رواية رهف ومروان جميع الاجزاء كاملة بقلم همس حسن ممتعة للغاية

اسماء مش هتفوق النهاردة هنزل اعمل حاجه مفيده لحد ما تفوق 
سابهم ونزل على تحت .. إيمان طلعت الفون وحاولت تتصل بكريم مبيردش 
خالد في حمام الشاليه بيغسل ايده رهف بتفوق وبتبدأ تفتح عينيها .. اتخضت وبصت حواليها بسرعة لقت نفسها في شاليه وخالد في الحمام .. أول ما لقيته بينشف ايده وخارج غمضت عينيها بسرعة 
خرج خالد قعد جنبها تاني 
اتصل بزياد .. 
خالد الو .. انت فين 
زياد انا راجع القاهرة في الطريق فيه كام مصلحة لازم اقضيهم 
خالد انت ازاي تعمل حاجة زي دي من غير ما تقولي ! انا لسة عايزك معايا على فكرة
زياد معلش ياريس مكانش ينفع اكنسل الحوارات اللي لازم اعملها دي 
خالد توصل القاهرة تخلص اللي وراك في ظرف ساعة زمن وترجعلي 
زياد تمام ياريس 
قفل معاه التليفون .. بص لرهف 
خالد بيضرب على دماغه يالهوي دي مكالتش حاجة من الصبح ولما تفوق هتبقي جعانة 
بيبص في الساعة طيب عموما انتي مش هتفوقي دلوقتي لسة نصاية كدا .. هخرج اجيبلك حاجة تاكليها بسرعة واجي ياحبيبتي 
خرج خالد على برا .. رهف قامت قعدت 
وبعد دقايق قامت بسرعة من ع المرتبة حطت ايديها على دماغها لما حست بدوخة 
رهف لا يارهف امسكي نفسك لازم تعمليها 
فتحت باب الشاليه وخرجت تجري على برا 
شط طووووويل عرييييييييض مفيهوش بني آدم واحد تستغيث بيه يلحقها 
رجع خالد الشاليه .. داخل ملقاش رهف نايمة 
كيس الأكل وقع من ايده وهو بيبرق 
خالد يانهار اسوووود ومنيل 
خرج يجري على برا .. بص على مرمى بصره مبقاش شايفها 
من الناحية التانية رهف حست بخالد بيدور عليها وهي ماشية ع الشط .. جريت دخلت في ماية البحر

وغطست كلها عشان ميشوفهاش 
خالد بينده بعلو صوته رهههههههههف 
هتروحي مني فيييييين .. هجيبك لو في بطن أمك
رههههههف .. رهههههههف 
فضل ماشي ينده بأعلى صوت عنده .. وكل دا هي مستخبية وغطسانة تحت الماية 
والأكسجين قرب يخلص 
رجع خالد تاني الشاليه بسرعة ومسك تليفونه .. طلع رقم يحي عمه واتصل
خالد أيوة ياعمي 
يحي يااااه إبن أخويا بنفسه رقمه على تليفوني
خالد عمي انا عايزك في خدمة ضروري جداااا .. حضرتك في اسكندرية صح 
يحي ايه يابني متخضنيش .. اه انا في اسكندرية
خالد طيب دلوقتي انا فيه بت هربانة مني عايز اجيبها بأي شكل وأي طريقة المهم تبقى عندي حاااالا 
يحي مين البت دي ياخالد 
خالد مراتي .. كاتب عليها عرفي يعني 
يحي طب وانت من امتى بتدور على حريم ما دايما هما اللي بيجولك راكعين وانت اللي ترميهم وتديهم بالجزم بعد ما تقطع الورقتين !
خالد البنت دي بالذات مختلفة ياعمي .. تقدر تقول كدا حامل مني يعني 
ومينفعش اسيب ضنايا يتربى بعيد عني بردو ولا ايه
يحي اه صح يابني بتعرف في الأصول تمام متشيلش هم ابعتلي الموقع بتاعك وفي ظرف نص ساعة بالكتير هتكون عندك 
خالد دا العشم بردو ياعمي 
يحي بس مقولتليش ياخالد .. اشمعنا الخدمة دي اللي طلبتها مني مانت دايما بتطلب كل حاجة من عمك فتحي 
خالد عمي فتحي من القاهرة وعشان كدا بطلب منه أي حاجة ليها علاقة بالقاهرة لكن اسكندرية دي لعبتك بقا ياعمي 
يحي خلاص ماشي .. اعتبرها بقت عندك 
قفل معاه يحي .. بص للراجل بتاعه 
يحي فتح مخك معايا .. هتبعت ٦ رجالة 
اتنين منهم هيروحوا يحاطوا الشاليه عند خالد ويعطلوه بأي طريقة ميخرجش من الشاليه .. اتنين هيروحوا يدوروا على مروان والاتنين اللي معاه ويعرفوا مكانهم ويطمنوهم .. اتنين هيدوروا على رهف ويودوها لجوزها 
كل دا هيحصل في سرية تاااامة .. مفهوم 
الراجل بتاعه مفهوم ياباشا 
بعد ساعتين 
في العناية المركزة 
أسماء بتبدأ تفوق .. فتحت عينيها وبصت حواليها حطت ايديها على بطنها 
أسماء بتعب وصوت واطي إبني فين 
بتبص حواليها تاني تدور على اي حد جنبها ياخد باله انها فاقت .. زياد بيفتح باب غرفة العناية المركزة وداخل يتسحب 
أسماء ابتسمت اول ما شافته 
أسماء بتعب زياد .. جيت في وقتك كالعادة 
زياد حمدالله على سلامتك ياحبيبتي
أسماء بتضيق عينيها باستغراب حبيبتك ! 
زياد يااااه .. متتخيليش حصل فيا ايه طول المدة اللي جالك فيها غيبوبة دي كنت حاسس إن قلبي هيقف أقسم بالله .. الحمدلله إن اتطمنت عليكي 
أسماء إبني فين .. وحازم فين يازياد
زياد حازم مشغول كالعادة في كام حوار كدا 
أسماء دورت وشها بزعل 
بينها وبين نفسها حتى في الحالة دي تسيبني ياحازم ! كله كوم والمرة دي هتكون كوم تاني 
أسماء وفين إبني يازياد 
زياد بخير في الحضانة وقرب يخرج 
أسماء حضااانة !! لييه ماله 
زياد اهدي اهدي إبنك زي الفل اول ما نزل بس حالته مكانتش مستقرة ودلوقتي بقا تمام الحمدلله 
أسماء طيب اندهلي اي حد موجود بقا 
زياد طيب انا هرن الجرس اللي جنبك دا عشان يجولك واطير انا بقا عشان محدش يشوفني ..
راجعلك تاني ها 
أسماء وانا هستناك 
مروان وتامر و كريم كل واحد فيهم بيدور في إتجاه لوحده
مروان ماشي ينده على رهف بعلو صوته على أمل إنه يلاقيها 
مروان ماشي جنب شط رههههههف 
انتي فين ياحبيبتي اديني أي إشارة بس .. أي إشارة صغيرة وانا هجيبك لو من تحت الأرض .. يارهف أبوس ايديكي ساعديني وفوقي انا مش حمل ۏجع قلب اكتر انا قلبي اتمزق من الۏجع الفترة اللي فاتت واتمزق اكتر لما عرفت الحقيقة .. مش هستحمل ۏجع اكتر 
واقف بيدب على شجرة يارهففففففف انتي فييييييين 
بيتلفت ع البحر .. على بعد ١٠ أمتار من الشط رهف بټغرق 
بيتلفت مروان ع البحر .. على بعد ١٠ أمتار من الشط رهف بټغرق 
قلع الچاكت وجري نط في البحر .. بدأ يعوم بأسرع ما عنده عشان ينقذها 
بدأت تفقد الوعي بما إن بقالها كتير كاتمة نفسها تحت الماية وكانت بټغرق .. وصلها مروان شالها بسرعة وعام بيها لحد ما وصل عند الشط حطها ع الرمل وبدأ يفوق فيها بلهفة وخوف .. يخبط على وشها ويحرك فيها 
قرب منها حس إنها مبتتنفسش والأكسجين واطي جدا بدأ يضغط على بطنها عشان يخرج الماية .. يعملها تنفس صناعي 
مازالت مغم عليها 
مروان بيضغط على بطنها لا يارهف بالله عليكي انا ما صدقت لقييييتك أبوس ايدك فوووووقي 
تامر وكريم جايين من بعيد .. مجرد ما تامر شاف رهف نايمة ع الأرض ومروان جنبها بيفوقها جري عليهم وبدأ يهز في رهف جامد 
تامر رهههههف مااااالك فيها ايييييه .. مالها يامرواااان حصل ايه في غيابنا انطططططق 
مروان بيبصله باستغراب !! مردش عليه ورجع تاني يفوق في رهف ويضغط على بطنها 
ومع شقشقة النهار وشروق الشمس فوق البحر فتحت رهف عينيها .. خرجت ماية كتير من بوقها وبدأت تكح جامد
عدلها مروان وحضنها حضڼ جامد اوووووووي بلهفة وشوق فظيع
مروان بيعيط الحمدلله يارب .. الحمدلله 
كنت خاېف اوووي تروحي مني بعد كل اللي عملته فيكي الحمدلله 
بعدها تاني ومسك وشها بايديه الاتنين سامحيني يارهف سامحيني انا غلطت في حقك جامد اوي 
رهف بتبصله بتعب وشها أصفر وعينيها هزلانى وتعبانة .. مش سامعة هو بيقول ايه أصلا 
تامر بيغمض عينه الحمدلللللله
كريم حمدالله على سلامتك يارهف خوفتينا عليكي 
رهف بتعب انا عاوزة أروح بيتي 
مروان تامر قوم معلش أمن الدنيا كدا وشوف لو حد متربص هنا ولا هنا وانت ياكريم جهزلنا العربية

وحاول تقرب بيها على مااجيب رهف واجي 
قام تامر وكريم مشيوا .. مروان قاعد على الشط وساند رهف 
مروان قلبي كان هيقف من خۏفي عليكي أقسم بالله لو كان حصلك حاجة انا كنت ھموت وراكي ولو كانت جت على أذية شعره منك بس كنت هحرق الدنيا باللي فيها وبردو مش هسامح نفسي 
رهف ياااه .. بقالي كتير اوي مسمعتش منك كلام حلو بس للأسف جيت تقول الكلام الحلو في الوقت الغلط 
سندت دماغها على كتفه وراحت في النوم من التعب واليوم الطووووويل دا 
شالها ومشي بيها .. لحد ما كريم وصل بالعربية فتح العربية وحطها وركب جنبها 
مروان تامر فين 
كريم جاي من بعيد اهو 
جه تامر فتح باب العربية وركب جنب مروان 
تامر بقولك ايه يامروان .. ماتيجي ناخد أحمد وهو متكتف زي ماهو كدا معانا القاهرة بما إننا هنروح نستقر هناك وياعالم هنيجي تاني امتى 
مروان لا لا انا مش مستعد أشوفه دلوقتي لو شوفته هقتله والحكومة هتربط الأحداث ببعض وهيكشوفنا وهنتحبس خليه بعيد عني الفترة دي احسن
تامر تمام .. اطلع ياكريم 
في الشارع 
حازم عمال يلف بصورة رهف يوريها لكل

الناس على أمل حد يكون شافها 
في المستشفي 
ماجدة وصالح وإيمان قاعدين مع أسماء في الغرفة .. إيمان واقفة ماسكة ايديها
ماجدة حمدالله على سلامتك ياحبيبتي يعلم ربنا احنا كنا عاملين ازاي اليومين اللي فاتوا دول من خوفنا عليكي 
صالح حمدالله على سلامتك يابنتي 
أسماء الله يسلمكوا 
ال٣ عمالين يبصولها وعايزين يقولولها إن حازم مش موجود عشان رهف ضايعة وبيدور عليها .. وفي نفس الوقت مش عاوزين يقلقوها وتتعب زيادة 
أسماء طبعا متعرفش كل الكلام دا الحاجة الوحيدة اللي في بالها دلوقتي حتى في الموقف دا حازم مش موجود 
صالح يلا قوموا نخرج بقا ونسيبها تستريح شوية 
إيمان لا لو تعبانين أخرجوا انتو وانا هقعد معاها معلش 
صالح يابنتي سيبيها ترتاح دي لسة مفاقتش كويس حتى
أسماء اسمعي كلام بابا ياايمان متذنبيش نفسك جنبي ع الفاضي انا كدا كدا هنام خلاص 
إيمان ماشي 
خرجوا هما التلاتة من الغرفة وراحوا الغرفة التانية قعدوا فيها 
بعد نص ساعة 
أسماء نايمة حست بنفس جنبها فتحت عينيها 
زياد قاعد جنبها وباصصلها 
أسماء بخضة ايه يازياد في ايه 
زياد قولت اجي في الخباثة اتطمن عليكي 
أسماء انت لسة ممشيتش كل دا !! 
زياد امشي فين قولتلك انا مش هتحرك من هنا غير وانتي في بيتك 
أسماء بتبتسم فيك الخير والله يازياد 
زياد انا آخر واحد تقوليلي الكلمة دي 
أسماء مش فاهمة 
زياد انا لو عليا هعمل اكتر من كدا بكتيييير يااسماء 
أسماء ممكن اسألك سؤال يازياد بس ترد بصراحة
زياد اكيد اتفضلي 
أسماء انت بتعمل معايا كدا ليه 
زياد ما بلاش السؤال دا 
أسماء معلش .. ريحني 
زياد حسيتك شبهي ظروفك زي ظروفي 
في كل مرة ببص في عينك بحس إني شايفني .. وعشان كدا طول الوقت مش عايز اي حاجة من الدنيا غير إني أشوفك مرتاحة ومبسوطة 
أسماء وانا اكتر حاجة مفتقداها يكون ليا ضهر يازياد 
زياد أوعدك لو بقيتي معايا هتفضلي متطمنة بقيت حياتك 
أسماء وجوزي 
زياد أمره سهل .. اخلعيه 
أسماء بتدور وشها وبتسرح في كل حاجة عملها معاها حازم من أول جوازهم وبالذات آخر موقف 
أسماء هنعمل ايه 
زياد دلوقتي أنسب وقت نتحرك فيه وانتي في المستشفي والدنيا خربانة كدا انا هنزل الأول وهستناكي في العربية في الجراچ وهقولك دلوقتي الخطوات اللي هتعمليها عشان تنزليلي في ظروف ١٠ دقايق بالظبط من غير ماحد يحس 
في بيت جاد 
شمس رايحة جاية في الشقة متوترة وبتعيط .. نفسها تتطمن أو تفهم ايه اللي بيحصل 
مسكت تليفونها وحاولت تتصل بتامر تاني .. رد عليها 
تامر أيوة ياشمس 
شمس اخيراااا رديت ايه طمني عملتوا ايه .. قولي انكو انقذتوها 
تامر اه ياشمس لحقيناها في اخر لحظة وراجعين بيها في الطريق 
شمس بتغمض عينيها الحمدلللللله يارب تمام انا قاعدة مستناكوا أهو 
في الشاليه 
خالد قاعد هيتجنن متوتر وعمال يهز في رجله 
مسك تليفونه واتصل بعمه يحي … التليفون مغلق
خالد !!!!!!
مغلق .. ازاي يعني 
حاول يتصل بأي حد من رجالة عمه محدش فيهم بيرد 
خالد يعني ايه الكلام دا !!
خرج بسرعة على برا .. لقى اتنين رجالة بودي جارد قاعدين على باب الشاليه 
خالد انتو مين ومين باعتكوا 
واحد فيهم احنا رجالة يحي بيه جايين نحرس سعادتك
خالد لا ياحبيبي سعادتي مش محتاج حراسة وسعوا بقا عشان ورايا مشوار 
التاني انا آسف يااستاذ خالد بس يحي بيه محرج علينا سعادتك متخرجش غير بإذنه 
خالد مخرجش غير بإذنه !!!
انا قلبي مش متطمن .. اتصلي يابني بعمي أما أشوف قصده ايه باللي بيحصل دا
واحد فيهم انا آسف يافندم بس مينفعش نتصل بيه احنا هو لما بيحتاجنا بيتصل 
خالد اهااا .. انا كدا فهمت 
طلع سلاح وضړب الاتنين طلقتين وجري 
حازم ماشي في الشارع مازال بيدور .. إيمان بتتصل بيه 
حازم بيرد أيوة ياايمان 
إيمان ايه ياحازم انت مبتردش عليا ليه كل دا 
حازم بدور على اختك ياايمان ومش فاضي أرد 
إيمان ماشي ياحازم .. عموما انا كنت عاوزة أقولك إن مراتك فاقت الحمدلله 
حازم بفرحة ايه 
انتي بتتكلمي بجد 
إيمان اه والله بتكلم بجد .. تعالي شوفها يلا 
حازم طيب اقفلي انا جاي حالااااا 
قفلت معاه إيمان وحطت ايديها على دماغها ياترى انتي فين يارهف .. ارجعي بقا أبوس ايدك كفاية كدا 
في عربية مروان 
رهف نايمة في حضڼ مروان وضايعة خالص مروان عمال يبصلها ويتأمل في ملامحها 
مروان بينه وبين نفسه انا آسف ياحبيبتي انا آسف والله 
حط ايده على بطنها وانت كمان سامحني مكانش ليك ذنب في كلللل العك اللي حصل بسببك دا 
كريم احنا خلاص قربنا نوصل اهو .. هانت الحمدلله 
تامر بيبص على رهف بزعل حاولت احميكي بكل الطرق حاولت احذرك وانبهك
بس انتي كنتي ابرئ بكتير من إنك تفهمي حيل ناس ولاد كلب وعارفين هما بيعملوا ايه
حازم وصل المستشفى .. دخل يجري على غرفة أسماء
حازم بيفتح الباب وداخل حبيبتي 
أسماء مش نايمة على السرير !!
حازم برق أسماء !!!
دخل على الحمام فتحه وبص بردو ملقاهاش 
خرج على برا اسماااااء 
جم ابوه وامه وإيمان يجروا 
صالح ايه يااابني فيه ايه 
حازم أسماء فين يابا 
صالح كانت لسة هنا 
إيمان ايه ده هي راحت فين 
حازم راحت فين !!!
لا حد يفهمني ايه اللي بيحصل بقا 
ماجدة يابني احنا نفسنا منعرفش ايه اللي حصل احنا كنا لسة قاعدين معاها قبل مانكلمك على طول وسيبناها تنام شوية 
حازم دخل تاني الأوضة بص ع السرير 
طرف ورقة طالع من تحت المخدة 
طلع الورقة وفتحها وبدأ يقرا اللي فيها 
استنيتك كتير اوي ياحازم .. استنيتك لحد ما الصبر نفسه زهق مني 
كنت بحبك حب لو تاقلته بأطنان حديد كافته اللي كانت هتطب .. بس للأسف انت دايما مكنتش موجود حتى وانا في اكتر وقت محتاجاك فيه مكنتش موجود ياحازم
كنت هسيبلك ابننا تربيه انت بس بردو للأسف ضميري مكانش هينيمني 
عارف ليه ياحازم 
عشان انت مخدتش بالك منه وهو لسة نقطة ډم في بطني عشان تاخد بالك منه لما ييجي الدنيا .. 
وعشان خاطر أي حاجة حلوة عملتها في حقك .. طلقني ياحازم وسيب ورقة طلاقي في أي مصلحة حكومية وانا هاخدها بطريقتي .. انا آسفة ياحبيبي 
حازم بيقرا الورقة ودموع عينيه بتسابق الكلمات المكتوبة ع الورقة .. وقعت الورقة من ايده 
حط ايديه

الاتنين على دماغه 
إيمان مسكت الورقة تقراها 
في عربية مروان
كريم خلاص اهو احنا على وصول 
مروان تمام دوس بنزين بقا عشان نخلص عاوز اوديها مستشفى ولا دكتور يطمني عليها 
داس كريم بنزين جااامد وفجأة جت قدامهم عكس عربية نص نقل وفيها اتنين خافيين وشهم وماسكين أسلحة .. وورا قاعدة دينا لابسة نقاب 
طلعت الفون واتصلت بحد 
دينا تمام ياباشا .. نفذت الخطة زي ماقولتلي بالظبط نص ساعة ورهف هتكون عندك 
وفجأة جت

قدامهم عكس عربية نص نقل وفيها اتنين خافيين وشهم وماسكين أسلحة .. وورا قاعدة دينا لابسة نقاب 
مروان وكريم وتامر برقوا .. الاتنين الملسمين فتحوا الباب ونزلوا من العربية 
لفوا على عربية مروان مدوا الأسلحة من الشباكين واحد في شباك الدريكسيون اللي قاعد عليه كريم .. التاني في الشباك اللي ورا اللي قاعد جنبه مروان 
الملسمين بهدوء ومن غير شوشرة سلمونا القطة اللي معاكوا دي هنسيبكوا تكملوا طريقكو اي عوء كدا ولا كدا هنفجر العربية باللي فيها 
تامر بيحط ايده على المسډس اللي حاطه في جنبه .. كريم بيمد ايده في الصندوق اللي على يمينه
مروان بيمسك رهف جامد وبيبص لكريم قدام 
مروان ألا قولي ياصحبي .. لو اللي قدامك مش ناصح 
كريم علمه 
مروان طب لو اللي قدامك مش صايع 
كريم غفله 
وفي ثانية طلع كريم قنبلة مسيلة للدموع رماها في وش اللي جنبه .. تامر ضړب طلقة في كتف اللي ناحية مروان 
على ما القنبلة اڼفجرت والتاني وقع في الأرض يتوجع كان كريم طاااار بالعربية واختفوا 
طلعت دينا من ورا تكح وتعطس وتدعك في عينيها 
دينا الله يخربيووووتكو .. روحنا في دااااهية 
وقفوا ال٣ بيحاولوا يفوقوا من اللي حصل .. ركبوا العربية وجريوا وراهم على أمل يلاقوهم 
في عربية كريم 
كريم فلتنا منيهممممم يارجاااالة 
تامر الحمدلله دا احنا كنا هنتشلفط 
مروان لا بس انت طلعت ذكي ياض ياكريم كنت بقولك السيم وانا حاطط ايدي على قلبي لا تفاجئني بغبائك 
كريم عيب عليك ياسطا متصغرناش 
مروان طب يلا بقا ياخويا خلصنا وسوق بسرعة عايزين نخلص من ام السفرية دي بقا وخلاص مش هنروح مستشفيات عشان دلوقتي الدنيا مبقتش أمان خلينا نروح البيت أحسن 
في المستشفي 
حازم مازال قاعد حاطط ايده على دماغه ودموعه نازلة
ماجدة هنعمل ايه في المصېبة دي يابني دي مشيت وخدت حتي الواد معاها 
إيمان مستغربين ليه 
كنتوا مستنيين ايه من واحدة عايشة ٢٤ ساعة في إهانة وذل وإهمال ! 
حازم بيقوم يقف ويمسح دموعه انتي عندك حق ياايمان بس رغم دا انا مش هسيبها 
لو حكمت أعيش اللي باقي من عمري بلف في الشوارع أدور عليها هعمل كدا ومش هيغمضلي جفن غير وهي في حضڼي 
لازم أكفر عن كل حاجة وحشة عملتها في حقها 
صالح لحد امتتتتتتتى .. لحد امتى هنفضل نلف في أم الدايرة دي !! 
كل يوم بندور على حد شكل كل يوم حد تايه كل يوم حد هربان كل يوم حد مدوخنا وراه
الناس قربت تاكل وشوشناااااا .. من كتر مابنتصل نسأل على عيالنا هنا وهناك 
تليفون إيمان بيرن كريم 
إيمان بترد بسررعة ايوة ياكريم .. في أخبار عن رهف 
كريم انتو لسة عندكو 
يابنتي روحوا على شقة مروان بسرعة متخليش أختك تقعد تستناكي كتير بقا 
إيمان بتتنطط بجدددد جيبتوها 
كريم اهدي اهدي يابنتي ڤضحتي الدنيا 
إيمان اهدى ايه دا انا قلبي كان هيقف من الخۏف عليها 
ماجدة ياما انت كريم يارب 
حازم الحمدلله اتطمنا عليها انا نازل بقا 
صالح يلا احنا كمان نروح على بيت رهف نتطمن عليها
وصلوا مروان ورهف وكريم وتامر عند البيت .. مروان فتح الباب ونزل شال رهف وطلع بيها على فوق ووراه كريم وتامر 
قدام باب الشقة 
مروان تامر خد مفتاح الشقة من جيبي افتح الباب عشان مش هعرف افتحه 
خد تامر المفتاح فتحلهم الباب ودخل بيها على اوضة النوم نيمها ع السرير 
وخرجلهم الريسبشن
تامر طيب انا هطلع انا ابص ع الجماعة كدا فوق واريح شوية
بصله مروان باستغراب للمرة التانية في نفس اليوم !
كريم وانا هدخل الحمام لحسن مزنوق من أول الطريق 
مروان تمام 
كل واحد راح في إتجاه ودخل مروان تاني لرهف .. غطاها وقعد جنبها 
مشى ايديه على وشها بكل حنية وحب 
مخه بدأ يعمل فلاش باك على كل الأوقات الصعبة اللي مرت عليهم .. كل مرة كلمها فيها وحش .. كل مرة اتهمها في شرفها .. كل مرة شك فيها وفي أخلاقها وجرحها بالكلام 
عينيه دمعت وطي وحط دماغه على بطنها 
مروان البطن دي شايلة أغلى رزق في الدنيا شايلة حاجة من الجنة بغبائي كنت رافضها وبهاجمك عشانها يارهف 
من حقك متسامحينيش من حقك تثوري وتشتميني وتضربيني كمان وتطلبي الطلاق 
اللي استحملتيه الفترة اللي فاتت محدش يستحمله 
الغريب إن لحد آخر لحظة فضلتي متمسكة بابني في بطنك اللي واحدة غيرك كانت اتخلصت منه من أول يوم
فجأة حس بايديها بتتحط على راسه اللي على بطنها وبتطبطب عليه 
اتخض ورفع دماغه بسرعة بصلها .. رفعت عينيها وبصتله بنظرة تحمل كلام كتييييير مش مفهوم 
بس الحاجة الوحيدة اللي فهمها من نظرتها إنها لسة بتحبه 
الباب خبط .. قام مروان يفتح
شمس داخلة تجري على جوا رههههف 
دخلت جري على أوضة رهف .. أول ما شافتها حضنتها 
شمس حمدالله على سلامتك يارهف حمدالله على سلامتك ياحبيبتي 
انا السبب في كل دا 
رهف بتعب سبب في ايه ياشمس متقوليش كدا كان لازم اعرف عايز ايه مننا
مروان وطلع عايز ايه يارهف 
رهف …….
جاد داخل متضغطش على مراتك بأسئلة كتير يامروان حمدالله على سلامتك يابنتي .. خدي بالك من نفسك اكتر من كدا بالله عليكي 
رهف الله يسلمك يابابا 
مروان واقف باصص لشمس بإستياء وخذلان فظيع .. شمس أخدت بالها بصت في الأرض وزعلت 
كريم خارج من الحمام لقى الجرس بيرن راح يفتح الباب … إيمان وصالح وماجدة
كريم أهلا أهلا تعالوا اتفضلوا 
دخل صالح وماجدة بسرعة على جوا .. وقفت إيمان قدام كريم 
إيمان شكرا ياكريم 
كريم شكرا على ايه 
إيمان علي وقفتك معانا طول الوقت
كريم شكرا ايه يابنتي احنا بقينا أهل ومفيش بيننا الكلام دا دا واجب عليا 
إيمان ربنا يخليك لينا 
يلا انا هدخل اتطمن على رهف 
ماشي حازم في الشارع زي المخبوط على دماغه .. تايه لا عارف هو رايح على فين ولا المفروض يعمل ايه 
فلاش باك 
اسماء عارف انا حبيتك ليه ياحازم 
حازم ليه يااسماء 
أسماء عشان شوفت فيك عرق الرجولة والنخوة شادد زيادة عن بقيت الرجالة قولت بس هو دا السند والضهر اللي هيعوضني عن غياب أهلي .. هيقف في ضهري ضد الدنيا 
بعد الجواز بقا اټصدمت .. اټصدمت إنك كل مرة بتيجي مع الدنيا ضدي ياحازم 
اټصدمت إن عرق الرجولة الشديد اوي دا مبيشدش عشان تدافع عني بيشد عشان تأذيني اكتر واكتر 
نرجع من الفلاش باك 
حازم غبي مستهتر متهور عصبي بحماقة معنديش ذرة تفاهم معنديش رحمة ولا بقبل في العفو 
ووسط كل الصفات دي اكتشفت إن ليا قلب لسة بيدق .. قلب بيتحررررق كل ما افكر اني ممكن اكون خسرتك يااسماء پيتحرق اكتر لما بيوحشني صوتك ضحكتك لمستك
حتى نظرتك وقت الڠضب اللي كنتي بتحاولي تداريها عشان بنت أصول
فوقت متأخر اووووووي .. فوقت بعد ما ضيعت كل حاجة

من ايدي 
في بيت رهف ومروان 
قاعدين كلهم في الريسبشن .. مروان وكريم وإيمان وصالح

وماجدة 
رهف خارجة عليها بعد ما غيرت هدومها .. خارجة ماشية براحة وتعبانة 
قام مروان بسرعة سندها لحد ما وصلت للركنة وقعدت عليها 
ماجدة بصي انا هقوم اعملك فرخة محشية كدا ترم عضمك بعد اللي شوفتيه 
صالح خديني معاكي ياام حازم أغسل ايدي بالمرة 
مروان بقيتي كويسة يارهف 
رهف اه كويسة 
إيمان دلوقتي بتسألها انتي كويسة 
كان فين سؤالك دا لما كانت بټموت كل يوم لوحدها 
مروان ماتخليكي محضر خير بقا يامونمون 
إيمان ماشي ياخويا 
ابقوا احكولي اللي حصل بالتفصيل بقا عشان مفهمتش كويس 
رهف مروان .. فيه حد قريب مننا اوي بيساعد خالد وأخوه على اذيتنا 
حد لازم نكتشفه بسرعة قبل ما يدمرنا 
مروان حد قريب مننا !!! 
مين دا 
كريم حد زي مين يارهف !
رهف معرفش بس حسيت من كل كلمة قالها إن فيه حد بيساعده يعرف كل تفاصيل حياتنا لدرجة إنه شككني في كل اللي بتعامل معاهم 
إيمان بس احنا لازم نكتشف مين الشخص دا بسرعة جدااااا قبل ما يعمل حاجة اكتر من كدا كفاية مصايب بقا 
حازم بيفتح باب الشقة وداخل عشان يغير هدومه وينزل يكمل تدوير على أسماء 
فتح باب الشقة ودخل مد ايده نور النور وبيتلفت 
أسماء قاعدة عالكنبة وفي ايديها البيبي 
حازم اتخض وبرق 
أسماء بابتسامة قولت اجي اسبقك انا وهو على هنا .. مش ناوي تبوس ابنك بقا وتعوضه عن اللي فاته الأيام اللي فاتت !! 
حازم واقف مصډوم مش مصدق اللي هو شايفه 
خالد راكب عربيته .. بيتصل بعمه فتحي
خالد أيوة ياعمي .. عملت ايه 
فتحي قولتلها على الخطة كلها نفذتها وبردو فشلت وفلتوا منها 
خالد نعم يعني هما هربوا برهف بعد كل دا !!!!!!
فتحي ايوة
خالد ايوة اااااااايه .. انتو متفقين عليا ولا ايه !!
امبارح عمي ېغدر بيا والنهاردة انت تفشل في العملية عشان باعت بت فشلة زي دينا 
لاااا يبقى انتو قاصدين بقا 
فتحي قاصدين ااايه ياواد انت ماتتكلم باحترام وخليك فاكر انك بتكلم عمك مش واحد من الشارع .. وبعدين اللي انت بتقول عليها فشلة دي هي اللي مخلصالك كلللل حاجة من أول ويمكن كانت بتشتغل اكتر من زياد اللي انت جايبه دا 
هتنكر 
خالد بقولك ايه ياعمي انا هقفل أحسن واروح اتصرف في المصېبة دي بمعرفتي سلام
في الشقة 
حازم واقف مصډوم من اللي شافه .. قامت أسماء وعلى ايديها ابنها وقربت على حازم اديته البيبي 
حازم مسكه .. باسه وحطه في حضنه غمض عينه وخد نفس عميييييق .. باس دماغه وراح نيمه على الكنبة ورجع لأسماء 
حازم كنتي ناوية تمشي 
أسماء مقدرتش العشرة مبتهونش إلا على ولاد الحړام 
حازم بيحضنها وبيعيط سامحيني ياحبيبتي .. سامحيني انا غلطت في حقك
أسماء عينيها بتدمع وبتمسك نفسها 
حازم بيبعد عنها ومستغرب انتي لسة زعلانة مني 
أسماء مش معنى إني رجعت إني مسمحاك أو ناسية اللي حصل .. بس كل حاجة بتاخد وقتها 
حازم أوعدك هعمل كلللل اللي أقدر عليه عشان اعوضك عن كل اللي فات 
أسماء حتى لو عرفت إني كنت هروح لراجل غيرك 
حازم ملامحه بيتغير .. وشه بيحمر 
بيغمض عينه لدقيقة فجأة استجمع أعصابه 
فتح عينيه حتى لو كنتي روحتيله فعلا كنت هعذرك بعد اللي كنت بعمله معاكي يااسماء 
أسماء بس وقتها كنت هبقى خاېنة 
حازم وعشان كدا انا هعمل نفسي مسمعتش حاجة من اللي قولتيه حتى لو كانت الفكرة في دماغك مكنتيش هتقدري تنفذيها .. انتي بنت أصول ومتربية 
طلع من جيبه خاتم دهب في علبة حمرا صغننة 
حازم كنت جايبها وانا راجع لما عرفت إنك فوقتي .. كنت عاوز افرحك 
بس معتقدش فيه وقت أنسب من دا اديهولك فيه 
في بيت مروان 
صالح وماجدة بيفتحوا الباب عشان يروحوا هما عشان تعبوا .. اتفضل في البيت رهف ومروان وكريم وإيمان 
في أوضة رهف 
رهف واقفة بتسرح شعرها قدام التسريحة .. خلصت بتفتح درج التسريحة عشان تجيب توكة تلم شعرها لقت علبة صغيرة مكتوب عليها من فوق RAHAF فتحت العلبة .. لقت خاتم دهب 
ابتسمت وعملت نفسها مش واخدة بالها .. حطت العلبة تاني في الدرج وقفلت لمت شعرها وخرجت على الريسبشن تقعد معاهم
رهف ومروان .. إيمان وكريم 
قاعدين 
كريم طيب .. بالمناسبة الحلوة دي عاوز أتكلم معاكم في حوار كدا 
في الحقيقة هو مش حوار هو عرض 
مروان ايه يابرنس اتكلم 
كريم بيبص لايمان نظرة طويلة وفجأة 
طلع من جيبه خاتم دهب 
حازم تتجوزيني ياايمان 
كريم تتجوزيني ياايمان 
إيمان اټصدمت وبرقت .. لسانها تقل وعينيها نزلت في الأرض من الصدمة والكسوف 
مروان اوبااا دا الموضوع طلع كبير بقا وانا آخر من يعلم 
رهف انت بتتكلم بجد ياكريم 
كريم اه بتكلم بجد .. انا بحب إيمان من زمان جدا
يمكن من أيام ماكانت بسمة لسة على زمتي ويمكن دا حصل بسبب تقصير بسمة معايا في كلللللل حاجة وكرهها ليا ولظروفي ولحياتها معايا
بس انا كنت بحاول أبعد الفكرة عن تفكيري عشان انا متجوز ولازم أكون مخلص ١٠٠٪ 
بس من ساعة ما طلقت وبقيت أعذب وحصل كل المصاېب اللي حصلت دي قربا من إيمان اكتر وحبيتها اكتر بكتييير ماكنت أصلا بحبها
بصي ياايمان .. 
انا عارف إنك لسة بنت وطبيعي ممكن جدا متوافقيش على واحد كان متجوز قبل كدا 
بس انتي لو لفيتي الدنيا دي كلها كعب داير مش هتلاقي حد يحبك ربع حبي ليكي وانا لو لفيت نفس الدنيا مش هلاقي ضفرك … ومع ذلك بردو انا هسيبك تفكري وتاخدي قرارك وأيا كان القرار تأكدي إني مش هزعل وهفضل بردو بحبك 
إيمان تعبيرات وشها اتغيرت .. قامت وقفت
إيمان طيب انا هروح بقا يارهف عشان الوقت أتأخر تصبحوا على خير 
فتحت الباب ونزلت 
كريم هي اتدايقت 
رهف لا هي اتحرجت بس عشان انت عارف إيمان بتتكسف اوي عموما ياكريم انت شاب محترم جدا وانا اكيد مش هلاقي أحسن منك لأختي بس للاسف دلوقتي الموضوع مش في ايدي انا 
لازم الأول إيمان توافق وقبلها بابا وماما وبعدين حازم .. وهكذا 
كريم خدوا راحتكم على الاخرررر ومعاكوا من يوم لسنة تفكروا براحتكوا
حازم واقف مادد الخاتم الدهب لأسماء 
أسماء پصدمة جايبلي خاتم دهب !!
حازم والبسهولك كمان 
مسك ايديها لبسها الخاتم .. أسماء بصالها مصډومة من اللي بيعمله 
حازم بصي بقا ياستي انا مجهزلك حتة سفرية إنما اااايه .. هتخليكي تنسي الولادة والتعب والمشاكل وتنسي أسمك كمان هنزل بس اجهزلها شوية حاجات كدا دلوقتي عشان نسافر بكرا الصبح 
أسماء تمام 
سابها حازم وفتح الباب ونزل .. 
أسماء رجعت قعدت على الكنبة 
فلاش باك اليوم اللي قبله 
قالها زياد على الخطة وقام نزل على تحت .. بعدها نفذت كل حاجة ونزلت

خطفت ابنها من الحضانة وبدأت تنزل ع السلم الخلفي عشان تدخل الجراج .. بتنزل سلمة وتطلع سلمة 
وقبل الجراج ب٣ سلالم بالظبط بصت في وش ابنها اللي بيعيط .. شافت فيه وش حازم 
شافت فيه كل حاجة مرت بيها الفترات اللي فاتت وكل حاجة تخص حازم .. كل نظرة كل كلمة كل لمسة كل موقف حتى المواقف الۏحشة 
فجأة اتلفتت وطلعت تجري على فوق .. لفت ونزلت من السلم الأساسي على تحت .. قعدت تحت شجرة هي و ابنها تفكر هتعمل ايه 
رجعت أسماء من الفلاش باك على صوت خبط الباب 
قامت تفتح الباب .. ملقتش حد قدامها بتلف يمين تشوف مين ع السلم 
جه

الصفحة السابقة 1 2 3 4 5 6 7 8 9 10 11 12 13 14 15الصفحة التالية
اظهر المزيد

مقالات ذات صلة

شاهد أيضاً
إغلاق
زر الذهاب إلى الأعلى