غرام آسر بقلم ساره الحلفاوي

يلا عشان مش قادر أقاوم 
و إبتدى فعلا ياكل عشان ترضى تاكل و فعلا من جوعها إبتدت تاكل و أول م إنغمست في الأكل إتنهد ب راحة و رجع ضهره لورا و هو بيستمتع ب مراقبتها و هي بتاكل و بعد م حست إنها كلت كتير و هو
مكالش حاجه

قالت بإحراج
أنا أنا شكلي كلت كتير 
قال بسرعة بينفي ده عشان ميحرجهاش 
ألف هنا إنت ملحقتيش تاكلي كملي 
قالت بإبتسامة بريئة
لاء الحمدلله شبعت 
عينيها وقعت على الصورة اللي جنبه و قالت بإبتسامة هادية
مراتك جميلة 
بصلها بإستغراب و قال
مراتي 
و بص للصورة اللي هي بصالها ف إبتسم و قال بهدوء
دي أختي الله يرحمها 
قلبها وقع من الخطأ اللي إرتكبته و قالت بأسف حقيقي
أختك أنا أنا أسفة الله يرحمها يارب 
يارب 
قال بثبات بصت لصوابعها ورجعت الدموع لعينينها و قالت
أنا إيه اللي خرجني من هناك ياريتني ما خرجت هروح فين دلوقتي 
تتجوزيني 
يتبع
آسر الخولي
غرام آسر الفصل الثالث
تتجوزيني 
قالها و هو حاطط رجل على رجل و كله لهفة إنها توافق على الرغم من مظهره الثابت رفعت وشها و عينيها بتتسع پصدمة و قالت و هي مش مستوعبة
قولت إيه 
إبتسم بسخرية و قال بثبات
لاء إنسي مش هعيدها إنت سمعتيني كويس 
ليه 
قالت و الدموع إبتدت تتكون في عينيها ف قال
الناس بيتجوزوا ليه 
إنت عايز إيه 
قالتها پضياع و تشتت رهيب ف قال بهدوء
عايزك 
خبطت المكتب بإيديها اليمين و وقفت و هي بتقول بحدة
إنت فاكر إيه فاكر عشان ظروفي و إني ماليش أهل هتستغلني 
حاول يمسك أعصابه و وقف قدامها و قالت و هي بتبص في الأرض
أنا عايزه أمشي 
مقدرتش تتحمل أسلوبه المستففز و مشيت ناحية الباب و هي خلاص على وشك العياط مسك دراعها و قال بجدية
إياك تطلعي برا لوحدك إهدي لحد م أجيب مفاتيح العربية ونمشي مع بعض 
صړخت فيه بإنهيا لو سمحت 
سابته و فتحت الباب و طلعت مشيت شوية في الممر اللي كان مليان مجرمين و أشكالهم تخض وقفت للحظات پخوف و هي شايفة مناظرهم خصوصا واحد كان وشه كله علامات ل نصل حاد إتغرز فيه الړعب ملى قلبها و شلها عن الحركة فجأة لقت إيد
قوية بتمسك إيديها بقوة إتنفضت بړعب أكبر لحد م سمعت صوته العميق
ششش إهدي تعالي 
شدها وراه و مشيوا و هي إستخبت في عرض ضهره من المناظر اللي شايفاها لحد ما خرجوا من القسم و أول ما خرجوا سابت إيده پعنف و خدت خطوات واسعة بعيد عنه بس هو كان أسرع منها و هو قال بعصبية
بلاش شغل عيال مش هتجريني وراك يعني أقفي و إهدي شوية 
قالت بتوتر و هي بتبعد عنه
مش عايزاك تجري ورايا أنا عايزة أمشي من هنا 
قال بضيق