روايه حكايه سهام البارت الاول

قولت لحسن اخويا طب هدخل احضرلك الفطار

دخلت حضرت له الفطار وفطرتة

وبعدها عملت له الشاي

وجيت علشان ادخل اروق المطبخ علشان هنزل اشتري عيش وحاجات البيت ولاوازم الغدا وكدة

قالي استني عايزك

قعدت جنبة .. لقيتة بيقولي اعملي حسابك مفيش خروج من البيت لغاية ما تشوفي هتقرري علي ايه واذا وافقتي مش هتخرجي من البيت غير بعد ما الخطوبة ما تتم

بصيت له بأستغراب وقولت له اشمعني يعني مش هخرج غير بعد الخطوبة

قالي علشان سيد ممكن يوقفك او يتكلم معاكي وكلام الناس مبيرحمش

لما موضوعك يتم علي خير تبقي ترجعي تخرجي زي الاول .. وان كان علي طلبات البيت فانا موجود اسبوع اهو مش ورايا حاجة هبقي انزل انا اشتري كل حاجة

طبعا مكنش قدامي غير اني اسمع كلامة وهي فرصة ارتاح شوية من شراء الطلبات والوقوف في الفرن

وفعلا مرت الايام واخويا هو اللي كان بيشتري كل طلبات البيت ومخرجتش طول الأسبوع ده نهائي

وفي اليوم السابع اللي كان اخويا حسن محدد فيه يسمع رئي في جوازي من سيد

صحيت الصبح زي كل يوم. عملت له الفطار وبعدها سألني عن رائي

وهزيت دماغي اني موافقة وامي كانت قاعدة جنبي راحت قامت باستني وخدتني في حضنها وقالتلي مبروك يا بنتي وعقبال ما اشوفك في بيتك سعيدة ومتهنية

اخويا قال ل ماما طب انا هخرج وهخليه يحدد ميعاد ويجي يطلبها رسمي مني هنا

حسن خرج وفضل طول النهار برة ومرجعش غير بعد العشا

جهزت انا العشا وماما كانت جت ودخلت نامت ساعتين لغاية ما اخويا جه وصحاها علشان تتعشي معانا

واحنا بنتعشي اخويا طلع فلوس من جيبة وادهالي وقالي تروحي بكرة تشتري جلبية بيتي حلوة وطرحة وشبشب جديد علشان سيد هيجي بعد يومين علشان يطلب ايدك مني

قومت وبوست ايدي اخويا وايد امي وجريت علي اوضتي وانا فرحانة وشلت الفلوس تحت مخدتي

وبعدين خرجت عملت الشاي ل ماما و ل حسن اخويا

وبعدين دخلت الأوضة بتاعي وانا طايرة من الفرحة

اخيرآ هتجوز زي كل البنات وهيبقي ليا بيت لوحدي وراجل يحبني واحبة

تاني يوم بعد ما صحيت وفطرت اخويا وماما نزلت الشغل بتاعها لبست عبايتي وروحت محل بتاع جلاليب حريمي واشتريت جلبية حلوة تليق بالمناسبة دي وبعدين اشتريت طرحة وشبشب وعديت علي ماما وفرجتها علي اللي اشترتهم وماما قالتلي ربنا يتمملك بخير ومبروكين عليكي وبعدها روحت البيت وانا في قمة السعادة

عدو اليومين بسرعة وصحيت في اليوم اللي هتخطب فيه. لقيت ماما في المطبخ بتعمل اكل ومشغلة اغاني افراح

دخلت المطبخ بوست ماما وجيت اعمل معاها الاكل ماما رفضت. قالتلي انتي النهاردة مش هتعملي حاجة غير تزوقي نفسك علشان لما يجي عريسك تكوني قمر

الي اللقاء في الجزء الثاني🥰😍

وللمزيد اعملو 20تعليق ومتابعه محمد عبدالمنعم  وانتظروني بجزء جديد وأحداث مثيرة لاتنسو تعليق للاستمرار بنشر قصة وتكملتها بدون توقف…

دخلت الحمام اخدت دش وبعدين لبست هدومي ونزلت الكوافير اللي جنب بيتنا

كانت البت اللي شغالة فيه اسمها منال وكانت بيني وبين منال صداقة

دخلت وطلبت منها تعملي شعري علشان النهاردة فيه عريس جاي متقدملي وعايزة اكون مميزة في اليوم ده

منال فضلت تزن علي دماغي علشان تعرف مين العريس اللي متقدملي وانا بهزر معاها وبقولها مش قايلة وفضلنا نهزر وفي الأخر طبعا قولتلها

قالتلي الف مبروك قعدتني علي الكرسي وبدءت في تظبيط شعري ووشي وكدة

وبعد ما خلصت .. بسألها علي الحساب رفضت تاخد مني اي فلوس

خرجت من عندها وروحت البيت اللي هو علي بعد كام خطوة من الكوافير

كانت الساعة تقريبآ واحدة الضهر

لقيت اخويا حسن جه من برا وقاعد بيشرب الشاي. واول ما شافني راح مصفر وقالي اش اش ايه القمر اللي دخل عليا ده انتي مين يا جميل

ابتسمت ابتسامة خجل وكسوف. لقيتة قام واخدني في حضنة وقالي ربنا يتمملك بخير يا حبيبتي ويجي اليوم واوديكي بأيدي لعريسك بوست ايد ودماغ اخويا حسن. وقولتلة ربنا ما يحرمني منك يا احلي اخ في الدنيا واشوفك انت كمان جنب عروستك

ودخلت اوضتي

وماما خرجت من الأوضة وراحت وخداني في حضنها وعيونها مدمعة من الفرحة

الساعة سبعة بالظبط كان ميعاد سيد مع اخويا جه وقلبي بقي عمال يدق في انتظار

سيد .

.اخويا كان لابس جلابية بيضة ومكوية ومتشيك علي وكان في انتظار وصول سيد

مفيش عشر دقايق الباب خبط

قلبي كان بيدق وهيخرج من ضلوعي اول ما سمعت صوت سيد وهو بيسلم علي اخويا

كنت في الأوضة ومواربة الباب وببص عليهم من فتحة صغيرة ما بين الباب والحطية

اخويا وسيد دخلوا اوضة الضيوف وانا خرجت جري وقفت ورا الباب علشان اسمع الكلام اللي بينهم

ماما شافتني وهي في المطبخ وفضلت تضحك وندهت عليا بصوت واطي وشاورت ليا اني اجي اقف معاها في المطبخ علشان انا اللي هدخل الشربات لما اخويا ينده عليا

بعد عشر دقايق اخويا خرج وقال لماما انتي قاعدة هنا ليه مش تيجي تقعدي معانا علشان تبقي حاضرة اتفاقنا علي جواز بنتك.. ماما قالت له يا بني انت اخوها ومربيها واللي هتشوفة وهتوافق عليه انا كمان موافقة عليه …لكن حسن اخويا اصر علي وجود ماما معاه وتحضر اتفاقة مع سيد وقالها يا امي احنا ملناش لازمة من غيرك وكلمتك اهم من كلمتي

ماما مع اصرار حسن ورغبتة في حضورها الاتفاق بينهم راحت معاه وقعدت معاهم

فضلت انا في المطبخ علي اعصابي وكل شوية ادخل واخرج لغاية ما سمعت ماما بتزغرط

كنت هطير من الفرحة ومبقتش عارفة المفروض اعمل ايه

لقيت ماما خرجت وقالتلي روحي دخلي الشربات لخطيبك

وانا بدخل الشربات كنت حاسة ان الكوبيات هتقع من رجفة ايدي واعصابي اللي كانت سايبة خالص

دخلت وحطيت الصنية علي الطرابيزة. واخويا ضحك وقالي قدمي ل خطيبك الأول يا ناصحة

مسكت الكوباية وايدتها ل سيد خطيبي وبصيت في الأرض لقيت سيد بيقولي مبروك يا سهام احنا قرينا فتحتك علي سيد والشبكة هتبقي الأسبوع الجاي

انا بسمع كلام حسن اخويا وعيني مش مرفوعة من عالأرض بسبب كسوفي وارتباكي

حسن :: اعملي حسابك هتنزلي انتي وسيد ومامتك يوم الأربع اللي جاي تشتروها

وسيد امكانياتة انة هيجيب دبلة ومحبس وغويشة واحدة

سيد :: ده في الاول بس علشان ظروفي اليومين دول بس لما ربنا يفتح عليا والظروف تتحسن مش هبخل عليكي باي حاجة ولو طولت اجبلها نجمة من السما مش هتأخر

حسن :: اختي يا سيد متربية وبنت ناس وهتتحمل ظروفك طالما هتعاملها كويس وبما يرضي ربنا واكيد مش هتبخل علي بيتك طول ما ظروفك كويسة

سيد وانا هشلها فوق دماغي ومش هخليها تحتاج اي حاجة

حسن :: طب انا هخرج اقعد في الصالة

خليكم انتوا واتكلموا مع بعض

كان نفسي اقوم اخرج جري مع اخويا لاني متعودتش اقعد مع حد كدة واخويا كمان برا

سيد خرج وساب الباب مفتوح وكان قاعد قصادنا وشايفنا من برا

سيد :: ما تيجي تقعدي جنبي انا خلاص بقيت خطيبك

انا قومت وقعدت جنبة وايدي متشبكة في بعضها بين رجلي وباصة علي الطرابيزة اللي قدامي

سيد :: انا مش عايزك تتكسفي مني وبعدين انا اللي اعرفة ان لسانك شبرين مش متعود اشوفك كدة

انا ابتسمت من كلامة ليا وبصيت له وعنيا كلها خجل

سيد:: يخرب بيت جمالك انا مش مصدق اني خلاص خطبتك وهتكوني ليا

انا :: يعني انت مبسوط انك خطبتني

سيد :: مبسوط بس .. انا طاير من الفرحة انك وافقتي عليا .. عارفة لو مكنتيش وافقتي عليا كنت هموت

انا :: بصوت واطي وضربات قلبي حاسة انها بتجري من الكسوف قولتلة يعني انت بتحبني اوي كدة

سيد :: امال انا ايه اللي جابني هنا علي ملا وشي غير قلبي اللي اتعلق بجمالك

فضلنا نتكلم ونحكي ومع الوقت بدءت رهبتي واحساسي بالخوف يتلاشي شوية شوية وبقيت بتكلم معاه بدون خجل او كسوف

ماما دخلت علينا ومعاها طبقين حلويات وكاسين حاجة ساقعة وخرجت .. مسكت طبق حلويات واديتة ل سيد .. قالي انا معايا الحلويات الرباني كلها هيبقي نفسي. للحلويات دي

اتكسف من حلاوة كلامة ليا وحسيت اني ملكت الدنيا بحالها

شوية لقيت ماما فتحت باب الشقة ووقفت قدام الباب وفضلت تزغرط

الناس والستات بدءت تسأل ماما عن سبب الزغاريط بتاعها وهي قالتلهم سهام عقبال عندكم

مفيش عشر دقايق لقيت نسوان الشارع عندنا في الشقة اللي تزغرط واللي تبارك والليلة بعد ما كانت علي قدنا بقت ولا المولد

حسن اخويا خرج اشتري صندوقين حاجة ساقعة من البقال اللي في شارعنا. وبقي بيفتح للستات الساقع

وشغل اغاني بصوت عالي والليلة قلبت ل فرح حقيقي وبجد

ماما كانت قاصدة تعمل كدة علشان حاجتين

اول حاجة علشان لو سيد وقفني في الشارع محدش يتكلم وبكدة تبقي قطعت لسان الناس وعرفتهم ان سيد خطيبي

الحاجة التانية علشان عارفة ان ده هيحصل وكانت عايزة تفرحني وتعملي ليلة زي ليالي الأفراح

النسوان بقت ترقص. وشدوني علشان ارقص معاهم وفعلا قومت رقصت وكنت كل شوية ابص علي سيد القيه بيبصلي وهو دايب مع حركات جسمي  اللي بتتهز قدامة

كانت ليلة عمري ماكنت اتخيل انها هتبقي بالجمال ده وبجد اتحولت مية وتمانين درجة

فضلنا طول الليلة دي بين الرقص والأغاني وزغاريط النسوان لغاية الساعة 11 بالليل وكان الكل بقي بيمشي واحدة ورا واحدة

ماما بعد ما الناس مشيت دخلت عملت العشا لينا انا وسيد وحسن اخويا وهي .. اتعشينا وشربنا الساقع

وبعدين سيد خطيبي لما لقي الوقت اتأخر هو كمان استأذن اخويا ومشي

حسن قال لسيد انة بكرا يعمل حسابة انة هيتغدا معانا

سيد طبعآ مرفضش ووافق علي طول

وبعدها مشي

بعد ما كلة مشي لقيت ماما مش قادرة تقف علي رجليها من التعب ومصدقت ما قعدت