قصه حقيقيه

انا عن نفسى بحب عيالى ومدخلهم مدارس خاصه عشان يتعلموا كويس وكل الى معايا بصرفه عليهم لدرجه انى بنسى نفسى و مع ان حصلى شويه مشاكل فى شغلى لكن بدفع مصاريف المدارس و بصرف فى البيت لكن مش قادر اوفى تطلعات مراتى الماديه قولتلها خلاص ندور على مدارس اقل عشان نوازن بين طلبات الاولاد والبيت لكن مراتى رافضه و بتتهمنى انى مش بشتغل مع انى بشتغل لكن المستوى الى عايزه تعيش فيه أكبر من امكانياتى ورافضه انها تتنازل عن اى حاجه

روحنا لاخصائيه علاقات زوجيه لعل وعسى اننا نلاقى حل لكن رفض مراتى انها تمسع لأى راى اخر مختلف عن الى هى عايزاه او فاكراه صح من وجهه نظرها خلى الحل مستحيل والدكتوره وقفت الجلسات وبعد تالت جلسه وقالتى الحياه دى متنفعش والوضع مش سليم وعيشتكم دى حرام ومتقبلوش … فتجاهلها ولو طلبت الطلاق طلقها بس بشروط لانها هى الى حاطاك فى الموقف ده

دلوقتى كالمعتاد اهلها واقفين فى صفها وطالبين الطلاق بشكل كيدى وعايزين يتمكنوا من مسكن الزوجيه الى بنتهم مش محتاجاه لانها هتعيش معاهم فى بلد تانيه لكن هما عايزين يطردوني من بيتى عشان عايزين ياذونى لأنهم عارفين ان معنديش مسكن تانى وده طبعا لانى رفضت الخضوع والاستسلام لتحكماتهم وفى حاله غريبه من الحقد والكره بشوفها منهم ومن مراتى ونكران للعشره انا مش فاهم سببها …

تنصحونى بايه ؟؟ اتصرف ازاى مع مراتى واهلها فى الموقف ده ؟؟

انا مش عايز الطلاق ولا شايف انه حل واى سعى من اهلها للإصلاح عمرى ما هرفضه بس المشكله الكبيره ان اهلها اول رد فعلهم فى تعالى طلق

انا مش فى اولوياتى الزواج التانى خالص ولا عايز اطلق عشان اتجوز

بالنسبه لموضوع انى بقبل ان اهلها يدخلوا حاجات البيت انا كتير اعترضت على الموضوع ده وقولت لاهلها قولا وفعلا انى مش عايز بس كنت بتجنب الدخول فى صدام معاهم بسبب شخصيتهم المتسلطه لدرجه انى تقريبا بطلت ازورهم مؤخرا او ادخل بيتهم بسببهم مواقف حصلت منهم كان فيها قله ذوق وتعالى … حتى مره بشكل ودى جربت اشكى لحماتي موضوع النكد ده لقيتها بتقولى انته سبب النكده وانته طولت معانا يعنى لو مش عاجبك طلقها بدون اى نصيحه لمراتى انا دايما فى فى نظرهم ونظر بنتهم الشخص الجلاد وهما الضحايا

انا طبعا فيا عيوب وبقول كلام دبش بس ده لما بنهار وبتعصب بعد ما مراتى تعقد تدخل معايا فى جدال لساعات بدون فايده وكتير بقولها كفايه كده نسكت احسن لينا لكن مش بترضى تسكت لدرجه انى احيانا بفتح باب الاوضه وازقها بره لانى ببقى خلاص مش قادر وده بعد ٤ او ٥ ساعات جدال … دى مشكله كبيره ومش ببقى حابب اتصرف كده بس ده بيبقى غصب عنى