قصة جوزي وجارتي كامله

أنا نوال عندي 29 سنه متجوزه بقالي سنتين لسه ماعنديش أطفال جوزي اسمه محمود شغال محاسب في شركة.
اتجوزنا في شقة ايجار وقعدنا فيها سنة وبعد السنة لاقينا الشقة اللي ساكنين فيها دلوقتي اشتريناها تمليك وعلشان الظروف اضطريت أبيع دهبي علشان نقدر نكمل تمنها.
حياتنا كانت هادية ومستقرة لحد ما الشقة اللي قصادنا سكنت !!
شفت جارتنا الجديدة كذا مره علي السلم
ست حلوة وصغيره وكمان مهتمه بنفسها.
بعد ما سكنت بأسبوع لاقيتها بتخبط فتحتلها
استغربت ازاي خرجت باللبس ده بره باب شقتها لانه مكشوف
قولتلها: اتفضلي
قالتلي: زهقت من القعده لوحدي قلت أجيلك أقعد معاكي شويه
قلتها: يا أهلا بيكي
قالتلي: مابتزهقيش من القعده لوحدك بشوف جوزك بيخرج بدري مش بييجي غير أخر النهار
قلتلها: خلاص اتعودت بقالي سنتين بالنظام ده

قالتلي: أنا بقي جوزي شغال في محافظه تانيه مش بييجي غير كل شهر أسبوع
وبقالي علي الحال ده أربع سنين بس لسه ما اتعودتش.
دردشنا شويه لحد ما جوزي جه أستأذنت وراحت شقتها
وتكررت الزيارات بيني وبينها
وفي يوم كنت أنا وجوزي بنتغدي والباب خبط
فتحت الباب لاقيت جارتنا لابسه لبس مكشوف أوي وقالتلي: معلش خلي جوزك ييجي يشوف التكييف أحسن مش راضي يشتغل
بحسن نيه دخلت قلت لجوزي قالي: حاضر
قلتله: استني أجي معاك قالي: لأ خليكي
وراح جوزي يشوف التكييف وأنا علي نار ازاي سبته يروح معاها لوحدهم وهي باللبس ده وفضلت دماغي تجيب وتودي لحد ما جوزي رجع
أول ما دخل قالي: الريموت كان معلق وعملته قلتله: تمام وسكت
قالي: مالك
قلتله: مافيش صدعت شويه.
و مارضيتش أتكلم معاه أحسن يقول عليا غيرانه منها
بعدها لاحظت أن جوزي علي غير عادته بدأ يسأل عليها كتير
وهي كمان كل ما كانت تشوفني تقعد توصفلي قد ايه جوزي جدع وحنين
ويا بختي بيه.

بدأت أقلق منهم الاتنين بالذات لما لاحظت انها بتتعمد وقت رجوع جوزي من الشغل تقف قدام الباب بلبس مكشوف.
أما أنا بدأت أحاول أتجنبها علي قد ما أقدر.

وفي يوم علي ميعاد رجوع جوزي من  الشغل كنت بخرج الزباله قدام باب الشقه شفت باب جارتي مفتوح دخلت وقفلت باب شقتي وفضلت واقفه ورا الباب أبص من العين السحرية لما جوزي طلع شفت جارتي ندت عليه ودخل معاها شقتها وقفلت الباب.
بعد ما شوفت جوزي من العين السحرية وهو داخل شقة جارتي.
النار ولعت في قلبي ما حسيتش بنفسي إلا وأنا واقفة قدام شقتها
و بخبط علي الباب  جامد.
ثواني والباب فتح لاقيتها خارجة ووشها بيجيب 100 لون.
قولتلها بعلو صوتي: جوزي عندك بيعمل أيه ؟
قبل ما تتكلم لاقيته خارج لي (أول مرة أشوف وشه مخطوف كده)
و قالي: في إيه ؟
قلتله: أنت اللي في إيه أنت بتعمل إيه هنا ؟
قالي (وهو بيوطي صوته ): إهدي بس والله مافيش حاجه دي كانت عاوزاني أصالحها هي وجوزها علشان متخانقين.
قولتله: وفين جوزها اللي هتصالحها عليه ده ؟
قالي: الناس هتتفرج علينا.

وراح شاددني من إيدي ودخلني شقتنا.
وهي واقفة مش قادره تنطق.
وقعد يحلفلي أن مافيش حاجة وأن نيته سليمة وهو واسطة خير مش أكتر وحرام عليا لأن العماره كلها إتفرجت علينا وإن أنا بغير من هدومي وماينفعش كده وما ينفعش أرمي الناس بالباطل (أومال لو ما كنتش جايباه من شقتها كان قالي إيه)
 وبعد ما كان بيتحايل عاوز يقلب الطرابيزه عليا (ياااااه علي البجاحة)  وكانت خناقة كبيره طلعت منها في الاخر أنو حتي السلام مش هيرميه عليها وياريت أستريح وأبطل غيره
و طلعت أنا في الأخر شكاكة وما عنديش ثقة في نفسي.
و للأسف الخناقة اللي حصلت دي ما كانتش في مصلحتي خالص حتي لما بقي يتأخر بره البيت علي غير عادته وأسأله أتأخرت ليه يتهمني أني بشك فيه يعني حتي السؤال مابقاش من حقي.
و أخد حذره مني أوي.
بس أنا ما كنتش بدور وراه علشان أخرب بيتي بالعكس أنا كان نفسي أتأكد إن مافيش بينهم حاجه علشان قلبي يطمن لأني كنت حاسه إني عايشه في نار بس تصرفاته وحذره الزياده شككني فيه أكتر.
ولما تابعت عداد المكالمات في التيليفون ولاقيت في مكالمات بتتمسح يعني في مكالمات
مش عاوزني أعرف بيها
نزلت علي تيليفونه برنامج تسجيل المكالمات علشان لو فعلا مظلوم أبقي تأكدت إني ظالماه ولو طلع خاين يبقي معايا اللي هفضحهم بيه المره دي.
و إستنيت وأنا علي نار
وعدي أسبوعين وبعد ما نام بالليل خدت تيليفونه علشان أسمع المكالمات المتسجله
فتحت الفون وسمعت التسجيل وكان

الو:جوزي ايوه مين معيا
انا جرتك اللي قصادك ومن زمان معجبه بيك
وبرجولتك انت شخص مختلف عن كل الباقي
جوزي:انا بس انتي جبتي رقمي ازي وامتا
جرتي:من الهبله مراتك كانت مسجلك حبيبي واخت الرقم منها لانك عاجبني وخصاره فيها وانا خصاره في جوزي اللي طوال الوقت سايبني لوحدي ومش مقدر النعمه اللي معا
جوزي:بس انا بحب مراتي وعمري ما اشوف غيرها

بصراحه انا لما سمعت الكلام دا فرحت من جويا وعرفت ان جوزي بيحبني وان مش كان لذم اشك فيه من الاساس
بس كملة جرتي وقالت:بتحبها دا كلام لانك انت اللي مش حابب تشوف غيرها
تعالى نهرب بعيد
انا سمعت الكلمه دي والدم غلا في عروقي ومش عرفه اسمع الباقي ولا بلاش واحاول انسا واقنع جوزي ونفسي ان مفيش حاجه تستاهل ان نفكر فيها زيده وان نبعد من هنا وبكده انا اتفادا كل شئ
لقيت الفضول عندي مش قادره اسيطر علي نفسي اني مسمعشي الباقي
رد هو وقال طيب انتي عاوزه ايه دلوقتي
قالت انا عاوزاك انت وبس من كل الناس

:انا بسمع وخلاص نفسيتي ادمرت ومش قادره حتا اتنفس وخايفه انها تقنع جوزي وتاخدو مني
حزفت بسرعه كل الكلام اللي متسجل علي الفون اللي سمعتوا واللي لسه مسمعتواش وقولت خلاص انا لذم انقل من هنا واخد جوزي ونسيب الشقه والعماره كلها ونمشي من بكره اصبح
صحتي بدري قبل جوزي وحضرت الفطار واحلا قعده
صحا جوزي واتفاجأ بكده لاني بصراحه من زمان معملتش فطار رمنسي كده
فطرنا وهو كان ماشي روحت قولت ليه حبيبي بصراحه انا عاوزه اعزل من الشقه دي شوف لينا مكان تاني يكون احسن جوزي وشه جاب الوان وقال ليه في حاجه انا اتغضيت عن ردت فعله
وقولت لا مفيش بس عاوزه ابعد عنهت ممكن وابتسمت ليه بكل حب

راح باس دماغي وقال لي خلاص من بكره ندور علي شقه
بسرعه رديت وقولت من غير ما تتعب نفسك انا شوفت شقه وجميله جدااا وصحابها عارضها بسعر حلو وبصراحه الشقه فورصه مش تتعوض وقعدت ازين لجوزي فيها ايه بطريقه مفيش بعدها
المهم خت جوزي واتفقنا علي السعر وكان ممتاز
وحولت العفش وكل حاجه لي وحولت اعيد شهر عسل مع جوزي من اولا وجديد

انتهت