتسمت منه بمجامله وبعدها نزلت ووفاء دخلت شقتها وقفلت الباب وام وفاء كانت قاعده وقالت..

ـ حرام عليكي يا بنتي ايه اللي انتي بتعمليه ده هو انتي علشان خاطر اطلقتي عايزه كل الستات تطلق زيك ولا ايه؟

=ما لوش لازمه الكلام ده يا ماما خدي الفلوس اللي انت جايه عشانها اهي واتفضلي بقى مع السلامه مش كفايه ان انتوا اللي جوزتوني لواحد اكبر مني ب 20 سنه وكان بيجي عليا كل يوم اهانه وقلة قيمه عايزين مني ايه تاني

ـ وانتي بتلومي عليا انا ليه ابوكي الله يرحمه هو سبب في كل ده بقى، بس اقولك برضو هو خلاص بقي في دار الحق سامحيه يا بنتي بالله عليكي بلاش تشيلي في نفسك اكتر من كده

=اسامح مين هو انت بتهزري انا لا يمكن اسامحه ابدا على اللي هو عمله معايا ولو سمحتي خدي الفلوس وروحي اكلي اخواتي وهاتيلهم اللي نفسهم فيه وسيبوني في حالي انا مىتاحه وانا لوحدي كده

اتنهدت ام وفاء بحزز وقامت مشيت،ووفاء قعدت علي الكنبه وبدأت وفاء تفتكر اللي حصل

#فلااااااااااش باااااااااااااك

كانت وفاء قاعده عامله تعيط قدام ابوها وبتقوله ببكاء…

ـ بالله عليك يا بابا بلاش العريس ده انا مش عايزه اتجوز اصلا انا عايزه اكمل تعليمي