رواية زوجة للايجار كاملة الفصول بقلم اسماعيل موسى

بصلى كتير اوى، وقالى طالما هتبقى مطيعه وتسمعى الكلام هعمل كده ليه تانى؟
تعالي اقعدى جنبى

قعدت وايدى على قلبى منتظره كلامه إلى فكرت فيه، انتى عارفه انى بحبك يا مروه
انا صحيح اتعص-بت وقلت كلام ميصحش يتقال، والراجل الحقيقى ميخجلش انه يعترف بغلطه
مكنش لازم اجيب سيرة عمر ولا اعايرك بيه وباس على دماغى واعتذرلى

دماغى ودت وجابت، اصدقه ولا لا؟

انا بطلب منك تنسى كل اها-نه صدرت منى تجاهك وانا اوعدك معملش كده تانى!!

كان مستنى ردى ،قلتله مسمحاك، بس ارجوك متعملش كده تانى

يلا بقا يا روحى اعمليلى كوباية شاى حلوه من ايدك

دخلت المطبخ عملت كوباية شاى ورجعت، محمد شكرنى وقعد يمدح فى الشاى
وفجأه سألنى هو انتى علا-قتك بعمر انتهت خالص؟

خفت ازعق فيه وانفعل يتع-صب عليه، كلامه جر-حنى لكن قولت من زمان من قبل ما انت تدخل بيتنا وتخطبنى

وبصلى محمد مره تانيه بصه طويله مخيفه ووشه مكشر، بعد كده أبتسم وقال هنشوف
وصححها بسرعه انا واثق طبعا فى كلامك لكن هتقولى ايه بقا راجل شرقى رجعى

مروه؟
بصيت على محمد وقلبى متعلقه بكلمته إلى جايه

انتى حصل حاجه بينك وبين عمر قبل ما تعرفينى؟
مقدرتش امسك لسانى، قلتله تصدق انت شخص ح-قير وسا-فل ولو جبت السيره دى تانى هسيبلك البيت

وقف محمد لف حاولينى رفع ايده ونزلها وانا مستنيها يضربنى
بعد كده ضحك بسماجه
اسف حبيبتى، معاكى حق مكنش يصح اقول كده

انا نازل القهوه وهرجع بالليل، دخل محمد غير هدومه ونزل

قعدت فى الشقه وحدى مش عارفه اعمل ايه، دقايق وتليفونى رن رقم غريب
مرضتش ارد
لكن الرقم رن اكتر من مره

اتصلت على محمد عشان اقله ان فيه رقم بيرن عليه محمد مردش عليه

الرقم قعد يرن على طول، قولت يمكن والدتى تعبت أصلها مريضة قلب وجيرانى بيرنو عليه
فتحت التليفون ومرضتش ارد وسمعت صوت عمر، كان بيترجانى ارد
قفلت السكه على طول وانا بندب
محمد لو عرف هيقطعنى
مسحت المكالمه من التليفون وقفلته وانا بدعى ربنا تعدى على خير
شفت مفاتيح الشقه بتاعت محمد مرميه على الكنبه وقلت محمد نسى مفاتيحه
وقررت ادخل انام
يدوبك نمت نص ساعه والباب خبط، قمت بكسل افتح الباب  لمحمد
فتحت الباب لقيت عمر خطيبى السابق فى وشى
اټخضيت وروحت اقفل الباب فى وشه لكن عمر حط رجله جوه الباب ومنعنى اقفل
أمشى ارجوك، انت جاي هنا ليه، أمشى هصرخ والم الناس
قالى جوزك تحت فى القهوه

عمر قال جوزك تحت فى القهوه، لو صرختى هيسمعك وهيجى بسرعه ارجوكى متعمليش فضـ،ـيحه من غير لازمه، انا كل إلى طلبه تدينى فرصه اكلمك.

قلتله ابعد من هنا حالآ، انا ست مجوزه، انت هتخرب بيتى!!