حامل من غير ماعرف

ميار
انتي بتتكلمي بجد والله العظيم ما تعرفي يا رقيه انت فرحتيني ازاي بكلمك ده ربنا يخليك ليا يا احلى صديقه في الدنيا
رقيه 
ويخليكي ليا يا حبيبتي بس اسمعيني انا شغل شغل عندي المواعيد لو اتاخرتي عنها يتخصم من مرتبك
ميار 
انا اهم حاجه عندي ان اخرج من البيت ده ربنا يخليكي ليا يا حبيبتي طيب ينفع بس نخليها بعد بكره علشان خاطر ماما جايه ليا من اسكندريه بكره
رقيه 
ما فيش مشكله يا حبيبتي شوفي الوقت اللي يناسبك وانا معاكي فيه وبعدها قفلت معاها 
وكلمت ممدوح
ممدوح 
جرى ايه يا بنتي هو انا اتحايل عليكي علشان خاطر تكلميني ولا ايه اتصلت بيكي كثير مش راضيه تردي عليا ليه
ميار 
بصراحه كده تعبت من مامتك واختك واللي بيعملوه فيا مش عايزين يروحوا بيتهم ما اعرفش ليه
ممدوح 
وانت عايزه تقعدي لوحدك ليه بقى ان شاء الله حتى واخدين ونسك بقولك ايه يا ميار انا مش عايز كلام في الموضوع ده تاني
ميار 
ارجوك انا مش عايزه كلام في اي مشاكل خالص انا عايزه انزل شغل ويا ريت متقولش لا يا ممدوح بصراحه كده بقى انا مخنوقه من اللي بيحصل هنا في البيت وعايزه انزل اشتغل

ممدوح 
طب ما تنزلي ايه المشكله
ميار 
بالسهوله دي يعني ده انا كنت فاكراك مش هتوافق بجد ما تعرفش انا بحبك ازاي ممدوح
ممدوح
اصل ماما اتصل بيا وقالتلي انك هتكلميني في الحوار ده وقالتلي كمان اوافق انتي كده كده ما بتعمليش حاجه في البيت
ميار 
بقى انا اللي مبعملش حاجه في البيت وانت وافقت بس عشان خاطر مامتك قالتلك كده
ممدوح 
بقولك ايه انا ورايا شغل ميار بعدين ابقى اكلمك يلا سلام بالله عليكي مش عايزك تزعلي ماما خالص