جوزي رفض

اه والله يا ليلي انا خلاص اتعلمت فعلا ودي اخر مره اسكن حد في العمارة من غير ما اعرف أصله وفصله والست دي الصراحة كانت شبه العمارة اهي غارت في داهيه

وعندي في شقتي كان هاني قاعد في الاوضة ونرجس اتصلت عليه وقالت له

اخس عليك ياهاني بقا كده تسبني وتمشي ده الراجل ياحبيبي اللي هو صاحب البيت لما ملقاش مني رجا الراجل جه وكان عايز يتهجم عليا لوما انا لميت الناس عليه

هاني

انتي بتقولي ايه يا نرجس بقا الراجل اللي اسمه محمود عمل معاكي كده طيب ليه ده هو اللي قالي انك بيطلع عندك رجاله علطول

نرجس

ماهو عمل عليك التمثليه دي عشان ياخد مراده مني بس انا بقا مرضتش ادي له عقاد نافع

هاني

انا مليش دعوة بالكلام ده كله يا نرجس انا خلاص مش عايز اعرفك تاني ماشي

نرجس

ماشي ياحبيبي وانا مش رامية نفسي عليك انا عايزة فلوسي يا حبيبي اللي انت اخدتها مني

هاني

فلوس ايه دي يانرجس ان شاء الله هو انا اخدت منك فلوس ده امتى ده

نرجس

يانهارك اللي مش فايت بقا انت مش عارف فلوس ايه اللي انا اخدتها مني لا ده انت كده بتستهبل بقا وناسي وصولات الأمانة اللي انت ماضيها على نفسك ايه نسيت بسرعه كده انك كنت عايز قال ايه تعمل مشروع وجيت لي واخدت مني فلوس

في اللحظة دي هاني افتكر ان فعلا هي مكتباه وصلات أمانة وضرب بايدة على راسه وقال لنفسه

يانهار مش فايت ده كنت ناسي فعلا وبعدين بقا في الورطة دي

نرجس

ايه يا سي هاني رحت فين ولا انت من الصدمة مش عارف ترد عليا هااا رد انطق هتجيب فلوسي امتى بقا انت عارف ان الفلوس دي بتاعت دهبي اللي بعته عشانك

هاني ارتبك وقال لها

اااا اهدي بس يا نرجس ياحبيبتي انا فاكر الفلوس وبعدين انتي عارفه ان الفلوس انا حطيتها المشروع اللي خسر معايا كل الفلوس ده اجيب منين بس انا

نرجس

مليش فيه ياحبيبي انا عايزة فلوسي على داير مليم ياما تجيبهم لي دهب ااه وياريت تجيبهم دهب يكون احسن اهو اكون انا المستفادة برضو اسمع انا هديك مهله لاخر الاسبوع يافلوسي تيجي ياما الوصلات تروح للنيابة سلام يا استاذ هاني

وقفلت في وشة الخط وهاني قال لنفسه

يادي الواقعه السوده اللي وقعت نفسك فيها هعمل ايه دلوقتي انا مع الزفتة اللي اسمها نرجس دي دي ممكن تلبسني مصيبة انا عارفها كويس دي محدش بيقف قصدها

وفي اللحظة دي دخلت عليه وقولت له

مالك يا هاني انت بتكلم نفسك ولا ايه في ايه

هاني

وانتي مالك انتي كمان بيا ايه اللي دخلك اصلا انا ياستي مجنون وبكلم نفسي ليكي فيه وبعدين يلا غوري من وشي انا مش عايز اشوف وشك

هدي

تصدق اني انا غلطانة اني قلقت عليك وقولت اسالك مالك انت حر يا هاني دي مبقتش عيشه دي اصلا حرام والله اللي بيحصلي معاك ده انا مش عارفه مستحملاك على ايه ياساتر

ودخلت اوضتي وفضلت اعيط وهاني اخد بعضه وخرج ومشي بسرعه ولقيت هشام اخوه بيرن الجرس وانا فتحت وانا معيطة وقالى

ايه ده مالك يا هدى في ايه انتي بتعيطي ليه كده دي عيونك حمرا جدا هو هاني زعلك ولا ايه

هدي

مفيش حاجة يا هشام الله يخليك سبني في حالي انا مش ناقصه

هشام

انا مش عارف بس انتي ليه مستحمله منه كل ده هو عاملك عمل ولا ايه انتي علطول بتعيطي منه ودايما زعلانة من عمايله وبرضو متمسكة بيه ومش بترضي تشتكي على العموم يابنت الناس انتي غاليه اوي ياهدي وانا عم نفسي محبش اشوفك زعلانة ابدا

هدي

متشكرة يا هشام لو سمحت بقا اتفضل على تحت انا مش عايزة اخوك يرجع ويشوفك واقف معايا هنا يقوم يعملي مشكلة

هشام

حاضر ياهدي انا هنزل على شقتنا عن اذنك بس لو احتاجتيني برضو هتلاقيني في اي وقت رهن اشارتك عن اذنك

نزل هشام وانا انهارت من العياط على حظي اللي مش عارفه عامل ليه كده مع واحد زي هاني جوزي ده

وبعدها في نص الليل رجع هاني وانا كنت صاحية ودخل وقالى

مساء الخير يا هدى انتي صاحية ليه لحد دلوقتي

هدي

مفيش اصل مش جاي لي نوم يا هاني ولا انت كمان هتحاسبني على اني صاحيه لحد دلوقتي ماهو انت مفيش اي حاجة انا بعملها بتعجبك

هاني

ومين اللي قال كده بس ياحبيبتي بالعكس بقا ياهدي على فكرة انتي غلطانة ده انا بحبك ياحبيبتي بس انا كنت عصبي شوية عشان كده اتعصب عليكي ياقلبى انا اسف يا هدى

هدي

يا سلام وده من ايه ده كمان ده انت عمرك ما اعتذرت لي ابدا في حياتك ايه اللي حصل لده كله

هاني

ااا اصل انا اكتشفت اني بحبك اوي ياهدي بقولك ايه ماتقومي تلبسي قميص حلو كده وتعالي عايزك في كلمتين كده

رديت عليه بكسفه وقولت له

هيهي بس بقا يا هاني الله انا بتكسف

هاني

يلهوي قمررر يانااااس يلا ياقلبى اعملي زي ما قولت لك

وفعلا رحت لبست قميص وسرحت شعري وحطيت مكيب وهاني

يلهوي بقا انا متجوز القمر ده كله وانا مش واخد بالي بقولك ايه ياروحي هي الفيزا بتاعتك فيها فلوس اد ايه انا عارف انك من وقت ما اخدتي الورث بتاع باباكي وانتي الفيزا معاكي زي ماهي لأني عارفه مش بتحبي تصرفي

هدي

ايوه يا هاني ما انت عارف ان الفلوس معايا زي ماهي وبعدين انا معايا نص مليون اللي ورثتهم من بابا

هاني

طيب هو انا لو قولت لك اني محتاج الفيزا دي عشان كنت عايز خمسين الف بس لمده شهر وهرجعهم لك تاني هترضي

هدي

ياهاني فلوسي هي فلوسك يا حبيبي انت بتقول ايه بس خود الفيزا اهيه وابقي احسب المبلغ اللي انت عايزه المهم بس ياحبيبي متاخدش منهم كتير عشان انا عارف ان ماما ليها فيهم

هاني شاف الفيزا في ايده وعيونة لمعت عشان الفلوس وقال

اااا طبعا طبعا ياحبيبتي انا مش، هاخد غير المبلغ اللي قولت لك عليه بس

وتاني يوم هاني سحب كل الفلوس اللي في الفيزا واخد نصهم وراح بيهم لنرجس اللي قالت له

الله ما انت معاك الفلوس اهي اومال كنت عمال تتدعي الفقر ليه ياحبيبي

هاني

بقولك ايه الفلوس دي انا واخدها من مراتي يعني اصلا انا مش، جيبهم من بيت ابويا ماشي وإياكي تتصلي بيا انتي فاهمة ولا لا

قالها كده ومشي من عندها ونرجس قالت

ماشي ياهاني اما وريتك مبقاش انا

وبعدها هاني اتغير معايا تاني ومعاملتة اتغيرت ليا وانا رحت في يوم اجيب فلوس لماما لقيت الفيزا فيها رصيد صفر وقولت

يانهار اسود هاني اخد كل الفلوس اللي في الفيزا

وجريت على هشام وأخوه وقولت له

الحقني يا هشام وحكيت له على كل اللي حصل وقالى

انتي ازاى تعملي كده بس يا هدى ازاى تدي له الفيزا بتاعتك وتخليه يسحب هو

هدي

انا مكنتش مخوناه ياهشام انا عايزة حقي من اخوك انا خلاص مش، عايزاه انا بقيت بكرهه وكمان بعد اللي عمله ده دي فلوس امي ااه ياني

هشام

شوفتي ابنك ياماما شوفتي عمل ايه في المسكينة دي

الام

طيب اعمل ايه بس ياهشام يابني اخوك ده طول عمره كده انا معرفتش اربيه انا عارفه

وفي الوقت ده جات نرجس عندنا وقالت لي

انتي بقا تبقى المحروسة اللي اسمك هدي طيب ياختي انا جايه اقولك ان جوزك اخد فلوسك عشان يسد لي الفلوس اللي كان واخدها مني انا بس قولت اعمل خير

الام

انتي مين ياست انتي وازاي تتكلمي عن ابني كده

نرجس

ايه داااه حماااتي الغالية ده انا كنت مرات ابنك يا وليه مش تاخديني بالحضن

وفي اللحظة دي دخل هاني وقال لها

انتي بتعملي ايه يا واطية انتي

هدي

انت جيت بقا كده ياهاني تسرقني عشان ديه انت ليك عين تيجي هنا

هشام

والله ياعيب الشوم عليك انت واحد معندكش دم والله ياجدع

هاني

بقولكم اييه انا مش عايز كلام كتير محدش ليه حاجة عندي وانتي امشي اطلعي بره

نرجس

مش طالعة من هنا يا هاني واللي عندك اعمله انا لازم اعرف اهلك حقيقتك الواطية

هاني

اخرسي يا نرجس اخرسي ومسكها من رقبتها وفضل خانقها وهشام يحوشة لاكن خلاص كانت نرجس راحت

بعدها البوليس جه واتقبض على هاني. ودخل السجن وانا أطلقت منه ورجعت البيت وحماتي جات لي هي وهشام وقالت لي

انا عارفه انك شوفتي كتير من هاني ابني بس معلش يا بنتي حقك عليا انا

هدي

وحقي عندك ليه بس يا حماتي ده كان نصيبي اني اشوف اللي شوفته مع هاني ده

هشام

متزعليش ياهدي خودي فلوسك اهيه انتي متعرفيش انا عملت ايه عشان ارجعهم لك

هدي

ربنا يخليك ليا ياهشام انا مش عارفه من غيرك كنت هاخد حقوقي اللي كانت عند ازاى

هشام

انا مش عايزة تشكريني انا هكون سعيد لو وافقتي انك تتجوزيني ياهدي ايه رايك

في اللحظة دي بصيت لحماتي وقالت لي

وافقي ياهدي وافقي يابنتي ده هشام ده طيب وابن حلال وهيعوضك عن المر اللي شوفتيه مع هاني

وبعدها وافقت واتجوزت هشام وعشت معاه ايام حلوه

وبكده تكون خلصت حكايتي