رواية بلوة حياتي كاملة بقلم روان محمد

علي حبه
شهد دخلت اوضة عمر وقالت انا سمعت إن أخويا في البيت ومصدقتش قولت اجيب قهوه وأسهر معاه للصبح
شهد إنت يا زفت إنت فين تعال هنا
عمر بص لشهد من فوق زفت يا بت احترمي نفسك هو انا الكبير ولا إنتي
شهد بسم الله الرحمن الرحيم استر من عندك يارب
عمر شوفتي عفريت
شهد لأ إنت بتلعب ملاكمة ليه مين مزعلك…عمر علي فكرة انا ممكن اجي في وقت تاني بس والنبي متفشش عصبيتك فيا
عمر استني يا زفتة
شهد حاضر
عمر نازال لشهد بس هي كانت خاېفة منه مۏت وهو نازال كده بعد الملاكمة عمر بيقرب منها بس هي بترجع لورا
عمر حضنها مالك يا شهد
شهد وهي في حضنه إنت كويس يا عمر
عمر اه كويس مالك خاېفه
شهد خفت تكون متعصب وتفش عصبيتك فيا إنت وإنت متعصب محدش بيعرف يسيطر عليك
عمر للدرجة دي انا وحش وانا عصبي
شهد إن جيت للحق اه والغريبة بقي إن إنت بالنسبة للناس هادي وكيوت وكل حاجة وبتحب الهزار بس اللي يعرف عصبيتك ېخاف منك وإنت هادي وإنت عصبي كمان
عمر يااااه طب مش هنشرب القهوة سوي
شهد يلا يا قلبي
وقعدو سوي شوية
عمر شهد هو انا ممكن أسألك سؤال !!
شهد أسأل يا عمر

عمر إنتي لسا بتحبي
شهد بصتله پصدمة هو مين !!!!
عمر  يوسف   يا شهد
شهد بعدت نظرها عن عمر بحزن إيه اللي فكرك يا عمر ضميرك صحي ولا إيه
عمر لسا زعلانة مني  يوسف   كان يستاهل
شهد لأ ماكنش ياستاهل وطول ما الكلب إللي إسمه هيثم ده جنبك هتفضل عنيك بعيد عن الحقيقة وانا مستنية اليوم اللي هشوفك فيه ندمان على اللي عملته
عمر هو انا بجد ظلمت  يوسف  
شهد هيجي اليوم اللي هتعرف فيه إنت ظلمته ولا لأ بس لازم هيثم ميكونش جنبك
عمر هيثم صديق كويس ومخلص يا شهد
شهد ههههه صديق كويس هي الاصحاب الكويسة يا عمر بتعودك علي ال night club والحاجات الۏحشة دي من ساعة ما اتلميت علي هيثم وإنت اتغيرت …بس هتندم في يوم يا عمر… هفضل جنبك يا عمر لحد ما تعرف أنك كنت غلط
عمر يعني إنتي لسا بتحبي  يوسف   بالرغم من إنه بعيد عنك!!
شهد كنت فاكرة إن مقولة البعيد عن العين بعيد عن القلب لكن لأ كل لحظة  يوسف   بعد فيها عني انا حبيته اكتر وهفضل أحبه وهيفضل قلبي يوجعني لحد ما اطمن عليه واشوفه …بدعي ربنا إنك تعرف الحقيقة قريب …سلام

عمر حط ايديه الاتنين علي رأسه انا ابتديت اشك إني ظلمتك يا  يوسف  وهيثم ضحك عليا يارب الحقيقة فين
فريده في اوضتها مبسوطة وبتبص للسقف وبدأت ترسم احلام ورديه لحياتها مع هيثم وهي بتفكر هو ممكن فعلا يكون لسا بيحبها فريده نامت بسعادة
في الصباح
فاطمه يلاا يا فريده هتتاخري
فريده نايمة وهي في أحلامها الوردية سبيني أنام خمس دقائق بس أكمل الحلم
فاطمه حلم إيه يا آخرة صبري إنتي
فريده اقفلي النور واطلعي برا يا ماما
فاطمه حاضر ياختي وخليك تطردي إنتي الحرة الساعه بقت 8 00 ومعاد شغلك 9 00
فريده انتفضت من مكانها إيه 8 00 يالهوووي يا ماما هتأخر دي المواصلات لوحدها كفاية
وفريده لبست وخلصت كانت الساعة 8 40
فريده نهاري أسود هتاخر علي تاني يوم شغل ليه يا ماما متصحنيش بدري
فاطمة اصوت وألم عليا الناس ويقولو اټجننت ..يا بنتي بصحي فيكي من ساعة وكل شويه 5 دقائق كمان جننتيني
فريده همشي من غير ما افطر وكله بسببك يا بطة … وعندنا مديرة رخمة مفيش حاجه اسمها أكل في الشغل ابقي تعالى خديني من المستشفى بقي يا بطة
فاطمة مليت من لمك من المستشفيات
فريده شوف لسا بترغي معايا هتاخر يا عالم
وطلعت فريده من بيتها وهي متوترة جدا قطع طريقها 
عمر

عمر كان متقصد يعدي من قدام بيتها عشان تركب معاه ويوصلها لسا مش متحمل فكرة إنها ركبت مع هيثم وهو لأ
عمر متأخر ليه يا بلوة حياتي
فريده إنت بتطلع منين كل مرة يا بلوة حياتي إنت
عمر إنه القدر يا عزيزتي يجمعنا معا
فريده يا خفة دمك على الصبح
عمر اركبي اوصلك …
فريده لأ هاخد مواصلات
عمر علي راحتك مع الزحمة يا باشا يبقي مبروك عليكي الطرد سلام
فريده خلاص استني هركب
عمر هههه طب اركبي بسرعة لحسن أمشي
فريده ركبت أمشي بسرعة لحسن هطرد من تاني يوم
عمر ماشي راحت عليكي نومة
فريده آه راحت عليا نومة ومفطرتش عااااا
عمر مين الغريب اللي بيفطر علي الصبح ده
فريده انا لو مفطرتش بتعب وبيبقي أخري المستشفى
عمر آه فاكر
فريده بتقول ايه

عمر ولا حاجة قربنا نوصل مش هتتاخري
فريده اوك
وعمر وصل فريده وهي راحت شغلها وبعد أقل من نص ساعة وصل لمكتبها كيس
فريده إيه ده
العامل ده مبعوت لحضرتك
فريده تمام وبعد ما مشي يا تري من مين
بعد ثواني وصلت ليها رساله من رقم غريب فتحتها
افتحي الكيس فيه فطار افطري عشان متتعبيش وفيه بيبسي شوكولاته مش عارف بتحبيهم ولا لاء بس جبتهم وخلاص عمر فريده ابتسمت بعد القراءة بعد ما فتحت الكيس ردت ب
لأ يا باشا يتخاف منك برجر مرة واحدة أكلتي المفضلة وبعشق الشكولاته اوووي بس البيبسي ماشي حاله مش بحب المشروبات الغازية بس اشطاا هشربها بردو وشكرا ليك يا عمر بجد
عمر رد طب سجلي الرقم بقي
فريده آه صحيح عرفت رقمي منين
عمربلا فخر دي حاجة سهلة هبقي اقولك في الوقت المناسب
فريده هههه ماشي
عمر طب افطري بقي لحسن زينب تمسكك
فريده معاك حق سلام لحسن دي ولية شرانية
عمرههههه وفي نفسه شرانية عايز اشوف شكلك لما تعرفي إنها أمي 
هيثم دخل مكتب عمر الجميل بيفكر في مين عشان يضحك الضحكة اللي من القلب دي
عمر بنظرة ڠضب ممكن أفهم إيه اللي إنت قولته عني لفريده ده وكمان اللي عملته امبارح ده
هيثم بطيبة مزيفة عملت إيه يا عمر كنت بنصحها نصيحة من أخ خاېف على اخته أكيد إنت هتعمل كده لو حصل مع شهد كده
عمر بس ازاي تقولها كلام زي ده إنت عبيط يا هيثم ثم إنت بتتكلم معايا عنها بطريقة وحشة وبتقولها إنك معتبرها اختك في حد يبص لأخته بالطريقة دي

هيثم مالك يا برو انا غلطان اللي بشاركك كل كبيرة وصغيرة انا آسف يا برو
عمر خلاص يا هيثم بس حسن من نفسك اتفضل اطلع بقي
هيثم طلع جه اليوم اللي هنتقم فيه منك يا عمر إن ما حړقت قلبك ميبقاش إسمي هيثم
وعدي اسبوع وهيثم بدأ يقرب من فريده وهي مبسوطة من كده ومحاولات عمر من التقرب منها مش بتنفع هي عقلها متعلق ب هيثم اللي بقي بيقرب منها وبيوهما بحبه وبدأ يكلمها شات ومكالمات لحد ما كلمها في يوم وقال
هيثم فريده انا بحبك وعايز اتجوزك
فريده بجد يا هيثم
هيثم فريده انا بحبك وعايز اتجوزك
فريده بجد يا هيثم
هيثم اه بجد
فريده ….
هيثم هبعتلك عنوان تيجي عليه بكرا بعد الشغل
فريده بهيام تمام 
فريده رمت التليفون وركضت علي بفرحة وفضلت سعيدة طول الوقت لحد ما جه اليوم اللي هتقابل فيه هيثم
وبدأت تشتغل وطبعا طول الاسبوع ده وهي مش مهملة شغلها لأ هي بذلت جهد كبير عشان تبقي من

المصممين المعروفة
زينب انتباه للجميع …احم احم… طبعا عارفين إن عرض الأزياء قرب وابتداء من النهاردة لحد اسبوع تقدرو تسلمو مشروعاتكم وهنختار افضل التصاميم عشان تكون في عرض الأزياء ف ياريت كلكم تكونو اشتغلتو كويس …ويلا بالتوفيق للجميع ومشيت
فريده طلعت ملف التصاميم بتاعتها وفضلت تتأملها وهي بتردد واثقة إن علي الأقل كام تصميم من دول هيكونو ضمن عرض الأزياء
فريده رجعت تشتغل لحد ما وصلها ريكورد من هيثم فيه
حبيبتي معلش الموعد النهاردة اتلغي علشان طلع ليا عمل مفاجئ وانا مسافر ومش هرجع غير بعد اسبوع مش عايزك تزعلي يا حبيبتي
فريده خدودها خدت اللون الاحمر بعد كلمةحبيبتي اللي من وهي صغيرة بتحلم تسمعها منه الكلمة اللي بتسمعها وبتنسي إنها بتغلط بسبب حبها لهيثم
فريده ردت
عادي انا أصلا كده ولا كده مشغولة الفترة دي عشان في عرض ازياء قريب وانا عايزة اكون جزء من العرض ف مفيش مشكلة بالتوفيق في شغلك يا هيثم
هيثم موجود في بيته!!! وبيبتسم بخبث اهو إنتي دلوقتي يا فريده هتكوني سلاحي عشان انتقم من عمر لازم عمر يعيش حړقة القلب …انا مش هرتاح غير لما عمر يحس… بإحساس الحب من طرف واحد وإن الشخص اللي بيحبه مش بيحبه …انا لازم أعيش لحد ما اشوفك يا عمر پتتعذب لعدم حب الشخص اللي بتحبه ليك …كويس إني اتأكدت إنه بيحب فريده …

فلاش باااااااااااااااك
من 5 أيام
عمر يلا يا غيث سيبك من امك
غيث لأ يا ملك العالم لازم مامي تيجي معانا
عمر طب يلا يا مي يا مايعة
غيث استحمل يا عمر هي الستات كده طول عمرها مايعة
عمر بس يا واد متقولش كده علي ماما
غيث ماشي يا ملك العالم احم احم غيث يبقي إبن اخت عمر وهو عنده 6 سنين مي اخت عمر بس من نفس الأب وهي أكبر منه ب 15 سنة يعني عندها 42 سنة أرملة اتجوزت متأخر وفقدت جوزها وبنتها الكبيرة في حاډثة مش بقي ليها غير عمر وغيث عشان زينب وشهد مش علاقتهم بيها قوية
مي انا جيت اهو يا سيدي إنت وهو …مش عارفه انا سامعة كلامكم ليه يعني انتو اطفال رايحين تتفسحو انا هاجي معاكم أعمل إيه فهموني بس
عمر هما مين دول اللي عيال يا ختي لاحظي إنك بتتكلمي عن ملك العالم وملك المحيط
غيث اه قولها والنبي يا ملك العالم إحنا مش عيال إحنا ملوك
مي آه منكم ومن دماغكم
عمر طب يلا يا قلبي بقي
غيث لأ استنو انا هشوف فري فاضية ولا لأ الأول لو كده تيجي معانا
عمر نزل لمستوى غيث مين فري دي يا ولد إنت عندك حبيبة وخالك لسا مالقاش

غيث دي موزة يا عمر بس لو تشوفها هتحبها
عمر هي دي اخرت التربية يا محترمة الواد عنده حبيبة وخاله لسا سنجل يا دي النيلة السودة
غيث طب استنا بقي يا ملك العالم
ومشي غيث خطوتين وبدأ ينادي فري يا فري اطلعي ثواني
الباب اتفتح وطلعت فريده في إيه يا غيث
عمر ملامحه اتغيرت وظهرت ملامح العاشق الولهان اللي اي حد قريب منه يقدر يقرأ ملامحه
غيث تعالى معانا يا فري هنخرج انا وماما وملك العالم …اه صحيح تعالي أعرفك عليه …مش إنتي كنتي عايزة تعرفيه ..
فريده آه انا متحمسة أعرف ملك العالم اللي إنت مصدعني بيه
غيث مسك أيد فريده وراحو جنب عمر ومي
فريده عمر.!!!!!
عمر ….
مي انتو تعرفو بعض
عمر بخبث لأ مش عارفها 
فريده ياريت تبطل غلاسة
عمر شكلك بتشبهي عليا بس مش انا اللي في بالك
فريده   پغضب   عمر بجد إنت بلوة حياتي
عمر بس متنكريش بلوة حلوة …حسيتي بشعوري وقتها
غيث يعني عارفين بعض ولا لأ
عمر نزل لمستوى غيث لأ عارفها هي بلوة حياتي 
غيث إنت اللي بلوة مش فري
عمر بقي كده طب عند بقي مش هنخرج
غيث خلاص يا ملك العالم متزعلش ..
مي فريده لو فاضية تعالي معانا اهو تكوني معايا وجوز الاطفال دول بيلعبو
فريده امممم والله كان نفسي بس مش هقدر …
غيث ليه طيب
فريده نزلت لغيث عشان النهاردة آخر الشهر يا غيث
غيث اه ربنا معاكي يا فري بس متنسيش المكرونه بتاعتي
عمر بترجي يعني مش هتيجي معانا
فريده لأ والله صعب…مش فاهمه ازاي إنت ومي اخوات
عمر القدر بقي يا بلوة حياتي
فريده مي خدي اخوكي بسرعة من هنا
عمر ماشي يا بلوة حياتي انا وإنتي والزمن طويل 
ومشي هو ومي وغيث في العربية
عمر قولي يا غيث إيه معنى آخر الشهر بتاع فريده دي
غيث يعني مرار طافح
عمر نعم يا خويا
غيث يعني مرات عمها جاية من البلد النهاردة وفيه ترويق كتير واكل للركب
عمر فهمت
مي كانت متابعة من البدايه نظرات عمر لفريده والحب اللي باين في عنيه ووصلو الملاهي
عمر اسبقني إنت يا غيث وانا هقعد ماما وهاجي
عمر خد مي عشان يقعدها في مكان
مي أقعد شوية معايا يا عمر
عمر قعد خير في ايه
مي احم احم انا شوفت نظرات كده في عنيك
عمر بتوتر نظرات إيه
مي نظرات حب يا عمر
عمر حب يغير الموضوع قوليلي إيه أخبار البيت الجديد مرتاحة فيه
مي امممم مرتاحة فيه بفضل فريده غيث حبها جدا وهي وعيلتها جيران حلوين وانا شايفة إنها البنت المناسبة ل أخويا العاشق
عمر احم احم انا عارف إني مش هعرف اخبي عنك … آه يا ستي بحبها
مي من ايمتا
عمر مش عارف حبيتها ايمتا بنت الايه بس…
مي بس إيه …
عمر هي بتحب هيثم كده مفيش أمل تحبني
مي خليك واثق في حبك إنه كبير ولو وثقت فيه فريده هتحبك
عمر ياريت
وكان هيثم مراقب عمر من البدايه لما شافه بالصدفة وهو واقف مع فريده لحد ما تتبعه لحد الملاهي وسمع اعترافه بحبه لفريده وابتسم ابتسامة نصر خصوصا إنه عارف إن فريده عندها مشاعر تجاهها من وهي صغيرة
هيثم أخيرا هنتقملك من عمر يا ملك دلوقتي انا هحرق قلبه عن طريق فريده
بااااااااااااااااااااك
الكل كان يعتبر مخلص تصاميمه وسلموها زينب اختارت الافضل واتصلت ب عمر عشان يجي يشوف التصاميم ويراجع معاها وعمر جه بالفعل وكان في المكتب مع زينب
زينب مشاء الله يا عمر في بنت هنا كل تصاميمها جميله جدا محتارة أصلا اختار إيه من تصاميمها
عمر إسمها إيه
زينب فريده هشام
عمر ابتسم ممكن تخلي مجموعتها كلها في العرض وياريت تنديها عشان اهنيها علي تصاميمها اللي نالت اعاجبك كلها
زينب بالفعل ندهت لفريده وفريده راحت وهي متوترة جدا ودخلت المكتب واټصدمت من وجود عمر
فريده بهمس عمر !!!!!
زينب تعالى يا فريده
فريده تقدمت بتوتر
زينب عايزة اقولك إن دلوقتي إن كل تصاميمك تجننن واختارنها انا وعمر وهتكون في عرض الأزياء
فريده بجد وبصت ناحية عمر باستفهام
زينب اممم إنتي جديدة ده عمر صاحب شركة تسويق ملابس علي الانترنت …وهو ابني
فريده فتحت عنيها پصدمة ووشها جاب ألوان وفي نفسها ده طلع ابنها انا خلاص هطرد وش ده انا قولت نهاري أسود قطع لساني ده
عمر آنسة فريده بهنيكي …تعالي معايا علي مكتبي عندي شوية اقتراحات ليكي ..
فريده راحت مع عمر وهي مع في المكتب خاېفة جدا وعمر فضل يضحك جامد علي شكلها وخۏفها
عمر ھموت مش قادر شكلك ېموت من الضحك

وإنتي جايبة ألوان كده
فريده انا هترفد صح
عمر آه ده اكيد بس ممكن لأ… عندي شرط ومش هقول لماما حاجة من اللي قولتيها
فريده إيه إيه قول بسرعة
عمر تعالى معايا نتغدي سوي
فريدة يا بن الايه انت شكلك زي ما هيثم قال…
عمرقاطعها هوب هوب عندك هنتغدي في مكان عام والله
فريده امممم إذا كان كده ماشي
عمر هنبقي نمشي سوي بعد الشغل اوك
فريده ماشي بس مش هتقول حاجة
عمر لو جيتي يبقي اعتبري سرك في بير 
فريده تمام بعد الشغل
وانتهي الشغل وعمر خد فريده علي مطعم راقي عمر مقرر يقول لفريده إنه بيحبها وعايز فرصة منهاوالأكل جه وكانو ساكتين بس فريده قطعت الصمت ب
فريده هيثم كان قايلي إننا هنخرج انا وهو سوي
عمر إيه كنتو هتخرجو ليه
فريده هقولك عشان انا مبسوطة قوي
عمر بتوتر خير
فريده هيثم قالي إنه بيحبني وعايز يتجوزني
عمر قالك إيه
فريده اعترف ليا إنه بيحبني انا مبسوطة اوووي يا عمر
عمر ملامحه اتغيرت 180 درجة من الڠضب والحزن
عمر بتحبي هيثم من وإنتي صغيرة
فريده اممم هو أصلا عسول وكانت كل بنات الدفعة بتحبه … هو شخص نقي جدا …اجتماعي وبيحب يساعد غيره …كنت معجبة بيه..بس دلوقتي بحبه وهفضل احبه
عمر كان بيسمع ليها والدموع في عنيه مسيطر عليها بالعافية وبيتعصر من جواه وسيطر على غضبه لأنه هي مكنتش بتاعته عشان يتعصب كان لازم يسيطر على غضبه
فريده انا بنت محظوظة جدا عشان هيثم حبني
عمر بيحاول يكون طبيعي طيب مثلا لو هو مكنش بيحبك وبيبادلك نفس الشعور إيه هيكون إحساسك !!!
فريده …..
عمر انا بسألك بس عشان محصلش معايا كده قبل كده
فريده هتألم جدا …ثم إنت مش هتقدر تفهم الشعور ده عشان محبتش قبل كده
عمر بابتسامة مکسورة وبيحاول يبعد نظره مش عارف انا مش هجاوب علي حاجة انا مش جربتها قبل كده
فريده اممممه بالظبط
عمر بنظرة ثقة انا بقي عايز اقولك إن اللي إنتي بتحسي بيه دلوقتي مش حب ده إسمه اعجاب متحلميش كتير
فريده لأ بخالفك في الرأي هو بيحبني
عمر ممكن يكون بيتسلي بيكي ومش بيحبك هتفضلي مع ذلك تحبي
فريده حتي لو هو دلوقتي مش بيحبني هفضل استناه يحبني…وانا متاكده إنه هيحبني ..وياريت كل حاجة قولتها ليك تفضل بينا
عمر وقف احب اقولك إن مفيش دلوقتي حاجة تجبرك إنك تكوني صديقتي خلاص هيثم قالك إنه بيحبك يعني مفيش حاجة تربطنا يعني لاعرفك ولا تعرفيني كل حاجة بينا انتهت… اشوفك بخير ومشي