رواية وجدان صعيدي
الي عريسك شافو ده ممكن مصر كلها تشوفه..وبراحتك بقى
عاصم وشو بقى عباره عن كتلة غضب
ووجدان خافت جدا وقالت..فيه ايه..بعت اي تاني
عاصم غمض عنيه وحاول يسيطر على اعصابو وقال .بيهدد ينشر صورك…والناس كلها تشوفها
وجدان حطت ايدها على بقها بزهول وقالت بدموع..يا انهار اسود..ينشرها…ينشرها ازاي هات اكلمه بسرعه
و
عاصم بصلها بغضب وقال..هتكلميه تقوليلو ايه
وجدان قالت بدموع..هتحايل عليه هعمل اي حاجه امال عايزني اسيبو يفضحني
عاصم قال بغضب…ده على اساس انو هيسمع محايلتك..من غير ما تنفذي شروطو
وجدان قالت بسرعه واندفاع…انفذ هعملو اي حاجه بس ميعملش كده و
بس قطعت كلامها لما لقت عاصم بيبصلها بنظرات مرعبه كلها غضب
بلعت ريقها بالعافيه وقالت…انا..انا قصدي اعرض عليه فلوس اكيد مش هنفذ الي في دماغك انت فهمت ايه
عاصم حاول يهدى وقال…اهدي شويه وركذي معاي مش اخو صاحبتك
وجدان قالت بدموع..ايوه ايوه اخوها
بقلم…زهرة الربيع
عاصم قال بهدوء..حالتهم الماديه ايه نظامها… يعني لو عرضنا عليهم مبلغ كويس تفتكري يوافق
وجدان اتنهدت بخوف وقالت..لا..عندهم فلوس كتير..معتقديش يقبل..وبقت تبكي جامد وقالت..بس مش هينفع ينشر الصور دي ارجوك ساعدني انا معنديش حد غيرك وانبي
عاصم اتنهد وحاول يهدى لما لقاها بتبكي جامد وصعبت عليه جدا قال …اهدي يا وجدان ..اكيد مش هسيب مرتي تتجرس…متخافيش..انا معاكي
كانت بتبكي جامد واول ما قال كده بصتلو جامد بدموع وكانو عيونها قريبين منو ونظراتها تخطف القلب بلع ريقه بصعوبه وفضل باصص لها وتايه في جمال عيونها وقال بارتباك….هو..هو انهارده كام في الساعه
بصتلو باستغراب وهو قال بسرعه…قصدي…قصدي الوقت يوم ايه يعني
وجدان ضحكت وقالت..انت بتقول ايه
عاصم ضحك بخفه وحط ايده على جبينه بحرج وقل..احم..عايز اقول..انهارد يوم ايه يعني التاريخ..ايوه التاريخ
وجدان ابتسمت وقالت…انهارده ٧ /٥
عاصك قرب منها وقال….طب بوقلك ايه…لوانا…جبتلك منو الصور…وخلصتك من الموضع ده خالص…هيبقالي مكافأه ولا هنقضيها صحوبيه
وجدان ضحكت جامد وقالت..انت قليل ادب اوي على فكره…طب بص..لو جبتلو منو الصور وخلصتني منو بجد…
وقربت منو وقالت بهمس …هلبسلك الي في الصور
عاصم اتسعت عنيه وبلع ريقه ومسكها بسرعه قبل ما نبعد وقال….طب ما تدفعي مقدم ..وانا اجبهولك الصبح
ضحكت وبعدت عنو بدلال وقال..تؤ..لما تجيب الصور الاول
عاصم اتنهد وقال بابتسامه….من عيني…غالي والطلب رخيص…وكمل بنظرات كلها غضب وقال …بكره هعرفلو صرفه بطريقتي
وجدان بصتلو بخوف وقالت…ايه طريقتي دي…انت…انت ناوي تقتلو ولا ايه
عاصم قال بسرعه..طبعا هقتلو….امال هسيبو يستفزنا كده…مدام مش هيقبض…يتقبض ويريح
وجدان قالت بزهول…لا لا طبعا انت بتقول ايه…وبعدين…وبعدين هيه اختو ديما تقولي انو مضيع فلوسو على الشرب والسهر جرب معاه…يمكن يوافق يقبض واهو احسن ما يتقبض حرام عليك
عاصم اتنهد وقال…ماشي…الطيب احسن بردك..بكره هندلى على البندر وهقابلو…واشوف طلباتو الاول
وجدان قالت…ايه طلباته الاول..بقولك متقتلش حد احنا مش مجرمين ايه ده الي جاهز يقتل على طول ده
عاصم ابتسم ابتسلمه جانبيه وقال…انا مبديش الواحد اكتر من فرصه…بعني انتي كمان لو مكنتش لقيتك بت…كان زمانك مستنياه يونسك تحت الارض
وجدان اتسعت عنيها بشده وقالت…يعني كنت هتقتلني
عاصم بص لعيونها الي كانو وساع جدا من دهشتها وبيلمعو وقال..احم…يعني مش هقتلك قوي…قصدي يعني كنت هقتلك…بس بعد البصه دي..انا الي اتقتلت يا بت العم
وجدان ابتسمت وقالت بكسوف…طب الله يرحمك بقى..تصبح على خير
وجدان راحت نامت على السرير وعاصم نام جمبها وقال…احم..ما تيجي تنامي في حضني..هدفيكي
وجدان قالت..نام يا عاصم..انا دفيانه وتمام
عاصم ابتسم وقال..على راحتك انا كان قصدي خير
في صباح يوم جديد قام عاصم وصحى وجدان ولبسو وجهزو شنط لهم وبعت الحارس بتاعو جابلو كل الي هيحتاجوه
وجدان قالت..هو انت ليه مقولتليش اني هسافر معاك
عاصم بصلها بدهشه وقال..هو انتي متعرفيش اني طالما هسافر يبقى هتيجي معاي
وجدان قالت..لا مكنتش اعرف افتكرت هتوديني بيتكم
عاصم ضحك وقال…طب ولما يسألوكي عريسك فين..هتقولي ايه…سافر يصيف
وجدان فكرت شويه وقالت..اه صح..مش هينفع..طب ولو سألونا سافرنا ليه هنقول ايه
عاصم ابتسم وقال…بسيطه طالعين نقضي كام يوم سوا..عرسان وكده
وجدان قالت بسرعه..شهر عسل يعني
عاصم قال..لا…يومين عسل..مش اكتر من كده..انا ورايا مشاغل
وجدان ضحكت وقالت…طبعا مش مرات عاصم الرفاعي…لازم يبقو يومين بس
عاصم ابتسم وقال..انتي لسه متعرفيش عاصم الرفاعي يا بت عمي.. انا لو حبيت…ايامك كلها هتبقى عسل..ولو كرهت…ربنا مايوريكي…مهتعرفيش تفرقي العسل من البصل…ويلا بينا كفياكي رغي اتأخرنا
وطلعو سوا ركبو العربيه وطلعو على القاهره
على الطريق كانت وجدان قلقانه جدا من الي ممكن يحصل وخايفه الشخص الي بيهددها ده ينفذ تهديده كانت بتفرك اديها بقلق شديد
