أنا فاطمه عندي 40سنه متجوزه
الام
ومراتك فين يا ابني انت تعبان اليوم كله في الشغل وهي مش هاين عليها تقوم تجهز ليك الاكل
احمد
لا خليها نايمه نوم الظالمين عباده قامت وقالت
الام
خلاص يا حبيبي انا هقوم اجهزلك الاكل وانت غير هدومك وتعالي كل
احمد
والله العظيم ما يحصل انا هجهز وناكل هنا كمان سوا وبعدين اروح اغير وانام وراح احمد وجهز الاكل اللي عملاه فاطمه
الام
لا يا حبيبي انا ما ليش نفس للاكل ده هاتلي جبنه وعيش
احمد
جبنه وعيش ايه بس والله العظيم لو ما اكلتي معايا من الاكل ده لادخل انا كمان انام من غير اكل
الام
خلاص يا حبيبي هاكل اهو وهلصو اكل واحمد دخل نام
فاطمه
خير كنت بتكلم مين بره كل ده
احمد
كنتي قومتي شوفتي بنفسك بكلم مين علي العموم كنت بكلم ماما اتعشينا سوا انا وهي هو انتي ليه ما خلتيهاش تتعشي
فاطمه
هي بتتبلي عليا انا حطيت ليها الاكل وهي اللي ما رضيتش تاكل حتي اسأل مريم بنتك
احمد
بس هي ما قالتش حاجه وانا قصدي تنك كنتي مسكتي فيها وخليتها تاكل انتي عارفه ماما بتتكسف تطلب حاجه من حد
فاطمه
وانا مش فايقه لكلامك ده ولا فايقه افضل اقل لحد. كل وكا تاكولش
احمد
انا بكلم مين اصلا نامي يا فاطمه الله يسترك وتاني يوم الصبح طلعت من اوضتي ولقيت حماتي مجهزه الفطار
فاطمه
ايه اللي انتي عملتيه ده يا حماتي
الام
لقيتكم نايمين وانا صليت الفجر وماجاش ليا نوم قولت اجهزلكم الفطار
فاطمه
معلش بس انا مش بحب حد يدخل مطبخي ولا يعملي حاجه
