رواية حمل شيطاني كاملة بقلم كوكي سامح
جمالك.. ياه لو تبقى من نصيبى.. كنت اروح لأمى واقولها انا لقيت البنت المطلوبه وكمان حلوه وصغيره
أيوب رجل من أثرياء الارياف وسيم عنده سنه.. مطلق وعنده بنتين تؤام 3 سنين
من جهه اخرى مسعد البلطجى والد جهاد
عرف بالمشكله وجاى يجرى وفى ايده سکينه
مؤنس قرب من ايوب وطلب منه يعتذر
ضحى بنت خاله جهاد جريت عليها وبوشوشه
الحقى الناس بلغوا ابوكى وجاى خلى بالك
جهاد.. يا نهار اسود.. ده انا لازم أمشى حالا
قبل ما يجى وتبقى مصېبه وخدت بعضها
ومشيت قبل ما أيوب يعتذر لها
وبعد ما مشيت ايوب استغرب جدا وطلب من مؤنس انه يسأل عن جهاد ويعرف عنها كل حاجه!
فى الوقت ده كان مسعد جه وعرف بالمشكلة ورجع البيت..
___بعد مرور اسبوع فى منزل جهاد___
سناء الأم البت عندها 17 سنه تتجوز ازاى بس ي مسعد وبعدين دى لسه فى تانيه ثانوى
مسعد.. انا هتصرف ان شالله اسننها ولا اجوازها
عرفى لحد ما تم السن القانوني
بس المهم الجوازه دى مضعش من ايدينا
سناء بقت تلطم على وشها.. البت عاوزه تكمل تعليمها.. حرام عليك يا مسعد
البت لسه صغيره على شيل الهم ده
مسعد.. هم ايه يا وليه.. دى هتشوف السعد والهنا
العريس تقيل ومعاه فلوس بالهبل
يارب يكون من بختك يا بت ي جهاد علشان
نخرج من الفقر ده
الام.. طيب واللى معاه فلوس بالهبل
وغنى اوى كده عاوز يتجوز بنتى ليه!
واحنا على قد حالنا
مسعد.. علشان بنتك حلوه ومفيش فى جمالها
الام.. طيب والجهاز.. البت معندهاش اى حاجه
مسعد.. يا وليه بقولك معاه فلوس بالهبل تقولى
جهاز.. أما عبيطه صحيح وبعدين هو قالى
عاوزاها كده من غير اى حاجه وقرب منها
انا عاوزك تكلميها وتخليها توافق
غير كده هوريها الويل
الام بداخلها.. منك لله حسبى الله ونعم الوكيل
جهاد خارجه من اوضتها ولابسه علشان نازله
محل الملابس وفى ودانها الهاند فرى
الام قربت منها.. شيلى البتاع ده من ودانك
جهاد.. ماما انا معايا تليفون مع صاحب المحل
علشان فى بضاعه جديده وخاېفه اتأخر
سلام.. وفتحت باب الشقه وخرجت
الام قفلت الباب..
مسعد پغضب.. مكلمتهاش ليه
الام.. ما انت شايف هى رايحه المحل وبعدين
ابقى اكلمها انت احسن
مسعد.. ما انا كان ممكن اكلمها إنما البت دى دون عن اخواتها بټحرق دمى ومش بتسمع الكلام
وهتعند ولو قالت لأ ھڨتلها وادخل فيها السچن
علشان ارتاح منها
الام بعد تفكير.. بقولك يا مسعد ما بلاش جهاد
عندك بنت اختى ضحى واهى سنها يسمح للجواز ايه رأيك
مسعد.. يا وليه ضحى شكلها وحش زيك وزى امها وحط ايده فى وشها.. مش هتعجب الراجل إنما جهاد زى القمر تعجب الباشا
الام.. وطى صوتك حد فيهم يسمعك وبصت على اوضتهم
مسعد بغل.. مش كفايه من يوم ما بيتهم وقع قاعدين على قلبنا هى واختك لما قرفونا
الام.. ششش.. خلاص
وسألته العريس بيشتغل ايه
مسعد.. مليونير وعنده اراضى ومزارع كتير اوى
ولما يتجوز جهاد هياخدها معاه
الام.. هياخد بنتى على فين!
مسعد.. على الفيلا بتاعته اللى فى البلد
أصله مش من هنا
الام.. بنتك مش هترضى تسيب هنا
يا مسعد العيشه هنا حاجه وهناك فى الارياف
حاجه تانيه خالص.. عوايدهم غيرنا والبت لسه صغيره
مسعد.. لما تشوف العز هتعيش وهتتبسط
اسمعى منى وقاطع كلامهم الفون رن وكان العريس واتفق انه هيكون عندهم بعد يومين
من ورا الباب..
ضحى سمعت الكلام على العريس وكانت غيرانه وفى نفس الوقت مضغاظه جدا من كلام مسعد عليها ______
الام دخلت اوضتها ولابست ونزلت المحل علشان
تكلم جهاد على العريس بعيد عن البيت
ولما وصلت..
جهاد بخضه.. ايه ده ماما!.. فى حاجه ولا ايه
الام.. مفيش بس انا عاوزاكى ضرورى
ودخلت قعدت معاها..
الام.. ابوكى جايبلك عريس
جهاد پصدمه.. نعم.. عريس اي.. ده انا لسه فى تانيه ثانوى
يا ماما انا عندى 17 سنه.. عريس ايه دلوقتى!
وبعدين يعرفنى منين ولا شافنى فين
الام.. معرفش.. بيقول انه راجل من الارياف بس مليونير وهيعيشك مرتاحه يا بنتى
جهاد.. يعنى ابويا عم مسعد البلطجى ناوى يبعنى
الام.. يا بنتى العريس متقدملك وبيقول انه معجب بيكى وبردوا ابوكى عاوز مصلحتك
جهاد.. انتى موافقه يا ماما
الام بعياط .. حكم القوى
جهاد پغضب.. وانا مش موافقه ولا هتجوز اصلا
غير لما اكمل تعليمى
الام بداخلها.. انا عارفه انى بظلمك بكلامى بس ڠصب عنى يا حبيبتى وطلعت فلوس من شنطتها
خودى دول بعد ما تخلصى روحى اشترى فستان وقلم روچ فاتح وحاجات من اللى بتحطها البنات في مناسبه زي دى
علشان تجهزى وتقابلى عريسك بكره يا عروسه
وسابت الفلوس بدموع على المكتب ومشيت
__جهاد قعدت مكانها وهى مڼهاره وبتعيط
وبعد مرور ساعه خلصت شغل واتصلت بصاحبتها
نور علشان تفضفض معاها وفى نفس الوقت تشتري معاها الفستان والميك اب
وفعلا راحوا مع بعض وفى الطريق
نور.. انتى فيكى حاجه متغيره مالك يا جوجو
جهاد.. بابا منه لله عاوز يجوزنى ڠصب عنى
نور.. ڠصب عنك.. قوليلوا مبقاش فى الكلام ده
وبعدين انتى لسه صغيره
جهاد پغضب.. والله قولت ومحدش سامعنى
حتى ماما موافقه
نور.. هو شافك فين.. طيب حلو ولا ايه النظام
جهاد بضحكه سخريه.. انا لا اعرفو ولا شوفتوا
نور پصدمه.. نعم!
جهاد.. بس ماما بتقول انه مليونير
نور.. بجد طيب كويس ما تشوفيه
جهاد.. يا بنتى ده فلاح يعنى طول عمره عايش فى الارياف والله اعلم شكله عامل ازاى.. وبعدين انا مش هسيب القاهره ابدا
نور.. بقولك ايه نصيحه منى.. شوفيه الأول
لو عجبك ودخل مزاجك اتجوزيه
ويبقى ربنا كتبلك السعد بعيد عن العيشه مع ابوكى ومشاكله
جهاد.. انا اتجوز فلاح وابعد عن القاهره مستحيل.. وبعدين ازاى اتجوز راجل معرفوش
نور.. معنى كلامك انه فلاح يعنى اكيد ساذج
وميعرفش بنات حلوه زيك كده وتلاقيه لو شافك هيتجنن عليكى.. انتى بقى خوديه تحت باطك ومشيه على كيفك ولما تتمكنى منه اطلبى تعيشى هنا
ووقتها مش هيرفضلك طلب.. اسألينى انا
اصل الراجل الفلاح او اللى من الارياف عموما
بيموتوا فى بنات القاهره ويتمنوا واحده منهم
علشان بتبقى جميله وحركه ومفتحه
جهاد.. على فكره بقى فى بنات من الارياف
جميلات جدا ومتعلمين واحسن منى كمان
نور.. فى كتير بس مش زى البنات هنا
اسمعى منى الراجل الريفى بېموت كده فى بنات
القاهره
جهاد.. بس انا مش موافقه
نور.. شوفيه الأول وبعدين قررى
جهاد بحزن.. حتى انتي كمان
نور.. والله انا بقولك كده علشان مصلحتك وصدقينى انا لو مكانك هوافق
جهاد.. ماشي
جهاد اشترت الفستان وميك اب
وروحت البيت ودخلت اوضتها ولما شافت ضحى
قالت لها على العريس
ضحى بخبث.. مبروك انتى جالك عريس
جهاد.. ايوه.. جوز خالتك ناوى يبعنى
ضحى.. خلاص ارفضى وريحي نفسك
جهاد.. ما انا مش عاوزاه بس هعمل ايه.. مقدرش أرفض
ونامت جمبها على السرير ودموعها على خدها
الباب اتفتح وكانت الام
جهاد مش هتتعشى وشافتها نايمه
ضحى.. دى نامت يا خالتى
الام خرجت وبعد مرور ساعات وبعد ما الوقت
اتأخر وكل إللى فالبيت ناموا
ضحى قامت علشان تتدخل الحمام
وشافت فون مسعد على الشاحن
خدته ودخلت بيه الحمام
وبتوعد.. العريس ده هيكون من نصيبى انا
وهخربها عليكى وعلى ابوكى يا جهاد
انتى مش احسن منى فى حاجه ده انتى حته
عيله لا راحت ولا جت ولما خلصت
خرجت وحطت الفون مكانه
فى صباح اليوم التالى
جهاد قامت من النوم مخنوقه ومش طايقه نفسها
ولما الساعه بقت 7 لابست الفستان وعملت
ميك اب خفيف وماسكه فى ايدها الروچ
وبتحط على شفايفها بغيظ
سمعت جرس الباب
جهاد بقرف.. هو جه
ضحى بخبث.. اكيد هو.. انا هروح افتح الباب
ضحى جريت ولسه هتفتح الباب
بس كان مسعد فتح
