نوفيلا سمارة بقلم فطيمه يوسف

ده !
انطقي يا بت ايه التخاريف اللي انت بتقوليها دي هو انا كنت اتجوزتك ولا مضيت على عقود ده انا هخليك النهارده تدخلي قپرك برجلك
شد دراعها منه پعنف وهي بتجز على اسنانها پغضب
اشتم بعد ما كنت بتتمنى رضايا وبتتذللي اشتم وبصلي قدام الناس اني مستاهلش الأبهة!
اما كنت الففك كعب داير وخلي اسكندريه كلها تتفرج عليك ما بقاش انا سماره يا ابن الاكابر
وهعرفك الحقيره الزباله دي هتعمل فيك ايه وحذاري انك تلمسني ولا انت ولا امك ولا تعملوا في حاجه كل حاجه اتسجلت قدام الناس كلها فيديوهات وصاحبتي وغيرها وغيرها انا قايله لهم على كل حاجه ان غبت عنهم يومين اثنين بس هيبلغوا عنك وهيودوك في داهيه ابعد عني احسن لك واياك تفكر تاذيني انت ولا امك علشان انا اتعلمت منك ان يبقى نابي ازرق ومش هقول على كل اللي ظلمني وجه عليا غير يا رحمن يا رحيم .
اتغاظ نعمان من طريقتها وقوتها اللي بتتكلم بيها وكاني مش دي سماره البنت الهاديه الغلبانه اللي ياما عطف عليها واللي ياما كان بيقويها وهو اصلا اللي طلعها من جلباب الراجل وسالها باستغراب
انت امتى بقيتي بالشړ والغل ده ما تعضيش الا الايد اللي اتمدت لك بكل الخير يا سماره !
مين قال ان انت مديت ايدك ليا بكل الخير انت اول واحد نهش في لحمي واول واحد مرحمش ضعفي واول واحد استغلني واستغل شرفي ولوثني انت اكتر واحد اذيتني يا نعمان .
ام نعمان ما بقتش قادره تستحمل الكلام اللي ما بينهم وقفت قدامهم في النص وهي بتمد ايديها لسماره
هاتي العقد اللي معاكي اشوفه لو انت صادقه في كلامك يا بنت محروس وبعدين اذا كان هو لوثك زي ما انت ما بتقولي فين عقلك رميتيه وحطيتي بداله صارمه قديمه واذا كان هو استغلك انا عملت فيك ايه علشان تفضحينا الڤضيحه دي كلها !
ضحكت سماره ضحكه عاليه وقررت تطلع الورقه اللي معاها وهي بتهب فيهم وبتجز على سنانها بغل ملى قلبها بسببهم
ونكمل الحلقه الجايه
بسم الله الرحمن الرحيم 
سمارة ٤
ضحكت سماره ضحكه عاليه وقررت تطلع الورقه اللي معاها وهي بتهب فيهم وبتجز على سنانها بغل ملى قلبها بسببهم وهي بترد عليها 
انت اللي اشترطي على ابويا اني ما اكونش بنت وبسببك لبسني جلابيه الراجل علشان ما كناش لاقيين شغل ولا كنا لاقيين مكان يئوينا وفي الاخر اللي كنت خاېفه منه على ابنك حصل ولعلمك بقى ابنك ما كانش معايا انا كده بس ده كان عارف ستات ملهاش اول من الاخر ومش بعيد تلاقي بلاوي ومصايبه هتجيلك واحده واحده بس اصبري اصل المشي البطال العوج اخره صاحبه يلبس في الحيط .
وطلعت الورقه ومسكت ايديها وحطيتها فيها بكل ثقه 
خدي يا ست هانم دي صوره من عقد الجواز اللي ابنك ماضي عليه وخاتم كمان وانا رحت وثقته في الشهر العقاري وكان معايا الختم بتاعه والبطاقه بتاعته علشان العقد يبقى سليم 100 .
خدت منها الورقه بلهفه وهي بتبص فيها وبتدقق على كل حاجه لقيت ان هي قسيمه جواز وفيها اتنين شهود وكمان صورته وصورتها محطوطه وماضي عليها وخاتم وكمان فعلا متوسط في الشهر العقاري فحطت امه قدامه العقد وهي بتسالوا پغضب 
جرى ايه يا نعمان ده البنت طلعت صدقه في كل حاجه وانت متجوزها وبشهود والعقد مختوم في الشهر العقاري وكل حاجه بتقولي ان العقد سليم مش مزور يعني اذا كانت الصور حطيتها والبطاقه كمان قدرت تسرقها امضتك كمان قدرت تسرقها ختمك كمان قدرت تسرقه 
وعلت صوتها جامد 
فهمني ازاي ده حصل انت ازاي تتجوز واحده زي دي وكمان الورق سليم ازاي تعمل كده يا نعمان انطق 
نعمان شد الورقه من ايد امه وهو بيبص عليها قوي الامضه امضته والصوره صورته والختم بتاعه ازاي ده حصل وعيونه الاتنين برقت مش مصدق ان هو شايفه هو مش فاكر انه عمل كده فردد بذهول لامه 
والله يا ماما ما اعرف حاجه عن الكلام ده ولا اعرف ازاي انا مضيت ولا فاكر ان انا عملت كده اكيد البت لعبت عليا انا مش فاهم اصلا هي عملت كده ازاي.
ضحكه سماره باستهزاء وهي بترد عليه باللي خلاه اټجنن 
شرفتك حاجه اصفره خليتك مضيت على عقد الجواز !
نعمان رمى الورقه في الارض ونزل على وشها بضړب الاقلام جامد وهي ما قدرتش تلاحق عليه ولا تدافع عن نفسها ولحد اما قدرت تخلص نفسها منه جريت على اول حجر قابلها في الجنينه وراحت حذفته في وشه فتح له دماغه وهي بتقول له پجنون 
والمره الجايه هخلص عليك يا ابن امك لو فكرت تمد ايدك عليا تاني انا مش باقيه على حاجه ولا اب ولا ام ولا اخ ولا اخت ولا اي حاجه في الدنيا 
امه بقت ماسكاه وهي بتحاول تكتم بطرحتها وهي بتشتمها
تك كسر ايدك انت ازاي يا بت انت تمدي ايدك على اسيادك اللي بتاكله وتشربي من خيرهم انا بقى اللي هعرفك وانا اللي هعلمك الادب.
وجت ترفع ايديها علشان تضربها هي كمان بالكف على وشها علقت سماره ايديها وهي بتهددها بفحيح 
الله الوكيل يا مره انت يا اللي بينك وبين القپر خطوه لو فكرت تمدي ايدك عليا ما هعمل اعتبار انك ست كبيره وهبهدلك وهخليك ما تسويش احسن لك انت ما انتيش قدي وما فيكيش صحه ليا طول ما انت ايدك بعيده انا كمان مش همد ايدي
وطول ما انت لسانك طويل انا لساني هيطول اكتر منك .
كان نعمان بيتوجع وهو ماسك دماغه وعمال يلف حوالين نفسه وهو بيشتم فيها اقذر الشتايم اما امه بقت مذهوله من كل اللي بيحصل مش مصدقه نفسها وكانها بتتفرج على تمثيليه مش حاجه واقعيه عايشه فيها 
بقى بتعضي الايد اللي اتمدت لك وكانت بتلبسك وتاكلك وتشربك ما انت صحيح تربيه شوارع هيطلع ايه منك 
ردت عليها سموره وهي بتحاول تستفزها ببرود زي ما هي غلطت فيها 
اي تربيه الشوارع دي بقت مرات ابنك يا حماتي ومن بكره هروح ارفع عليكم قضيه وهطلب حقي منه ثالث ومثلث وخصوصا لو شفتي المؤخر اللي ابنك ماضي عليه وكمان القايمه اللي ماضي عليها كمان .
هو انت كمان مضيتيه على قايمة ومؤخر اه يا ملعونه ازاي عملت كده انطقي يا بت هو ما مضاش ومش فاكر ان هو عمل كده .
خبت عليهم هي عملت كده ازاي وعمرها ما هتنطق وخصوصا انهم ملاعيين ولو عرفوا هيوقعوها ومش هيقولوا عليها يا رحمن يا رحيم 
والله يا حماتي انا ما عملت كده ڠصب عن ابنك هو انت شايفاه عيل نونو علشان خاطر يمضي على جواز وقايمه ومؤخر ويختم كمان على ايد محامي واثنين شهود !
وبعدين هو انت عمرك شفتي عروسه بتتجوز من غير مؤخر وقايمه !
ولعلمك بقى انا معايا تسجيلات الكاميرات لابنك وهو بيدخل العماره اللي كان بيقابلني فيها بدل التسجيل مية ومعايا الشهود كانوا بيشوفوه وهو طالع نازل عليا وكمان الشهود من نفس العماره ومنهم البواب يعني مهما تحاولي تعملي انت وابنك انا مراته ڠصب عنه .
ام نعمان بقت تلف حوالين نفسها في الجنينه وكمان ابنها مخبوط في دماغه وبيص
اخلصي يا بت تاخدي 100 الف جنيه وتجيبي عقد الجواز ويرمي عليك اليمين ويا دار ما دخلك شړ ومش عايزه اشوف وشك هنا تاني .
ضحكت سماره باستهزاء على كلامها
هأو أو أو 100 الف مين يا وليه يا شايبه اللي عايزه تديهم لي هو انا شرفي طول الخمس سنين اللي ابنك كان بيستغلني فيهم وبيستغل ان انا عيله صغيره وما ليش حد يسوى عندك الملاليم دي !
بشرفي اللي ابنك وحله لي لازم ابنك يتجوزني ويعمل لي فرح اسكندريه كلها تشهد عليه واكون مراته وانت كمان توافقي يا اما هعمل فيكم اللي ما يعمل 
ويكون في معلومك انا قبل ما اعمل الحوار ده كله رحت عملت محضر لابنك بعدم التعرض وبعقد الجواز ان هو بيضربني وبيمد ايده عليا على طول وان انا عايزه احمي نفسي وليكي انت كمان انك بتستقوي عليا علشان انا غلبانه عشان لو حصل لي اي حاجه بعد كده محضر عدم التعرض هيثبت ان انتم اللي عملتوها يعني ما تفكريش نفسك تخطفيني في اي مكان تعملي لي عاهه هوديكي في 60 داهيه انت وابنك ودلوقتي الكوره في ملعبك تقدري تتاكدي من العقد عند المحاميين بتوعك يشوفوه سليم ولا لا وبعدين تشوفي بقى شروطي انت وابنك وتوافقوا عليها .
نعمان بقى واقف مذهول مش عارف هي ازاي قدرت تعمل كل ده وازاي قدرت انها تخليه يمضي ويتجوزها هو مش فاكر اي حاجه عن الموضوع ده اما امه بتحاول تستوعب كلامها 
شوفي بقى انك تتجوزيه علني ويعمل لك فرح ده مستحيل انسي ان ده يحصل فشوفي حل تاني يخلينا نخلص من الموال اللي ما
يعلم بيه الا ربنا ده وبعدها مش عايزه اشوف وشك تاني .
قربت سماره من نعمان بدلال 
وانت يا نعومتي مش عايز تشوف سماره تاني ولا تجرب حضڼ سماره اللي ياما اشتكيت فيه من جبروت الست الوالده عليك وهترضى ان سماره اللي ما كنتش بتطيق راجل يقعد جنبها ولا يبص لها انها تبقى مع راجل ثاني !
بلع نعمان ريقه بصعوبه من كلامها ومن قربها منه وطريقه الدلع بتاعتها لكن شاف زمجره امه فبعدها عنه پحده 
ابعدي عني يا بت انت ومش عايزه اشوف وشك تاني غوري في 60 الف داهيه .
مديت له ايديها وهي بتطلب منه 
طب ايدك على مفتاح الشقه اللي بنتقابل فيها وكمان هات كده قد 10000 جنيه علشان اشوف نفسي واروق على حالي عقبال ما تفكر انت وامك هتعملوا ايه .
أمرته امه 
اديها المفتاح عقبال ما اطلع اجيب لها الفلوس .
واتحركت من قدامهم اما هو مسكها من كتافها الاثنين بعد ما ربط راسه وهو بيسالها 
عملتيها ازاي دي يا فاجر ! ازاي قدرتي تخليني امضي على عقد الجواز وبالشهود وكمان متوسق في الشهر العقاري !
جاوبته بدلال وهي فرحانه فيه وفي شكله وبتذلله ليها 
هو انت فاكر ان انا هسيب لك الخمس سنين اللي ضاعوا من عمري وانت بتستغل شرفي بلاش ! او فاكر ان انا هسيبك تفضل راهني تحت اشارتك وقت ما تحتاج تستمتع تبعث لي وبعدين ترمي لي قرشين زي بنات الليل !
انا حذرتك ولازم تعرف ان كيدهن عظيم واللي بيجي على واحده ست وخصوصا لما تكون داقت المر زيي لازم هيجي له يوم تترد فيه المظالم والنهارده ده يومي اللي