صاحب جوزى كامله

شوفتي ممكن يتصل في اي وقت ولو اتصل بيها وانا في المواصلات هقوله ايه يعني لا انا مش هعمل حاجه من وراه وبعدها ردت عليه
رؤوف 
في ايه مالك يا اسماء سبت الجرس يرن ثلاث مرات ليه هو انتي فين كده افتحي الكاميرا
اسماء 
ابدا يا حبيبي معلش اصل انا كنت في المطبخ والتليفون كان على الترابيزه وخرجت جري اول لما سمعت صوت رنتك
رؤوف 
قولتلك كذا مره تاخدي التليفون معاكي في اي مكان تكلميني منه انت سامعه ولا لا لان انا ممكن اتصل في اي وقت
اسماء 
حقك عليا والله يا حبيبي غلطه وعمرها ما هتتكرر تاني بعد كده هاخد التليفون معايا ندى اختي هنا وبتسلم عليك. بعدها قفل السكه
ندي 
بصراحه جوزك ده قليل الذوق قوي انا مش عارفه انتي متحملاه ازاي يا بنتي

اسماء 
لو سمحت يا ندى ما تتكلميش عليه بالطريقه اللي انتي بتتكلمي بيها دي وبعدين ممكن تكون شبكه عادي يعني
ندي 
اه شبكه مانا عارفه بقولك اي أنا قائمه 
امشي وخليكي انتي هنا بقي لوحدك 
كده سلام وبعدها مشيت واسماء 
فضلت ټعيط ورنت عليه
رؤوف 
ايوه قولتلك كم مره قبل ما اختك ما تيجي البيت لازم تتصلي بيها وتعرفيني انا من حقي اعرف مين اللي داخل شقتي
اسماء 
حقك علي والله رؤوف ما هتتكرر تاني بس هي جات ليا اقولها ايه يعني ايه مش هتطلعي بره
رؤوف 
لا ما تقوليش حاجه خليكي ساكته اسمعي يا اسماء انا حاسه ان اختك دي اللي هتخرب عليك انا لحد دلوقتي راضي ان انتي مش جايبه ليا حته عيل ومش راضي يتجوز عليكي
اسماء
اوعدك يا حبيبي والله لو جت تاني من غير ما تتصل بيا مش هفتح لها بشقه بس ارجوك يا رؤوف ما تزعلش مني انت واحشني قوي والله وانا ما صدقت انك اتصلت بيا انا مش بخرج من البيت خالص وما فيش اي حاجه بتسليني
رؤوف 
انتي كمان وحشاني ادخلي الاوضه يلا علشان 
عايز اتكلم معاكي وبعدها دخلت وعدا كام يوم 
وكانت حماتي بتكلم ابنها
الحما 
ايوه يا حبيبي عامل اي فينك بقالك يومين 
مش اتصلت بيا
شريف 
معلش يا ماما الشغل بقي اعمل اي بقولك 
معلش عامل اتصل ب منيره مش بترد 
خالص هي فين
الحما 
منيره نزلت يا حبيبي هي ليها راجل 
يحكمها علشان تخاف منه
شريف 
اي كلامك الغريب ده يا ماما ما تخلي 

بالك من كلامك معايا
الحما
جرا اي هو انت مش قادر علي 
تتشطر علي البردعه قولتها انتي فيكي الطمع 
يا بنتي مينفعش تفضلي خارجه داخله 
كده كتير
شريف 
خالص يا ماما لما الهانم تيجي 
خليها تكلمني ضروري وفي الوقت ده انا 
دخلت وحماتي قالت
الحما 
اهي با حبيبي جت خد يوم عايز تقولها اي 
وانا اخدت التلفون ودخلت اوضتي
شريف
انتي ازاي يا هانم تخرجي من غير اذني..
منيره
جرا ايه يا شريف ما انت من يوم ما سافرت وانا لما باجي
اخرج بقول لحماتي وعمرك ما اتكلمت..
شريف
لا معلش دلوقتي الوضع

اتغير وبعد كده لو طلعتي من البيت من غير ما اعرف هتبقي طالق مني بالتلاته..
منيره 
انت ايه الكلام الغريب اللي انت بتقوله ده بقي عايز تطلقني يا شريف بتحلف عليا بالطلاق.. وقفل السكه في وشي..
دخلت هبه وقالت
مالك يا بنتي صوتك عالي كده ليه ده كويس ومانا نامت ايه ده مالك بټعيطي ليه..
منيره 
انا تعبت بجد من اخوكي من لما رفضت ابعتله صور واتكلم معاه زي ما انا عايزه وهو قالب عليا واقل سبب تافهه بيفضل يزعق ويعملها خڼاقه..
هبه 
ما هو راجل زي لي راجل وبعدين هو ايه الغلط ان تشوفي طلبات جوزك..
منيره
هو انا قولت لا بس خليه يجي هنا وانا هبقي تحت امره انما جو الصور والحاجات دي بحس انه شاقطني مش جوزي..
هبه
اممم علي العموم ده جوزك وانتي عارفه ايه اللي هيريحه ويخليه يبقي كويس معاكي وبلاش العند ده عشان بيتك ما يتخربش..

منيره 
طيب استني انتي لابسه كده ورايحه فين بس..
هبه 
هكون رايحه فين يعني وبعدين انا ماشيه رايحه بيتي كنت مستنياكي تيجي من عند امك عشان ارجع انا..
منيره 
معلش اتاخرت عليكي يا حبيبتي..
هبه 
لا تأخير. ولا حاجه وفكري في كلامي كويس ها بلاش نشفان دماغك ده..
_ قالت كلامها ومشيت وانا نمت وتاني يوم صحيت الصبح بدري علي موبيلي اللي بيرن وكان شريف..
رديت عليه وقولت 
نعم يا شريف في ايه…
شريف 
انتي برضو اللي زعلانه يا منيره..
منيره 
ليه ازعل يعني هو انت عملت حاجه عشان تزعلني اصل انا اللي خلفت عليك يمين طلاق وزعقت فيك علي حاجه ما تستاهلش..
شريف 
خلاص بقي قلبك ابيض وبعدين يا ستي انا بعد كده هكون مرتاح لما تيجي تخرجي وتكلميني تقوليلي..

منيره 
حاضر يا شريف هبقي اكلمك واقولك..
شريف
شكلك كده لسه صاحيه من النوم احنا الوقت دلوقتي عندنا بعد العصر..
منيره
لا احنا لسه الساعه تسعه بس الجو هنا بقي ساقعه اووي اليومين دول..
شريف
بقولك ايه انا وحشني اووي شكلك وانتي صاحيه من النوم ما تفتحي الكاميرا كده نتكلم شويه..
منيره 
تاني يا شريف انت ما تعرفش اما بحس بأيه لما تطلب مني كده..
شريف
هو ايه الكلام الغريب ده انا جوزك يا منيره هو تنا حد غريب..
منيره 
بص يا شريف عشان نرتاح من الموضوع ده عايزني تعالي هنا براحتك انما جو التليفونات والنت ده انا مش بحبه بعد اذنك طالعه اجهز الفطار لحماتي…
_ قالت كلامها وقفلت الفون وطلعت لقيت حماتها واقفه ورا الباب وبتضحك..