قصه حقيقيه

وبسبب موضوع الجدال الكتير انا بطلت اسالها مالك لو شايقها متضايقه لانى عارف الى هيحصل وبكتفى بالسكوت والكلام ده مش جديد ده موجود من اول يوم جواز قبل العيال والمسؤليات هى طبعها كده

وانا فى البيت مليش طلبات عمرى ماقولتلها هاتيلى كبايه ميه اعملى كذا او انتقد حاجه مثلا مش عاجبانى يعنى بخدم نفسى فى الحاجات دى وعمرى ما كنت ببتدى المشاكل معاها … مش بشكر فى نفسى بس هو ده الى فعليا بحصل

كان راى الدكتوره ليها ان انتى بتبذلى جهد كبير جدا مع الولاد لأنك بتعلمى تعليم اكبر كتير من تعليمك وكمان سنه ولا اتنين مش هتقدرى تلاحقيهم وده ابدا مش مبرر انك تهملى جوزك … لكن رفضها للتغير عشان نقدر نلاقى حلول للمشاكل مشكله اكبر او حتى انها تتقبل ان فى من ناحيتها مشكله محتاجين نشتغل عليها

وطبعا حكم من أهلك وحكم من اهلها صعب جدا فى المشكله دى بسبب ان هلها مش عقلاء … هما بيستخدموا الطلاق كسلاح للتهديد واذلال الطرف الآخر واستغلال انى متمسك بييتى ومش عايزه بتخرب … لكن الى بيعملوه ده فعليا خراب

ولما كلمت الدكتوره عشان هى كانت بتقول كلام على لسانها غير الى سمعته منها اكتشفت ان الدكتوره انفعلت عليها وقالتلها لو انتى اتعملك قاعده عيله وراح قال الكلام ده مفيش راجل من الى قاعدين مش هيشيلك من تحت جزمته ومراتى كل الى هى قالته على لسانها كان غلط

مش بقول انى ملاك كل واحد فينا فى سلبيات وفيه ايجابيات لكن لما طرف يتعنت ويطلب الطلاق كأول رد فعل ويستغل القانون عشان ياذى الطرف التانى الى هو عمره ولا كان يخطر فى باله ان ده يحصل يبقى فين ولا تنسو الفضل بينكم

هل معقول بعد ١٢ سنه كاملين اكتشفت فجاه انى انسان متعاشرش وحتى لو دى تراكمات فده سببه ان مكنش فيه لغه حوار بينا تسمح باستمرار الحياه وانا سعيت كتير لده لكن سعى من طرف واحد

انا بقول للناس الى كان فى ردودهم عليا شىء من القسوه والهجوم فى الاخر انا مش ناقص والله اعلم انا فيا الى مكفينى فبلاش كلام من باب وانته الى ملاك يعنى لا انا اكيد عندى عيوب لكن بشهاده كل الناس الى حواليا والى اتدخلوا محدش ابدا كان شايف عيوبى ممكن تكون سبب للطلاق وهدم اسره