بنتي الوحيدة كتابة حماده هيكل
حكت لي على اللي حصل وأعتذرت لي أنها مسمعتش
كلامي من البداية وراحت الحفله غصب عني
أخدتها في ح*ضني وطبطبت عليها وقولتلها
ولا يهمك المهم انك اديتي للولد دا درس مش هيسناه
قولتلها ادخلي غيري هدومك وخدي شاور ساخن
وهجهز لينا العشا على ما تخلصي
اتعشينا وقعدنا شوية وبعدها طلعت تنام
البيت من دورين تحت المطبخ والصالون
وأوضة المكتب و..فوق غرفتين نوم وحمام
هي بتنام في أوضة وانا في أوضة
قدام بيتنا في جنينه صغيرة ومتحاوطة بسور
طلعت انام بعدها بشوية ، دخلت اوضتها
أطمن عليها لقيتها في سابع نومه ، طفيت النور
وروحت أوضتي سهرت شوية في السرير
كنت بقرأ في كتاب ، طفيت نور الأوضة وشغلت
نور الأباجورة اللي جنبي على الكومود عشان أقرأ عليه
بكره كان أجازة من الشغل ومدرسة البنت وعشان كدا منمتش بدري
على الساعه 2 صباحا ، حسيت بحركة تحت في البيت
سبت للكتاب من إيدي ونزلت من السرير واتسحبت
بهدوء و..فتحت الباب ببطء ، مشيت ناحية السلم
ونزلت عليه وانا في نص السلم ، لمحت 2 مقنعين
جايين ناحية السلم ، طلعت تاني بسرعه على فوق
وهما طلعوا ورايا بهدوء وبدون اي صوت
دخلوا أوضتي الأول لأنها كانت قريبة من السلم
وملقوش حد فيها ، وبعدها أتجهوا لأوضة بنتي
فتحوا الباب ولعوا النور ، البنت نايمه ومش حاسه بيهم
جحظت عنيها هي متفاجأة من الي حصل
د.موعها نزلت وهي بتبص بعنيها وبتدور عليا
ومش عارفه انا فين عشان انقذها
المقنع التاني كان واقف عند الشباك بيراقب الطريق
لانه أعتقد اني مش في البيت
خرجت فجأة من الدولاب وجريت بسرعه
على اللي عند الشباك دفعته بكل قوتي
جسمه اندفع الخارج كس\ر الزجاج ووقع تحت
وهو بيصرخ من الألم
الشاب الأول اتفزع وساب بنتي وتوجه ناحيتي
كان أقوى مني في البنيان واصغر مني
ض/ربني بلكمه قوية في وشي فقدت توازني
ووقعت ع الارض لكني قمت بسرعه ووجهت ليه
لكمه تفادها ولكمني في بطني
لسه هقوم لقيته مسكني من رقبتي و..فضل يضغط عليا
حاولت افك صوابعه مقدرتش ، ض/ربته بركبتي
في جنبه كذا مرة ولكنه كان بيزيد قب\\ضته
و..فجأة بنتي ض/ربته بالأباجورة على د.ماغه
إيديه اترخت للحظات وبسرعه دفعته
برجلي ووقع على ضهره
نزلت ض/رب فيه بكل قوتي لغاية ما فقد الوعي
اتصلنا بالشرطة وتم القب\\ض عليهم
كان الشاب اللي بنتي ض/ربته في الحفلة
قرر ينتقم منها هو وصديق ليه
ولكن أنا قدرت افسد مخططهم وانقذ بنتي
من اللي كانوا ناويين عليه.
تمت
بنتي_الوحيدة
حماده هيكل
