صاحب جوزى كامله

منيره بضيق
في ايه يا حماتي ايه اللي بيضحكك اووي كده علي الصبح..
الحما 
خيبتك يا حبيبتي هما ايوه بيقولو عليكي محترمه بس الست لما تبقي مزوداهم. مع جوزها بتبقي عبيطه وبتفتح السكه لغيرها..
منيره. 
شكرا يا حماتي علي النصيحه بس انا كده مرتاحه مع جوزي ومش بحب حد يتدخل بينا..
الحما 
وانا ايه اللي هيدخلني اصلا. والله شكلي كده هفرح بيك قريب يا شريف يا ابني..
منيره 
انتي ايه الكلام اللي انتي بتقوليه ده يا وليه انتي…
الحما 
وليه في عينك امشي ادخلي علي المطبخ جهزي الفطار وروقي الشقه دي وبعد ما تخلصي اغسلي الهدوم..
منيره 
انا بعمل كده كل يوم لوحدي من غير ما تقوليلي بس ليه بقي اتغيرتي كده وبقيتي تزعقي فيا..

الحما 
انا اقول اللي انا عايزاه وانتي تسمعي كلامي وتنفذي الكلام اللي اقوله ولو مش عاجبك في ستين داهيه وانا هجيب لابني واحده تريحه وتسمع كلامه..
منيره 
لا حول ولا قوة الا بالله انا داخله اشوف اللي ورايا مش فاضيه ليكي ولكلامك ده يا حماتي..
_ وعند شريف جوزي كان قاعد مدايق جدا وقرب من رؤوف وقال..
رؤوف
اسكت اما
انا عرفت حتت بنت هنا هتيجي بكره ما اشوفلك صاحبتها..
شريف
ايه

الكلام الغريب اللي انت بتقوله ده انت عارف اني بحب مراتي..
رؤوف
طيب ما انا بحب مراتي برضو بس احنا هنا في غربه والواحد محتاج يرفه عن نفسه..
شريف
بقي انت بتقول كده ده انت مراتك مش مخلياك محتاج حاجه وكل اللي بتطلبه منها حاضر ونعم اومال لو محتاس زيي..
رؤوف 
يا صاحبي طيب مدام شايفه نفسها عليك كده ما تطلقها وتشوفلك واحده غلبانه زي اسماء مراتي..
شريف 
لا طبعا اطلق مني تصدق برغم ان دماغها ناشفه الا اني عمري ما شوفت ست زيها ولا قدرت اميل لواحده غيرها..
رؤوف 
هي للدرجادي حلوه يعني بديا شريف..
شريف
في نظري هي زي القمر وما شوفتش احلي ولا اجمل منها..
رؤوف 
طيب خليك انت كده بس اسمع مني صدرلها الوش الخشب هتلاقيها خاتم في صباعك..

شريف
اما نشوف يا اخويا اخرة نصايحك ايه…
_ وفي بيت اسماء كانت بتكلم ندي في الموبيل وقالتلها..
ندي 
يا بنتي عشان خاطري بقولك تعبانه والله ورايحه للدكتور وعايزه العيال يقعدو عندك لحد ما ارجع..
اسماء
خااص يا ندي هاتيهم بس امانه خليكي تروحي وتيجي بسرعه بلاش تتأخري قبل رؤوف ما يخلص شغله.. لانه اول لما يروح لازم يكلمني فديو
ندي 
انتي اللي مخلياااه يعمل فيكي كده ما تنشفي شويه معاه
اسماء
والله رؤوف طيب وبيحبني كفايه بس انه محتمل اني مش بخلف..
ندي 
يا ستي ما هو السبب ما يسيبك تروحي لدكتور تاني وتتعالجي ولا هو بقي بيتلكك..
اسماء
هيكون بيتلكك لايه بالظبط بقولك ايه بطلي كلامك ده عليه ولو سمحتي هاتي الولاد وتعالي مش عايزين تأخير..وفعلا جابتلها ندي العيال ومشيت وهي كلمت رؤوف عشان تقوله مش بيرد..
معتصم 
خالتوو عايز اروح اعمل بيبي..
اسماء 
ماشي يا حبيبي يلا بينا… وراحت معاه وسابت الفون علي السفره وقام مازن ميكه ورن علي رقم رؤوف وساب الفون..
وطلعت بعد شويه اسماء من الحمام وقالت وهي بتجري ورا معتصم…
اسماء
يا حبيبي استني عشان خاطري تعالي هنا.. وفجأه لقيت الموبيل بيرن برقم رؤوف.
اسماء بقلق 
بقولكم ايه يا حبايبي انا داخله جوه اتكلم في الفون اقعدو هادين… ودخلت جوه وردت..
اسماء
ايوه يا حبيبي انا معاك اهو عامل ايه..
رؤوف پحده 
انتي قاعده فين يا بت انتي ومين اللي عندك بټخونيني يا اسماء ده انتي يوم اهلك مش فايت..
اسماء بدموع 
انت ايه الكلام الغريب اللي انت بتقوله ده والله العظيم ما بخونك انت مين اللي قالك الكلام الفاضي ده..