رواية وجدان صعيدي

عاصم فهم قلقها وقال …متخافيش…مستحيل اخلي حد يمسك..انتي تخصيني يا وجدان ومن قبل حتى ما تبقى مرتي

وجدان بصتلو بدموع وقالت…هتعمل ايه لو فجأه لقيت صوري في كل مكان بالمنظر الي شوفتو ده..حتى لو قدرت انت تنسى الناس مش هتنسى

اتنهد وقال..معرفش ممكن اعمل ايه..بس مدام انتي معملتيش حاجه غلط..اكيد هبقى في ضهرك للاخر…مش عايزك تفكري في اي حاجه..انا معاكي خليكي مطمنه

وجدان ابتسمت بدموع وفاجاتو لما حطت دماغها على كتفو ومسكت في دراعو وقالت ..انا اول مره احس ان فيه حد جمبي…شكرا…انا مبسوطه انك عرفت..كنت خايفه اوي وانا لوحدي

عاصم اتنهد وشدها عليه وباس دماغها بحنيه وقال …انت مش لوحدك ابدا..مش عايزك تخافي واصل…انا هصلح كل حاجه

بعد ساعات وصلو القاهره ونزلو في اوتيل وطلعو اوضتهم

وجدان وقفت تستنشق الهوا من الاطلاله وقالت..الله…وحشني جو القاهره قوي ..بقولك ايه..ما تيجي ننزل البحر

عاصم ابتسم وقال..ننزل ..الي تحبيه كلو هنعمله

وجدان قالت بفرحه الله..بجد…طب خلينا ننزل نشتري مايوهات الاول و

بس قاطعها عاصم وقال بدهشه…ميوهات ايه…لهو انتي عايزه تلبسي مايوه وتنزلي بيه

وجدان ضحكت وقالت..امال هنزل البحر ازاي

عاصم اتسعت عنيه وقال بغضب..انا هعتبر نفسي مسمعتش الي قولتيه…وهعيد السؤال..هو انتي يا حلوه..عايزه تلبسي مايوه ولا انا سمعي تقل

وجدان بلعت ريقها بخوف من نظراتو وقالت بسرعه..انطرشت..انت انطرشت خالص .انا..انا شايفه تكشف على ودانك ميوهات ايه وقلة ادب ايه…قال ميوهات قال

قالت كده واخدت هدوم ودخلت الحمان بخوف منو

عاصم ضحك بخفه على شكلها و هز راسو شمال ويمين بيأس

بعد شويه خرجت وكان عاصم نايم على السرير

وجدان قربت منو وبصت لملامحو وهو نايم وقالت …مالك لو تفضل كده على طول قمر ..وعملت حركات بوشها وقالت وهيه بتقلده…هو انتي عايزه تلبسي مايوه ولا انا سمعي تقل..هعمل نفسي مسمعتش و

بس قبل ما تكمل شهقت بزهول لما سحبها بسرعه واعتلاها وقال…هو انا صوتي حلو قوي كده

وجدان عضت على شفايفها بخجل وقالت…عاصم…سبني وانبي

عاصم اتنهد وقال..اسيبك ازاي..وانتي عمال تلفي حوليا..كل دقيقه شكل ولبس..حرام عليكي…ده احنا بشر

وجدان ابتسمت وقالت..عايز ايه يعني

عاصم قرب منها اكتر وقال…عايز تصبيره هموت من الجوع

وجدان لسه هتحرك شفايفها بس فاجأها لما احتضنهم بين شفايفو بجنون وقوه

وجدان ابتسمت بين اديه وللمساتو الي دوبتها ولسه هيكمل فاقت لنفسها بسرعه ودفعتو وقالت …كفايه كده…اديك اخدت التصبيره الي عايزها

عاصم قال بسرعه. لا اخدت ايه انا جوعت اكتر.. ولسه هيقرب تاني

وجدان ضحكت وقامت وقالت…انت طماع اوي….وانا وعدتك لما تجبيلي الصور

عاصم اتنهد وقال..الصور هجيبها بالليل..لما اشوف اخرتها وياكي…بس بقى…بعدها…مفيش حاجه هتمنعني عنك

وجدان بصتلو وحاوطت رقبتو باديها وقالت…انا بس عايزه اكون مرتاحه وانا معاك ومش قلقانه من حاجه…ولو جبت الصور مش هيبقى في اي حاجه تبعدني عنك

بالليل خرجو وركبو العربيه بعد ما واحد من رجالة عاصم جابلو المكان الي بيتواجد فيه الشخص الي بيهدد وجدان

بعد شويه وصلو المكان وكان نايت كلب بيتردد عليه

عاصم بص للمكان وبص لوجدان وقال…انا رأيي تستني في العربيه…هتدخلي المكان ده كيف

وجدان ضحكت وقالت…هدخل برجليها عادي…يلا يا عاصم خلينا نخلص

عاصم اتنهد وقال..الأمر لله…ومسك ايدها وقال…متسبيش يدي واصل

وجدان ضحكت وقالت..يا عم انت رايح تفسح بنت اختك وخايف تتوه منك ..ما يلا بقى

عاصم قال..بطلي لماضه…علشان انا على اخري لو حصلت حاجه ولا حد بصلك بس…هبيتو في قبره

بقلم…زهرة الربيع

وجدان ابتيمت وقالت..بتغير عليا

عاصم ابتسم وقال…لا ..الأحسن مغيرش..انا غيرتي واعره قوي…الاحسن متجربهاش..يلا

وجدان ابتسمت ونزلت معاه ودخلو المكان وكان فيه بنات كتير وكلهم هدومهم مكشوفه عاصم بقى يبص للبنات وعدت واحده من جمبو وقال …ااااخ…عمار يا مصر

وجدان ضربتو بايدها في بطنو وقالت بغيظ..اجبلك رقمها

عاصم اتأوه بخفه وضحك وقال..لا..هاتي عنوانا واكسبي ثواب

وجدان اتغاظت اكتر وقالت…طب اطلع قدامي بدال ما اكسب ثواب تاني واخنقك واريحك وارتاح

عاصم ضحك وشدها من وسطها وقال….ده انت كده الي غيران يا جميل

وجدان ابتسمت وقالت بارتباك..انا..لا..ابدا انا بس ..

لاكن قبل ما تكمل عدت من جمبهم بنت لابسه جيبه قصيره عاصم بصلها وقال …شدي الجيبه ..لتجبلك مصيبه وووووو

الباشا واخد راحتو قدام المدام وشكلو هيتعلق